ယာ​ကုပ် 1:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ လူ​သည် မိမိ​တပ်မက်​ခြင်း​၏​ဆွဲငင်​ရာ​သို့​လိုက်​ပါ​လျက် လှည့်ဖြား​ဆွဲဆောင်​ခြင်း​ခံရ​ကာ ဖြားယောင်း​သွေးဆောင်​ရာ​သို့ ရောက်​တတ်​၏။

Common Language Bible

¹⁴ လူ​သည်​စုံ​စမ်း​သွေး​ဆောင်​ခြင်း​ခံ​ရ​သည်​ဆို သည်​မှာ မိ​မိ​၏​ဆိုး​ညစ်​သော​လို​အင်​ဆန္ဒ​ဆွဲ ဆောင်​ရာ​သို့​လိုက်​ပါ​ခြင်း​ပင်​ဖြစ်​၏။-

Garrad Bible

¹⁴ လူ အ သီး အ သီး သည် ကိုယ် တပ် မက် ခြင်း​ ဖြင့် ဆွဲ ငင် ဖြား ယောင်း ခံ ရ သော် စုံ စမ်း သွေး ဆောင် ရာ ရောက် ၏။

Judson Bible

¹⁴ မိ​မိ​တပ်​မက်​သော​စိတ် ဆွဲ​ငင်​ဖြား​ယောင်း​ခြင်း​ကို ခံ​သော​သူ​မည်​သည်​ကား၊ အ​ပြစ်​သွေး​ဆောင်​ခြင်း​သို့ ရောက်​တတ်၏။-

ခေတ်သစ်​မြန်မာ သမ္မာကျမ်း

¹⁴ ဖြားယောင်း​သွေးဆောင်ခြင်း​ဟူသည်​မှာ လူ​သည် မိမိ​၏ မကောင်းသော​တပ်မက်မှု​၏ ဆွဲဆောင်ရာ​နောက်သို့ လိုက်ပါသွားခြင်း​ဖြစ်၏။

ယာ​ကုပ် 1:14 Referencias Cruzadas

ကမ္ဘာ​ဦး 3:6

ထို​အပင်​မှာ စားချင်စဖွယ်​ကောင်း​၍ အမြင်​အားဖြင့်​လည်း​တင့်တယ်​ပြီး ပညာတိုးပွား​စေရန်​လည်း နှစ်လိုဖွယ်​ကောင်း​သော​အပင်​ဖြစ်​သည်​ကို မိန်းမ​သည်​မြင်​လျှင် ထို​အပင်​၏​အသီး​ကို ဆွတ်ယူ​၍​စား​လေ​၏​။ မိမိ​နှင့်အတူ​ရှိ​သော​ခင်ပွန်း​အား​လည်း​ပေး​၍ သူ​သည်​လည်း စား​လေ​၏​။

ကမ္ဘာ​ဦး 6:5

မြေကြီး​ပေါ်တွင် လူ​၏​မကောင်းမှု​များပြား​၍ လူ့​စိတ်နှလုံး​၏​တွေးတော​ကြံစည်မှု​ရှိသမျှ​တို့​သည် အစဉ်အမြဲ​ဆိုးညစ်ခြင်း​သက်သက်​သာ​ဖြစ်ကြောင်း​ကို ထာဝရဘုရား​မြင်​တော်မူ​၏​။

ကမ္ဘာ​ဦး 8:21

ထာဝရဘုရား​သည် မွှေးကြိုင်​သော​ရနံ့​ကို​ခံယူ​တော်မူ​၏​။ ထိုအခါ ထာဝရဘုရား​က “​လူ​တို့​၏​စိတ်နှလုံး​အကြံအစည်​များ​သည် ငယ်ရွယ်စဉ်​ကတည်းက ဆိုးညစ်​သော်လည်း ငါ​သည် လူ​တို့​ကြောင့် မြေကြီး​ကို နောက်တစ်ဖန် မည်သည့်​အခါ​မျှ​ကျိန်​တော့​မည်​မ​ဟုတ်​။ ငါ​သည် သက်ရှိသတ္တဝါ​အပေါင်း​တို့​ကို ယခု​ပြု​သကဲ့သို့ နောက်တစ်ဖန် မည်သည့်​အခါ​မျှ​ဒဏ်ခတ်​တော့​မည်​မ​ဟုတ်​။

၂ ရာ 11:4

ဒါဝိဒ်​မင်းကြီး​သည် တမန်​တို့​ကို​စေလွှတ်​၍ ခေါ်​စေ​သဖြင့် ထို​မိန်းမ​ရောက်လာ​လျှင် ဒါဝိဒ်​မင်းကြီး​သည် သူ​နှင့်​အိပ်​လေ​၏​။ (ဗာသရှေဘ​သည် မစင်ကြယ်​ခြင်း​မှ သန့်စင်​ပြီး​ချိန်​ဖြစ်​၏​။) ထို့နောက် သူ​သည် အိမ်​သို့ ပြန်သွား​၏​။

ယောဘဝတ္တု။ 31:27

ငါ့​စိတ်​သည် တိတ်တဆိတ်​သွေးဆောင်​ခံရ​၍ လက်အုပ်ချီ​ရှိခိုး​မိ​လျှင်

ယောဘဝတ္တု။ 31:9

ငါ​သည် မိန်းမ​၏​သွေးဆောင်​ရာ​သို့ စိတ်ပါ​သွား​ပြီး အိမ်နီးချင်း​တံခါးဝ​တွင် ချောင်းမြောင်း​မိ​လျှင်

သုတ္တံကျမ်း။ 4:23

သင်​၏​စိတ်နှလုံး​ကို သတိဝီရိယ​ရှိသမျှ​နှင့် ထိန်းသိမ်းစောင့်ရှောက်​လော့​။ အကြောင်းမူကား ၎င်း​သည် အသက်​၏​အရင်းအမြစ်​ဖြစ်​၏​။

ဟေ​ရှာ​ယ 44:20

သူ​သည် ပြာပုံ​တွင်​ကျက်စား​၏​။ သူ​၏​စိတ်နှလုံး​သည် လှည့်စား​ခြင်း​ခံရ​၍ သူ့​ကို​လမ်းလွဲ​စေ​ပြီ​။ သူ​သည် ကိုယ့်​ဝိညာဉ်​ကို ကိုယ်​မ​ကယ်တင်​နိုင်​။ ‘​ငါ့​လက်ယာ​လက်​ထဲ၌​ရှိ​သော​အရာ​ကား မုသား​သာ​မ​ဟုတ်​လော​’​ဟု ပြော​နိုင်​စွမ်း​မ​ရှိ​။

ဟော​ရှေ 13:9

အို အစ္စရေး​အမျိုး​၊ သင့်​ကို​ကူညီမစ​သော​အရှင်​ဖြစ်​သည့် ငါ့​ကို ဆန့်ကျင်​သောကြောင့် သင့်​ကို ငါ​ဖျက်ဆီး​မည်​။

မဿဲ 15:18

ခံတွင်း​မှ​ထွက်လာ​သည့်​အရာ​များ​မူကား စိတ်နှလုံး​ထဲမှ​ထွက်လာ​ပြီး လူ​ကို​ညစ်ညူး​စေ​၏။

မဿဲ 15:20

ဤ​အရာ​များ​သည် လူ​ကို​ညစ်ညူး​စေ​ကြ​၏။ သို့သော် မ​ဆေး​ထား​သော​လက်​ဖြင့် အစာ​စား​ခြင်း​သည် လူ​ကို​ညစ်ညူး​စေ​သည်​မ​ဟုတ်”​ဟု မိန့်​တော်မူ​၏။

မဿဲ 4:1

ထို့နောက် ယေရှု​သည် မာရ်နတ်​၏​ဖြားယောင်း​သွေးဆောင်​ခြင်း​ကို​ခံ​ရန် ဝိညာဉ်​တော်​အားဖြင့် တော​ကန္တာရ​သို့​ပင့်ဆောင်​ခြင်း​ကို​ခံ​တော်မူ​၏။

မဿဲ 5:28

သို့သော် သင်​တို့​အား ငါ​ဆို​သည်​ကား အမျိုးသမီး​တစ်​ယောက်​ကို ကိလေသာ​စိတ်​နှင့်​ကြည့်​သော​သူ​တိုင်း​သည် သူ​၏​စိတ်နှလုံး​ထဲ၌ ထို​အမျိုးသမီး​နှင့်​ပြစ်မှား​လေ​ပြီ။

ရော​မ 7:11

အကြောင်းမူကား အပြစ်​သည် ပညတ်​တော်​အားဖြင့် အခွင့်​ရ​ကာ ငါ့​ကို​လှည့်ဖြား​၍ ထို​ပညတ်တော်​အားဖြင့် ငါ့​ကို​သတ်​လေ​၏။

ရော​မ 7:13

သို့ဖြစ်လျှင် ဤ​ကောင်းမြတ်​သော​အရာ​သည် ငါ့​အတွက် သေ​ခြင်း​အကြောင်း​ဖြစ်​သလော။ လုံးဝ​မ​ဟုတ်​ပေ။ ငါ့​အတွက် သေ​ခြင်း​အကြောင်း​ဖြစ်​သော​အရာ​မှာ အပြစ်​ပင်​ဖြစ်၍ အပြစ်​သည် အပြစ်​ဖြစ်​ကြောင်း ထင်ရှား​စေရန် ဤ​ကောင်းမြတ်​သော​အရာ​အားဖြင့် ငါ​၌ သေ​ခြင်း​ကို​ဖြစ်ပေါ်​စေ​၏။ ဤသို့ဖြင့် အပြစ်​သည် ပညတ်​တော်​အားဖြင့် အတိုင်းထက်အလွန် အပြစ်​များ​သော​အရာ​ဖြစ်လာ​၏။

ဧ​ဖက် 4:22

သင်​တို့​သည် လှည့်ဖြား​တတ်​သော​တပ်မက်​ခြင်း​များ​ကြောင့် ပျက်စီး​ခြင်း​သို့​ရောက်​မည့် သင်​တို့​၏​လူ​ဟောင်း​တည်းဟူသော ယခင်​က အသက်ရှင်​နေထိုင်​မှု​ကို ချွတ်ပယ်​၍

ဟေ​ဗြဲ 3:13

သင်​တို့​တွင် အပြစ်​တရား​၏​လှည့်ဖြား​မှု​ကြောင့် မည်သူမျှ စိတ်နှလုံး​မာကျော​ခြင်း​မ​ရှိ​စေရန် ယနေ့​ဟု​ခေါ်​ရ​သော​အချိန်​ရှိ​နေ​သရွေ့ နေ့စဉ် အချင်းချင်း​တိုက်တွန်း​နှိုးဆော်​ကြ​လော့။

ယာ​ကုပ် 1:13

ဖြားယောင်း​သွေးဆောင်​ခြင်း​ကို​ခံရ​သည့်​အခါ “ဘုရားသခင်​သည် ငါ့​ကို​ဖြားယောင်း​သွေးဆောင်​သည်”​ဟု မည်သူမျှ မ​ပြော​နှင့်။ အကြောင်းမူကား မကောင်းမှု​သည် ဘုရားသခင်​ကို မ​သွေးဆောင်​နိုင်​ရာ။ ကိုယ်တော်​သည်​လည်း မည်သူ့​ကို​မျှ ဖြားယောင်း​သွေးဆောင်​တော်​မ​မူ။

ယာ​ကုပ် 1:15

ထိုအခါ တပ်မက်​ခြင်း​သည် သန္ဓေ​တည်​၍ အပြစ်​ကို​ဖွားမြင်​ပြီး အပြစ်​သည် ကြီးပြင်း​ရင့်မာ​သောအခါ သေ​ခြင်း​ကို​ဖြစ်ပွား​စေ​၏။