ဗျာ​ဒိတ် 16:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ လူ​တို့​သည် သူ​တို့​ခံရ​သော​နာကျင်​ခြင်း​ဝေဒနာ​နှင့် သူ​တို့​၏​အနာစိမ်း​တို့​ကြောင့် ကောင်းကင်​ဘုံ​ရှင်​ဘုရားသခင်​ကို စော်ကား​ပြောဆို​၍ မိမိ​တို့​ပြု​သော​အမှု​များ​အတွက် နောင်တ​မ​ရ​ကြ​ပေ။

Common Language Bible

¹¹ မိ​မိ​တို့​၏​ဝေ​ဒ​နာ​နှင့်​အ​နာ​စိမ်း​များ​ကြောင့် ကောင်း​ကင်​ဘုံ​ရှင်​ဘု​ရား​သ​ခင်​ကို​ကျိန်​ဆဲ​ကြ ၏။ မိ​မိ​တို့​၏​အ​ပြစ်​များ​အ​တွက်​နောင်​တ​မ​ရ ကြ။

Judson Bible

¹¹ မိ​မိ​တို့​ခံ​ရ​သော ဝေ​ဒ​နာ​နှင့် အ​နာ​စိမ်း​များ​ကြောင့် ကောင်း​ကင်​ဘုံ၏​အ​ရှင် ဘု​ရား​သ​ခင်​ကို ကျိန်​ဆဲ​ကြ၏။ မိ​မိ​တို့​အ​ကျင့်​ကို​လည်း နောင်​တ​မ​ရ​ကြ။

ခေတ်သစ်​မြန်မာ သမ္မာကျမ်း

¹¹ သူတို့​သည် ခံစားရသော​ဝေဒနာ​နှင့် အနာစိမ်း​တို့​ကြောင့် ကောင်းကင်ဘုံရှင်​ဘုရားသခင်​ကို ကျိန်ဆဲကြ၏။ မိမိတို့​၏​အကျင့်ဆိုးများ​အတွက်​လည်း နောင်တ​မရကြ။

ဗျာ​ဒိတ် 16:11 Referencias Cruzadas

၂ ရာ​ချုပ် 28:22

အာခတ်​မင်းကြီး​သည် ဒုက္ခရောက်​နေ​ချိန်​တွင်​ပင် ထာဝရဘုရား​အပေါ် သစ္စာမဲ့​သော​လုပ်ရပ်​များ​ကို ဆက်​၍​သာ​လုပ်ဆောင်​လေ​၏​။

၂ ရာ​ချုပ် 36:23

ပါးရှား​ဘုရင်​ကုရု​မင်းကြီး​မိန့်ဆို​သော​စကား​မှာ “​ကောင်းကင်ဘုံရှင် ဘုရားသခင်​ထာဝရဘုရား​သည် မြေကြီး​ပေါ်ရှိ​တိုင်းနိုင်ငံ​အလုံးစုံ​ကို ငါ့​အား ပေး​တော်မူ​ပြီ​။ ယုဒ​ပြည်​၊ ဂျေရုဆလင်​မြို့​တွင် ကိုယ်တော့်​အဖို့ အိမ်​တော်​ကို​တည်​ရန် ငါ့​ကို ခန့်ထား​တော်မူ​ပြီ​။ ကိုယ်တော်​၏​လူမျိုး​တော်​အဝင်​ဖြစ်​သော​သူ​အားလုံး တစ်ယောက်မကျန် သူ​တို့​နှင့်အတူ သူ​တို့​၏​ဘုရားသခင်​ထာဝရဘုရား​ပါရှိ​လျက် ဂျေရုဆလင်​မြို့​သို့ ပြန်သွား​ကြ​စေ​”​ဟူ၍ ဖြစ်​၏​။

ဧ​ဇ​ရ 1:2

ပါးရှား​ဘုရင်​ကုရု​မင်းကြီး​က “​ကောင်းကင်ဘုံရှင် ဘုရားသခင်​ထာဝရဘုရား​သည် မြေကြီး​ပေါ်ရှိ​တိုင်းနိုင်ငံ​အလုံးစုံ​ကို ငါ့​အား ပေး​တော်မူ​ပြီ​။ ယုဒ​ပြည်​၊ ဂျေရုဆလင်​မြို့​တွင် ကိုယ်တော့်​အဖို့ အိမ်​တော်​ကို​တည်​ရန် ငါ့​ကို ခန့်ထား​တော်မူ​ပြီ​။

ဧ​ဇ​ရ 6:10

သို့မှ သူ​တို့​သည် ကောင်းကင်ဘုံရှင်​ဘုရားသခင်​ထံ အမွှေးနံ့သာ​ကို ပူဇော်​၍ ရှင်ဘုရင်​နှင့် သူ​၏​သားသမီး​များ​ကောင်းစား​ဖို့ ဆုတောင်း​ပေး​နိုင်​မည်​ဖြစ်​၏​။

ဧ​ဇ​ရ 7:12

“​ဘုရင်​တို့​၏​ဘုရင် အာတဇေရဇ်​မင်းကြီး​သည် ကောင်းကင်ဘုံရှင်​ဘုရားသခင်​၏​ပညတ်တရား​ကို ကောင်း​စွာ​သိနားလည်​သော​ကျမ်းပြုဆရာ ယဇ်ပုရောဟိတ်​ဧဇရ​အား နှုတ်ဆက်​လိုက်​ပါ​၏​။

ဧ​ဇ​ရ 7:21

ယူဖရေးတီး​မြစ်​အနောက်ဘက်ကမ်း​ရှိ ဘဏ္ဍာစိုး​အပေါင်း​တို့​အား ငါ​အာတဇေရဇ်​မင်းကြီး အမိန့်​တော်​ထုတ်ပြန်​လိုက်​သည်​ကား သင်​တို့​အား ကောင်းကင်ဘုံရှင်​ဘုရားသခင်​၏​ပညတ်တရား​ကို ကောင်း​စွာ​သိနားလည်​သော​ကျမ်းပြုဆရာ ယဇ်ပုရောဟိတ်​ဧဇရ တောင်းဆို​လာ​သော​အရာ​ရှိသမျှ​ကို ချက်ချင်း​ဖြည့်ဆည်း​ပေး​ရ​မည်​။

ဧ​ဇ​ရ 7:23

ကောင်းကင်ဘုံရှင်​ဘုရားသခင်​၏​အိမ်​တော်​အဖို့ ကောင်းကင်ဘုံရှင်​ဘုရားသခင်​မိန့်မှာ​သည့်​အတိုင်း ကြိုးစား​လုပ်ဆောင်​ကြ​လော့​။ ရှင်ဘုရင်​၏​နိုင်ငံ​နှင့် သားမြေး​အပေါ် အဘယ်ကြောင့် အမျက်​တော်​ကျရောက်​စေ​ရ​မည်နည်း​။

နေ​ဟ​မိ 1:4

ထို​စကား​ကို ငါ​ကြား​လျှင် ရက်​ပေါင်း​များစွာ​ထိုင်​၍​ငိုကြွေး​မြည်တမ်း​လျက်​၊ အစာရှောင်​လျက် ကောင်းကင်ဘုံရှင်​ဘုရားသခင်​ထံ ဆုတောင်း​လျက်​နေ​လေ​၏​။

နေ​ဟ​မိ 2:4

ထိုအခါ ရှင်ဘုရင်​က “​သင်​မည်သို့​ပြု​လို​သနည်း​”​ဟု ငါ့​အား မေး​တော်မူ​လျှင် ငါ​သည် ကောင်းကင်ဘုံရှင်​ဘုရားသခင်​ထံ ဆုတောင်း​၏​။

ဆာ​လံ 136:26

ကောင်းကင်ဘုံရှင် ဘုရားသခင်​၏​ကျေးဇူးတော်​ကို ချီးမွမ်း​ကြ​လော့​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဒံ​ယေ​လ 2:44

ထို​ရှင်ဘုရင်​များ​အုပ်စိုး​သည့်​ကာလ​တွင်ပင် ကောင်းကင်ဘုံရှင်​ဘုရားသခင်​သည် မည်သည့်​အခါ​မျှ​မ​ပျက်စီး​နိုင်​မည့်​နိုင်ငံ​တစ်​ခု​ကို တည်ထောင်​တော်မူ​လိမ့်မည်​။ ဤ​နိုင်ငံ​သည် အခြား​သူ​တို့​လက်​သို့ ရောက်​ရ​မည်​မ​ဟုတ်​။ အခြား​နိုင်ငံ​အားလုံး​ကို တစ်စစီခြေမွှ​ဖျက်ဆီး​ပစ်​မည်​။ ဤ​နိုင်ငံ​သည် အစဉ်အမြဲ​တည်​လိမ့်မည်​။

ယော​န 1:9

သူ​က “​ငါ​သည် ဟေဗြဲ​လူမျိုး​ဖြစ်​၏​။ ပင်လယ်​နှင့်​ကုန်းမြေ​ကို ဖန်ဆင်း​တော်မူ​သော​ကောင်းကင်ဘုံရှင်​ဘုရားသခင် ထာဝရဘုရား​ကို ကိုးကွယ်​သူ ဖြစ်​ပါ​သည်​”​ဟု သူ​တို့​အား ဆို​၏​။

၂ တိ 3:13

ဆိုးညစ်​သော​သူ​တို့​နှင့် လိမ်လည်​လှည့်ဖြား​သော​သူ​တို့​သည် သူတစ်ပါး​ကို​လှည့်ဖြား​လျက် လှည့်ဖြား​ခြင်း​ကို​လည်း​ခံရ​လျက် ပို၍​ဆိုးရွား​သော​အဖြစ်​သို့ ကျဆင်း​သွား​ကြ​လိမ့်မည်။

ဗျာ​ဒိတ် 11:13

ထို​အချိန်​နာရီ​၌​ပင် ပြင်းထန်​သော​ငလျင်​လှုပ်​၍ မြို့​၏​ဆယ်ပုံတစ်ပုံ​သည် ပြိုလဲ​သွား​၏။ ထို​ငလျင်​ကြောင့် လူ​ပေါင်း​ခုနစ်​ထောင်​သေ​ကြ​၏။ ကြွင်းကျန်​သော​သူ​တို့​သည် ကြောက်လန့်​ကြ​လျက် ကောင်းကင်​ဘုံ​ရှင်​ဘုရားသခင်​၏​ဘုန်း​တော်​ကို ချီးမွမ်း​ကြ​၏။

ဗျာ​ဒိတ် 16:2

ပထမ​ကောင်းကင်​တမန်​သည် သွား​၍ သူ​၏​ဖလား​ကို မြေကြီး​ပေါ်သို့​သွန်းလောင်း​သောအခါ သားရဲ​၏​အမှတ်တံဆိပ်​ရှိ​သော​သူ​နှင့် သူ​၏​ရုပ်တု​ကို​ကိုးကွယ်​သော​သူ​များ​၌ အလွန်​ဆိုးရွား​သော​အနာစိမ်း​များ​ပေါက်​လေ​၏။

ဗျာ​ဒိတ် 16:21

ကောင်းကင်​မှ​လည်း ပေါင်​တစ်ရာ​ခန့်​လေး​သော​မိုးသီး​ကြီး​များ​သည် လူ​တို့​အပေါ်သို့​ကျ​လေ​၏။ ဤ​ဘေးဒဏ်​သည် အလွန်​ပြင်းထန်​သဖြင့် လူ​တို့​သည် ထို​မိုးသီး​၏​ဘေးဒဏ်​ကြောင့် ဘုရားသခင်​ကို​စော်ကား​ပြောဆို​ကြ​၏။

ဗျာ​ဒိတ် 16:9

လူ​တို့​သည် ပြင်းထန်​သော​အပူရှိန်​ကြောင့် နေလောင်​ဒဏ်​ခံရ​သဖြင့် ဤ​ဘေးဒဏ်​များ​အပေါ်​အခွင့်​အာဏာ​ရှိ​သော ဘုရားသခင်​၏​နာမ​တော်​ကို စော်ကား​ပြောဆို​၍ နောင်တ​လည်း​မ​ရ၊ ဘုရားသခင်​၏​ဘုန်း​တော်​ကို​လည်း မ​ချီးမွမ်း​ကြ​ပေ။

ဗျာ​ဒိတ် 2:21

ငါ​သည် သူ့​အား နောင်တရ​ရန်​အချိန်​ပေး​ခဲ့​သော်လည်း သူ​သည် မိမိ​၏​တရားနှင့်မညီ​မေထုန်ပြု​ခြင်း​အတွက် နောင်တရ​လို​သော​စိတ်​မ​ရှိ။