ဗျာ​ဒိတ် 14:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ၎င်း​တို့​ကို မြို့​ပြင်​ရှိ စပျစ်သီး​နယ်ရာ​ကျင်း​၌​နင်းနယ်​သောအခါ သွေး​သည် ထို​စပျစ်သီး​နယ်ရာ​ကျင်း​မှ​စီးထွက်​လာ​၍ မြင်း​၏​ဇက်ကြိုး​အထိ​မြင့်​ပြီး တစ်ရာရှစ်ဆယ့်လေး​မိုင်​ခန့်​ပြန့်​သွား​လေ​၏။

Common Language Bible

²⁰ စ​ပျစ်​သီး​များ​ကို​မြို့​ပြင်​တွင်​နယ်​၍​စ​ပျစ် သီး​နယ်​ရာ​ကျင်း​မှ​သွေး​ချောင်း​စီး​ထွက်​၍ လာ​၏။ ထို​သွေး​ချောင်း​သည်​အ​လျား​မိုင်​နှစ်​ရာ၊ အ​နက်​ငါး​ပေ​ခန့်​ရှိ​သ​တည်း။

Garrad Bible

²⁰ ထို ကျင်း ကို မြို့ တော့် ပြင် တွင် ဖိ နင်း ရာ ထွက် စီး သော အ သွေး သည် မြင်း ဇက် သုံး ကို ထိ၍ တိုင် ပေါင်း တစ် ရာ ခန့် ရောက်၏။

Judson Bible

²⁰ မြို့​ပြင်၌ နယ်​ရာ​တန်​ဆာ​ကို ဖိ​နင်း၍ အ​သွေး​သည် တစ်​ဆယ်​ခြောက်​ယူ​ဇ​နာ​ခ​ရီး တစ်​လျှောက်​လုံး၌ မြင်း​ဇက်​ကြိုး​ကို မီ​သည်​တိုင်​အောင် နယ်​ရာ​တန်​ဆာ​ထဲ​က ထွက်​လေ၏။

ခေတ်သစ်​မြန်မာ သမ္မာကျမ်း

²⁰ ထို​စပျစ်သီးများ​ကို မြို့ပြင်​တွင်​ရှိသော စပျစ်သီး​နယ်သည့်​ကျင်း​၌ နယ်၏။ ထို​စပျစ်သီးနယ်ရာ​ကျင်း​မှ စီးထွက်လာသော ထို​သွေးချောင်း​သည် အနက်​ငါးပေ​ခန့် ရှိပြီး အလျား​တစ်ရာ​ရှစ်ဆယ့်​လေးမိုင်​ခန့်​ရှိ၏။

ဗျာ​ဒိတ် 14:20 Referencias Cruzadas

ကမ္ဘာ​ဦး 49:11

သူ​၏​မြည်း​ကို စပျစ်ပင်​၌​ချည်​ထား​၏​။ သူ့​မြည်းမ​၏​သား​ကို အကောင်းဆုံးစပျစ်ပင်​၌​ချည်​ထား​၏​။ သူ​၏​အဝတ်တန်ဆာ​ကို စပျစ်ဝိုင်​ဖြင့် လျှော်​၏​။ သူ​၏​ဝတ်ရုံ​ကို စပျစ်​သွေး​ဖြင့် လျှော်​၏​။

ဟေ​ရှာ​ယ 66:24

သူ​တို့​သည် ငါ့​ကို​ဆန့်ကျင်​ပုန်ကန်​သော​လူ​တို့​၏​အလောင်းကောင်​များ​ကို ထွက်​ကြည့်​ကြ​လိမ့်မည်​။ ထို​အလောင်းကောင်​တို့​ကို​စား​သော​လောက်ကောင်​သည် မ​သေ​၊ လောင်​သော​မီး​လည်း မ​ငြိမ်း​။ လူ​ခပ်သိမ်း​တို့​အတွက် စက်ဆုပ်ဖွယ်​ဖြစ်​မည်​”​ဟု မိန့်​တော်မူ​၏​။

မြည်​တမ်း​စ​ကား 1:15

ဘုရားသခင်​သည် ငါ့​စစ်သူရဲ​အားလုံး​ကို နင်းချေ​တော်မူ​ပြီ​။ စစ်သည်​အလုံးအရင်း​ကို ဆင့်ခေါ်​၍ ငါ​၏​လူငယ်​တို့​ကို ဖျက်ဆီး​စေ​တော်မူ​ပြီ​။ ယုဒ​သမီး​ပျို​ကို စပျစ်သီးနယ်ရာကျင်း​၌ နင်းနယ်​တော်မူ​ပြီ​။

ယေ​ဇ​ကျေ​လ 32:6

‘သင့်​ကိုယ်​မှ​စီးကျ​သော​သွေး​များ​ဖြင့် တောင်​များ​ပါ​မကျန် မြေ​ကို​စိုစွတ်​စေ​မည်​။ မြစ်​များ​သည်​လည်း သင်​၏​သွေး​များ​နှင့် ပြည့်​နေ​လိမ့်မည်​။

ယော​လ 3:13

ရိတ်သိမ်းစရာ​သီးနှံ​မှည့်ဝင်း​ပြီ​ဖြစ်၍ တံစဉ်​ကို​ဆန့်တန်း​ကြ​လော့​။ စပျစ်သီးနယ်ရာကျင်း ပြည့်​နေ​သည်​ဖြစ်၍ လာ​၍​နင်းချေ​ကြ​လော့​။ စည်​များ လျှံ​နေ​သကဲ့သို့ ထို​သူ​တို့​၏​ဆိုးညစ်မှု​များ​သည် များပြား​လျက်​ရှိ​၏​။”

တ​ရား​ဟော 32:14

နွား​မှ​ရ​သော​ထောပတ်​၊ သိုး​မှ​ရ​သော​သိုး​နို့​၊ သိုးသငယ်​အဆီ​၊ ဗာရှန်​ပြည်​သိုးထီး​၊ ဆိတ်ထီး​နှင့်တကွ အကောင်းဆုံး​ဂျုံ​ဖြင့်​လည်းကောင်း ကျွေးမွေး​တော်မူ​၏​။ စပျစ်​သွေး​တည်းဟူသော​ဝိုင်နီ​ကို​လည်း သောက်​ရ​၏​။

ဗျာ​ဒိတ် 11:8

သူ​တို့​၏​အလောင်း​များ​သည် ဝိညာဉ်​သဘော​အရ သောဒုံ​နှင့်​အီဂျစ်​ဟု​ခေါ်​သော မြို့​ကြီး​၏​လမ်းမ​ပေါ်တွင် ရှိ​ကြ​လိမ့်မည်။ သူ​တို့​၏​သခင်​သည်​လည်း ထို​မြို့​တွင် လက်ဝါးကပ်တိုင်​ပေါ်၌​တင်​ခြင်း​ခံ​ခဲ့​ရ​၏။