ဗျာ​ဒိတ် 21:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ မြို့ရိုး​ထု​ကို​လည်း​တိုင်း​လေ​ရာ ကောင်းကင်​တမန်​၏​အတိုင်းအတာ​လည်း​ဖြစ်​သော လူ​၏​အတိုင်းအတာ​အားဖြင့် အတောင် တစ်ရာ​လေးဆယ့်​လေး​တောင်​ရှိ​၏။

Common Language Bible

¹⁷ ထို​နောက်​မြို့​ရိုး​ကို​တိုင်း​ရာ​ကောင်း​ကင်​တ​မန် အ​သုံး​ပြု​သည့်​လူ​တို့​၏​အ​တိုင်း​အ​ထွာ​အ​ရ၊ အ​မြင့်​နှစ်​ရာ​တစ်​ဆယ့်​ခြောက်​ပေ​ရှိ​သ​တည်း။-

Garrad Bible

¹⁷ မြို့ ရိုး ကို တိုင်း တာ သော် လူ သာ မန် အ တောင် အ လိုက် စေ တ မန် တော့် တောင် ရေ တစ် ရာ့ လေး ဆယ် လေး တောင် တည်း။

Judson Bible

¹⁷ မြို့​ရိုး​ဒု​ကို တိုင်း၍၊ လူ​အ​တောင်​ကဲ့​သို့​သော ကောင်း​ကင်​တ​မန် အ​တောင်​အား​ဖြင့်၊ တစ်​ရာ​လေး​ဆယ် လေး​တောင်​ရှိ၏။-

ခေတ်သစ်​မြန်မာ သမ္မာကျမ်း

¹⁷ ကောင်းကင်တမန်​သည် လူတို့​၏​အတိုင်းအတာ​ဖြင့် မြို့ရိုး​ကို တိုင်းတာ​ရာ အမြင့်​နှစ်ရာ​တစ်ဆယ့်ခြောက်ပေ ရှိ၏။

ဗျာ​ဒိတ် 21:17 Referencias Cruzadas

တ​ရား​ဟော 3:11

(​အကယ်စင်စစ် ရေဖိမ်​လူမျိုး​တွင် ဗာရှန်​ဘုရင်​ဩဃ​မင်းကြီး​တစ်ယောက်တည်း​သာ ကြွင်းကျန်​၏​။ လူ့​လက်​ဖြင့်​တိုင်း​လျှင် အလျား​ကိုး​တောင်​၊ အနံ​လေး​တောင်​ရှိ​သော သူ​၏​သံ​ညောင်စောင်း​သည် အမ္မုန်​အမျိုးသား​တို့​၏​မြို့​ဖြစ်​သော​ရဗ္ဗာ​မြို့​၌ တွေ့​နိုင်​၏​။​)

ဗျာ​ဒိတ် 13:18

ဤ​နေရာ​တွင် ဉာဏ်ပညာ​ရှိ​ရန်​လို​အပ်​၏။ ထိုးထွင်းဉာဏ်​ရှိ​သော​သူ​သည် သားရဲ​၏​ကိန်းဂဏန်း​ကို​တွက်ချက်​ပါစေ။ အကြောင်းမူကား ၎င်း​သည် လူ​တစ်​ဦး​၏​ကိန်းဂဏန်း​ဖြစ်​ပြီး ထို​ကိန်းဂဏန်း​မှာ ခြောက်ရာ​ခြောက်ဆယ့်​ခြောက်​ဖြစ်​၏။

ဗျာ​ဒိတ် 14:3

သူ​တို့​သည် ပလ္လင်​တော်​ရှေ့​၌​လည်းကောင်း၊ သတ္တဝါ​လေး​ပါး​နှင့် သက်ကြီးဝါကြီး​တို့​၏​ရှေ့​၌​လည်းကောင်း သီချင်း​သစ်​ကို​သီဆို​ကြ​၏။ ကမ္ဘာ​မြေကြီး​ပေါ်မှ ရွေးနုတ်​ဝယ်ယူ​ခြင်း​ခံရ​သူ တစ်သိန်း​လေးသောင်း​လေးထောင်​တို့​မှတစ်ပါး မည်သူ​က​မျှ ထို​သီချင်း​ကို​မ​သင်ယူ​နိုင်​ပေ။

ဗျာ​ဒိတ် 21:16

ထို​မြို့​သည် စတုရန်း​ပုံ​ရှိ​၍ ၎င်း​၏​အလျား​နှင့်​အနံ​သည် တူညီ​၏။ ကောင်းကင်​တမန်​သည် ရွှေ​ကျူရိုး​ဖြင့် မြို့​ကို​တိုင်း​လေ​ရာ မိုင်ပေါင်း​တစ်ထောင့်သုံးရာရှစ်ဆယ်​ခန့် ရှိ​၍ ၎င်း​၏​အလျား၊ အနံ၊ အမြင့်​တို့​သည် တူညီ​ကြ​၏။

ဗျာ​ဒိတ် 21:9

ထို့နောက် နောက်ဆုံး​သော​ဘေးဒဏ်​ခုနစ်​ပါး​နှင့် ပြည့်​နေ​သော​ဖလား​ခုနစ်​လုံး​ကို ကိုင်ဆောင်​သည့်​ကောင်းကင်​တမန်​ခုနစ်​ပါး​ထဲမှ တစ်​ပါး​သည်​လာ​၍ ငါ​နှင့်​စကား​ပြော​လျက် “လာ​ပါ။ သိုးသငယ်​တော်​၏​ဇနီးသည်​ဖြစ်​သော သတို့သမီး​ကို သင့်​အား​ငါ​ပြ​မည်”​ဟု ဆို​၏။

ဗျာ​ဒိတ် 7:4

ထို့နောက် တံဆိပ်​ခတ်နှိပ်​ခြင်း​ခံရ​သော​သူ​တို့​၏​အရေအတွက်​ကို ငါ​ကြား​ရ​၏။ အစ္စရေး​အမျိုးသား​တို့​၏​မျိုးနွယ်စု​အားလုံး​ထဲမှ တစ်သိန်း​လေးသောင်း​လေးထောင်​တို့​သည် တံဆိပ်​ခတ်နှိပ်​ခြင်း​ခံရ​ကြ​၏။