ဗျာ​ဒိတ် 14:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ သူ​တို့​ခံရ​သည့်​ညှဉ်းဆဲ​ခြင်း​၏​မီးခိုး​သည် ကမ္ဘာ​အဆက်ဆက်​တက်​လျက်​နေ​၏။ သားရဲ​နှင့်​သူ​၏​ရုပ်တု​ကို​ကိုးကွယ်​၍ သူ့​အမည်​၏​အမှတ်တံဆိပ်​ကို​ခံယူ​သော​သူ​သည် နေ့​ရော​ည​ပါ သက်သာ​ရာ​ရ​လိမ့်မည်​မ​ဟုတ်”​ဟု ကျယ်လောင်​သော​အသံ​ဖြင့်​ကြွေးကြော်​လေ​၏။

Common Language Bible

¹¹ ထို​မီး​လျှံ​မှ​မီး​ခိုး​သည် ထာ​ဝ​စဉ်​အ​ထက် သို့​တက်​လျက်​နေ​၏။ သား​ရဲ​နှင့်​သူ​၏​ရုပ်​တု​ကို ရှိ​ခိုး​၍ သား​ရဲ​၏​နာ​မည်​တံ​ဆိပ်​နှိပ်​ခြင်း​ခံ​ရ သူ​အ​ပေါင်း​တို့​သည် နေ့​ရော​ညဥ့်​ပါ​သက်​သာ ရာ​ရ​လိမ့်​မည်​မ​ဟုတ်'' ဟု​အ​သံ​ကျယ်​စွာ ကြွေး​ကြော်​လေ​၏။

Garrad Bible

¹¹ သား ရဲ နှင့် ရုပ် ပုံ ကို ရှိ ခိုး လျက် သား ရဲ အ မည် သ ညာ ကို ခံ သော ထို သူ တို့ ညှဉ်း ဆဲ ခြင်း အ ခိုး သည် နေ့ ညဥ့် မ စဲ က မ္ဘာ အ ဆက် ဆက် တက် လိမ့် မည်။

Judson Bible

¹¹ ထို​ညှဉ်း​ဆဲ​ခြင်း၏ မီး​ခိုး​သည် က​မ္ဘာ​အ​ဆက်​ဆက် တက်​လျက်​ရှိ၏။ သား​ရဲ​နှင့် သူ၏​ရုပ်​တု​ကို ကိုး​ကွယ်၍၊ သူ၏ နာ​မ​တံ​ဆိပ်​လက်​မှတ်​ကို ခံ​သော​သူ​တို့​သည် နေ့​ည​မ​ပြတ် သက်​သာ​မ​ရ​ကြ​ဟု၊ လိုက်၍ ကြီး​သော​အ​သံ​နှင့် ပြော​ဆို၏။-

ခေတ်သစ်​မြန်မာ သမ္မာကျမ်း

¹¹ ထိုသို့ သူတို့​ခံရသည့် ညှဉ်းဆဲခြင်း​၏​မီးခိုးတို့​သည် အစဉ်​ထာဝရ အထက်​သို့ တက်နေ၏။ သားရဲ​နှင့် သူ​၏ ရုပ်တု​ကို ကိုးကွယ်​၍ သူ့​အမည်​၏ အမှတ်တံဆိပ်​ကို ရိုက်နှိပ်​ခံထားသော​သူတို့​သည် နေ့ညမပြတ် သက်သာရာ​ရ​လိမ့်မည်​မဟုတ်” ဟု ကျယ်လောင်​စွာ ကြွေးကြော်၏။

ဗျာ​ဒိတ် 14:11 Referencias Cruzadas

ကမ္ဘာ​ဦး 19:28

သောဒုံ​မြို့​နှင့်​ဂေါမောရ​မြို့​မှစ၍ မြစ်ဝှမ်း​တစ်ဝှမ်းလုံး​ကို အပေါ်စီး​မှ​ကြည့်​လေ​ရာ ထို​အရပ်​မှ​မီးခိုး​သည် မီးပြင်းဖို​မှ​မီးခိုး​ကဲ့သို့ တက်​နေ​သည်​ကို​မြင်​လေ​၏​။

ဆာ​လံ 10:16

ထာဝရဘုရား​သည် ကာလ​အစဉ်အဆက် ရှင်ဘုရင်​ဖြစ်​တော်မူ​၏​။ တိုင်းနိုင်ငံ​တို့​သည် ကိုယ်တော်​၏​ပြည်​တော်​ထဲမှ ပျောက်ကွယ်​သွား​ကြ​ပါ​ပြီ​။

ဆာ​လံ 145:1

အကျွန်ုပ်​၏​ဘုရားသခင်​၊ အကျွန်ုပ်​၏​ရှင်ဘုရင်​၊ ကိုယ်တော်​ကို အကျွန်ုပ်​ချီးမြှောက်​ပါ​မည်​။ ကိုယ်တော်​၏​နာမ​တော်​ကို ကာလ​အစဉ်အဆက်​ကောင်းချီးထောမနာ​ပြု​ပါ​မည်​။

ထွက်​မြောက် 15:18

ထာဝရဘုရား​သည် ကာလ​အစဉ်အဆက်​စိုးစံ​တော်မူ​လိမ့်မည်​”​ဟု သီဆို​ကြ​၏​။

ဟေ​ရှာ​ယ 33:14

ဇိအုန်​မြို့​ရှိ​အပြစ်သား​တို့​သည် ကြောက်ရွံ့​ကြ​လေ​ပြီ​။ ထိတ်လန့်တုန်လှုပ်​ခြင်း​သည် ဘုရားတရားမဲ့​သူ​တို့​ကို လွှမ်းမိုး​လေ​ပြီ​။ သူ​တို့​က “​ငါ​တို့​တွင် မည်သူ​သည် တောက်လောင်​သော​မီး​ထဲ၌ နေ​နိုင်​သနည်း​။ ငါ​တို့​တွင် မည်သူ​သည် ထာဝရ​မီးတောက်​ထဲ၌ နေ​နိုင်​သနည်း​”​ဟု ဆို​ကြ​၏​။

ဟေ​ရှာ​ယ 34:10

နေ့ညမပြတ် မီးငြိမ်း​လိမ့်မည်​မ​ဟုတ်​။ မီးခိုး​သည် အစဉ်အမြဲ​တက်​လိမ့်မည်​။ ထို​ပြည်​သည် မျိုးဆက်အဆက်ဆက် တိတ်ဆိတ်​ခြောက်ကပ်​လိမ့်မည်​။ ထို​ပြည်​ကို ကာလ​အစဉ်အဆက် မည်သူ​မျှ ဖြတ်သန်းသွားလာ​လိမ့်မည်​မ​ဟုတ်​။

ဟေ​ရှာ​ယ 34:8

ထာဝရဘုရား​၌ လက်စားချေ​ရာ​နေ့​၊ ဇိအုန်​မြို့​ကို ရန်ပြု​သော​သူ​ကို ဒဏ်ပေး​သော​နှစ် ရှိ​၏​။

ဟေ​ရှာ​ယ 57:20

ဆိုးယုတ်​သော​သူ​တို့​သည် မ​ငြိမ်​မ​သက်​လှိုင်းထ​နေ​သော​ပင်လယ်​နှင့်​တူ​၏​။ ပင်လယ်​ရေ​သည် ရွှံ့​နှင့်​အမှိုက်​တို့​ကို ထကြွလှုပ်ရှား​စေ​တတ်​၏​။

ဒံ​ယေ​လ 3:6

မ​ပျပ်ဝပ်​မ​ရှိခိုး​သော​သူ မည်သူမဆို မီးတောက်လောင်​နေ​သော​မီးပြင်းဖို​ထဲသို့ ချက်ချင်း​ပစ်ချ​ခြင်း ခံရ​မည်​”​ဟု ကျယ်လောင်​စွာ ကြေညာ​လေ​၏​။

ယော​လ 2:30

မိုးကောင်းကင်​နှင့် မြေကြီး​ပေါ်တွင် အံ့ဖွယ်​သော​အမှု​တို့​ကို ငါ​ပြ​ဦး​မည်​။ သွေး​၊ မီး​နှင့် မီးခိုး​တိုင်​တို့ ဖြစ်ပေါ်​မည်​။

မဿဲ 11:28

ဝန်လေး​၍​ပင်ပန်း​သော​သူ​အပေါင်း​တို့၊ ငါ့​ထံသို့​လာ​ကြ​လော့။ ငါ​သည် သင်​တို့​အား​ငြိမ်သက်​ချမ်းသာ​မှု​ကို​ပေး​မည်။

မဿဲ 25:41

ထို့နောက် မင်းကြီး​သည် လက်ဝဲ​တော်​ဘက်​၌​ရှိ​သော​သူ​တို့​အား​လည်း ‘ကျိန်ဆဲ​ခြင်း​ခံရ​သော​သူ​တို့၊ ငါ့​ထံမှ​ထွက်ခွာ​၍ မာရ်နတ်​နှင့်​သူ​၏​စေတမန်​များ​အတွက်​ပြင်ဆင်​ထား​သော ထာဝရ​မီး​ထဲသို့ သွား​ကြ​လော့။

မဿဲ 25:46

ထိုအခါ ဤ​သူ​တို့​သည် ထာဝရ​အပြစ်ဒဏ်​ခံ​ရာ​သို့ သွား​ကြ​လိမ့်မည်။ ဖြောင့်မတ်​သော​သူ​တို့​မူကား ထာဝရ​အသက်ရှင်​ရာ​သို့ သွား​ကြ​လိမ့်မည်”​ဟု မိန့်​တော်မူ​၏။

တ​ရား​ဟော 28:65

သင်​သည် ထို​လူမျိုး​တို့​အလယ်​တွင် သက်သာ​ရာ​မ​ရ​၊ နားစရာ​နေရာ ခြေ​တစ်ဖဝါးစာ​မျှ မ​ရှိ​။ ထို​အရပ်​၌ ထာဝရဘုရား​သည် သင့်​ကို စိတ်နှလုံး​ကြောင့်ကြ​ခြင်း​၊ မျက်စိ​အားလျော့​ခြင်း​၊ စိတ်ပျက်ဝမ်းနည်း​ခြင်း ဖြစ်စေ​တော်မူ​မည်​။

ဟေ​ဗြဲ 1:8

သို့သော် သား​တော်​နှင့်​ပတ်သက်၍​မူကား “အို ဘုရားသခင်၊ ကိုယ်တော်​၏​ပလ္လင်​သည် ကမ္ဘာ​အဆက်ဆက်​တည်​၍ ဖြောင့်မှန်​သော​အုပ်ချုပ်မှု​သည် ကိုယ်တော့်​နိုင်ငံ​တော်​၏​အုပ်ချုပ်မှု​ဖြစ်​ပါ​၏။

ဗျာ​ဒိတ် 11:15

သတ္တမ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ ကောင်းကင်​၌ ကျယ်လောင်​သော​အသံ​ဖြစ်ပေါ်​လျက် “ကမ္ဘာ့​နိုင်ငံ​သည် ငါ​တို့​၏​ထာဝရ​အရှင်​နှင့် ကိုယ်တော်​၏​ခရစ်တော်​ပိုင်ဆိုင်​တော်မူ​ရာ​ဖြစ်​လေ​ပြီ။ ကိုယ်တော်​သည်​လည်း ကမ္ဘာ​အဆက်ဆက်​စိုးစံ​တော်မူ​လိမ့်မည်”​ဟု ဆို​၏။

ဗျာ​ဒိတ် 13:12

ထို​သားရဲ​သည် ပထမ​သားရဲ​၏​အာဏာ​ရှိသမျှ​ကို သူ​၏​ရှေ့မှောက်​၌​သုံးစွဲ​ပြီး ကမ္ဘာ​မြေကြီး​မှစ၍ ၎င်း​ပေါ်တွင်​နေထိုင်​သော​သူ​တို့​အား သေ​စေ​သော​ဒဏ်ရာ​ပျောက်ကင်း​သွား​သည့် ပထမ​သားရဲ​ကို ကိုးကွယ်​စေ​၏။

ဗျာ​ဒိတ် 13:15

တစ်ဖန် သားရဲ​၏​ရုပ်တု​သည် စကား​ပြော​နိုင်​ရန်​နှင့် သားရဲ​၏​ရုပ်တု​ကို​မ​ကိုးကွယ်​သော​သူ​ရှိသမျှ​တို့​ကို သတ်ဖြတ်​စေရန် ထို​သားရဲ​၏​ရုပ်တု​အား အသက်​သွင်း​ပေး​နိုင်​သော​အခွင့်​ကို ရရှိ​လေ​၏။

ဗျာ​ဒိတ် 13:17

သားရဲ​၏​အမည်​၊ သို့မဟုတ် သူ့​အမည်​၏​ကိန်းဂဏန်း​ဖြစ်​သည့် ထို​အမှတ်တံဆိပ်​မ​ရှိ​လျှင် မည်သူမျှ အရောင်း​အဝယ်​မ​ပြု​နိုင်​ရန်​စီရင်​လေ​၏။

ဗျာ​ဒိတ် 14:9

တစ်ဖန် တတိယ​ကောင်းကင်​တမန်​သည် သူ​တို့​နောက်​မှ​လိုက်​လာ​၍ “သားရဲ​နှင့်​သူ​၏​ရုပ်တု​ကို​ကိုးကွယ်​လျက် မိမိ​နဖူး​ပေါ်တွင်​ဖြစ်စေ၊ မိမိ​လက်​ပေါ်တွင်​ဖြစ်စေ သူ​၏​အမှတ်တံဆိပ်​ကို​ခံယူ​သော​သူ​သည်

ဗျာ​ဒိတ် 18:18

သူ့​ကို​လောင်ကျွမ်း​နေ​သော​မီး​မှ မီးခိုး​များ​ကို​မြင်​၍ ‘မည်သည့်​မြို့​သည် ဤ​ကြီးမား​သော​မြို့​နှင့်​တူ​သနည်း’​ဟု အော်ဟစ်​ကြ​လိမ့်မည်။

ဗျာ​ဒိတ် 18:9

သူ​နှင့်အတူ​တရားနှင့်မညီ​မေထုန်​ပြု​ကြ​ပြီး စည်းစိမ်​ခံစား​ခဲ့​ကြ​သော ကမ္ဘာ​မြေကြီး​၏​ရှင်ဘုရင်​တို့​သည် သူ့​ကို​လောင်ကျွမ်း​သည့်​မီးခိုး​ကို မြင်​ကြ​သောအခါ သူ့​အတွက် ရင်ဘတ်​စည်တီး​လျက်​ငိုကြွေး​ကြ​လိမ့်မည်။

ဗျာ​ဒိတ် 19:3

ထို့နောက် တစ်ဖန် သူ​တို့​က “ဟာလေလုယာ။ သူ​၏​မီးခိုး​သည် ကမ္ဘာ​အဆက်ဆက်​တက်​သွား​လျက်​ရှိ​၏”​ဟု ဆို​ကြ​၏။

ဗျာ​ဒိတ် 20:10

သူ​တို့​ကို​လှည့်ဖြား​သော​မာရ်နတ်​သည်​လည်း သားရဲ​နှင့်​ပရောဖက်​အတုအယောင်​တို့​ရှိ​ရာ ကန့်​နှင့်​ရော​သော​မီး​အိုင်​ထဲသို့ ပစ်ချ​ခြင်း​ခံရ​၏။ သူ​တို့​သည် ထို​နေရာ​၌ နေ့​ရော​ည​ပါ ကမ္ဘာ​အဆက်ဆက် ညှဉ်းဆဲ​ခြင်း​ကို​ခံရ​ကြ​လိမ့်မည်။

ဗျာ​ဒိတ် 22:5

ည​သည် ရှိ​တော့မည်​မ​ဟုတ်။ ထာဝရ​အရှင်​ဘုရားသခင်​သည် သူ​တို့​အပေါ်​ထွန်းလင်း​တော်မူ​သည်​ဖြစ်၍ ဆီမီး​၏​အလင်း​နှင့်​နေ​၏​အလင်း​တို့ မ​လိုအပ်​တော့​ပေ။ သူ​တို့​သည် ကမ္ဘာ​အဆက်ဆက်​စိုးစံ​ကြ​လိမ့်မည်။

ဗျာ​ဒိတ် 7:12

“အာမင်။ ကောင်းချီး​မင်္ဂလာ၊ ဘုန်း​အသရေ၊ ဉာဏ်ပညာ၊ ကျေးဇူး​တော်​ချီးမွမ်း​ခြင်း၊ ဂုဏ်သရေ၊ တန်ခိုး​နှင့် အစွမ်းသတ္တိ​တို့​သည် ငါ​တို့​ဘုရားသခင်​၌ ကမ္ဘာ​အဆက်ဆက်​ရှိ​ပါစေသော။ အာမင်”​ဟု မြွက်ဆို​ကြ​၏။