ဗျာ​ဒိတ် 7:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ သူ​တို့​သည် နောက်တစ်ဖန် ဆာလောင်​ခြင်း၊ ရေငတ်​ခြင်း ရှိ​တော့​မည်​မ​ဟုတ်။ နေ​၊ သို့မဟုတ် အခြား​မည်သည့်​အပူရှိန်​မျှ သူ​တို့​အပေါ်​ကျရောက်​မည်​မဟုတ်။

Common Language Bible

¹⁶ သူ​တို့​သည်​နောက်​တစ်​ဖန်​အ​စာ​ရေ​စာ မ​ငတ်​မွတ်​ရ​ကြ။ နေ​ရောင်​ခြည်​သည်​လည်း ကောင်း၊ ပြင်း​ထန်​သော​အ​ပူ​ရှိန်​သည်​လည်း ကောင်း​သူ​တို့​အ​ပေါ်​သို့​မ​ကျ​ရောက်​ရ။-

Garrad Bible

^16-17 ပ လ္လင် တော့် အ လယ် စံ သိုး ငယ် တော် လည်း ထိန်း ကျောင်း လျက် အ သက် စမ်း ရေ များ ရှိ ရာ သို့ လမ်း ပြ တော် မူ လ တ္တံ့ သော ကြောင့် သူ တို့ သည် ရေ ငတ် ခြင်း၊ ဆာ မွတ် ခြင်း ကင်း လျက် နေ ရှိန် လေ ပူ ထိ ရ တော့ မည် မ ဟုတ်။ မျက် ရည် ကျ သ မျှ ကို လည်း ဘု ရား သ ခင် သုတ် တော် မူ လိမ့် မည် ဟု ပြန် ဆို လေ ၏။

Judson Bible

¹⁶ သူ​တို့​သည် နောက်​တစ်​ဖန် ရေ​စာ​ကို မ​ငတ်​မ​မွတ်​ရ​ကြ။ နေ​ရောင်​ခြည် အ​လျှင်း​မ​ထိ​ရ။ အ​ဘယ်​အ​ပူ​ကို​မျှ မ​ခံ​ရ​ကြ။-

ခေတ်သစ်​မြန်မာ သမ္မာကျမ်း

¹⁶ သူတို့​သည် နောက်တစ်ဖန် ဆာလောင်တော့မည်​မဟုတ်။ ရေငတ်တော့မည်​မဟုတ်။ နေရောင်ခြည်​နှင့် ပြင်းထန်သော​အပူဒဏ်​ကြောင့်လည်း ထိခိုက်မှု​ရှိတော့မည်​မဟုတ်။

ဗျာ​ဒိတ် 7:16 Referencias Cruzadas

ဆာ​လံ 121:5

ထာဝရဘုရား​သည် သင့်​ကို​စောင့်ရှောက်​တော်မူ​၏​။ ထာဝရဘုရား​သည် သင်​၏​လက်ယာ​ဘက်​၌​ရှိ​သော​အရိပ် ဖြစ်​တော်မူ​၏​။

ဆာ​လံ 121:6

နေ့​အချိန်​၌ နေ​သည်​လည်းကောင်း​၊ ညအချိန်​၌ လ​သည်​လည်းကောင်း သင့်​ကို​ထိခိုက်​မည်​မ​ဟုတ်​။

ဆာ​လံ 143:6

အကျွန်ုပ်​သည် ကိုယ်တော့်​ထံသို့ အကျွန်ုပ်​လက်​ကို​ဆန့်​ပါ​၏​။ မွတ်သိပ်​သော​မြေ​ကဲ့သို့ အကျွန်ုပ်​၏​စိတ်ဝိညာဉ်​သည် ကိုယ်တော်​ကို​ဆာငတ်​ပါ​၏​။(​စေလာ)

ဆာ​လံ 42:2

ငါ​၏​စိတ်ဝိညာဉ်​သည် ဘုရားသခင်​တည်းဟူသော အသက်ရှင်​တော်မူ​သော​ဘုရား​ကို ဆာငတ်​၏​။ ငါ​သည် မည်သည့်​အချိန်​မှ​လာ​၍ ဘုရားသခင်​၏​မျက်နှာ​တော်​ကို​ဖူးမြင်​ရ​မည်နည်း​။

ဆာ​လံ 63:1

အို ဘုရားသခင်​၊ ကိုယ်တော်​သည် အကျွန်ုပ်​၏​ဘုရား​ဖြစ်​တော်မူ​၏​။ အကျွန်ုပ်​သည် ကိုယ်တော်​ကို​ကြိုးစား​၍​ရှာ​ပါ​၏​။ ရေ​မ​ရှိ​၊ ခြောက်သွေ့​ကွဲအက်​သော​မြေ​၌ အကျွန်ုပ်​၏​စိတ်ဝိညာဉ်​သည် ကိုယ်တော်​ကို​ဆာငတ်​ပါ​၏​။ အကျွန်ုပ်​၏​သွေးသား​သည်​လည်း ကိုယ်တော်​ကို​တမ်းတ​ပါ​၏​။

ရှောလမုန်သီချင်း။ 1:6

အကျွန်ုပ်​သည် နေလောင်​ခံရ​၍ အသားမည်း​သဖြင့် အကျွန်ုပ်​ကို မ​ကြည့်​ပါ​နှင့်​။ အကျွန်ုပ်​နှင့်​တစ်မိတည်း​ဖွား​သော​သား​တို့​သည် အကျွန်ုပ်​ကို စိတ်ဆိုး​၍ စပျစ်ခြံစောင့်​အဖြစ် ထား​ပါ​၏​။ ကိုယ့်​စပျစ်ခြံ​ကို​ပင် ကိုယ်​မ​စောင့်​ရ​ပါ​။

ဟေ​ရှာ​ယ 25:4

အကြောင်းမူကား ကိုယ်တော်​သည် ဆင်းရဲသား​တို့​မှီခို​ရာ​၊ ဒုက္ခ​ရောက်​နေ​သော​နွမ်းပါး​သူ​တို့​မှီခို​ရာ​၊ မုန်တိုင်း​ထဲမှ ခိုလှုံ​ရာ​၊ အပူရှိန်​မှ​ကာကွယ်​ပေး​သော အရိပ်အာဝါသ ဖြစ်​တော်မူ​၏​။ ကြမ်းကြုတ်​သော​သူ​တို့​၏​ဒေါသ​သည် နံရံ​ကို​တိုက်ဖြို​သော​မုန်တိုင်း​ကဲ့သို့​ဖြစ်​၏​။

ဟေ​ရှာ​ယ 32:2

သူ​တို့​သည် လေဘေး​မှ​ခိုလှုံ​ရာ​၊ မုန်တိုင်းဘေး​မှ​ကွယ်ကာ​ရာ​ကဲ့သို့​၊ ခြောက်သွေ့​သော​အရပ်​မှ စမ်းချောင်း​ကဲ့သို့​၊ ပူပြင်း​သော​အရပ်​မှ ကျောက်ဆောင်​ကြီး​၏​အရိပ်​ကဲ့သို့ ဖြစ်​ကြ​မည်​။

ဟေ​ရှာ​ယ 41:17

ဆင်းရဲ​နွမ်းပါး​သော​သူ​တို့​သည် ရေ​ကို​ရှာ​ကြ​၏​။ ရေ​မ​ရှိ​သောကြောင့် သူ​တို့​သည် ရေငတ်​၍ အာခေါင်​ခြောက်ကပ်​သောအခါ ငါ​ထာဝရဘုရား​သည် သူ​တို့​ကို​ထူး​မည်​။ အစ္စရေး​လူမျိုး​၏​ဘုရားသခင် ငါ​သည် သူ​တို့​ကို စွန့်ပစ်​မည်​မ​ဟုတ်​။

ဟေ​ရှာ​ယ 49:10

သူ​တို့​သည် ဆာလောင်​မည်​မ​ဟုတ်​၊ ရေငတ်​မည်​မ​ဟုတ်​။ အပူဒဏ်​၊ နေ​ဒဏ်​ကို​လည်း မ​ခံရ​။ အကြောင်းမူကား သူ​တို့​ကို​သနား​သော​သူ​သည် သူ​တို့​ကို​ဦးဆောင်​ပေး​လိမ့်မည်​။ စမ်းရေတွင်း​သို့ လမ်းပြ​ပေး​လိမ့်မည်​။

ဟေ​ရှာ​ယ 65:13

ထို့ကြောင့် အရှင်​ထာဝရဘုရား​က “​ကြည့်ရှု​လော့​။ ငါ့​အစေအပါး​တို့​စား​ရ​သော်လည်း သင်​တို့​ဆာလောင်မွတ်သိပ်​ကြ​လိမ့်မည်​။ ငါ့​အစေအပါး​တို့​သောက်​ရ​သော်လည်း သင်​တို့​ရေငတ်​ကြ​လိမ့်မည်​။ ငါ့​အစေအပါး​တို့​ဝမ်းမြောက်​ရ​သော်လည်း သင်​တို့​အရှက်ကွဲ​ကြ​လိမ့်မည်​။

ယော​န 4:8

နေ​ထွက်လာ​သောအခါ ဘုရားသခင်​သည် အလွန်​ပူပြင်း​သော​အရှေ့​လေ​ကို တိုက်ခတ်​စေ​၍ ယောန​ခေါင်း​ပေါ်သို့ နေပူရှိန်​ကျ​သဖြင့် သူ​သည် မောပန်း​ပြီး သေချင်စိတ်ပေါက်​လေ​၏​။ ထို့ကြောင့် သူ​က “အကျွန်ုပ်​အသက်ရှင်​သည်​ထက် သေ​သည်​က သာ၍​ကောင်း​ပါ​၏”​ဟု ဆို​လေ​၏​။

မဿဲ 13:21

သို့သော် သူ​၌​အမြစ်​မ​စွဲ​သဖြင့် ခဏ​သာ​ခံ​၏။ တရား​စကား​ကြောင့် ဆင်းရဲ​ဒုက္ခ၊ သို့မဟုတ် ညှဉ်းဆဲ​ခြင်း​ရောက်လာ​သောအခါ ချက်ချင်း​စိတ်ပျက်​သွား​လေ​၏။

မဿဲ 13:6

သို့သော် နေ​ထွက်လာ​၍ နေလောင်​ဒဏ်​ခံရ​သောအခါ အမြစ်​မ​စွဲ​သောကြောင့် ညှိုးနွမ်း​ခြောက်သွေ့​သွား​လေ​၏။

မဿဲ 5:6

ဖြောင့်မတ်​ခြင်း​ကို ဆာလောင်​မွတ်သိပ်​သော​သူ​တို့​သည် မင်္ဂလာရှိ​ကြ​၏။ အကြောင်းမူကား သူ​တို့​သည် ဝပြော​ခြင်း​သို့​ရောက်​ကြ​လိမ့်မည်။

ရှင်မာကု 4:17

သို့သော် သူ​တို့​၌​အမြစ်​မ​စွဲ​သဖြင့် ခဏ​သာ​ခံ​၏။ တရား​စကား​ကြောင့် ဆင်းရဲ​ဒုက္ခ​၊ သို့မဟုတ် ညှဉ်းဆဲ​ခြင်း​ရောက်လာ​သောအခါ ချက်ချင်း​စိတ်ပျက်​သွား​ကြ​၏။

ရှင်မာကု 4:6

သို့သော် နေ​ထွက်လာ​၍ နေလောင်​ဒဏ်​ခံရ​သောအခါ အမြစ်​မ​စွဲ​သောကြောင့် ညှိုးနွမ်း​ခြောက်သွေ့​သွား​လေ​၏။

လုကာ 1:53

ဆာလောင်​သော​သူ​တို့​ကို ကောင်း​သော​အရာ​များ​ဖြင့်​ပြည့်ဝ​စေ​၍ ကြွယ်ဝ​သော​သူ​တို့​ကို လက်ချည်း​သက်သက်​ပြန်လွှတ်​တော်မူ​၏။

လုကာ 6:21

ယခု​ဆာလောင်​နေ​သော​သင်​တို့​သည် မင်္ဂလာရှိ​ကြ​၏။ အကြောင်းမူကား သင်​တို့​သည် ဝပြော​ခြင်း​သို့​ရောက်​ကြ​လိမ့်မည်။ ယခု​ငိုကြွေး​နေ​သော​သင်​တို့​သည် မင်္ဂလာရှိ​ကြ​၏။ အကြောင်းမူကား သင်​တို့​သည် ရယ်မော​ကြ​လိမ့်မည်။

ရှင်ယောဟန် 4:14

ငါ​ပေး​မည့်​ရေ​ကို​သောက်​သော​သူ​မူကား ကာလ​အစဉ်အဆက် မည်သည့်​အခါ​မျှ ရေငတ်​မည်​မ​ဟုတ်။ ထိုထက်မက ငါ​ပေး​မည့်​ရေ​သည် ထို​သူ​၌ ထာဝရ​အသက်​တိုင်အောင် ရေ​ပန်းထွက်​ရာ စမ်းရေ​ပေါက်​ဖြစ်​လိမ့်မည်”​ဟု ပြန်​၍​မိန့်​တော်မူ​၏။

ယာ​ကုပ် 1:11

နေ​သည် အပူရှိန်​နှင့်တကွ​ထွက်လာ​သောအခါ မြက်​ပင်​ကို ညှိုးနွမ်း​ခြောက်သွေ့​စေ​တတ်​၏။ ထိုအခါ မြက်​ပွင့်​သည်​ကြွေ​၍ ၎င်း​၏​တင့်တယ်​သော​အဆင်း​သည်​ပျက်စီး​သွား​၏။ ထိုနည်းတူ ချမ်းသာ​သော​သူ​သည်​လည်း မိမိ​၏​စီးပွား​ရှာဖွေ​မှု​အလယ်​၌​ပင် မှေးမှိန်​ကွယ်ပျောက်​သွား​လိမ့်မည်။

ဗျာ​ဒိတ် 21:4

ကိုယ်တော်​သည် သူ​တို့​၏​မျက်စိ​မှ​မျက်ရည်​ရှိသမျှ​တို့​ကို သုတ်​ပေး​တော်မူ​လိမ့်မည်။ သေ​ခြင်း​သည် ရှိ​တော့မည်​မ​ဟုတ်။ ဝမ်းနည်း​ကြေကွဲ​ခြင်း၊ အော်ဟစ်​ငိုကြွေး​ခြင်း​နှင့် နာကျင်​ခြင်း​ဝေဒနာ​တို့​သည်​လည်း ရှိ​တော့မည်​မ​ဟုတ်။ အကြောင်းမူကား ယခင်​ဖြစ်​ခဲ့​သော​အရာ​တို့​သည် ပျောက်ကွယ်​သွား​ကြ​ပြီ”​ဟု ဆို​သည်​ကို ငါ​ကြား​ရ​၏။