ဗျာ​ဒိတ် 3:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ အောင်မြင်​သော​သူ​သည် ထိုကဲ့သို့​ပင် ဖြူ​သော​ဝတ်ရုံ​ကို​ဝတ်ဆင်​ရ​လိမ့်မည်။ ငါ​သည်​လည်း သူ​၏​နာမည်​ကို အသက်​စာစောင်​မှ လုံးဝ​ပယ်ဖျက်​မည်​မ​ဟုတ်။ ငါ​သည် သူ​၏​နာမည်​ကို ငါ့​ခမည်းတော်​ရှေ့​၌​လည်းကောင်း၊ ကိုယ်တော်​၏​ကောင်းကင်​တမန်​များ​ရှေ့​၌​လည်းကောင်း ဝန်ခံ​မည်။

Common Language Bible

⁵ အောင်​မြင်​သော​သူ​တို့​သည်​ဝတ်​ဖြူ​စင်​ကြယ် ကို​ဝတ်​ရ​လိမ့်​မည်။ ငါ​သည်​သူ​တို့​၏​နာ​မည် ကို​အ​သက်​စာ​စောင်​မှ​ဖျက်​ပယ်​မည်​မ​ဟုတ်။ သူ​တို့​သည်​ငါ​၏​တ​ပည့်​များ​ဖြစ်​ကြောင်း ငါ​၏​ခ​မည်း​တော်​နှင့်​ကိုယ်​တော်​၏​ကောင်း ကင်​တ​မန်​များ​ရှေ့​တွင်​ငါ​ထုတ်​ဖော်​ဝန်​ခံ မည်။

Garrad Bible

⁵ အောင် မြင် သူ သည် ထို သို့ ဝတ် လုံ ဖြူ ဆင် ရ လိမ့် မည်။ သူ့ အ မည် ကို လည်း အ သက် စာ ရင်း မှ ငါ ချေ ဖျက် မည် မ ဟုတ် ဘဲ ငါ့ ခ မည်း တော် နှင့် စေ တ မန် တော် တို့ ရှေ့ ဝန် ခံ မည်။

Judson Bible

⁵ ထို​သူ၏​နာ​မ​ကို အ​သက်​စာ​စောင်​မှ ငါ​သည် အ​လျှင်း​မ​ချေ။ ငါ့​ခ​မည်း​တော်​ရှေ့၌​လည်း​ကောင်း၊ ကောင်း​ကင်​တ​မန်​တော်​တို့ ရှေ့၌​လည်း​ကောင်း သူ၏​နာ​မ​ကို ငါ​ဝန်​ခံ​မည်။-

ခေတ်သစ်​မြန်မာ သမ္မာကျမ်း

⁵ အောင်မြင်သောသူ​သည် ထို​သူတို့​ကဲ့သို့​ပင် ဖြူသော​အဝတ်​ကို ဝတ်ဆင်​ရ​လိမ့်မည်။ ငါ​သည် သူ​၏​နာမည်​ကို အသက်​စာစောင်​မှ မည်သည့်​အခါ​မျှ ပယ်ဖျက်မည်​မဟုတ်။ သူ​သည် ငါ့​တပည့်​ဖြစ်ကြောင်း​ကို ငါ့​ခမည်းတော်​နှင့် ခမည်းတော်​၏​ကောင်းကင်တမန်များ​ရှေ့​၌ ငါ​အသိအမှတ်ပြုမည်။

ဗျာ​ဒိတ် 3:5 Referencias Cruzadas

ဆာ​လံ 109:13

သူ​၏​နောင်လာနောက်သား​သည် မျိုးပြတ်​သွား​ပါစေ​။ ထို​နောင်လာနောက်သား​တို့​၏​နာမည်​သည် နောက်​မျိုးဆက်​၌​ပင်လျှင် ပယ်ဖျက်​ခြင်း​ခံ​ကြ​ရ​ပါစေ​။

ဆာ​လံ 69:28

သူ​တို့​သည် အသက်​စာစောင်​မှ ပယ်ဖျက်​ခြင်း​ခံရ​၍ ဖြောင့်မတ်​သော​သူ​တို့​ထဲတွင် စာရင်းဝင်​ခြင်း​မ​ရှိ​ပါစေ​နှင့်​။

မာ​လ​ခိ 3:17

ကောင်းကင်​ဗိုလ်ခြေ​အရှင်​ထာဝရဘုရား​က “ငါ​တရားစီရင်​သော​နေ့​၌ ထို​သူ​တို့​သည် ငါ​ပိုင်​တော်မူ​ရာ​ဘဏ္ဍာ​တော် ဖြစ်​ကြ​လိမ့်မည်​။ ဖခင်​၏​အမှု​ကို ဆောင်​သော​သား​အား ဖခင်​က ကရုဏာထား​သကဲ့သို့ သူ​တို့​ကို ငါ​ကရုဏာ​ထား​မည်”​ဟု မိန့်​တော်မူ​၏​။

မဿဲ 10:32

သို့ဖြစ်၍ မည်သူမဆို လူ​တို့​ရှေ့၌​ငါ့​ကို​ဝန်ခံ​လျှင် ငါ​သည်​လည်း ကောင်းကင်​ဘုံ​၌​ရှိ​တော်မူ​သော​ငါ့​ခမည်းတော်​ရှေ့၌ ထို​သူ​ကို​ဝန်ခံ​မည်။

လုကာ 10:20

သို့သော် နတ်​ဆိုး​တို့​သည် သင်​တို့​ကို​နာခံ​ကြ​သည့်​အတွက် ဝမ်းမြောက်​ခြင်း​မ​ရှိ​ကြ​နှင့်။ သင်​တို့​၏​နာမည်​များ​ကို ကောင်းကင်​၌​ရေးမှတ်​ထား​သည့်​အတွက် ဝမ်းမြောက်​ကြ​လော့”​ဟု မိန့်​တော်မူ​၏။

လုကာ 12:8

သင်​တို့​အား ငါ​ဆို​သည်​ကား မည်သူမဆို လူ​တို့​ရှေ့၌ ငါ့​ကို​ဝန်ခံ​လျှင် လူ့သား​သည်​လည်း ဘုရားသခင်​၏​ကောင်းကင်တမန်​တို့​ရှေ့၌ ထို​သူ​ကို ဝန်ခံ​မည်။

တ​ရား​ဟော 9:14

သို့ဖြစ်၍ ငါ့​ကို​မတား​နှင့်​။ ငါ​သည် သူ​တို့​ကို ဖျက်ဆီး​၍ သူ​တို့​၏​အမည်​ကို ကောင်းကင်​အောက်​မှ ပယ်ဖျက်​မည်​။ သင့်​ကို​ကား သူ​တို့​ထက် အင်အားကြီး​၍ များပြား​သော​လူမျိုး​ဖြစ်​စေ​မည်​’​ဟု မိန့်​တော်မူ​၏​။

ဖိ​လိပ္ပိ 4:3

အချင်း​စစ်မှန်​သော​ရဲဘော်ရဲဘက်၊ ထို​အမျိုးသမီး​တို့​ကို ကူညီ​မစ​ရန် သင့်​ကို​လည်း ငါ​တောင်းပန်​၏။ သူ​တို့​သည် အသက်​စာစောင်​တွင် နာမည်​ပါ​သူ​များ​ဖြစ်​ကြ​သည့် ကလေမင်​မှစ၍ အခြား​သော​ငါ​၏​လုပ်ဖော်ဆောင်ဖက်​များ​နှင့်တကွ ကောင်းမြတ်​သော​သတင်း​အတွက် ငါ​နှင့်အတူ​လက်တွဲ​လုပ်ဆောင်​ခဲ့​သူ​များ​ဖြစ်​ကြ​၏။

ယု​ဒ 1:24

သင်​တို့​အား မှားယွင်း​ခြင်း​နှင့်​ကင်း​စေရန် စောင့်ရှောက်​နိုင်စွမ်း​ရှိ​တော်မူ​၍ သင်​တို့​ကို အပြစ်​အနာအဆာ​ကင်း​လျက် ရွှင်မြူး​သော​စိတ်​ဖြင့် ဘုန်း​အသရေ​တော်​ရှေ့​၌​ရပ်​စေ​နိုင်​သော

ဗျာ​ဒိတ် 13:8

အသေ​သတ်​ခြင်း​ခံရ​သည့် သိုးသငယ်​တော်​၏​အသက်​စာစောင်​၌ ကမ္ဘာဦး​မှစ၍ အမည်​မ​ရေး​ထား​သော ကမ္ဘာ​မြေကြီး​ပေါ်တွင်​နေထိုင်​သူ​အားလုံး​တို့​သည် ထို​သားရဲ​ကို ကိုးကွယ်​ကြ​လိမ့်မည်။

ဗျာ​ဒိတ် 17:8

သင်​မြင်​ရ​သော​သားရဲ​သည် ယခင်က​ရှိ​ခဲ့​ပြီး ယခု​မ​ရှိ၊ မကြာမီ အတိုင်းမသိ​နက်ရှိုင်းရာ​အရပ်​ထဲမှ​တက်​လာ​၍ ပျက်စီး​ခြင်း​သို့​ရောက်​မည်​ဖြစ်​၏။ ကမ္ဘာ​မြေကြီး​ပေါ်၌​နေထိုင်​သော​သူ​တို့​ထဲတွင် ကမ္ဘာ​တည်​ချိန်​မှစ၍ အသက်​စာစောင်​၌​စာရင်း​မ​ဝင်​သော​သူ​တို့​သည် ယခင်က​ရှိ​ခဲ့​ပြီး ယခု​မ​ရှိ၊ မကြာမီ​ရောက်လာ​မည့် ထို​သားရဲ​ကို​မြင်​လျက် အံ့ဩ​ကြ​လိမ့်မည်။

ဗျာ​ဒိတ် 19:8

ထို​သတို့သမီး​သည် စင်ကြယ်​တောက်ပ​သော​ပိတ်ချော​ထည်​ကို ဝတ်ဆင်​ခွင့်​ရရှိ​၏။ ထို​ပိတ်ချော​ထည်​ကား သန့်ရှင်း​သူ​တို့​၏​ဖြောင့်မတ်​သော​အကျင့်​ဖြစ်​၏”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 2:11

ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။ အောင်မြင်​သော​သူ​အပေါ် ဒုတိယ​သေ​ခြင်း​နှင့်ဆိုင်သော​ဘေးအန္တရာယ်​သည် မည်သည့်​အခါ​မျှ သင့်ရောက်​လိမ့်မည်​မ​ဟုတ်။

ဗျာ​ဒိတ် 2:7

ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။ အောင်မြင်​သော​သူ​အား ဘုရားသခင်​၏​ပရဒိသု​ဘုံ​၌​ရှိ​သော အသက်​ပင်​၏​အသီး​ကို ငါ​စား​ခွင့်​ပေး​မည်။

ဗျာ​ဒိတ် 20:12

တစ်ဖန် သေလွန်​သော​သူ​အကြီး​အငယ်​တို့​သည် ပလ္လင်​တော်​ရှေ့​၌​ရပ်​နေ​ကြ​သည်​ကို ငါ​မြင်​ရ​၏။ စာစောင်​များ​ကို​ဖွင့်​ထား​၍ အသက်​စာစောင်​တည်းဟူသော အခြား​သော​စာစောင်​ကို​လည်း​ဖွင့်​ထား​၏။ သေလွန်​သော​သူ​တို့​သည် ထို​စာစောင်​များ​တွင်​ရေး​ထား​သည့်​အတိုင်း မိမိ​တို့​ပြု​သော​အမှု​များ​နှင့်အညီ တရား​စီရင်​ခြင်း​ကို​ခံရ​ကြ​၏။

ဗျာ​ဒိတ် 20:15

အသက်​စာစောင်​၌ စာရင်း​မ​ဝင်​သော​သူ​ရှိသမျှ​တို့​သည်​လည်း မီး​အိုင်​ထဲသို့ ပစ်ချ​ခြင်း​ခံရ​ကြ​၏။

ဗျာ​ဒိတ် 21:27

မစင်ကြယ်​သော​အရာ​တစ်စုံတစ်ခု​မျှ ထို​မြို့​ထဲသို့​ဝင်​ရ​လိမ့်မည်​မ​ဟုတ်။ ရွံရှာ​ဖွယ်​သော​အမှု​နှင့်​လိမ်လည်​မှု​တို့​ကို​ပြုကျင့်​သော​သူ​သည်​လည်း ဝင်ရ​လိမ့်မည်​မဟုတ်။ သိုးသငယ်​တော်​၏​အသက်​စာစောင်​တွင် စာရင်း​ဝင်​သော​သူ​တို့​သာ ဝင်​ရ​ကြ​လိမ့်မည်။

ဗျာ​ဒိတ် 22:19

မည်သူမဆို ဤ​ပရောဖက်ပြု​ဟောပြော​သော​စာစောင်​ထဲမှ စကားလုံး​များ​ကို​နုတ်ပယ်​လျှင် ဤ​စာစောင်​၌​ရေး​ထား​သော​အသက်​ပင်​မှ​လည်းကောင်း၊ သန့်ရှင်း​သော​မြို့​တော်​မှ​လည်းကောင်း ထို​သူ​ရ​မည့်​ဝေစု​ကို ဘုရားသခင်​သည်​နုတ်ပယ်​တော်မူ​လိမ့်မည်။

ဗျာ​ဒိတ် 3:12

ငါ​သည် အောင်မြင်​သော​သူ​အား ငါ့​ဘုရားသခင်​၏​ဗိမာန်​တော်​၌ တိုင်​ဖြစ်​စေ​မည်။ သူ​သည် မည်သည့်​အခါ​မျှ အပြင်​သို့​ထွက်ခွာ​သွား​ရ​တော့​မည်​မ​ဟုတ်။ ငါ​သည် ငါ့​ဘုရားသခင်​၏​နာမ​တော်​ကို​လည်းကောင်း၊ ငါ့​ဘုရားသခင်​၏​မြို့​တော်​တည်းဟူသော ဘုရားသခင်​အထံ​တော်​ကောင်းကင်​မှ​ဆင်းသက်​လာ​သည့် ဂျေရုဆလင်​မြို့​သစ်​၏​နာမ​ကို​လည်းကောင်း၊ ငါ​၏​နာမ​အသစ်​ကို​လည်းကောင်း သူ့​အပေါ်၌​ရေး​ထား​မည်။

ဗျာ​ဒိတ် 3:4

သို့သော် သာဒိ​မြို့​၌ မိမိ​တို့​အဝတ်​ကို​မ​ညစ်ညူး​စေ​သော​သူ အနည်းငယ်​ရှိ​၏။ ထို​သူ​တို့​သည် ထိုက်တန်​သော​သူ​များ​ဖြစ်​သောကြောင့် ဖြူ​သော​အဝတ်​ကို​ဝတ်​လျက် ငါ​နှင့်အတူ​သွားလာ​ရ​ကြ​လိမ့်မည်။

ဗျာ​ဒိတ် 6:11

ထိုအခါ သူ​တို့​တစ်ဦးစီ​အား ဖြူ​သော​ဝတ်လုံ​ကို​ပေး​တော်မူ​ပြီးလျှင် သူ​တို့​နည်းတူ အသေ​သတ်​ခြင်း​ခံရ​ရန်​ရှိ​သည့် သူ​တို့​၏​အစေအပါး​ချင်း​များ​နှင့် သူ​တို့​ညီအစ်ကို​များ​၏​အရေအတွက် ပြည့်စုံ​သည့်​တိုင်အောင် နောက်ထပ် ခဏ​အနားယူ​ကြ​ရန် သူ​တို့​အား မိန့်​တော်မူ​၏။

၁ ရာ 17:25

အစ္စရေး​အမျိုးသား​တို့​က “​ယခု ထွက်လာ​သော​သူ​ကို သင်​တို့​မြင်​သလော​။ စင်စစ် အစ္စရေး​လူမျိုး​တို့​ကို စော်ကား​ရန်​ထွက်လာ​ခြင်း​ဖြစ်​၏​။ သူ့​ကို​သတ်​နိုင်​သော​သူ​အား ရှင်ဘုရင်​သည် ဓနဥစ္စာ​အများအပြား​ချီးမြှင့်​၍ သမီး​တော်​နှင့်​ထိမ်းမြား​ပေး​မည်​။ သူ့​အိမ်သူအိမ်သား​တို့​ကို​လည်း အစ္စရေး​နိုင်ငံ​တွင် အခွန်​လွတ်ငြိမ်း​ခွင့်​ပြု​မည်​”​ဟု ပြောဆို​နေ​ကြ​၏​။