ဗျာ​ဒိတ် 19:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သက်ကြီးဝါကြီး​နှစ်ဆယ့်​လေး​ပါး​နှင့် သတ္တဝါ​လေး​ပါး​တို့​သည်​လည်း ပျပ်ဝပ်​လျက် ပလ္လင်​ပေါ်တွင်​ထိုင်​တော်မူ​သော​ဘုရားသခင်​ကို​ရှိခိုး​ကာ “အာမင်။ ဟာလေလုယာ”​ဟု ဆို​ကြ​၏။

Common Language Bible

⁴ ထို​အ​ခါ​အ​ကြီး​အ​ကဲ​နှစ်​ဆယ့်​လေး​ပါး​နှင့် သက် ရှိ​သတ္တ​ဝါ​လေး​ပါး​တို့​က``အာ​မင်၊ ဘု​ရား​သ​ခင် ၏​ဂုဏ်​တော်​ကို​ချီး​မွမ်း​ကြ​လော့'' ဟု​ဆို​ကာ​ပလ္လင် တော်​ပေါ်​တွင် စံ​နေ​တော်​မူ​သော​ဘု​ရား​သ​ခင် အား​ပျပ်​ဝပ်​ရှိ​ခိုး​ကြ​၏။

Garrad Bible

⁴ အ ကြီး အ ကဲ နှစ် ဆယ့် လေး ပါး တို့ နှင့် သ တ္တ ဝါ လေး ပါး တို့ က လည်း ရာ ဇ ပ လ္လင် တော် ထက် စံ တော် မူ သော ဘု ရား သ ခင် ကို ပျပ် ဝပ် ရှိ ခိုး၍ အာ မင်။ ဟာ လေ လု ယ ဟု လိုက် ဆို ကြ ၏။

Judson Bible

⁴ အ​သက်​ကြီး​သူ နှစ်​ဆယ်​လေး​ပါး​နှင့် သ​တ္တ​ဝါ လေး​ပါး​တို့​သည် ပျပ်​ဝပ်၍၊ ပ​လ္လင်​တော်​ပေါ်​မှာ ထိုင်​တော်​မူ​သော ဘု​ရား​သ​ခင်​ကို ကိုး​ကွယ်​လျက်၊ အာ​မင်၊ ဟာ​လေ​လု​ယ​ဟု လျှောက်​ဆို​ကြ၏။

ခေတ်သစ်​မြန်မာ သမ္မာကျမ်း

⁴ ထိုအခါ အကြီးအကဲ​နှစ်ဆယ့်လေးပါး​နှင့် သတ္တဝါလေးပါးတို့​သည် ဝပ်တွားခယ​လျက် ရာဇပလ္လင်တော်​ပေါ်၌ ထိုင်တော်မူသော ဘုရားသခင်​ကို ကိုးကွယ်ကြ၏။ ထို့နောက် “အာမင်။ ဟာလေလုယာ” ဟု ဆိုကြ၏။

ဗျာ​ဒိတ် 19:4 Referencias Cruzadas

၁ ရာ​ချုပ် 16:36

အစ္စရေး​လူမျိုး​၏​ဘုရားသခင်​ထာဝရဘုရား​သည် ကာလ​အစဉ်အဆက်​မင်္ဂလာ​ရှိ​ပါစေသော ဟု​သီဆို​ကြ​၍ လူ​အပေါင်း​တို့​က “​အာမင်​”​ဟု​ဆို​လျက် ထာဝရဘုရား​ကို ချီးမွမ်း​ကြ​၏​။

နေ​ဟ​မိ 5:13

ထို့နောက် ငါ​သည် ခါးပိုက်​ကို​ခါပြ​ပြီး “​ဘုရားသခင်​သည် ဤ​ကတိ​ကို ဖောက်ဖျက်​သော​သူ​အား သူ့​အိမ်​၊ သူ​ပိုင်ဆိုင်​သမျှ​တို့​မှ ဤသို့​ခါထုတ်​တော်မူ​ပါစေသော​။ ထို​သူ​သည် ဘာမျှ​မ​ကျန် ခါထုတ်​ခြင်း​ခံရ​ပါစေသော​”​ဟု ဆို​လျှင် လူစုလူဝေး​အပေါင်း​တို့​က “​အာမင်​”​ဟု ဆို​လျက် ထာဝရဘုရား​၏​ကျေးဇူး​တော်​ကို ချီးမွမ်း​ကြ​၏​။ ကတိ​အတိုင်း​လည်း သူ​တို့​ပြု​ကြ​၏​။

နေ​ဟ​မိ 8:6

ဧဇရ​သည် ကြီးမြတ်​တော်မူ​သော​ဘုရားသခင်​ထာဝရဘုရား​ကို ကောင်းချီးထောမနာ​ပြု​သောအခါ လူ​အပေါင်း​တို့​သည် လက်​ကို​မြှောက်​လျက် “​အာမင် အာမင်​”​ဟု ဝန်ခံ​ကြ​၏​။ ထို့နောက် မြေ​ပေါ်တွင်​ပျပ်ဝပ်​လျက် ထာဝရဘုရား​ကို ရှိခိုးကိုးကွယ်​ကြ​၏​။

ဆာ​လံ 104:35

အပြစ်သား​တို့​သည် ကမ္ဘာမြေကြီး​ပေါ်မှ ပျောက်ကွယ်​သွား​ကြ​ပါစေသော​။ ဆိုးယုတ်​သော​သူ​တို့​သည်​လည်း ဆက်၍​မ​ရှိ​ကြ​ပါစေ​နှင့်​။ အို ငါ​၏​စိတ်ဝိညာဉ်​၊ ထာဝရဘုရား​ကို ကောင်းချီးထောမနာ​ပြု​လော့​။ ဟာလေလုယ​။

ဆာ​လံ 106:48

အစ္စရေး​လူမျိုး​၏​ဘုရားသခင် ထာဝရဘုရား​သည် ထာဝရ​ကာလ​မှ​ထာဝရ​ကာလ​တိုင်အောင် မင်္ဂလာရှိ​ပါစေသော​။ လူမျိုး​အပေါင်း​တို့​သည် အာမင်​ဟု​ဆို​ကြ​ပါစေသော​။ ဟာလေလုယ​။

ဆာ​လံ 41:13

အစ္စရေး​လူမျိုး​၏​ဘုရားသခင် ထာဝရဘုရား​သည် ထာဝရ​ကာလ​မှ ထာဝရ​ကာလ​တိုင်အောင် မင်္ဂလာရှိ​ပါစေသော​။ အာမင်​နှင့် အာမင်​။

ဆာ​လံ 72:19

ကိုယ်တော်​၏​ဘုန်းကြီး​သော​နာမ​တော်​သည် အစဉ်အမြဲ​မင်္ဂလာရှိ​တော်မူ​ပါစေသော​။ ကမ္ဘာမြေ​တစ်ခွင်လုံး​သည် ကိုယ်တော်​၏​ဘုန်းအသရေ​တော်​နှင့်​ပြည့်​ပါစေသော​။ အာမင်​နှင့်​အာမင်​။

ဆာ​လံ 89:52

ထာဝရဘုရား​သည် ထာဝရ​မင်္ဂလာရှိ​ပါစေသော​။ အာမင်​နှင့် အာမင်​။

ယေ​ရ​မိ 28:6

“​အာမင်​၊ ထိုသို့ ထာဝရဘုရား ပြု​တော်မူ​ပါစေသော​။ ထာဝရဘုရား​၏​အိမ်​တော်​အသုံးအဆောင်​ပစ္စည်း​များ​နှင့် သုံ့ပန်း​အားလုံး​ကို ဘေဘီလုံ​မြို့​မှ ဤ​အရပ်​သို့ ပြန်ခေါ်ဆောင်​လာ​မည်​ဟူ၍ သင်​ပရောဖက်ပြု​ဟောပြော​သည့်​အတိုင်း ထာဝရဘုရား ပြည့်စုံ​စေ​ပါစေ​။

မဿဲ 28:20

သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

မဿဲ 6:13

ဖြားယောင်း​သွေးဆောင်​ရာ​သို့ မ​လိုက်​မ​ပါ​စေ​ဘဲ မကောင်း​သော​အမှုအရာ​မှ အကျွန်ုပ်​တို့​ကို ကယ်နုတ်​တော်မူ​ပါ။ [အကြောင်းမူကား နိုင်ငံ​တော်၊ တန်ခိုး​တော်​နှင့် ဘုန်း​အသရေ​တော်​သည် ကမ္ဘာ​အဆက်ဆက် ကိုယ်တော်​၌​ရှိ​ပါ​၏။ အာမင်။]

၁ ကော 14:16

သို့မဟုတ်လျှင် သင်​သည် စိတ်​ဝိညာဉ်​အားဖြင့် ကျေးဇူး​တော်​ချီးမွမ်း​သောအခါ ကျွမ်းဝင်​မှု​မ​ရှိ​သေး​သော အုပ်စု​အဝင်​ဖြစ်​သော​သူ​သည် သင်​ပြော​နေ​သည့်​စကား​ကို နား​မ​လည်​သောကြောင့် သင်​၏​ကျေးဇူး​တော်​ချီးမွမ်း​ခြင်း​အတွက် “အာမင်”​ဟု မည်သို့​ပြော​နိုင်​မည်နည်း။

ဗျာ​ဒိတ် 15:7

ထိုအခါ သတ္တဝါ​လေး​ပါး​ထဲမှ​တစ်​ပါး​သည် ကမ္ဘာ​အဆက်ဆက်​အသက်ရှင်​တော်မူ​သော ဘုရားသခင်​၏​ပြင်းစွာ​သော​ဒေါသ​ဖြင့်​ပြည့်​နေ​သည့် ရွှေ​ဖလား​ခုနစ်​လုံး​ကို ထို​ကောင်းကင်​တမန်​ခုနစ်​ပါး​တို့​အား ပေး​လေ​၏။

ဗျာ​ဒိတ် 19:1

ထို့နောက် ကောင်းကင်​ရှိ များစွာ​သော​လူထု​ပရိသတ်​တို့​၏​ကျယ်လောင်​သည့်​အသံ​ကဲ့သို့သော​အသံ​ကို ငါ​ကြား​ရ​၏။ သူ​တို့​က “ဟာလေလုယာ။ ကယ်တင်​ခြင်း၊ ဘုန်း​အသရေ​တော်​နှင့် တန်ခိုး​တော်​တို့​သည် ငါ​တို့​ဘုရားသခင်​နှင့်ဆိုင်​တော်မူ​၏။

ဗျာ​ဒိတ် 19:3

ထို့နောက် တစ်ဖန် သူ​တို့​က “ဟာလေလုယာ။ သူ​၏​မီးခိုး​သည် ကမ္ဘာ​အဆက်ဆက်​တက်​သွား​လျက်​ရှိ​၏”​ဟု ဆို​ကြ​၏။

ဗျာ​ဒိတ် 19:6

ထို့နောက် များစွာ​သော​လူ​အစုအဝေး​၏​အသံ​နှင့်​လည်းကောင်း၊ များစွာ​သော​ရေဟုန်​၏​အသံ​နှင့်​လည်းကောင်း၊ ပြင်းထန်​သော​မိုးကြိုး​သံ​နှင့်​လည်းကောင်း တူ​သော​အသံ​က “ဟာလေလုယာ။ အနန္တ​တန်ခိုး​နှင့်​ပြည့်စုံ​တော်မူ​သော ငါ​တို့​၏​ဘုရားသခင်​ထာဝရ​ဘုရား​သည် စိုးစံ​တော်မူ​သည်​ဖြစ်​၍

ဗျာ​ဒိတ် 5:14

ထိုအခါ သတ္တဝါ​လေး​ပါး​တို့​က “အာမင်”​ဟု ဆို​ကြ​၏။ သက်ကြီးဝါကြီး​တို့​သည်​လည်း ပျပ်ဝပ်​လျက်​ရှိခိုး​ကြ​၏။