ဗျာ​ဒိတ် 22:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ဝိညာဉ်​တော်​နှင့်​သတို့သမီး​တို့​က “ကြွလာ​တော်မူ​ပါ”​ဟု ဆို​ကြ​၏။ ကြားနာ​သော​သူ​က​လည်း “ကြွလာ​တော်မူ​ပါ”​ဟု ဆို​ပါစေ။ ရေငတ်​သော​သူ​သည် လာ​ပါစေ။ အလိုရှိ​သော​သူ​သည် အသက်​ရေ​ကို အခမဲ့​ယူ​ပါစေ။

Common Language Bible

¹⁷ ဝိ​ညာဉ်​တော်​နှင့်​မင်္ဂ​လာ​ဆောင်​သ​တို့​သ​မီး​က ``ကြွ​လာ​တော်​မူ​ပါ'' ဟု​ဆို​ကြ​၏။ ထို​သို့​ဆို​သည်​ကို​ကြား​သော​သူ​မှန်​သ​မျှ​သည် လည်း ``ကြွ​လာ​တော်​မူ​ပါ'' ဟု​ဆို​ကြ​ပါ​စေ။ ရေ​ငတ်​သူ​သည်​လာ​ပါ​စေ။ အ​သက်​ရေ​ကို​အ​လို​ရှိ​သူ​သည်​အ​ခ​မဲ့ ယူ​ပါ​စေ။

Garrad Bible

¹⁷ ဝိ ညာဉ် တော် နှင့် မင်္ဂ လာ ဆောင် သ တို့ သ မီး က ကြွ လာ တော် မူ ပါ ဟု လျှောက် ဆို ကြ၏။ ကြား နာ သူ က လည်း ကြွ လာ တော် မူ ပါ ဟု လျှောက် စေ၊ ရေ ငတ် သူ ကား လာ စေ၊ သောက် လို သူ ကား အ သက် ရေ ကို အ ဖိုး မဲ့ သောက် စေ။

Judson Bible

¹⁷ ဝိ​ညာဉ်​တော်​နှင့် မင်္ဂ​လာ​ဆောင်​သ​တို့​သ​မီး​က လာ​ခဲ့​ပါ​ဟု ဆို​ကြ၏။ ကြား​သော​သူ​က​လည်း၊ လာ​ခဲ့​ပါ​ဟု​ဆို​ပါ​စေ၊ ရေ​ငတ်​သော​သူ​သည် လာ​ပါ​စေ။ အ​လို​ရှိ​သော​သူ​သည် အ​ဖိုး​ကို​မ​ပေး​ဘဲ အ​သက်​ရေ​ကို ယူ​ပါ​စေ။-

ခေတ်သစ်​မြန်မာ သမ္မာကျမ်း

¹⁷ ဝိညာဉ်တော်​နှင့် သတို့သမီးတို့​က “ကြွပါ” ဟု ဖိတ်ခေါ်ကြ၏။ ကြားသောသူ​တိုင်း​ကလည်း “ကြွပါ” ဟု ဖိတ်ခေါ်​ပါစေ။ ရေငတ်သောသူ​သည် လာပါစေ။ အလိုရှိသောသူ​သည် အသက်ရေ​ကို အခမဲ့ ယူပါစေ။

ဗျာ​ဒိတ် 22:17 Referencias Cruzadas

ဆာ​လံ 34:8

ထာဝရဘုရား​ကောင်းမြတ်​တော်မူ​ကြောင်း မြည်းစမ်း​၍​သိမြင်​ကြ​လော့​။ ကိုယ်တော်​ကို​ခိုလှုံ​သော​သူ​သည် မင်္ဂလာ​ရှိ​၏​။

ဟေ​ရှာ​ယ 12:3

သင်​တို့​သည် ကယ်တင်​ခြင်း​စမ်းရေတွင်း​များ​မှ​ရေ​ကို ဝမ်းမြောက်​စွာ ခပ်ယူ​ကြ​လိမ့်မည်​။

ဟေ​ရှာ​ယ 2:3

လူ​များစွာ​တို့​သည်​လာ​ကြ​၍ “​လာ​ကြ​လော့​။ ထာဝရဘုရား​၏​တောင်​တော်​၊ ယာကုပ်​၏​ဘုရားသခင့်​အိမ်​တော်​သို့ တက်​ကြ​ကုန်​စို့​။ ကိုယ်တော်​သည် မိမိ​၏​နည်းလမ်း​တော်​တို့​ကို ငါ​တို့​အား​သွန်သင်​တော်မူ​၍ ငါ​တို့​သည် ကိုယ်တော်​၏​လမ်း​တော်​၌ လျှောက်လှမ်း​ကြ​မည်​”​ဟု ဆို​ကြ​လိမ့်မည်​။ ပညတ်တရား​သည် ဇိအုန်​တောင်​မှ ထွက်ပေါ်​လာ​လိမ့်မည်​။ ထာဝရဘုရား​၏​နှုတ်ကပတ်တော်​သည် ဂျေရုဆလင်​မြို့​မှ ထွက်ပေါ်​လာ​လိမ့်မည်​။

ဟေ​ရှာ​ယ 2:5

အို ယာကုပ်​အမျိုးအနွယ်​တို့​၊ လာ​ကြ​လော့​။ ထာဝရဘုရား​၏​အလင်း​တော်​၌ လျှောက်လှမ်း​ကြ​ကုန်​စို့​။

ယေ​ရ​မိ 50:5

‘​လာ​ကြ​။ မ​ပျက်ပြယ်​နိုင်​သော​ထာဝရ​ပဋိညာဉ်​ဖြင့် ထာဝရဘုရား​နှင့်​မိတ်သဟာယဖွဲ့​ကြ​စို့​’​ဟု ဆို​လျက် ဇိအုန်​မြို့​ဘက်​သို့​လှည့်​၍ ဇိအုန်​မြို့​သို့​သွား​သော​လမ်း​ကို မေးမြန်း​ကြ​လိမ့်မည်​။

ယေ​ဇ​ကျေ​လ 47:1

ထို​သူ​သည် ငါ့​အား အိမ်​တော်​ဝင်ပေါက်​သို့ ပြန်လည်​ခေါ်ဆောင်​လာ​ရာ အိမ်​တော်​တံခါးခုံ​အောက်​မှ အိမ်​တော်​မျက်နှာမူ​ရာ​အရှေ့ဘက်​သို့ ရေ​စီးထွက်​သွား​သည်​ကို တွေ့​ရ​၏​။ ထို​ရေ​တို့​သည် အိမ်​တော်​လက်ယာ​ဘက်​အောက်​၊ ယဇ်ပလ္လင်​တော်​တောင်ဘက်​မှ စီးဆင်း​သွား​၏​။

မိက္ခာ 4:2

လူမျိုး​များစွာ​တို့​သည် လာ​၍ “​လာ​ကြ​လော့​။ ယာကုပ်​၏​ဘုရားသခင်​အိမ်​တော်​ရှိ​ရာ ထာဝရဘုရား​၏​တောင်​တော်​သို့​တက်​ကြ​ကုန်စို့​။ ကိုယ်တော်​သည် မိမိ​လမ်း​တော်​တို့​ကို ငါ​တို့​အား သွန်သင်​တော်မူ​မည်​ဖြစ်၍ ငါ​တို့​သည်​လည်း ကိုယ်တော်​၏​လမ်း​တော်​အတိုင်း လိုက်လျှောက်​ကြ​မည်​”​ဟု ဆို​ကြ​လိမ့်မည်​။ အကြောင်းမူကား တရားတော်​သည် ဇိအုန်​တောင်​မှ​လည်းကောင်း​၊ ထာဝရဘုရား​၏​နှုတ်ကပတ်တော်​သည် ဂျေရုဆလင်​မြို့​မှ​လည်းကောင်း ထွက်ပေါ်​လာ​လိမ့်မည်​။

ရှင်ယောဟန် 1:37

ထိုသို့ ယောဟန်​ပြောဆို​သည်​ကို တပည့်​နှစ်​ဦး​တို့​သည်​ကြား​လျှင် ယေရှု​နောက်​တော်​သို့​လိုက်​သွား​ကြ​၏။

ရှင်ယောဟန် 4:10

ယေရှု​က​လည်း“ဘုရားသခင်​၏​ကောင်းချီး​လက်ဆောင်​ကို​လည်းကောင်း၊ ငါ​သောက်​ဖို့​ရေ​ပေး​ပါ​ဟု ပြောဆို​နေ​သူ​မှာ မည်သူ​ဖြစ်​သည်​ကို​လည်းကောင်း သင်​သိ​ခဲ့​လျှင် သင်​က​သာ သူ့​ကို​တောင်း​၍ သူ​သည် သင့်​အား အသက်​ရေ​ကို​ပေး​ခဲ့​လိမ့်မည်”​ဟု ပြန်​၍​မိန့်​တော်မူ​၏။

ရှင်ယောဟန် 4:11

ထို​အမျိုးသမီး​က “အရှင်၊ အရှင့်​မှာ​ရေ​ခပ်​စရာ​တစ်စုံတစ်ခု​မျှ​မ​ရှိ။ ဤ​ရေတွင်း​လည်း​နက်​သည်​ဖြစ်၍ ထို​အသက်​ရေ​ကို အဘယ်က​ရ​ပါ​မည်နည်း။

ရှင်ယောဟန် 4:14

ငါ​ပေး​မည့်​ရေ​ကို​သောက်​သော​သူ​မူကား ကာလ​အစဉ်အဆက် မည်သည့်​အခါ​မျှ ရေငတ်​မည်​မ​ဟုတ်။ ထိုထက်မက ငါ​ပေး​မည့်​ရေ​သည် ထို​သူ​၌ ထာဝရ​အသက်​တိုင်အောင် ရေ​ပန်းထွက်​ရာ စမ်းရေ​ပေါက်​ဖြစ်​လိမ့်မည်”​ဟု ပြန်​၍​မိန့်​တော်မူ​၏။

ရှင်ယောဟန် 4:29

“ကျွန်မ​ပြု​ခဲ့​သမျှ​သော​အရာ​တို့​ကို ကျွန်မ​အား​ထုတ်ဖော်​ပြောဆို​သော​သူ​ကို လာ​ကြည့်​ကြ​ပါ။ သူ​သည် ခရစ်တော်​ဖြစ်​လေ​မည်​လော”​ဟု လူ​တို့​အား​ဆို​သဖြင့်

ရှင်ယောဟန် 7:37

ထို​ပွဲတော်​၏​ကြီးမြတ်​သော​နေ့​ဖြစ်​သည့် နောက်ဆုံး​နေ့​၌ ယေရှု​သည်​ရပ်​လျက်“မည်သူမဆို ရေငတ်​လျှင် ငါ့​ထံသို့​လာ​၍ သောက်​လော့။

ရော​မ 3:24

သူ​တို့​သည် ဘုရားသခင်​၏​ကျေးဇူး​တော်​ကြောင့် ခရစ်တော်​ယေရှု​၏​ရွေးနုတ်​ခြင်း​အားဖြင့် အဖိုးအခ​မ​ပေး​ရ​ဘဲ ဖြောင့်မတ်​သည်​ဟု​အသိအမှတ်ပြု​ခြင်း​ခံရ​ကြ​၏။

၁ ကော 2:12

ငါ​တို့​သည် လောကီ​ဝိညာဉ်​ကို ခံယူ​ရရှိ​ကြ​သည်​မ​ဟုတ်​ဘဲ ငါ​တို့​အား ဘုရားသခင်​ပေး​သနား​တော်မူ​သော​အရာ​တို့​ကို သိ​ရှိ​နိုင်​ရန် ဘုရားသခင်​ထံမှ​လာ​သော​ဝိညာဉ်​တော်​ကို ခံယူ​ရရှိ​ကြ​၏။

ဗျာ​ဒိတ် 14:13

ထို့နောက် ကောင်းကင်​မှ​အသံ​က “ရေး​ထား​လော့။ ယခု​မှစ၍ သခင်​ဘုရား​၌​သေဆုံး​သည့် သေလွန်​သော​သူ​တို့​သည် မင်္ဂလာရှိ​ကြ​၏”​ဟု ပြောဆို​သည်​ကို ငါ​ကြား​ရ​၏။ ဝိညာဉ်​တော်​က​လည်း “မှန်​ပေ​၏။ သူ​တို့​သည် မိမိ​တို့​၏​ကြိုးပမ်း​အားထုတ်​မှု​မှ အနားယူ​ခွင့်​ရ​ကြ​လိမ့်မည်။ သူ​တို့​ပြု​သော​အမှု​များ​သည်​လည်း သူ​တို့​နှင့်​လိုက်​ပါလာ​၏”​ဟု မိန့်​တော်မူ​၏။

ဗျာ​ဒိတ် 2:7

ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။ အောင်မြင်​သော​သူ​အား ဘုရားသခင်​၏​ပရဒိသု​ဘုံ​၌​ရှိ​သော အသက်​ပင်​၏​အသီး​ကို ငါ​စား​ခွင့်​ပေး​မည်။

ဗျာ​ဒိတ် 21:2

တစ်ဖန် သန့်ရှင်း​သော​ဂျေရုဆလင်​မြို့​သစ်​သည် သတို့သား​အတွက်​ဆင်မြန်း​ထား​သည့် သတို့သမီး​ကဲ့သို့​ပြင်ဆင်​လျက် ဘုရားသခင်​အထံ​တော်၊ ကောင်းကင်​မှ​ဆင်းသက်​လာ​သည်​ကို ငါ​မြင်​ရ​၏။

ဗျာ​ဒိတ် 21:6

တစ်ဖန် “အမှု​ပြီးမြောက်​ပြီ။ ငါ​သည် အာလဖာ​နှင့်​အိုမီဂါ​ဖြစ်​၏။ အစ​နှင့်​အဆုံး​ဖြစ်​၏။ ရေငတ်​သော​သူ​အား အသက်​စမ်းရေ​ကို အခမဲ့​ငါ​ပေး​မည်။

ဗျာ​ဒိတ် 21:9

ထို့နောက် နောက်ဆုံး​သော​ဘေးဒဏ်​ခုနစ်​ပါး​နှင့် ပြည့်​နေ​သော​ဖလား​ခုနစ်​လုံး​ကို ကိုင်ဆောင်​သည့်​ကောင်းကင်​တမန်​ခုနစ်​ပါး​ထဲမှ တစ်​ပါး​သည်​လာ​၍ ငါ​နှင့်​စကား​ပြော​လျက် “လာ​ပါ။ သိုးသငယ်​တော်​၏​ဇနီးသည်​ဖြစ်​သော သတို့သမီး​ကို သင့်​အား​ငါ​ပြ​မည်”​ဟု ဆို​၏။

ဗျာ​ဒိတ် 22:1

ထို့နောက် ကောင်းကင်​တမန်​သည် ကျောက်​သလင်း​ကဲ့သို့​ကြည်လင်​တောက်ပ​သော အသက်​ရေ​စီး​ရာ​မြစ်​ကို ငါ့​အား​ပြ​လေ​၏။ ထို​မြစ်​သည် ဘုရားသခင်​နှင့်​သိုးသငယ်​တော်​၏​ပလ္လင်​တော်​မှ ထွက်​၍

ဗျာ​ဒိတ် 22:16

ငါ​ယေရှု​သည် အသင်းတော်​များ​အတွက် ဤ​အကြောင်းအရာ​များ​ကို သင်​တို့​အား​သက်သေခံ​ရန် ငါ​၏​ကောင်းကင်​တမန်​ကို​စေလွှတ်​လိုက်​၏။ ငါ​သည် ဒါဝိဒ်​၏​အမြစ်​နှင့်​အမျိုးအနွယ်​ဖြစ်​ပြီး တောက်ပ​သော​မိုးသောက်​ကြယ်​ဖြစ်​၏။”

ဗျာ​ဒိတ် 7:17

အကြောင်းမူကား ပလ္လင်​တော်​အလယ်​တွင်​ရှိ​သော​သိုးသငယ်​တော်​သည် သူ​တို့​ကို​အုပ်ထိန်း​၍ အသက်​ရေ​ထွက်​ရာ​စမ်းရေ​တွင်း​သို့ သူ​တို့​ကို​လမ်းပြ​ပို့ဆောင်​တော်မူ​လိမ့်မည်။ ဘုရားသခင်​သည်​လည်း သူ​တို့​၏​မျက်စိ​မှ မျက်ရည်​ရှိသမျှ​တို့​ကို သုတ်​ပေး​တော်မူ​လိမ့်မည်”​ဟု ဆို​၏။