ဗျာ​ဒိတ် 16:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ မြို့​ကြီး​သည် သုံး​ပိုင်း​ကွဲ​သွား​၍ တိုင်းနိုင်ငံ​တို့​၏​မြို့​များ​သည်​လည်း ပြိုလဲ​ကြ​ကုန်​၏။ ဘုရားသခင်​သည် မိမိ​၏​အမျက်​တော်​နှင့်ဆိုင်သည့် ပြင်းစွာ​သော​ဒေါသ​စပျစ်​ဝိုင်​ခွက်​ကို​ပေး​ရန် ဘေဘီလုံ​မြို့​ကြီး​ကို​သတိရ​တော်မူ​၏။

Common Language Bible

¹⁹ မြို့​ကြီး​သည်​သုံး​ပိုင်း​ကွဲ​လေ​၏။ ကမ္ဘာ​ပေါ်​ရှိ​မြို့ များ​သည်​လည်း​ပြို​ပျက်​ကုန်​၏။ ဘု​ရား​သ​ခင်​သည် ဗာ​ဗု​လုန်​မြို့​ကြီး​ကို​သ​တိ​ရ​တော်​မူ​လျက် မိ​မိ ၏​ဖ​လား​မှ​ပြင်း​ထန်​သော​အ​မျက်​တော်​တည်း​ဟူ သော​စ​ပျစ်​ရည်​ကို​သောက်​စေ​တော်​မူ​၏။-

Garrad Bible

¹⁹ မြို့ တော် ကြီး သုံး ပိုင်း အက် ကွဲ လျက် လူ မျိုး ခြား တို့ မြို့ များ လည်း ပြို လဲ၏။ ထို သို့ ဗာ ဗု လုန် မြို့ ကြီး ကို ဘု ရား သ ခင် သ တိ ရ၍ အ မျက် တော် စ ပျစ် ရည် အ ရှိန် ဖ လား ကို တိုက် တော် မူ ရာ၊

Judson Bible

¹⁹ မြို့​ကြီး​သည် သုံး​ဖြာ​ကွဲ​ပြား၍ လူ​အ​မျိုး​မျိုး​နေ​သော မြို့​တို့​သည် ပြို​လဲ​ကြ၏။ ဘု​ရား​သ​ခင်​သည် ပြင်း​စွာ​သော ဒေါ​သ​အ​မျက်​တော်၏ စ​ပျစ်​ရည်​ဖ​လား​ကို တိုက်​ခြင်း​ငှာ ဗာ​ဗု​လုန်​မြို့​ကြီး​ကို အောက်​မေ့​တော်​မူ၏။ ကျွန်း​ရှိ​သ​မျှ​တို့​သည် လွင့်​ပြေး​ကြ၏။ တောင်​များ​တို့​သည် ကွယ်​ပျောက်​ကြ၏။-

ခေတ်သစ်​မြန်မာ သမ္မာကျမ်း

¹⁹ မြို့ကြီး​သည် သုံးပိုင်း​ကွဲ​၍ တိုင်းနိုင်ငံများ​၏ မြို့များ​သည်လည်း ပြိုပျက်ကုန်၏။ ဘုရားသခင်​သည် ဘေဘီလုံမြို့ကြီး​၏ အပြစ်များ​ကို သတိရတော်မူ​လျက် အမျက်တော်​နှင့် ပြည့်နေသော စပျစ်ဝိုင်​ကို ထို​မြို့​အား တိုက်တော်မူ၏။

ဗျာ​ဒိတ် 16:19 Referencias Cruzadas

ဟေ​ရှာ​ယ 49:26

သင့်​ကို နိုင်ထက်စီးနင်း​ပြု​သော​သူ​တို့​အား ကိုယ့်​အသား​ကိုယ်​ပြန်​စား​စေ​မည်​။ စပျစ်ဝိုင်​ကဲ့သို့ ကိုယ့်​သွေး​ကိုယ်​ပြန်သောက်​စေ​မည်​။ သို့ဖြစ်၍ ငါ​ထာဝရဘုရား​သည် သင့်​ကို​ကယ်တင်​သော​အရှင်​၊ သင့်​ကို​ရွေးနုတ်​သော​အရှင်​၊ ယာကုပ်​အမျိုး​၏​တန်ခိုးကြီး​သော​အရှင် ဖြစ်ကြောင်း လူ​အပေါင်း​တို့​သိ​ကြ​ရ​လိမ့်မည်​”​ဟု မိန့်​တော်မူ​၏​။

ယေ​ရ​မိ 25:26

မြောက်ဘက်​အရပ်​ရှိ ရပ်နီး​၊ ရပ်ဝေး​ဘုရင်​အားလုံး​ကို တစ်ပါး​ပြီး​တစ်ပါး သောက်​စေ​၏​။ ကမ္ဘာမြေပြင်​ပေါ်ရှိ ကမ္ဘာ့​တိုင်းနိုင်ငံ​အားလုံး​ကို​လည်း သောက်​စေ​၏​။ နောက်ဆုံး ရှေရှက်​ဘုရင်​လည်း သောက်​ရ​၏​။

ဒံ​ယေ​လ 4:30

“​ဤ​ဘေဘီလုံ​မြို့​ကြီး​သည် ငါ​၏​ခန့်ညား​သော​ဂုဏ်သရေ​ကို ထင်ဟပ်​ပြ​ရာ မင်း​မြို့​တော်​အဖြစ် ငါ့​အစွမ်းသတ္တိ​၊ ငါ့​တန်ခိုး​အာဏာ​ဖြင့် တည်ဆောက်​ခဲ့​သော​မြို့​ကြီး​ဖြစ်​သည် မ​ဟုတ်​လော​”​ဟု မြွက်ဆို​၏​။

ဗျာ​ဒိတ် 11:8

သူ​တို့​၏​အလောင်း​များ​သည် ဝိညာဉ်​သဘော​အရ သောဒုံ​နှင့်​အီဂျစ်​ဟု​ခေါ်​သော မြို့​ကြီး​၏​လမ်းမ​ပေါ်တွင် ရှိ​ကြ​လိမ့်မည်။ သူ​တို့​၏​သခင်​သည်​လည်း ထို​မြို့​တွင် လက်ဝါးကပ်တိုင်​ပေါ်၌​တင်​ခြင်း​ခံ​ခဲ့​ရ​၏။

ဗျာ​ဒိတ် 17:1

ထို့နောက် ဖလား​ခုနစ်​လုံး​ရှိ​သော ကောင်းကင်​တမန်​ခုနစ်​ပါး​ထဲမှ တစ်​ပါး​သည်​လာ​၍ ငါ​နှင့်​စကား​ပြော​လျက် “လာ​ပါ။ များစွာ​သော​ရေ​တို့​အပေါ်​ထိုင်​နေ​သော ပြည့်တန်ဆာမ​ကြီး​ခံရ​မည့် တရား​စီရင်​ခြင်း​ကို သင့်​အား ငါ​ပြ​မည်။

ဗျာ​ဒိတ် 17:18

သင်​မြင်​ရ​သော​မိန်းမ​သည် ကမ္ဘာ​မြေကြီး​၏​ရှင်​ဘုရင်​တို့​ကို အုပ်စိုး​သော​မြို့​ကြီး​ဖြစ်​၏”​ဟု ငါ့​အား​ဆို​၏။

ဗျာ​ဒိတ် 17:5

သူ​၏​နဖူး​ပေါ်၌​ရေး​ထား​သည့် လျှို့ဝှက်​နက်နဲ​သော​အမည်​နာမ​မှာ “ဘေဘီလုံ​မြို့​ကြီး၊ ပြည့်တန်ဆာ​တို့​နှင့်​ကမ္ဘာ​မြေကြီး​ပေါ်မှ​ရွံရှာ​ဖွယ်​ရာ​များ​၏​အမိ”​ဟူ၍​ဖြစ်​၏ ။

ဗျာ​ဒိတ် 18:10

ထို​သူ​တို့​သည် သူ​ခံရ​သည့်​ညှဉ်းဆဲ​ခြင်း​ကို​ကြောက်​ကြ​သောကြောင့် အဝေး​မှ​ရပ်​လျက် ‘ကြီးမား​သော​မြို့၊ အားကြီး​သော​ဘေဘီလုံ​မြို့၊ သင်​သည် စိတ်​မချမ်းမြေ့​ဖွယ်၊ စိတ်​မချမ်းမြေ့​ဖွယ်​ဖြစ်​ပါ​သည်​တကား။ အဘယ်ကြောင့်​ဆိုသော် သင်​ခံရ​သည့်​တရား​စီရင်​ခြင်း​သည် တိုတောင်း​သော​အချိန်​တစ်​ခု​အတွင်း​၌ ကျရောက်​လေ​ပြီ’​ဟု ဆို​ကြ​လိမ့်မည်။

ဗျာ​ဒိတ် 18:2

သူ​သည် ကျယ်လောင်​သော​အသံ​ဖြင့်​ကြွေးကြော်​လျက် “ဘေဘီလုံ​မြို့​ကြီး​သည် ပြိုလဲ​ပြီ၊ ပြိုလဲ​ပြီ။ ၎င်း​သည် နတ်ဆိုး​တို့​နေထိုင်​ရာ​အရပ်၊ ညစ်ညူး​သော​နတ်​အပေါင်း​တို့​၏​ခိုအောင်း​ရာ​အရပ်၊ ညစ်ညူး​သော​ငှက်​အမျိုးမျိုး​တို့​၏​ခိုအောင်း​ရာ​အရပ်​နှင့် ညစ်ညူး​၍​ရွံရှာ​ဖွယ်​ကောင်း​သော​သတ္တဝါ​အပေါင်း​တို့​၏​ခိုအောင်း​ရာ​အရပ် ဖြစ်​လေ​ပြီ။

ဗျာ​ဒိတ် 18:21

ထို့နောက် ခွန်အား​ကြီး​သော​ကောင်းကင်​တမန်​တစ်​ပါး​သည် ကြီးမား​သည့်​ကြိတ်ဆုံ​ကဲ့သို့သော​ကျောက်တုံး​တစ်​တုံး​ကို​ချီယူ​၍ ပင်လယ်​ထဲသို့​ပစ်ချ​ကာ “ဘေဘီလုံ​မြို့​ကြီး​သည် ဤကဲ့သို့ ကြမ်းတမ်း​စွာ​ပစ်ချ​ခြင်း​ကို​ခံရ​၍ လုံးဝ​တွေ့​ရ​တော့​မည်​မ​ဟုတ်။

ဗျာ​ဒိတ် 18:5

အဘယ်ကြောင့်​ဆိုသော် သူ​၏​အပြစ်​တို့​သည် ကောင်းကင်​အထိ စုပုံ​လျက်​ရှိ​၍ သူ​၏​မတရားမှု​များ​ကို ဘုရားသခင်​မှတ်မိ​တော်မူ​ပြီ။