မဿဲ 27:43 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴³ သူ​သည် ဘုရားသခင်​ကို​ယုံကြည်​ကိုးစား​ခဲ့​၏။ ဘုရားသခင်​အလို​တော်​ရှိ​လျှင် ယခု​ပင် သူ့​ကို​ကယ်နုတ်​ပါစေ။ အကြောင်းမူကား ‘ငါ​သည် ဘုရားသခင်​၏​သား​တော်​ဖြစ်​သည်’​ဟူ၍ သူ​ပြော​ခဲ့​၏”​ဟု ဆို​ကြ​၏။

Common Language Bible

⁴³ သူ​သည်​ဘု​ရား​သ​ခင်​ကို​ယုံ​ကြည်​ကိုး​စား​၏။ `ငါ သည်​ဘု​ရား​သ​ခင်​၏​သား​တော်​ဖြစ်​သည်' ဟု​ဆို​၏။ သို့​ဖြစ်​၍​ဘု​ရား​သ​ခင်​သည်​သူ့​ကို​အ​လို​တော် ရှိ​လျှင် ယ​ခု​ပင်​ကယ်​တင်​တော်​မူ​ပါ​စေ'' ဟု​ဆို ကြ​၏။

Garrad Bible

⁴³ ဘု ရား သ ခင် ကို သူ အား ကိုး သည်။ နှစ် သက် တော် မူ လျှင် ယ ခု ကယ် နုတ် ပါ စေ၊ ငါ သည် ဘု ရား သ ခင့် သား တော် တည်း ဟု ကြွား ဝါ သည် ဟူ၍ သ ရော် ကြ၏။

Judson Bible

⁴³ သူ​သည် ဘု​ရား​သ​ခင်​ကို ကိုး​စား​ပြီ။ ငါ​သည် ဘု​ရား​သ​ခင်၏​သား​ဖြစ်၏​ဟု ဆို​ပြီ။ သို့​ဖြစ်၍ ဘု​ရား​သ​ခင်​သည် သူ၌ အ​လို​တော်​ရှိ​လျှင် ယ​ခု​ပင် ကယ်​တင်​တော်​မူ​ပါ​လေ​စေ​ဟု ပြက်​ရယ်​ပြု၍ ပြော​ဆို​ကြ၏။-

ခေတ်သစ်​မြန်မာ သမ္မာကျမ်း

⁴³ သူ​သည် ဘုရား​ကို ယုံကြည်ကိုးစား၏။ ဘုရားသခင်​သည် အလိုတော်​ရှိတော်မူ​လျှင် ယခု​ပင် သူ့​ကို ကယ်တင်တော်မူပါစေ။ သူ​က ‘ငါ​သည် ဘုရားသခင်​၏ သားတော် ဖြစ်၏’ ဟု ပြောလေပြီ” ဟု ဆို​ကာ ပြက်ရယ်ပြုကြ၏။

မြန်မာ

⁴³ သူ​သည် ဘု​ရား​သ​ခင်​ကို ကိုး​စား​ပြီ။ ငါ​သည် ဘု​ရား​သ​ခင်၏​သား​ဖြစ်၏​ဟု ဆို​ပြီ။ သို့​ဖြစ်၍ ဘု​ရား​သ​ခင်​သည် သူ၌ အ​လို​တော်​ရှိ​လျှင် ယ​ခု​ပင် ကယ်​တင်​တော်​မူ​ပါ​လေ​စေ​ဟု ပြက်​ရယ်​ပြု၍ ပြော​ဆို​ကြ၏။-

မဿဲ 27:43 Referencias Cruzadas

ဆာ​လံ 14:6

သင်​တို့​သည် အဖိနှိပ်​ခံရ​သော​သူ​၏​အကြံဉာဏ်​ကို အရှက်ကွဲ​စေ​တတ်​သော်လည်း ထာဝရဘုရား​သည် သူ​၏​ခိုလှုံ​ရာ​ဖြစ်​တော်မူ​၏​။

ဆာ​လံ 22:8

“​သူ​သည် ထာဝရဘုရား​ကို​ယုံကြည်ကိုးစား​ခဲ့​၏​။ ကိုယ်တော်​သည် သူ့​ကို​ကယ်တင်​ပါစေ​။ ကိုယ်တော်​သည် သူ့​ကို​နှစ်သက်​တော်မူ​သည်​ဖြစ်၍ သူ့​ကို​ကယ်နုတ်​ပါစေ​”​ဟု ဆို​ကြ​ပါ​၏​။

ဆာ​လံ 3:2

များစွာ​သော​သူ​တို့​က “​ဘုရားသခင်​သည် သူ့​ကို​ကယ်တင်​မည်​မ​ဟုတ်​”​ဟု အကျွန်ုပ်​၏​စိတ်ဝိညာဉ်​နှင့်​ပတ်သက်၍ ပြောဆို​ကြ​ပါ​၏​။(​စေလာ)

ဆာ​လံ 42:10

ငါ​၏​ရန်သူ​တို့​က “​သင်​၏​ဘုရားသခင်​သည် အဘယ်မှာ​ရှိ​သနည်း​”​ဟု ငါ့​ကို​တစ်နေ့လုံး ပြောဆို​လျက် ငါ​၏​အရိုး​ကွဲ​လုမတတ် ငါ့​ကို​ကဲ့ရဲ့ပြစ်တင်​ကြ​၏​။

ဆာ​လံ 71:11

“​ဘုရားသခင်​သည် သူ့​ကို​စွန့်ပစ်​လေ​ပြီ​။ ကယ်နုတ်​မည့်​သူ​မ​ရှိ​သည်​ဖြစ်၍ သူ့​ကို​လိုက်​၍​ဖမ်းဆီး​ကြ​လော့​”​ဟု ဆို​ကြ​ပါ​၏​။

ဟေ​ရှာ​ယ 36:15

ထာဝရဘုရား​သည် ငါ​တို့​ကို အမှန်ပင်​ကယ်နုတ်​တော်မူ​မည်​။ ဤ​မြို့​သည် အဆီးရီးယား​ဘုရင်​လက်​သို့​မ​ရောက်​ရ​ဟု ဆို​လျက် ထာဝရဘုရား​ကို ကိုးစား​လာ​အောင် ဟေဇကိ​လှည့်စား​သည်​ကို သင်​တို့​မ​ခံ​ကြ​နှင့်’​ဟု မိန့်ဆို​ပြီ​။

ဟေ​ရှာ​ယ 36:18

ဟေဇကိ​က ထာဝရဘုရား​သည် ငါ​တို့​ကို​ကယ်နုတ်​တော်မူ​မည်​ဟု ဆို​လျက် လှည့်စား​သည်​ကို မ​ခံ​ကြ​နှင့်​။ မည်သည့်​လူမျိုး​တစ်မျိုးမျိုး​၏​ဘုရား​တို့​သည် မိမိ​ပြည်​ကို အဆီးရီးယား​ဘုရင်​၏​လက်​မှ ကယ်နုတ်​နိုင်​ခဲ့​သနည်း​။

ဟေ​ရှာ​ယ 37:10

“​သင်​တို့​သည် ယုဒ​ဘုရင်​ဟေဇကိ​မင်းကြီး​အား ဤသို့​ပြောကြား​လော့​။ သင်​ယုံကြည်ကိုးစား​သော​သင်​၏​ဘုရားသခင်​က ‘ဂျေရုဆလင်​မြို့​သည် အဆီးရီးယား​ဘုရင်​၏​လက်​သို့ ရောက်​မည်​မ​ဟုတ်’​ဟု မိန့်ဆို​၍ လှည့်စား​သည်​ကို သင်​မ​ခံ​နှင့်​။

မဿဲ 27:40

“ဗိမာန်​တော်​ကို​ဖြိုဖျက်​၍ သုံး​ရက်​အတွင်း​တည်ဆောက်​မည့်​သူ၊ သင်​သည် ဘုရားသခင်​၏​သား​တော်​မှန်​လျှင် သင့်ကိုယ်သင်​ကယ်တင်​ပြီး လက်ဝါးကပ်တိုင်​ပေါ်မှ​ဆင်း​လာ​ခဲ့​လော့”​ဟု စော်ကား​ပြောဆို​ကြ​၏။

မဿဲ 27:54

တပ်မှူး​မှစ၍ သူ​နှင့်အတူ ယေရှု​ကို​စောင့်ကြည့်​နေ​သော​သူ​တို့​သည် ငလျင်​လှုပ်​ခြင်း​နှင့် ဖြစ်ပျက်​သော​အရာ​များ​ကို​တွေ့မြင်​ကြ​သောအခါ အလွန်​ကြောက်ရွံ့​လျက် “ဤ​သူ​သည် အမှန်ပင် ဘုရားသခင်​၏​သား​တော်​ဖြစ်​သည်”​ဟု ဆို​ကြ​၏။

လုကာ 23:35

လူ​တို့​သည်​ရပ်​လျက်​ကြည့်​နေ​ကြ​၏။ အကြီးအကဲ​တို့​မူကား ကိုယ်တော်​ကို​ပြက်ရယ်ပြု​၍ “ဤ​သူ​သည် အခြား​သူ​များ​ကို​ကယ်တင်​ခဲ့​၏။ သူ​သည် ဘုရားသခင်​ရွေးကောက်​တော်မူ​သော​ခရစ်တော်​ဖြစ်​လျှင် မိမိကိုယ်ကို​ကယ်တင်​ပါစေ”​ဟု ပြောဆို​ကြ​၏။

လုကာ 23:37

“သင်​သည် ဂျူး​လူမျိုး​တို့​၏​ဘုရင်​ဖြစ်​လျှင် သင့်ကိုယ်သင်​ကယ်တင်​ပါ”​ဟု ဆို​ကြ​၏။

ရှင်ယောဟန် 10:30

ငါ​နှင့်​ခမည်းတော်​သည် တစ်လုံးတစ်ဝတည်း​ဖြစ်​၏”​ဟု ပြန်​၍​မိန့်​တော်မူ​၏။

ရှင်ယောဟန် 10:36

ခမည်းတော်​သည်​သန့်ရှင်း​စေ​လျက် ဤ​လောက​သို့​စေလွှတ်​တော်မူ​သော​သူ​က ‘ငါ​သည် ဘုရားသခင်​၏​သား​တော်​ဖြစ်​သည်’​ဟု ဆို​သောအခါ ‘ဘုရားသခင်​ကို​စော်ကား​သည်’​ဟု ထို​သူ​အား သင်​တို့​ဆို​ကြ​သလော။

ရှင်ယောဟန် 19:7

ဂျူး​လူမျိုး​တို့​က​လည်း “အကျွန်ုပ်​တို့​၌ ပညတ်​တရား​ရှိ​ပါ​၏။ ဤ​သူ​သည် မိမိကိုယ်ကို ဘုရားသခင်​၏​သား​တော်​ဖြစ်​သည်​ဟု​ကြေညာ​သောကြောင့် ထို​ပညတ်​တရား​အရ သေ​ထိုက်​ပါ​၏”​ဟု ပြန်​လျှောက်​ကြ​၏။