မိက္ခာ 4:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ယခု သင်​သည် သားဖွား​သော​မိန်းမ​ဝေဒနာ​ခံစား​ရ​သကဲ့သို့ အဘယ်ကြောင့် ကျယ်လောင်​စွာ​အော်ဟစ်​နေ​သနည်း​။ သင်​၌ ရှင်ဘုရင်​မ​ရှိ​သောကြောင့်​လော​။ သင့်​ကို အကြံပေးသူ မ​ရှိ​တော့​သောကြောင့်​လော​။

Common Language Bible

⁹ သင်​သည်​အ​ဘယ်​ကြောင့်​ကျယ်​လောင်​စွာ အော်​ဟစ်​ရ​ပါ​သ​နည်း။ မီး​ဖွား​သော​မိန်း​မ ကဲ့​သို့​အ​ဘယ်​ကြောင့်​ဝေ​ဒ​နာ​ခံ​နေ​ရ ပါ​သ​နည်း။ သင်​၌​အုပ်​စိုး​မည့်​ရှင်​ဘု​ရင် မ​ရှိ​သော​ကြောင့်​လော၊ သင်​၏​အ​တိုင်​ပင် ခံ​များ​အ​နိစ္စ​ရောက်​ကုန်​ကြ​သော​ကြောင့် လော။-

Garrad Bible

⁹ သင် အော် ဟစ် လျက်၊ မီး ဖွား သော မိန်း မ ကဲ့ သို့ ဝေ ဒ နာ ခံ စား လျက် နေ သည် မှာ၊ ဘု ရင် သုန်း၊ မင်း တိုင် ပင် တုံး သော ကြောင့် လော။

Judson Bible

⁹ ယ​ခု​မှာ သင်​သည် အ​ဘယ်​ကြောင့် ကျယ်​သော​အ​သံ​နှင့် အော်​ဟစ်​သ​နည်း။ သင်၌ ရှင်​ဘု​ရင်​တစ်​ယောက်​မျှ မ​ရှိ​သ​လော။ အ​ကြံ​ပေး​သော​မှူး​မတ် ပျောက်​ပျက်​သ​လော။ သား​ဖွား​သော​မိန်း​မ​ကဲ့​သို့ သင်​သည် ဝေ​ဒ​နာ​ကို ခံ​ရ​ပါ​သည်​တ​ကား။

မိက္ခာ 4:9 Referencias Cruzadas

ဟေ​ရှာ​ယ 13:8

ထိတ်လန့်​လိမ့်မည်​။ ပြင်းထန်​သော​ဝေဒနာ​၊ မချိတင်ကဲဝေဒနာ​သည် သူ​တို့​ကို ဆုပ်ကိုင်​ထား​လိမ့်မည်​။ သားဖွား​သော​မိန်းမ​ကဲ့သို့ လူးလွန့်​ရ​လိမ့်မည်​။ တစ်ယောက်​ကို​တစ်ယောက် အံ့အားသင့်​လိမ့်မည်​။ သူ​တို့​မျက်နှာ​သည် မီးလျှံ​ကဲ့သို့​ဖြစ်​လိမ့်မည်​။

ဟေ​ရှာ​ယ 21:3

ထို့ကြောင့် ငါ့​ခါး​သည် အလွန်​နာ​၏​။ ငါ​ခံရ​သော​ဝေဒနာ​သည် သားဖွားမိန်းမ​ခံရ​သော​ဝေဒနာ​ကဲ့သို့ ဖြစ်​၏​။ ငါ​ကြား​ရ​သော​အရာ​ကြောင့် စိတ်ရှုပ်ထွေး​၏​။ မြင်​ရ​သော​အရာ​ကြောင့် ထိတ်လန့်​၏​။

ဟေ​ရှာ​ယ 26:17

ကိုယ်ဝန်ဆောင်​မိန်းမ​သည် သားဖွား​လုဆဲဆဲ​၌ မိမိ​၏​နာကျင်​ခြင်း​ဝေဒနာ​ကြောင့် လူးလွန့်​လျက် အော်ဟစ်​ငိုကြွေး​သကဲ့သို့ အို ထာဝရဘုရား​၊ အကျွန်ုပ်​တို့​သည် ကိုယ်တော်​၏​ရှေ့​တော်​၌ ထိုနည်းတူ​ဖြစ်​ကြ​ပါ​၏​။

ယေ​ရ​မိ 22:23

သစ်ကတိုးပင်​၌​အသိုက်လုပ်​၍ လက်ဘနွန်​တောင်​၌​နေ​သော​သူ​၊ သားဖွား​ဝေဒနာ​ကဲ့သို့ နာကျင်​ခြင်း​ဝေဒနာ​ကို သင်​ခံစား​ရ​သောအခါ သင်​မည်မျှ​ညည်းတွား​လိမ့်​မည်နည်း”​ဟု မိန့်​တော်မူ​၏​။

ယေ​ရ​မိ 30:10

ထာဝရဘုရား​က “​အို ငါ့​အစေအပါး​ယာကုပ်​၊ မ​ကြောက်​နှင့်​။ အို အစ္စရေး​၊ စိတ်​မ​ပျက်​နှင့်​။ သင့်​ကို ဝေး​သော​အရပ်​မှ​၊ သင်​၏​အမျိုးအနွယ်​ကို သုံ့ပန်း​အဖြစ်​နေ​ရ​သော​ပြည်​မှ ငါ​ကယ်တင်​မည်​။ ယာကုပ်​သည် ပြန်လာ​၍ ခြိမ်းခြောက်​မည့်​သူ​မ​ရှိ​ဘဲ ငြိမ်းချမ်း​သာယာ​စွာ နေ​ရ​လိမ့်မည်​”​ဟု မိန့်​တော်မူ​၏​။

ယေ​ရ​မိ 4:21

အချက်ပြအလံ​ကို မည်သည့်​အချိန်​အထိ ငါ​မြင်​နေ​ရ​မည်နည်း​။ တံပိုးမှုတ်သံ​ကို မည်သည့်​အချိန်​အထိ ငါ​ကြား​နေ​ရ​မည်နည်း​။

ယေ​ရ​မိ 4:31

သားဦး​ဖွား​၍ ဝေဒနာ​ခံစား​ရ​သော​မိန်းမ​၏​ညည်းတွား​သံ​ကဲ့သို့ ဇိအုန်​သမီး​၏​အသံ​ကို ငါ​ကြား​ရ​၏​။ သူ​သည် မောဟိုက်​လျက်​၊ လက်​ကို​ဖြန့်ထား​လျက် ‘ငါ​၌ အမင်္ဂလာ​ရှိ​၏​။ လူသတ်သမား​များ​ကြောင့် ငါ့​စိတ်နှလုံး မောပန်း​လှ​သည်’​ဟု ဆို​၏​။

ယေ​ရ​မိ 48:41

ကေရုတ်​မြို့​ကို ဝိုင်း​ထား​ကြ​၍ ရဲတိုက်​များ​ကို သိမ်းပိုက်​လိမ့်မည်​။ ထို​နေ့ရက်​၌ မောဘ​စစ်သူရဲ​တို့​သည် သားဖွား​ခြင်း​ဝေဒနာ​ခံစား​ရ​သော​မိန်းမ​ကဲ့သို့ ကြောက်လန့်​ရ​လိမ့်မည်​”​ဟု မိန့်​တော်မူ​၏​။

ယေ​ရ​မိ 50:43

ထို​သတင်း​ကို​ကြား​သောအခါ ဘေဘီလုံ​ဘုရင်​သည် လက်​များ​ပျော့ခွေ​သွား​၏​။ ဆင်းရဲဒုက္ခ​သည် သူ့​ကို​ဖိစီး​ပြီ​။ သူ​သည် သားဖွားမိန်းမ​ကဲ့သို့​ဝေဒနာ​ခံစား​ရ​ပြီ​။

ယေ​ရ​မိ 8:19

“ဇိအုန်​မြို့​၌ ထာဝရဘုရား မ​ရှိ​သလော​။ ထို​မြို့​၌​ရှင်ဘုရင် မ​ရှိ​သလော ဟူ၍​ဝေးလံ​သော​ပြည်​မှ ငါ့​လူမျိုး​သမီးပျို​၏​အော်ဟစ်သံ​ကို ကြား​ရ​ပါ​ပြီ​တကား​။ သူ​တို့​ကိုးကွယ်​သော​ရုပ်တုဆင်းတု​များ​၊ တိုင်းတစ်ပါးသား​တို့​ကိုးကွယ်​သော​ရုပ်တု​များ​ဖြင့် သူ​တို့​သည် ငါ့​ကို အဘယ်ကြောင့် အမျက်ထွက်​စေ​ကြ​သနည်း​။”

မြည်​တမ်း​စ​ကား 4:20

ငါ​တို့​က “​လူမျိုးခြား​တို့​တွင် ထို​သူ​၏​အရိပ်​အောက်​၌ ငါ​တို့​ခိုလှုံ​အသက်ရှင်​ကြ​မည်​”​ဟု ဆို​ခဲ့​သော်လည်း ငါ​တို့​၏​အသက်သခင်​ဖြစ်​သော​၊ ထာဝရဘုရား​ဘိသိက်ပေး​သော ထို​သူ​သည် သူ​တို့​တူး​သော​တွင်း​ထဲသို့ ကျ​လေ​ပြီ​။

ဟော​ရှေ 10:3

သူ​တို့​က “​ငါ​တို့​သည် ထာဝရဘုရား​ကို မ​ကြောက်ရွံ့​ကြ​သောကြောင့် ငါ​တို့​၌ ရှင်ဘုရင်​မ​ရှိ​တော့​ပြီ​။ ရှင်ဘုရင်​ရှိ​လျှင်​လည်း ငါ​တို့​အဖို့ မည်သို့​ပြု​ပေး​နိုင်​မည်နည်း​”​ဟု ဆို​ကြ​လိမ့်မည်​။

ဟော​ရှေ 13:13

သူ​သည် သားဖွား​ဝေဒနာ​ကဲ့သို့ ခံစား​ရ​မည်​။ သူ​သည် အချိန်တန်​သော်လည်း ဝမ်း​ထဲမှ ထွက်​မ​လာ​သော​မိုက်မဲ​သည့်​ကလေး​ဖြစ်​၏​။

ဟော​ရှေ 3:4

အစ္စရေး​အမျိုးသား​တို့​သည် ရှင်ဘုရင်​နှင့် အကြီးအကဲ မ​ရှိ​၊ ယဇ်ပူဇော်​ခြင်း မ​ရှိ​၊ အထွတ်အမြတ်​ကျောက်တိုင် မ​ရှိ​၊ ဧဖုဒ် မ​ရှိ​၊ တေရပ်ရုပ်တု မ​ရှိ​။ ထိုကဲ့သို့ နေ့ရက်​များစွာ နေ​ရ​လိမ့်မည်​။

မိက္ခာ 5:3

သို့သော် သားဖွား​မည့်​မိန်းမ သားဖွား​ပြီး​သည့်​အချိန်​ထိ ကိုယ်တော်​သည် သူ​တို့​ကို ပစ်ထား​လိမ့်မည်​။ ထို့နောက်မှ ကြွင်းကျန်​သော​ညီအစ်ကို​တို့​သည် အစ္စရေး​အမျိုးသား​တို့​ထံ ပြန်လာ​ကြ​လိမ့်မည်​။

ရှင်ယောဟန် 16:21

အမျိုးသမီး​တစ်​ဦး​သည် သားဖွား​သောအခါ မွေးဖွား​ချိန်​ရောက်လာ​သောကြောင့် ပူဆွေး​ခြင်း​ရှိ​တတ်​၏။ သို့ရာတွင် ကလေး​မွေးဖွား​ပြီး​သောအခါ ဤ​လောက​တွင် လူ​တစ်​ယောက်​မွေးဖွား​သည့်​အတွက် ဝမ်းမြောက်​ခြင်း​ရှိ​သဖြင့် ခံစား​ခဲ့​ရ​သော​ဒုက္ခ​ဝေဒနာ​ကို သတိ​မ​ရ​တော့​ပေ။

ဗျာ​ဒိတ် 12:2

ထို​အမျိုးသမီး​သည် ကိုယ်ဝန်ဆောင်​၍ သားဖွား​ခြင်း​ဝေဒနာ​ကြောင့် အော်ဟစ်​လျက် သားဖွား​ရန်​မချိမဆံ့​ခံစား​နေ​၏။