မြည်​တမ်း​စ​ကား 2:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ အို ထာဝရဘုရား​၊ ကြည့်ရှု​၍​ဆင်ခြင်​တော်မူ​ပါ​။ ကိုယ်တော်​သည် မည်သူ့​ကို ဤကဲ့သို့​ပြု​တော်မူ​ခဲ့​သနည်း​။ အလိုလေး​၊ မိန်းမ​တို့​သည် မိမိ​ရင်ခွင်ပိုက်​ကလေးငယ်​၏​အသား​ကို စား​ရ​တော့​မည်လော​။ ယဇ်ပုရောဟိတ်​နှင့်​ပရောဖက်​တို့​လည်း ဘုရားရှင်​၏​သန့်ရှင်းရာဌာန​တော်​၌ ကွပ်မျက်​ခံရ​တော့​မည်လော​။

Common Language Bible

²⁰ အို ထာ​ဝ​ရ​ဘု​ရား​ကြည့်​တော်​မူ​ပါ။ ကိုယ်​တော်​ရှင်​သည်​ကျွန်​တော်​မျိုး​တို့​အား အ​ဘယ်​ကြောင့်​ဤ​မျှ​ဒဏ်​ခတ်​တော်​မူ​သ​နည်း။ အ​မျိုး​သ​မီး​တို့​သည်​မိ​မိ​တို့​ချစ်​မြတ်​နိုး​သည့် သား​သ​မီး​များ​၏​အ​သား​ကို​စား​နေ​ကြ​ပါ​၏။ ယဇ်​ပု​ရော​ဟိတ်​များ​နှင့်​ပ​ရော​ဖက်​များ​သည်​လည်း ဗိ​မာန်​တော်​အ​တွင်း​၌​ပင် အ​သတ်​ခံ​လျက်​နေ​ရ​ကြ​ပါ​၏။

Garrad Bible

²⁰ အို ထာ ဝ ရ ဘု ရား၊ မည် သူ၌ စီ ရင် တော် မူ သည် ကို ရှု ကြည့် မှတ် ယူ တော် မူ ပါ။ မိန်း မ တို့ သည် ချီ ပွေ့ သော ရင် သွေး သူ ငယ် တို့ ကို စား ကြ ရ မည် လော။ ပ ရော ဟိတ် နှင့် ပ ရော ဖက် တို့ သည်၊ အ ရှင် ဘု ရား ဘု ရား၏ သန့် ရှင်း ရာ ဌာ န တော်၌၊ လုပ် ကြံ ခံ ကြ ရ မည် လော။

Judson Bible

²⁰ အို ထာ​ဝ​ရ​ဘု​ရား၊ ကိုယ်​တော်​သည် အ​ဘယ်​သူ၌ ဤ​သို့​စီ​ရင်​တော်​မူ​သည်​ကို ကြည့်​ရှု​ဆင်​ခြင်​တော်​မူ​ပါ။ မိန်း​မ​သည် မိ​မိ​ရင်​သွေး၊ မိ​မိ​ချီ​ပိုက်​သော သား​ကို​စား​ရ​ပါ​မည်​လော။ ယဇ်​ပု​ရော​ဟိတ်​နှင့် ပ​ရော​ဖက်​သည် ထာ​ဝ​ရ​ဘု​ရား၏ သန့်​ရှင်း​ရာ​ဌာ​န​တော်၌ အ​သေ​သတ်​ခြင်း​ကို ခံ​ရ​ပါ​မည်​လော။

မြည်​တမ်း​စ​ကား 2:20 Referencias Cruzadas

၂ ရာ​ချုပ် 36:17

ထို့ကြောင့် ဘုရားသခင်​သည် ခါလဒဲ​ဘုရင်​ကို သူ​တို့​ထံသို့ ချီလာ​စေ​တော်မူ​၏​။ ထို​ဘုရင်​သည် လူငယ်​တို့​ကို သူ​တို့​၏​သန့်ရှင်းရာဌာန​တော်​တွင်​ပင် ဓား​နှင့်​ကွပ်မျက်​၏​။ လူပျို​အပျို​နှင့် သက်ကြီး​လူအို​များ​ပါ​မကျန် အားလုံး​ကို နှမြော​ခြင်း​မ​ရှိ​၊ ထို​ဘုရင်​လက်​သို့ အပ်လိုက်​တော်မူ​၏​။

ဆာ​လံ 78:64

ကိုယ်တော်​၏​ယဇ်ပုရောဟိတ်​တို့​သည် ဓားဘေး​ဖြင့်​ကျဆုံး​ကြ​၍ ကိုယ်တော်​၏​မုဆိုးမ​တို့​သည် မ​ငိုကြွေး​ရ​ကြ​ပေ​။

ထွက်​မြောက် 32:11

ထိုအခါ မောရှေ​က မိမိ​၏​ဘုရားသခင် ထာဝရဘုရား​အား “​အို ထာဝရဘုရား​၊ ကိုယ်တော်​သည် ကြီးမား​သော​တန်ခိုး​၊ အားကြီး​သော​လက်​တော်​ဖြင့် အီဂျစ်​ပြည်​မှ​ထုတ်ဆောင်​တော်မူ​ခဲ့​သော ကိုယ်တော်​၏​လူမျိုး​တော်​ကို အဘယ်ကြောင့် အမျက်ထွက်​တော်မူ​ပါ​သနည်း​။

ဟေ​ရှာ​ယ 22:2

သင်​သည် ဆူညံသံ​နှင့်​ပြည့်​သော​မြို့​၊ အုတ်အုတ်ကျက်ကျက်​ဖြစ်​သော​မြို့​၊ အပျော်အပါး​များ​နှင့်​စည်ကား​ခဲ့​သော​မြို့ ဖြစ်​ပါ​သည်​တကား​။ အသတ်ခံရ​သော သင်​၏​လူ​တို့​သည် ဓား​ဖြင့် သေဆုံးသူ​မ​ဟုတ်​။ စစ်ပွဲ​၌ ကျဆုံး​သူ​များ​လည်း​မ​ဟုတ်​။

ယေ​ရ​မိ 19:9

သူ​တို့​အသက်​ကို​ရန်ရှာ​သော​ရန်သူ​တို့​သည် သူ​တို့​ကို ဝိုင်းရံ​ထား​သဖြင့် အကျပ်အတည်း​ထဲသို့​ရောက်​သောအခါ သူ​တို့​သား​သမီး​များ​၏​အသား​ကို သူ​တို့​အား ပြန်စား​စေ​မည်​။ သူ​တို့​သည် အချင်းချင်း​တို့​၏​အသား​ကို ပြန်စား​ကြ​ရ​မည်​ဟူ၍ မိန့်​တော်မူ​ပြီ’​ဟု ဆင့်ဆို​လော့​။

ယေ​ရ​မိ 21:7

တစ်ဖန် ထာဝရဘုရား​က ‘ကပ်ရောဂါ​ဘေး​၊ ဓားဘေး​၊ ငတ်မွတ်ခေါင်းပါး​ခြင်း​ဘေး​တို့​မှ အသက်ရှင်​ကျန်ရစ်​သော ယုဒ​ဘုရင်​ဇေဒကိ​မင်းကြီး​နှင့် သူ​၏​အမှုထမ်း​များ​၊ မြို့သူမြို့သား​များ​ကို သူ​တို့​အသက်​ကို​ရန်ရှာ​သော​၊ သူ​တို့​၏​ရန်သူ​ဖြစ်​သော ဘေဘီလုံ​ဘုရင်​နေဗုခဒ်နေဇာ​လက်​ထဲသို့ ငါ​အပ်​မည်​။ ထို​ဘုရင်​သည် သူ​တို့​ကို မ​သနား​၊ မ​ညှာတာ​၊ မ​စာနာ​ဘဲ ဓား​ဖြင့် ကွပ်မျက်​မည်’​ဟူ၍ မိန့်​တော်မူ​၏”​ဟု လျှောက်ဆို​ရ​မည်​။

ယေ​ရ​မိ 5:31

ပရောဖက်​တို့​သည် မဟုတ်မမှန်​ပရောဖက်ပြု​ကြ​၏​။ ယဇ်ပုရောဟိတ်​တို့​သည်​လည်း မိမိ​တို့​သဘော​အတိုင်း အုပ်ချုပ်​ကြ​၏​။ ထိုသို့သော​အမှုအရာ​တို့​ကို ငါ့​လူမျိုး​တော်​သည် နှစ်သက်​ကြ​၏​။ အဆုံး​၌ သင်​တို့ မည်သို့​ပြု​ကြ​မည်နည်း​။

မြည်​တမ်း​စ​ကား 1:19

ငါ့​ချစ်သူ​တို့​ကို ငါ​ခေါ်​သော်လည်း သူ​တို့​သည် ငါ့​ကို​လှည့်စား​ကြ​လေ​ပြီ​။ ငါ​၏​ယဇ်ပုရောဟိတ်​များ​နှင့်​သက်ကြီးဝါကြီး​တို့​သည် ဆက်လက်​ရှင်သန်​နိုင်​ရန် အစာရေစာ​ရှာဖွေ​ရင်း မြို့​တွင်း​၌ပင် သေဆုံး​ကြ​လေ​ပြီ​။

မြည်​တမ်း​စ​ကား 4:10

သနားကြင်နာ​တတ်​သော​မိန်းမ​များ​ပင်လျှင် မိမိ​ရင်သွေး​များ​၏​အသား​ကို ချက်ပြုတ်စား​ကြ​ပြီ​။ ငါ့​လူမျိုး​သမီးပျို​သည် ဆင်းရဲဒုက္ခ​ရောက်​သော​ကာလ​၌ သူ​တို့​ရင်သွေး​သည် သူ​တို့​အတွက် စားစရာ​ဖြစ်​လေ​ပြီ​။

မြည်​တမ်း​စ​ကား 4:13

ဖြောင့်မတ်​သော​သူ​တို့​၏​သွေး​ကို မြို့​လယ်ခေါင်​၌ သွန်း​ခဲ့​သော ပရောဖက်​တို့​၏​အပြစ်​၊ ယဇ်ပုရောဟိတ်​တို့​၏​ဒုစရိုက်​များ​ကြောင့် ဤသို့​ဖြစ်​ရ​လေ​ပြီ​။

မြည်​တမ်း​စ​ကား 4:16

ထာဝရဘုရား​ကိုယ်တော်တိုင် သူ​တို့​ကို ကွဲလွင့်​စေ​တော်မူ​ပြီ​။ သူ​တို့​ကို မ​ကြည့်ရှု​တော့​ပေ​။ လူ​တို့​သည် ယဇ်ပုရောဟိတ်​တို့​ကို မ​ရိုသေ​ကြ​။ သက်ကြီးဝါကြီး​တို့​ကို မ​သနား​ကြ​။

ယေ​ဇ​ကျေ​လ 5:10

သင်​တို့​ထဲ​တွင် မိဘ​တို့​သည် သားသမီး​အသား စား​ကြ​လိမ့်မည်​။ သားသမီး​တို့​သည်​လည်း မိဘ​အသား စား​ကြ​လိမ့်မည်​။ ငါ​သည် သင့်​ကို အပြစ်ဒဏ်​ပေး​မည်​။ ကြွင်းကျန်​သော​သူ​တို့​ကို လေနှင်ရာ​အရပ်ရပ်​သို့ ကွဲလွင့်​စေ​မည်’​ဟု မိန့်​တော်မူ​၏​။

ယေ​ဇ​ကျေ​လ 9:7

“​သွား​၍ အိမ်​တော်​ကို ညစ်ညူး​အောင်​လုပ်​ကြ​။ ဝင်း​တော်​ကို အသေကောင်​များ​ဖြင့် ပြည့်​စေ​ကြ​”​ဟု မိန့်​တော်မူ​သဖြင့် သူ​တို့​လည်း မြို့​ထဲသို့​သွား​၍ လူ​တို့​ကို သတ်ပစ်​ကြ​လေ​၏​။

ဝတ်​ပြု 26:29

သင်​တို့​သည် သင်​တို့​သား​သမီး​တို့​၏​အသား​ကို စား​ကြ​ရ​လိမ့်မည်​။

တ​ရား​ဟော 9:26

ငါ​သည် ထာဝရဘုရား​အား ‘​အို အကျွန်ုပ်​၏​ဘုရားရှင်​ထာဝရဘုရား​၊ ကိုယ်တော်​၏​တန်ခိုး​တော်​ဖြင့် ရွေးနုတ်​တော်မူ​သော​၊ အားကြီး​သော​လက်​တော်​ဖြင့် အီဂျစ်​ပြည်​မှ​ထုတ်ဆောင်​တော်မူ​သော ကိုယ်တော်​၏​လူမျိုး​တော်​၊ ကိုယ်တော်​၏​အမွေ​တော်​ကို ဖျက်ဆီး​တော်​မ​မူ​ပါ​နှင့်​။