မြည်​တမ်း​စ​ကား 3:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ထာဝရဘုရား​၏​ကယ်တင်​ခြင်း​ကို ငြိမ်ဝပ်​စွာ​မျှော်လင့်စောင့်စား​သော​သူ​သည် ကောင်းကျိုး​ကို ခံစား​ရ​၏​။

Common Language Bible

²⁶ သို့​ဖြစ်​၍​ငါ​တို့​ကို​ကယ်​တော်​မူ​ရန်​ကိုယ်​တော်​အား သည်း​ခံ​စောင့်​မျှော်​နေ​ခြင်း​သည်​ငါ​တို့​အ​ဖို့ အ​ကောင်း​ဆုံး​ပင်​ဖြစ်​ပါ​၏။

Garrad Bible

²⁶ ထာ ဝ ရ ဘု ရား၏ ကယ် တင် ခြင်း ကျေး ဇူး တော် ကို ဆိတ် ဆိတ် တောင့် တ သော သူ သည်၊ ကောင်း ကျိုး ခံ စား ရ၏။

Judson Bible

²⁶ ကယ်​တင်​တော်​မူ​မည်​ဟု မျှော်​လင့်​လျက်၊ ငြိမ်​ဝပ်​စွာ​စောင့်၍​နေ​ကောင်း၏။

မြည်​တမ်း​စ​ကား 3:26 Referencias Cruzadas

ကမ္ဘာ​ဦး 49:18

အို ထာဝရဘုရား​၊ အကျွန်ုပ်​သည် ကိုယ်တော်​၏​ကယ်တင်​ခြင်း​ကို စောင့်မျှော်​ပါ​၏​။

၂ ရာ​ချုပ် 20:17

ဤ​တိုက်ပွဲ​ကို သင်​တို့​တိုက်စရာ​မ​လို​။ ခိုင်မာ​စွာ​ရပ်တည်​၍ ထာဝရဘုရား သင်​တို့​ကို​မည်သို့ ကယ်တင်​မည်​ကို စောင့်ကြည့်​ကြ​လော့​။ အို ယုဒ​ပြည်သူ ဂျေရုဆလင်​မြို့သား​တို့​၊ မ​ကြောက်​နှင့်​။ စိတ်​မ​ပျက်​နှင့်’​ဟု မိန့်​တော်မူ​၏​။ မနက်ဖြန်​နေ့​တွင် သူ​တို့​နှင့် ရင်ဆိုင်​တိုက်ခိုက်​ဖို့ စစ်ချီထွက်​လော့​။ ထာဝရဘုရား​သည် သင်​တို့​နှင့်အတူ ရှိ​တော်မူ​၏​”​ဟု မိန့်ဆို​၏​။

ဆာ​လံ 119:166

အို ထာဝရဘုရား​၊ အကျွန်ုပ်​သည် ကိုယ်တော်​၏​ကယ်တင်​ခြင်း​ကို စောင့်မျှော်​၍ ကိုယ်တော်​၏​ပညတ်တော်​တို့​ကို လိုက်နာ​ပါ​၏​။

ဆာ​လံ 119:174

အို ထာဝရဘုရား​၊ ကိုယ်တော်​၏​ကယ်တင်​ခြင်း​ကို အကျွန်ုပ်​စွဲလမ်း​တောင့်တ​ပါ​၏​။ ကိုယ်တော်​၏​တရားတော်​သည်​လည်း အကျွန်ုပ်​မွေ့လျော်​ရာ​ဖြစ်​ပါ​၏​။

ဆာ​လံ 130:5

ငါ​သည် ထာဝရဘုရား​ကို စောင့်မျှော်​၏​။ ငါ​၏​စိတ်ဝိညာဉ်​သည် စောင့်မျှော်​၏​။ ငါ​သည် ကိုယ်တော်​၏​နှုတ်ကပတ်တော်​ကို မျှော်လင့်ကိုးစား​၏​။

ဆာ​လံ 37:34

ထာဝရဘုရား​ကို​စောင့်မျှော်​၍ ကိုယ်တော်​၏​လမ်း​ကို စောင့်ထိန်း​လော့​။ သို့ပြုလျှင် သင်​သည် ပြည်​တော်​ကို​အမွေဆက်ခံ​ရ​ရန် ကိုယ်တော်​သည် သင့်​ကို​ချီးမြှောက်​တော်မူ​လိမ့်မည်​။ ဆိုးယုတ်​သော​သူ​တို့​ဖယ်ရှား​ခြင်း​ခံရ​သည်​ကို သင်​မြင်​ရ​လိမ့်မည်​။

ဆာ​လံ 37:7

ထာဝရဘုရား​ရှေ့​တော်​၌ တိတ်ဆိတ်​စွာ​နေ​၍ ကိုယ်တော်​ကို​ငံ့လင့်​လော့​။ မိမိ​ပြု​သော​အမှု​၌ အောင်မြင်​သော​သူ​ကြောင့်​လည်းကောင်း​၊ ကောက်ကျစ်​သော​အကြံအစည်​များ​ကို ကြံစည်​သော​သူ​ကြောင့်​လည်းကောင်း စိတ်အနှောင့်အယှက်​မ​ဖြစ်​နှင့်​။

ဆာ​လံ 52:9

အကျွန်ုပ်​သည် ကိုယ်တော်​ပြု​သော​အမှု​အတွက် ကိုယ်တော်​ကို အစဉ်အမြဲ​ချီးမွမ်း​ပါ​မည်​။ နာမ​တော်​ကို​လည်း စောင့်မျှော်​လျက်​နေ​ပါ​မည်​။ အကြောင်းမူကား ထို​အမှု​သည် ကိုယ်တော်​၏​သန့်ရှင်း​သူ​တို့​ရှေ့​တွင် ကောင်းမြတ်​ပေ​၏​။

ဆာ​လံ 54:6

အကျွန်ုပ်​သည် စေတနာ့​ပူဇော်သက္ကာ​ကို ကိုယ်တော်​အား ပူဇော်​ပါ​မည်​။ အို ထာဝရဘုရား​၊ အကျွန်ုပ်​သည် ကိုယ်တော်​၏​နာမ​တော်​ကို​ချီးမွမ်း​ပါ​မည်​။ အကြောင်းမူကား ထိုသို့​ပြု​ခြင်း​သည် ကောင်းမြတ်​ပါ​၏​။

ဆာ​လံ 62:2

ကိုယ်တော်​သာလျှင် ငါ​၏​ကျောက်ဆောင်​၊ ငါ့​ကို​ကယ်တင်​သော​အရှင်​၊ ငါ​၏​ခိုကိုး​ရာ​ဖြစ်​တော်မူ​၏​။ ငါ​သည် လွန်စွာ​တုန်လှုပ်​လိမ့်မည်​မ​ဟုတ်​။

ဆာ​လံ 73:28

အကျွန်ုပ်​အတွက်​မူကား ဘုရားသခင်​ထံ​တော်​သို့​ချဉ်းကပ်​ခြင်း​သည် ကောင်းမြတ်​ပါ​၏​။ အကျွန်ုပ်​သည် ကိုယ်တော်​၏​အမှု​တော်​ရှိသမျှ​တို့​ကို ပြောကြား​ရန် ဘုရားရှင်​ထာဝရဘုရား​ကို အကျွန်ုပ်​၏​ခိုလှုံ​ရာ​ဖြစ်​စေ​ပါ​၏​။

ဆာ​လံ 92:1

အို အမြင့်ဆုံး​သော​အရှင်​၊ ထာဝရဘုရား​၏​ကျေးဇူးတော်​ကို ချီးမွမ်း​ခြင်း​သည်​လည်းကောင်း​၊ ကိုယ်တော်​၏​နာမ​တော်​ကို သီဆိုချီးမွမ်း​ခြင်း​သည်​လည်းကောင်း​၊

ထွက်​မြောက် 14:13

မောရှေ​က​လည်း “​မ​ကြောက်​ကြ​နှင့်​။ ယနေ့ သင်​တို့​အတွက် ပြု​တော်မူ​မည့် ထာဝရဘုရား​၏​ကယ်တင်​ခြင်း​ကို ရပ်​၍​ကြည့်​ကြ​လော့​။ ယနေ့ သင်​တို့​မြင်​နေ​ရ​သော​အီဂျစ်​လူမျိုး​တို့​ကို မည်သည့်​အခါ​မျှ မြင်​ရ​တော့​မည်​မ​ဟုတ်​။

ထွက်​မြောက် 14:14

ထာဝရဘုရား​သည် သင်​တို့​အတွက် စစ်တိုက်​တော်မူ​မည်​ဖြစ်၍ သင်​တို့​သည် ငြိမ်ဝပ်​စွာ​နေ​ရ​မည်​”​ဟု ဆို​လေ​၏​။

ဟေ​ရှာ​ယ 30:15

အကယ်စင်စစ် အစ္စရေး​လူမျိုး​၏​သန့်ရှင်း​သော​အရှင် ဘုရားရှင်​ထာဝရဘုရား​က “​သင်​တို့​သည် နောင်တရ​၍ ငြိမ်းချမ်း​စွာ​နေ​လျှင် ကယ်တင်​ခြင်း​ခံရ​မည်​။ ငြိမ်ဝပ်​ခြင်း​သည် သင်​တို့​၏​ခွန်အား​၊ ယုံကြည်​ခြင်း​သည် သင်​တို့​၏​ခွန်အား​ဖြစ်​မည်​”​ဟု မိန့်​တော်မူ​၏​။ သို့သော် သင်​တို့​သည် ထိုသို့ အလို​မ​ရှိ​ကြ​။

ဟေ​ရှာ​ယ 30:7

အီဂျစ်​ပြည်​၏​အကူအညီ​သည် အချည်းနှီး​သက်သက်​ဖြစ်​၏​။ ထို့ကြောင့် ထို​ပြည်​ကို ရာဟပ်ဟိမ်ရှာဗက်​ဟု ငါ​ခေါ်ဝေါ်​၏​။

ဟေ​ရှာ​ယ 7:4

‘​သတိပြု​လျက် ငြိမ်ဝပ်​စွာ​နေ​လော့​။ မီးခိုး​ထွက်​နေ​သော​ထင်းစ​နှစ်​ခု​နှင့်တူသော ဆီးရီးယား​ဘုရင်​ရေဇိန်​မင်းကြီး​နှင့် ရေမလိ​၏​သား​တို့ ပြင်းစွာ​အမျက်ထွက်​သည်​ကို မ​ကြောက်​နှင့်​။ စိတ်​မ​ပျက်​နှင့်​။

ယေ​ရ​မိ 14:22

လူမျိုးခြား​တို့​၏​ရုပ်တု​တို့​သည် မိုး​ကို​ရွာ​စေ​နိုင်​သလော​။ ကောင်းကင်​သည်​လည်း မိုး​ကို​ရွာ​စေ​နိုင်​သလော​။ အကျွန်ုပ်​တို့​၏​ဘုရားသခင်​ထာဝရဘုရား​၊ ကိုယ်တော်​သာလျှင် တတ်နိုင်​တော်မူ​သည်​မ​ဟုတ်​လော​။ ကိုယ်တော်​သည် အလုံးစုံ​ကို တတ်နိုင်​တော်မူ​သည်​ဖြစ်၍ အကျွန်ုပ်​တို့​သည် ကိုယ်တော်​ကို​စောင့်မျှော်​ပါ​၏​။

မြည်​တမ်း​စ​ကား 3:27

လူ​သည် ငယ်ရွယ်​စဉ်အခါ ထမ်းပိုး​ထမ်း​သည်​မှာ ကောင်း​ပေ​၏​။

ဟ​ဗက္ကုတ် 2:3

အကြောင်းမူကား ဤ​ဗျာဒိတ်နိမိတ်​သည် အချိန်တန်​လျှင် ဖြစ်လာ​မည်​။ နှုတ်ထွက်​စကား​အတိုင်း အဆုံးသတ်​ချိန် မလွဲမသွေ​ရောက်လာ​မည်​။ ကြာ​သော်လည်း စောင့်မျှော်​လော့​။ နောက်​မ​ကျ​ဘဲ ဧကန်အမှန် ရောက်လာ​မည်​။

ဂ​လာ​တိ 4:18

သင်​တို့​နှင့်အတူ ငါ​ရှိ​နေ​စဉ်​တွင်​သာ​မ​ဟုတ်​ဘဲ အစဉ်အမြဲ ကောင်း​သော​ရည်ရွယ်ချက်​ဖြင့် အရေးတယူ​ပြု​ခံရ​ခြင်း​သည် ကောင်း​ပေ​၏။

ဟေ​ဗြဲ 10:35

ထို့ကြောင့် ကြီးမြတ်​သော​အကျိုးကျေးဇူး​ရှိ​သည့် သင်​တို့​၏​ယုံကြည်​စိတ်ချ​မှု​ကို မ​စွန့်လွှတ်​ကြ​နှင့်။

ဟေ​ဗြဲ 3:14

အကြောင်းမူကား ငါ​တို့​သည် အစ​၌​ရှိ​သော​စိတ်ချ​မှု​ကို အဆုံး​တိုင်အောင် ခိုင်မြဲ​စွာ​စွဲကိုင်​ထား​လျှင် ခရစ်တော်​နှင့်​စပ်ဆိုင်​သော​သူ​များ​ဖြစ်​ကြ​၏။

၁ ပေ 1:13

သို့ဖြစ်၍ သင်​တို့​၏​စိတ်နှလုံး​ကို အသင့်​ပြင်ဆင်​ထား​လျက် သမ္မာသတိ​ရှိ​ကြ​လော့။ ယေရှု​ခရစ်တော်​ပေါ်ထွန်း​တော်မူ​သောအခါ သင်​တို့​ထံသို့ သက်ရောက်​လာ​မည့်​ကျေးဇူး​တော်​ကို အပြည့်အဝ​မျှော်လင့်​ကြ​လော့။