မဿဲ 17:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ တပည့်​တော်​တို့​သည် ထို​အသံ​ကို​ကြား​လျှင် အလွန်​ကြောက်ရွံ့​လျက် သူ​တို့​မျက်နှာ​ကို မြေ​မှာ​အပ်​ထား​ကြ​၏။

Common Language Bible

⁶ ထို​အ​သံ​ကို​တ​ပည့်​တော်​တို့​ကြား​သော​အ​ခါ လွန်​စွာ​ကြောက်​လန့်​၍​ပျပ်​ဝပ်​လျက်​နေ​ကြ​၏။-

Garrad Bible

⁶ အ လွန် ကြောက် ရွံ့ ဝပ် လျှိုး ကြ ၏။

Judson Bible

⁶ တ​ပည့်​တော်​တို့​သည် ကြား​ရ​လျှင်၊ ပျပ်​ဝပ်၍ အ​လွန်​ကြောက်​လန့်​ခြင်း ရှိ​ကြ၏။-

ခေတ်သစ်​မြန်မာ သမ္မာကျမ်း

⁶ တပည့်တော်တို့​သည် ထို​အသံတော်​ကို ကြား​သောအခါ အလွန်အမင်း​ကြောက်ရွံ့​၍ မြေ​ပေါ်တွင် ပျပ်ဝပ်ကြ၏။

မြန်မာ

⁶ တ​ပည့်​တော်​တို့​သည် ကြား​ရ​လျှင်၊ ပျပ်​ဝပ်၍ အ​လွန်​ကြောက်​လန့်​ခြင်း ရှိ​ကြ၏။-

မဿဲ 17:6 Referencias Cruzadas

၁ ရာ​ချုပ် 21:16

ဒါဝိဒ်​မင်းကြီး​သည် မျှော်ကြည့်​လျှင် မိုး​နှင့်​မြေ​ကြား​လေ​ထဲ၌​ရပ်​နေ​သော​ကောင်းကင်တမန်​တစ်ပါး​ကို တွေ့​ရ​၏​။ ထို​ကောင်းကင်တမန်​သည် ဓား​ကို​ကိုင်ထား​လျက် ဂျေရုဆလင်​မြို့​ဘက်​သို့ လက်ဆန့်​ထား​၏​။ ထိုအခါ လျှော်တေအဝတ်​ကို​ဝတ်​ထား​သော​ဒါဝိဒ်​မင်းကြီး​နှင့်​သက်ကြီးဝါကြီး​တို့​သည် ပျပ်ဝပ်​လျက် နေ​လေ​၏​။

ယေ​ဇ​ကျေ​လ 3:23

ငါ​သည်​လည်း လွင်ပြင်​သို့ ထ​သွား​သောအခါ ထာဝရဘုရား​၏​ဘုန်းအသရေ​တော်​သည် ခေဗာ​မြစ်​နား​၌​မြင်​ခဲ့​ရ​သော ဘုန်းအသရေ​တော်​ကဲ့သို့ တည်​နေ​သည်​ကို တွေ့​ရ​သဖြင့် ငါ​ပျပ်ဝပ်​လေ​၏​။

ယေ​ဇ​ကျေ​လ 43:3

ငါ​မြင်​ရ​သော​ဗျာဒိတ်အာရုံ​သည် ဘုရားသခင်​က မြို့​ကို​လာ​ဖျက်ဆီး​မည်​ဟု မိန့်ဆို​ခဲ့​စဉ်က မြင်​ခဲ့​ရ​သော ဗျာဒိတ်အာရုံ​နှင့်​တူ​၏​။ ထို​ဗျာဒိတ်အာရုံ​သည် ခေဗာ​မြစ်​နား​၌ ငါ​မြင်​ခဲ့​သော နိမိတ်အာရုံ​နှင့်​လည်း​တူ​၏​။ ထိုအခါ ငါ​ပျပ်ဝပ်​လေ​၏​။

ဒံ​ယေ​လ 8:17

ထိုအခါ ဂါဗြေလ​သည် ငါ့​ထံ​ချဉ်းကပ်​လာ​သဖြင့် ငါ​လည်း ကြောက်လန့်​တုန်လှုပ်​၍ မှောက်​လျက်​လဲကျ​သွား​၏​။ သူ​က​လည်း “​အချင်း​လူသား​၊ ဤ​ဗျာဒိတ်နိမိတ်​သည် နောက်ဆုံး​ကာလ​နှင့်ဆိုင်သည်​ကို သိမှတ်​လော့​”​ဟု ငါ့​အား ပြောပြ​၏​။

ဝတ်​ပြု 9:24

ထိုအခါ ထာဝရဘုရား​ထံ​တော်​မှ​မီး​ဆင်းသက်​၍ ယဇ်ပလ္လင်​ပေါ်​ရှိ​မီးရှို့ရာယဇ်​နှင့်​အဆီ​တို့​ကို​လောင်ကျွမ်း​လေ​၏​။ လူ​အပေါင်း​တို့​သည် တွေ့မြင်​သောအခါ ရွှင်လန်း​စွာ​ကြွေးကြော်​လျက် ပျပ်ဝပ်​ရှိခိုး​ကြ​လေ​၏​။

မဿဲ 17:5

ထိုသို့ ပေတရု​လျှောက်ထား​စဉ် တောက်ပ​သော​မိုးတိမ်​သည် သူ​တို့​ကို​ဖုံးလွှမ်း​၍ မိုးတိမ်​ထဲမှ​အသံ​တော်​က “ဤ​သူ​ကား ငါ​၏​ချစ်​သား​ပေတည်း။ သူ့​ကို​ငါ​နှစ်သက်​၏။ သူ့​စကား​ကို နားထောင်​ကြ​လော့”​ဟု မိန့်​တော်မူ​၏။

မဿဲ 17:7

ထိုအခါ ယေရှု​သည် ချဉ်းကပ်​လာ​၍ သူ​တို့​ကို​တို့ထိ​ကာ“ထ​ကြ​လော့၊ မ​ကြောက်​ကြ​နှင့်”​ဟု မိန့်​တော်မူ​၏။

တမန်တော်ဝတ္ထု 22:7

ထိုအခါ အကျွန်ုပ်​သည် မြေ​ပေါ်သို့​လဲကျ​သွား​ရာ‘ရှောလု၊ ရှောလု၊ သင်​သည် အဘယ်ကြောင့် ငါ့​ကို​ညှဉ်းဆဲ​သနည်း’​ဟု အကျွန်ုပ်​အား​ပြော​သော​အသံ​ကို ကြား​ရ​ပါ​သည်။

တမန်တော်ဝတ္ထု 26:14

အကျွန်ုပ်​တို့​အားလုံး​သည် မြေ​ပေါ်သို့​လဲကျ​သွား​ရာ ဟေဗြဲ​ဘာသာစကား​ဖြင့်‘ရှောလု၊ ရှောလု၊ သင်​သည် အဘယ်ကြောင့် ငါ့​ကို​ညှဉ်းဆဲ​သနည်း။ တုတ်ချွန်​ကို​ကန်​ရန် သင့်​အတွက်​ခက်​၏’​ဟု အကျွန်ုပ်​အား​ပြော​သော​အသံ​ကို အကျွန်ုပ်​ကြား​ရ​ပါ​သည်။

၂ ပေ 1:18

ငါ​တို့​သည် သန့်ရှင်း​သော​တောင်​ပေါ်တွင် ကိုယ်တော်​နှင့်အတူ​ရှိ​ကြ​စဉ် ကောင်းကင်​မှ​ရောက်လာ​သော ထို​အသံ​တော်​ကို​ကြား​ရ​ကြ​၏။

သူ​ကြီး 13:20

ယဇ်ပလ္လင်​မှ​မီးလျှံ​သည် ကောင်းကင်​သို့​တက်​နေ​၍ ထာဝရဘုရား​၏​ကောင်းကင်တမန်​သည်​လည်း ယဇ်ပလ္လင်​မှ​မီးလျှံ​နှင့်အတူ တက်သွား​၏​။ ထိုသို့​မြင်​ရ​လျှင် မာနော်​နှင့် သူ့​မယား​သည် မြေ​ပေါ်သို့ ချက်ချင်း​ပျပ်ဝပ်​လေ​၏​။

သူ​ကြီး 13:22

မာနော်​က မိမိ​မယား​အား “​ငါ​တို့​သည် ဘုရားသခင်​ကို တွေ့မြင်​ရ​ပြီ​ဖြစ်၍ အမှန်ပင်​သေ​ရ​တော့​မည်​”​ဟု ဆို​၏​။