ယာ​ကုပ် 4:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ပညတ်​တရား​ကို​ပေး​သော​သူ၊ တရား​စီရင်​သော​သူ​သည် တစ်ပါးတည်း​ရှိ​တော်မူ​ပြီး ထို​အရှင်​သည် ကယ်တင်​နိုင်စွမ်း​ရှိ​၍ ဖျက်ဆီး​နိုင်စွမ်း​လည်း​ရှိ​တော်မူ​၏။ သင်​မူကား မည်သူ​ဖြစ်​၍ မိမိ​ဝန်းကျင်​၌​ရှိ​သော​သူ​ကို​စီရင်​ရ​သနည်း။

Common Language Bible

¹² ဘု​ရား​သ​ခင်​တစ်​ပါး​တည်း​သာ​လျှင်​ပ​ညတ် တ​ရား​တော်​ကို​ပေး​၍​စစ်​ကြော​စီ​ရင်​ပိုင်​သော အ​ရှင်​ဖြစ်​တော်​မူ​၏။ ကိုယ်​တော်​တစ်​ပါး​တည်း သာ​လျှင်​ကယ်​တင်​ရန်​သော်​လည်း​ကောင်း၊ ဖျက် ဆီး​ရန်​သော်​လည်း​ကောင်း​တတ်​နိုင်​တော်​မူ​၏။ သင်​သည်​အ​ဘယ်​သူ​ဖြစ်​၍​မိ​မိ​၏​အိမ်​နီး ချင်း​ကို​စစ်​ကြော​စီ​ရင်​ရ​သ​နည်း။

Garrad Bible

¹² ကယ် တင် ခွင့်၊ ဖျက် ဆီး ခွင့် ပိုင် တော် မူ သော အ ရှင် သည် တစ် ပါး တည်း သော ဓ မ္မ သတ် ရှင်၊ တ ရား မင်း ဖြစ် တော် မူ၏။ အ ပေါင်း အ ဖော် ကို စီ ရင် ဆုံး ဖြတ် သော သင် ကား မည် သူ နည်း။

Judson Bible

¹² ပ​ညတ်​တ​ရား​ကို ထား​ပိုင်​သော​သူ၊ စစ်​ကြော​စီ​ရင်​ပိုင်​သော​သူ တစ်​ပါး​တည်း​ရှိ​တော်​မူ၏။ ထို​သူ​သည် ကယ်​တင်​ခြင်း​ငှာ​လည်း​ကောင်း၊ ဖျက်​ဆီး​ခြင်း​ငှာ​လည်း​ကောင်း၊ တတ်​နိုင်​တော်​မူ၏။ သူ​တစ် ပါး​ကို စစ်​ကြော​စီ​ရင်​သော​သင်​သည်​ကား အ​ဘယ်​သူ​နည်း။

ခေတ်သစ်​မြန်မာ သမ္မာကျမ်း

¹² ပညတ်တရား​ကို ပေးတော်မူသော​အရှင်၊ တရားစီရင်တော်မူသော​အရှင် တစ်ပါးတည်း​သာ ရှိ၏။ ထို​အရှင်​သည် ကယ်တင်နိုင်စွမ်း​နှင့် ဖျက်ဆီးနိုင်စွမ်း ရှိသော​ဘုရားသခင်​ဖြစ်တော်မူ၏။ သို့သော် သင်​သည် မည်သူ​ဖြစ်​၍ သူတစ်ပါး​ကို စီရင်ရသနည်း။

ယာ​ကုပ် 4:12 Referencias Cruzadas

ယောဘဝတ္တု။ 38:2

“ပညာမဲ့​သော​စကား​များ​ဖြင့် ငါ့​အကြံအစည်​ကို မှောင်မိုက်​စေ​သော ဤ​သူ​ကား မည်သူ​နည်း​။

ဟေ​ရှာ​ယ 33:22

အကြောင်းမူကား ထာဝရဘုရား​သည် ငါ​တို့​၏ တရားသူကြီး​၊ ပညတ်တရား​ရှင်​၊ ရှင်ဘုရင် ဖြစ်​တော်မူ​၏​။ ကိုယ်တော်​သည် ငါ​တို့​ကို ကယ်တင်​တော်မူ​မည်​။

မဿဲ 10:28

ကိုယ်ခန္ဓာ​ကို​သတ်​၍ အသက်​ဝိညာဉ်​ကို​မ​သတ်​နိုင်​သော​သူ​တို့​ကို မ​ကြောက်​ကြ​နှင့်။ ကိုယ်ခန္ဓာ​နှင့်​အသက်​ဝိညာဉ်​နှစ်မျိုးစလုံး​ကို ငရဲ​၌​ဖျက်ဆီး​နိုင်​သော​အရှင်​ကို​သာ ကြောက်​ကြ​လော့။

လုကာ 12:5

သင်​တို့​ကြောက်​ရ​မည့်​သူ​ကို သင်​တို့​အား ငါ​ပြောပြ​မည်။ ကိုယ်ခန္ဓာ​ကို​သတ်​ပြီးနောက် ငရဲ​ထဲသို့​ပစ်ချ​ပိုင်ခွင့်​ရှိ​သော​သူ​ကို ကြောက်​ကြ​လော့။ မှန်​ပေ​၏။ ထို​သူ​ကို​ကြောက်​ကြ​လော့​ဟု သင်​တို့​အား ငါ​ဆို​၏။

ရော​မ 14:13

ထို့ကြောင့် ငါ​တို့​သည် နောက်ထပ် အချင်းချင်း​မ​စီရင်​ဘဲ​နေ​ကြ​ကုန်စို့။ ထိုမျှမက ညီအစ်ကို​အတွက် ခလုတ်တံသင်း၊ သို့မဟုတ် မှားယွင်း​စေ​သော​အရာ​ကို​မ​ထား​ရန် စီရင်​ကြ​လော့။

ရော​မ 14:4

သင်​သည် မည်သူ​ဖြစ်​၍ သူတစ်ပါး​၏​အစေခံ​ကို စီရင်​သနည်း။ ထို​သူ​ရပ်​သည်​ဖြစ်စေ၊ လဲ​သည်​ဖြစ်စေ သူ့​သခင်​နှင့်ဆိုင်​၏။ သို့ရာတွင် သူ​သည်​ရပ်​လိမ့်မည်။ အကြောင်းမူကား သခင်​ဘုရား​သည် သူ့​ကို​ရပ်​စေ​နိုင်​တော်မူ​၏။

ရော​မ 2:1

ထို့ကြောင့် သူတစ်ပါး​ကို​စီရင်​တတ်​သော​အချင်း​လူ၊ သင်​သည် ဆင်ခြေ​ပေး​၍​မ​ရ။ အဘယ်ကြောင့်​ဆိုသော် စီရင်​နေ​သော​သင်​သည်​လည်း တူညီ​သော​အမှု​များ​ကို​ပြုကျင့်​နေ​သည်​ဖြစ်၍ သူတစ်ပါး​ကို​စီရင်​ရာ​တွင် သင့်ကိုယ်သင်​ပြစ်ဒဏ်​စီရင်​ရာ​ရောက်​၏။

ရော​မ 9:20

သို့သော် အချင်း​လူ၊ သင်​သည် မည်သူ​ဖြစ်​၍ ဘုရားသခင်​ကို ပြန်ခံ​ပြောဆို​သနည်း။ ပုံသွင်း​ခံရ​သော​အရာ​သည် ပုံသွင်း​ပေး​သော​သူ​အား “အဘယ်ကြောင့် ငါ့​ကို ဤသို့​ပြုလုပ်​ခဲ့​သနည်း”​ဟု ပြောဆို​နိုင်​ပါ​မည်​လော။

ဟေ​ဗြဲ 7:25

ထို့ကြောင့် ကိုယ်တော်​သည် မိမိ​အားဖြင့် ဘုရားသခင်​ထံ​တော်​သို့​ချဉ်းကပ်​သော​သူ​တို့​ကို အပြည့်အဝ​ကယ်တင်​နိုင်​တော်မူ​၏။ အဘယ်ကြောင့်​ဆိုသော် ကိုယ်တော်​သည် သူ​တို့​အတွက် အသနားခံ​ပေး​ရန် အစဉ်အမြဲ​အသက်ရှင်​လျက်​ရှိ​တော်မူ​၏။

ယာ​ကုပ် 5:9

ညီအစ်ကို​တို့၊ စီရင်​ခြင်း​မ​ခံရ​မည့်​အကြောင်း တစ်ဦး​အပေါ်​တစ်ဦး ပြစ်တင်​ညည်းညူ​ခြင်း​ကို​မ​ပြု​ကြ​နှင့်။ ကြည့်​ကြ​လော့။ တရား​စီရင်​သော​အရှင်​သည် တံခါး​ရှေ့၌​ရပ်​နေ​တော်မူ​ပြီ။

၁ ရာ 25:10

နာဗလ​က ဒါဝိဒ်​၏​အစေအပါး​တို့​အား “​ဒါဝိဒ်​ကား မည်သူ​နည်း​။ ယေရှဲ​၏​သား​ကား မည်သူ​နည်း​။ ယခု​နေ့ရက်​တို့​တွင် သခင့်​ထံ​မှ ထွက်ပြေး​သော​အစေအပါး များပြား​လှ​ပါ​တကား​။