မာ​လ​ခိ 1:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ အို နာမ​တော်​ကို​မထီမဲ့မြင်ပြု​သော​ယဇ်ပုရောဟိတ်​တို့​၊ သား​သည် ဖခင်​ကို​လည်းကောင်း​၊ ကျွန်​သည် သခင်​ကို​လည်းကောင်း ရိုသေလေးစား​တတ်​၏​။ ငါ​သည် ဖခင်​ဆိုလျှင် ငါ့​ကို မည်သူ​ရိုသေလေးစား​သနည်း​။ ငါ​သည် သခင်​ဆိုလျှင် ငါ့​ကို မည်သူ​ကြောက်ရွံ့​သနည်း​ဟု ကောင်းကင်​ဗိုလ်ခြေ​အရှင်​ထာဝရဘုရား​မေး​တော်မူ​လျှင် သင်​တို့​က ‘အကျွန်ုပ်​တို့​သည် ကိုယ်တော်​၏​နာမ​တော်​ကို မည်သို့​မထီမဲ့မြင်ပြု​ပါ​သနည်း’​ဟု ပြန်​မေးလျှောက်​ကြ​၏​။

Common Language Bible

⁶ အ​နန္တ​တန်​ခိုး​ရှင်​ထာ​ဝ​ရ​ဘု​ရား​သည်​ယဇ် ပု​ရော​ဟိတ်​တို့​အား``သား​သည်​ဖ​ခင်​အား လည်း​ကောင်း၊ အ​စေ​ခံ​သည်​သ​ခင်​အား​လည်း ကောင်း​ရို​သေ​လေး​စား​၏။ ငါ​သည်​သင်​တို့​၏ ဖ​ခင်​ဖြစ်​ပေ​သည်။ အ​ဘယ်​ကြောင့်​သင်​တို့ ငါ့​အား​မ​ရို​သေ​ကြ​ပါ​သ​နည်း။ ငါ​သည် သင်​တို့​၏​သ​ခင်​ဖြစ်​ပေ​သည်။ အ​ဘယ်​ကြောင့် သင်​တို့​ငါ့​အား​မ​လေး​စား​ကြ​ပါ​သ​နည်း။ သင်​တို့​သည် ငါ့​အား​မ​ထီ​မဲ့​မြင်​ပြု​ပြီး လျှင်``ကိုယ်​တော်​ရှင်​အား​ကျွန်​တော်​မျိုး​တို့ အ​ဘယ်​သို့​မ​ထီ​မဲ့​မြင်​ပြု​မိ​ကြ​ပါ​သ နည်း'' ဟု​မေး​လျှောက်​ကြ​၏။-

Garrad Bible

⁶ သား သည် အ ဘ အား လည်း ကောင်း၊ ကျွန် သည် အ ရှင် အား လည်း ကောင်း၊ ရို သေ ကြ သည် မှန် က၊ ငါ သည် အ ဘ မှန် လျှင်၊ ရို သေ ခြင်း၊ အ ရှင် မှန် လျှင်၊ ကြောက် ရွံ့ ခြင်း ကား၊ အ ဘယ် မှာ နည်း ဟု၊ ငါ့ နာ မ ကို မ ထီ လေး စား ပြု သော အို ပ ရော ဟိတ် တို့၊ သင် တို့ အား ဗိုလ် ခြေ တို့ အ ရှင် ငါ ထာ ဝ ရ ဘု ရား မေး လေ ၏။

Judson Bible

⁶ သား​သည် အ​ဘ​ကို ရို​သေ​တတ်၏။ ကျွန်​သည် သ​ခင်​ကို ကြောက်​ရွံ့​တတ်၏။ ငါ​သည် အ​ဘ​မှန်​လျှင်၊ ငါ့​ကို အ​ဘယ်​သူ ရို​သေ​သ​နည်း။ သ​ခင်​မှန်​လျှင်၊ အ​ဘယ်​သူ​ကြောက်​ရွံ့​သ​နည်း​ဟု ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​သည် နာ​မ​တော်​ကို မ​ထီ​မဲ့​မြင်​ပြု​သော ယဇ်​ပု​ရော​ဟိတ်​တို့​အား မေး​တော်​မူ၏။ အ​ကျွန်ုပ်​တို့​သည် နာ​မ​တော်​ကို အ​ဘယ်​သို့ မ​ထီ​မဲ့​မြင်​ပြု​ပါ​သ​နည်း​ဟု သင်​တို့​မေး​ရာ​တွင်၊

မာ​လ​ခိ 1:6 Referencias Cruzadas

ဆာ​လံ 123:2

ကျွန်ယောက်ျား​တို့​သည် မိမိ​တို့​သခင်​၏​လက်​ကို မျှော်ကြည့်​သကဲ့သို့​လည်းကောင်း​၊ ကျွန်မိန်းမ​သည် မိမိ​သခင်မ​၏​လက်​ကို မျှော်ကြည့်​သကဲ့သို့​လည်းကောင်း​၊ အကျွန်ုပ်​တို့​သည် အကျွန်ုပ်​တို့​ကို သနား​တော်မူ​သည်​အထိ အကျွန်ုပ်​တို့​၏​ဘုရားသခင် ထာဝရဘုရား​ကို မျှော်ကြည့်​ကြ​ပါ​၏​။

ထွက်​မြောက် 20:12

သင်​၏​မိဘ​ကို​ရိုသေ​လော့​။ ထိုသို့​ပြု​လျှင် သင်​၏​ဘုရားသခင်​ထာဝရဘုရား​ပေးသနား​တော်မူ​သော​ပြည်​၌ သင်​သည် အသက်​ရှည်​လိမ့်မည်​။

သုတ္တံကျမ်း။ 17:6

မြေး​တို့​သည် အသက်ကြီး​သော​သူ​တို့​၏​သရဖူ​ဖြစ်​၏​။ သားသမီး​တို့​၏​ဂုဏ်ကျက်သရေ​ကား သူ​တို့​၏​မိဘ​ဘိုးဘွား​ဖြစ်​ကြ​၏​။

သုတ္တံကျမ်း။ 30:11

မိမိ​၏​ဖခင်​ကို​ကျိန်ဆဲ​၍ မိမိ​၏​မိခင်​ကို ကောင်းချီး​မ​ပေး​သော​သူ​များ​ရှိ​၏​။

သုတ္တံကျမ်း။ 30:17

ဖခင်​ကို​ပြက်ရယ်ပြု​၍ မိခင်​အား​နာခံ​ခြင်း​ကို မထီမဲ့မြင်ပြု​တတ်​သော​မျက်စိ​ကို လျှိုမြောင်​၌​ရှိ​သော​ကျီးကန်း​တို့​သည် ဖောက်ထုတ်​၍ လင်းတ​၏​သားပေါက်​တို့​သည် စား​ကြ​လိမ့်မည်​။

ဟေ​ရှာ​ယ 1:2

အို ကောင်းကင်​၊ နားထောင်​လော့​။ အို မြေကြီး​၊ စူးစိုက်​နားထောင်​လော့​။ ထာဝရဘုရား​က “​ငါ​သည် သားသမီး​တို့​ကို ကျွေးမွေး​ပြုစု​ခဲ့​သော်လည်း သူ​တို့​သည် ငါ့​ကို​ဆန့်ကျင်ပုန်ကန်​ကြ​ပြီ​။

ဟေ​ရှာ​ယ 43:23

သင်​သည် မီးရှို့ရာယဇ်​အတွက် သိုး​ကို ငါ့​ထံသို့​မ​ယူဆောင်​ခဲ့​။ ယဇ်ပူဇော်​ခြင်း​ဖြင့် ငါ့​ကို​ဂုဏ်ပြုချီးမွမ်း​ခြင်း​မ​ပြု​။ ငါ​သည် ပူဇော်သက္ကာ​အားဖြင့် သင့်​ကို ဝန်လေး​စေ​သည်​မ​ဟုတ်​။ လော်ဗန်​အားဖြင့်​လည်း သင့်​ကို ပင်ပန်း​စေ​ခဲ့​သည်​မ​ဟုတ်​။

ဟေ​ရှာ​ယ 45:10

ဖခင်​အား ‘​သင်​သည် မည်သည့်​အရာ​ကို မွေးဖွား​စေ​သနည်း​’​ဟူ၍​လည်းကောင်း​၊ မိခင်​အား ‘​သင်​သည် မည်သည့်​အရာ​ကို မွေးဖွား​သနည်း​’​ဟူ၍​လည်းကောင်း ဆို​သော​သူ​သည် အမင်္ဂလာ​ရှိ​၏​”​ဟု မိန့်​တော်မူ​၏​။

ဟေ​ရှာ​ယ 64:7

ကိုယ်တော်​သည် အကျွန်ုပ်​တို့​ထံမှ မျက်နှာ​တော်​ကို​လွှဲ​၍ ဒုစရိုက်​လက်​ထဲ၌ အကျွန်ုပ်​တို့​ကို နစ်မွန်း​စေ​သဖြင့် ကိုယ်တော်​၏​နာမ​တော်​ကို​ခေါ်​သော​သူ​၊ မိမိ​စိတ်​ကို နှိုးဆော်​၍ ကိုယ်တော်​ကို ဖက်တွယ်​သော​သူ​တစ်ယောက်မျှ​မ​ရှိ​။

ဟေ​ရှာ​ယ 64:8

သို့ရာတွင် အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အကျွန်ုပ်​တို့​သည် မြေစေး​ဖြစ်​၏​။ ကိုယ်တော်​သည် အိုးထိန်း​ဖြစ်​တော်မူ​၏​။ အကျွန်ုပ်​တို့​အားလုံး​သည် ကိုယ်တော်​၏​လက်​တော်​ဖြင့် ဖန်ဆင်း​ထား​သော​သူ​များ ဖြစ်​ကြ​ပါ​၏​။

ယေ​ရ​မိ 23:11

“​ပရောဖက်​နှင့်တကွ ယဇ်ပုရောဟိတ်​တို့​သည် ညစ်ညူး​ကြ​ပြီ​။ ငါ့​အိမ်​တော်​၌ပင် မကောင်းမှု​ပြု​ကြ​သည်​ကို ငါ​မြင်​ပြီ​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 3:4

ယခုပင်သင်​က “အကျွန်ုပ်​၏​အဖ​၊ အကျွန်ုပ်​ငယ်ရွယ်စဉ်​မှစ၍ ကိုယ်တော်​သည် အကျွန်ုပ်​၏​မိတ်ဆွေ​ဖြစ်​ပါ​၏​။

ယေ​ရ​မိ 31:9

သူ​တို့​သည် ငိုကြွေး​လျက် ပြန်လာ​ကြ​လိမ့်မည်​။ သူ​တို့​ကို နှစ်သိမ့်​လျက် ငါ​ပြန်ခေါ်​လာ​မည်​။ သူ​တို့​ကို စမ်းချောင်း​နား​၊ သူ​တို့​ခလုတ်​မ​တိုက်​နိုင်​သည့် ဖြောင့်ဖြူး​သော​လမ်း​ဖြင့် ငါ​ပို့ဆောင်​မည်​။ ငါ​သည် အစ္စရေး​လူမျိုး​၏​အဖ​ဖြစ်​၏​။ ဧဖရိမ်​အမျိုး​သည် ငါ​၏​သားဦး​ဖြစ်​၏​”​ဟု မိန့်​တော်မူ​၏​။

ယေ​ရ​မိ 35:16

ရေခပ်​၏​သား ယောနဒပ်​၏​သားစဉ်မြေးဆက်​တို့​သည် သူ​တို့​အား​မှာကြား​ထား​ခဲ့​သည့် သူ​တို့​ဘိုးဘေး​တို့​၏​စကား​ကို လိုက်နာ​ကြ​သော်လည်း ဤ​လူမျိုး​မူကား ငါ့​စကား​ကို နား​မ​ထောင်​ကြ​ပါ​တကား​ဟူ၍ မိန့်​တော်မူ​သည်’​ဟု ဆင့်ဆို​လော့​။

ယေ​ဇ​ကျေ​လ 22:26

ယဇ်ပုရောဟိတ်​တို့​သည်​လည်း ငါ​၏​ပညတ်တရား​ကို ချိုးဖောက်​၍ သန်ု့ရှင်းသောအရာ​တို့​ကို ညစ်ညူး​စေ​ကြ​၏​။ သန့်ရှင်းသောအရာ​နှင့် မသန့်ရှင်း​သော​အရာ​တို့​ကို မ​ခွဲခြား​ပြ​။ မစင်ကြယ်​သော​အရာ​နှင့် စင်ကြယ်​သော​အရာ​တို့​ကို​လည်း မ​သွန်သင်​ပြ​။ ဥပုသ်နေ့​ကို လျစ်လျူရှု​ကြ​၍ ငါ့​ကို ရှုတ်ချစရာ​ဖြစ်​အောင် ပြု​ကြ​ပြီ​။

ဟော​ရှေ 12:8

ဧဖရိမ်​က ‘ငါ​ကိုယ်တိုင် ဥစ္စာဓန​ကို ရှာတွေ့​၍ ချမ်းသာကြွယ်ဝ​ပြီ​။ ထို​ဥစ္စာဓန​တို့​ကို ဒုစရိုက်​ပြု​ခြင်း​ဖြင့် ရရှိ​သည်​ဟု မည်သူ​မျှ ငါ့​ကို​အပြစ်​ဆိုစရာ​အကြောင်း​မ​ရှိ’​ဟု ဆို​၏​။

ဟော​ရှေ 4:6

ငါ့​လူမျိုး​တော်​သည် အသိပညာ​မဲ့​သောကြောင့် ပျက်စီး​ရ​လေ​ပြီ​။ သင်​သည် အသိပညာ​ကို ငြင်းပယ်​သောကြောင့် သင့်​ကို ယဇ်ပုရောဟိတ်​အဖြစ်​မှ ငါ​စွန့်ပယ်​မည်​။ သင်​သည် ဘုရားသခင်​၏​ပညတ်တရားတော်​ကို မေ့လျော့​သောကြောင့် သင့်​သားသမီး​တို့​ကို ငါ​မေ့လျော့​မည်​။

ဟော​ရှေ 5:1

ယဇ်ပုရောဟိတ်​တို့​၊ နားထောင်​ကြ​။ အစ္စရေး​အမျိုးအနွယ်​တို့​၊ အာရုံစိုက်​ကြ​။ နန်းတွင်းသား​တို့​၊ စူးစိုက်​နားထောင်​ကြ​။ သင်​တို့​သည် တရားစီရင်​ခြင်း​ကို​ခံရ​ကြ​မည်​။ သင်​တို့​သည် မိဇပါ​မြို့​မှ ထောင်ချောက်​၊ တာဗော်​တောင်​ပေါ်မှ ဖြန့်​ထား​သော​ပိုက်ကွန် ဖြစ်​၏​။

ဝတ်​ပြု 19:3

လူ​တိုင်း ကိုယ့်​မိဘ​ကို ရိုသေ​ရ​မည်​။ ငါ​၏​ဥပုသ်နေ့​ကို စောင့်ထိန်း​ရ​မည်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

ဇေဖနိ 3:4

ပရောဖက်​တို့​သည် တာဝန်မဲ့​သော​သစ္စာဖောက်​များ ဖြစ်​ကြ​၏​။ ယဇ်ပုရောဟိတ်​တို့​သည်​လည်း ပညတ်တရား​ကို ချိုးဖောက်​၍ သန့်ရှင်းရာဌာန​တော်​ကို ညစ်ညူး​စေ​ကြ​ပြီ​။

မာ​လ​ခိ 2:1

“အို ယဇ်ပုရောဟိတ်​တို့​၊ ယခုမှာ ဤ​ပညတ်ချက်​သည် သင်​တို့​အဖို့ ဖြစ်​၏​။

မာ​လ​ခိ 2:10

ငါ​တို့​အားလုံး​၌ ဖခင်​တစ်ဦးတည်း ရှိ​သည်​မ​ဟုတ်​လော​။ ငါ​တို့​ကို ဖန်ဆင်း​တော်မူ​သော​ဘုရားသခင် တစ်ပါးတည်း ရှိ​သည်​မ​ဟုတ်​လော​။ ငါ​တို့​သည် အဘယ်ကြောင့် ငါ​တို့​ဘိုးဘေး​တို့​နှင့်​ဖွဲ့​တော်မူ​သော​ပဋိညာဉ်​ကို ချိုးဖောက်​ပြီး တစ်ယောက်​ကို​တစ်ယောက်​သစ္စာဖောက်​ကြ​မည်နည်း​။

မာ​လ​ခိ 2:8

သို့သော် သင်​တို့ လမ်း​လွဲ​လေ​ပြီ​။ သင်​တို့​၏​သွန်သင်ချက်​များ​ဖြင့် လူ​အများ​ကို ခလုတ်တိုက်​လဲကျ​စေ​ပြီ​။ လေဝိ​အမျိုး​နှင့်​ဖွဲ့​ခဲ့​သော​ပဋိညာဉ်​ကို သင်​တို့ ချိုးဖောက်​လေ​ပြီ”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မဿဲ 15:4

အကြောင်းမူကား ဘုရားသခင်​က ‘မိခင်​နှင့်​ဖခင်​တို့​ကို​ရိုသေ​လော့။ မိခင်​၊ သို့မဟုတ် ဖခင်​ကို ပုတ်ခတ်​ပြောဆို​သော​သူ​သည် သေဒဏ်​ကျခံ​စေ’ဟု မိန့်​တော်မူ​ခဲ့​၏။

မဿဲ 15:6

ထို​သူ​သည် မိမိ​၏​ဖခင်​ကို​ဂုဏ်ပြု​စရာ​မ​လို​ပေ’​ဟု ပြောဆို​ကြ​၏။ ဤသို့ဖြင့် သင်​တို့​သည် မိမိ​တို့​၏​ဓလေ့​ထုံးတမ်း​အတွက် ဘုရားသခင်​၏​နှုတ်ကပတ်တော်​ကို ပယ်ဖျက်​ကြ​၏။

မဿဲ 19:19

မိခင်​နှင့်​ဖခင်​တို့​ကို ရိုသေ​လော့။ ကိုယ့်​ဝန်းကျင်​၌​ရှိ​သော​သူ​ကို ကိုယ်​နှင့်အမျှ​ချစ်​ရ​မည်”​ဟု မိန့်​တော်မူ​၏။

မဿဲ 6:9

ထို့ကြောင့် ဤသို့​ဆုတောင်း​ကြ​လော့။ ကောင်းကင်​ဘုံ​၌​ရှိ​တော်မူ​သော အကျွန်ုပ်​တို့​အဖ၊ ကိုယ်တော်​၏​နာမ​တော်​သည် ရိုသေလေးမြတ်​ခြင်း​ခံရ​ပါစေသော။

မဿဲ 7:21

‘သခင်​ဘုရား၊ သခင်​ဘုရား’​ဟု ငါ့​ကို​ခေါ်​သော​သူ​တိုင်း ကောင်းကင်​နိုင်ငံ​တော်​သို့ ဝင်​ရ​မည်​မ​ဟုတ်။ ကောင်းကင်​ဘုံ​၌​ရှိ​တော်မူ​သော ငါ့​ခမည်းတော်​၏​အလို​တော်​ကို ဆောင်ရွက်​သော​သူ​သာ ဝင်​ရ​လိမ့်မည်။

ရှင်မာကု 10:19

‘လူ​မ​သတ်​ရ၊ အိမ်ထောင်ရေး​ဖောက်ပြန်​မှု​ကို​မ​ကျူးလွန်​ရ၊ မ​ခိုးယူ​ရ၊ မမှန်​သော​သက်သေ​ထွက်ဆို​ခြင်း​မ​ပြု​ရ၊ လိမ်ညာ​လုယူ​ခြင်း​မ​ပြု​ရ၊ သင်​၏​မိခင်​နှင့်​ဖခင်​တို့​ကို​ရိုသေ​လော့’ဟူသော​ပညတ်​တော်​တို့​ကို သင်​သိ​၏”​ဟု မိန့်​တော်မူ​၏။

ရှင်မာကု 7:10

အကြောင်းမူကား မောရှေ​က ‘သင်​၏​ဖခင်​နှင့်​မိခင်​တို့​ကို ရိုသေ​လော့။ ဖခင်​၊ သို့မဟုတ် မိခင်​ကို ပုတ်ခတ်​ပြောဆို​သော​သူ​သည် သေဒဏ်​ကျခံ​စေ’ဟု ဆို​ထား​၏။

လုကာ 10:29

ထို​သူ​သည် မိမိကိုယ်ကို​ဖြောင့်မတ်​ကြောင်း ဖော်ပြ​လို​၍ “သို့ဖြစ်လျှင် မည်သူ​သည် အကျွန်ုပ်​၏​ဝန်းကျင်​၌​ရှိ​သော​သူ​ဖြစ်​သနည်း”​ဟု ယေရှု​အား မေးလျှောက်​လေ​၏။

လုကာ 18:20

‘အိမ်ထောင်ရေး​ဖောက်ပြန်​မှု​ကို မ​ကျူးလွန်​ရ။ လူ​မ​သတ်​ရ။ မ​ခိုးယူ​ရ။ မမှန်​သော​သက်သေ​ထွက်ဆို​ခြင်း​မ​ပြု​ရ။ သင်​၏​မိခင်​နှင့်​ဖခင်​တို့​ကို ရိုသေ​လော့’​ဟူသော​ပညတ်​တော်​တို့​ကို သင်​သိ​သည်​မ​ဟုတ်​လော”​ဟု မိန့်​တော်မူ​၏။

လုကာ 6:36

သင်​တို့​၏​အဖ​သည် ကရုဏာ​နှင့်​ပြည့်စုံ​တော်မူ​သည့်​နည်းတူ သင်​တို့​သည်​လည်း ကရုဏာ​နှင့်​ပြည့်စုံ​ကြ​လော့။

လုကာ 6:46

သင်​တို့​သည် ငါ့​ကို ‘သခင်၊ သခင်’​ဟု ခေါ်​ကြ​ပြီး အဘယ်ကြောင့် ငါ​ပြော​သော​အရာ​ကို​မ​ကျင့်သုံး​ဘဲ​နေ​ကြ​သနည်း။

ဧ​ဖက် 6:2

သင်​၏​မိခင်​နှင့်​ဖခင်​တို့​ကို ရိုသေ​လော့။ ဤသည်ကား “ထိုသို့ပြုလျှင် သင်​သည် ကမ္ဘာ​မြေ​ပေါ်၌ ကောင်းစား​လျက် အသက်ရှည်​ရ​လိမ့်မည်”​ဟူသော​ကတိ​တော်​ပါ​သည့် ပထမ​ပညတ်​ချက်​ဖြစ်​၏။

တ​ရား​ဟော 1:31

ဤ​အရပ်​သို့ သင်​တို့​ရောက်​သည့်​တိုင်အောင် သင်​တို့​သွား​သည့်​လမ်းခရီး​တစ်လျှောက်​တွင် ဖခင်​သည် သား​ကို​ချီပိုး​သကဲ့သို့ သင်​တို့​၏​ဘုရားသခင်​ထာဝရဘုရား​သည် သင်​တို့​ကို မည်ကဲ့သို့​ချီပိုး​တော်မူ​ခဲ့​ကြောင်း​ကို တောကန္တာရ​၌​သင်​တို့​တွေ့မြင်​ခဲ့​ရ​သကဲ့သို့ ထာဝရဘုရား​သည် သင်​တို့​အဖို့ စစ်တိုက်​တော်မူ​လိမ့်မည်​’​ဟု ဆို​၏​။

တ​ရား​ဟော 32:6

အို မိုက်မဲ​သော​လူမျိုး​၊ ပညာမဲ့​သော​လူမျိုး​၊ ဤနည်းဖြင့် ထာဝရဘုရား​ကို ကျေးဇူးဆပ်​ရ​သလော​။ ကိုယ်တော်​သည် သင်​၏​ဖခင်​၊ သင့်​ကို​ဖန်ဆင်း​သော​အရှင် ဖြစ်​တော်မူ​သည်​မ​ဟုတ်​လော​။ ကိုယ်တော်​သည် သင့်​ကို​ဖန်ဆင်း​၍ ပုံဖော်​ဖြစ်တည်​စေ​တော်မူ​သည်​မ​ဟုတ်​လော​။

တ​ရား​ဟော 5:16

သင်​၏​ဘုရားသခင်​ထာဝရဘုရား​မိန့်မှာ​ထား​သည့်​အတိုင်း သင်​၏​မိဘ​ကို​ရိုသေ​လော့​။ ထိုသို့​ပြု​လျှင် သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​သည် အသက်​ရှည်​၍ ကောင်းစား​လိမ့်မည်​။

၁ ပေ 1:17

သင်​တို့​သည် လူ​တို့​အား မျက်နှာလိုက်​ခြင်း​မ​ရှိ​ဘဲ တစ်ဦးစီ​တို့​ပြု​သော​အမှု​အတိုင်း တရား​စီရင်​တော်မူ​သော​အရှင်​ကို အဖ​ဟု​ခေါ်​ကြ​လျှင် ဤ​လောက​တွင် ဧည့်သည်​အဖြစ်​နေထိုင်​စဉ်​ကာလ​တစ်လျှောက်လုံး ကြောက်ရွံ့​ရိုသေ​သော​စိတ်​ဖြင့် အသက်ရှင်​နေထိုင်​ကြ​လော့။