ဗျာ​ဒိတ် 12:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ သို့သော် ထို​အမျိုးသမီး​သည် တော​ကန္တာရ​ထဲ​ရှိ မိမိ​၏​နေရာ​အရပ်​သို့ ပျံသန်း​သွား​နိုင်​ရန် ကြီးမား​သော​လင်းယုန်​၏​အတောင်​နှစ်​ခု​ကို​ရရှိ​၏။ သူ​သည် ထို​အရပ်​တွင် မြွေ​၏​ရှေ့မှောက်​မှ​လွတ်​၍ တစ်​ကာလ၊ နှစ်​ကာလ​နှင့် ကာလ​တစ်ဝက်​အတွင်း ပြုစု​စောင့်ရှောက်​ခြင်း​ကို​ခံရ​၏။

Common Language Bible

¹⁴ အ​မျိုး​သ​မီး​သည်​တော​ကန္တာ​ရ​ရှိ​မိ​မိ​အရပ် သို့​ပျံ​သန်း​သွား​နိုင်​ရန် လင်း​ယုန်​ကြီး​၏​အ​တောင် နှစ်​ခု​ကို​ရ​ရှိ​ထား​သည်။ သူ​သည်​ထို​အ​ရပ်​တွင် သုံး​နှစ်​ခွဲ​တိုင်​တိုင် န​ဂါး​၏​ဘေး​မှ​ကင်း​လွတ် လုံ​ခြုံ​လျက်​ပြု​စု​စောင့်​ရှောက်​ခြင်း​ကို​ခံ​ရ မည်​ဖြစ်​၏။-

Garrad Bible

¹⁴ တစ် ကာ လ၊ ကာ လ များ နှင့်၊ ကာ လ ဝက် ပတ် လုံး မြွေ ဘေး လွတ်၍ အ ကျွေး အ မွေး ခံ ရ မည့် တော နေ ရာ သို့ ပျံ နိုင် ရန် ရွှေ လင်း တ ကြီး အ တောင် တစ် စုံ ကို ခံ ယူ ရ ၏။

Judson Bible

¹⁴ မိန်း​မ​သည် ထို​မြွေ​နှင့်​လွတ်၍၊ တစ်​ကာ​လ၊ နှစ်​ကာ​လ၊ ကာ​လ​တစ်​ဝက်​ပတ်​လုံး ကျွေး​မွေး​ခြင်း​ကို ခံ​ရာ အ​ရပ်​တည်း​ဟူ​သော တော​အ​ရပ်​သို့ ပျံ​နိုင်​မည့်​အ​ကြောင်း၊ ရွှေ​လင်း​တ​ကြီး၏ အ​တောင်​နှစ်​ဖက်​ကို ရ​လေ၏။-

ခေတ်သစ်​မြန်မာ သမ္မာကျမ်း

¹⁴ သို့သော် ထို​အမျိုးသမီး​သည် တောကန္တာရ​၌ မိမိ​အတွက် ပြင်ဆင်ထားသော​နေရာ​သို့ ပျံသန်း​နိုင်ရန် ဘုရားသခင်​က သူ့​အား လင်းယုန်​အတောင်ပံ​တစ်စုံ​ကို ပေးအပ်တော်မူ၏။ သူ​သည် နဂါး​ဘေးရန်​မှ လွှတ်​၍ ထို​အရပ်​၌ သုံးနှစ်ခွဲ​တိုင်အောင် ပြုစု​စောင့်ရှောက်ခြင်း​ကို ခံရ၏။

ဗျာ​ဒိတ် 12:14 Referencias Cruzadas

ဆာ​လံ 55:6

ထိုအခါ ငါ​က “​ငါ​၌ ချိုးငှက်​ကဲ့သို့​အတောင်​ရှိ​ခဲ့​လျှင် ငါ​သည် ပျံသန်း​သွား​၍ နားနေ​ပေ​လိမ့်မည်​။

ထွက်​မြောက် 19:4

‘​ငါ​သည် အီဂျစ်​လူမျိုး​တို့​ကို စီရင်​ခဲ့​ပုံ​၊ သင်​တို့​ကို လင်းယုန်​၏​တောင်ပံ​များ​ပေါ်​တင်​၍ ငါ့​ထံသို့ ခေါ်ဆောင်​လာ​ခဲ့​ပုံ​တို့​ကို သင်​တို့​ကိုယ်တိုင်​သိမြင်​ခဲ့​ကြ​၏​။

ဟေ​ရှာ​ယ 40:31

ထာဝရဘုရား​ကို စောင့်မျှော်​သော​သူ​တို့​မူကား ခွန်အား​သစ်​နှင့်​ပြည့်​လိမ့်မည်​။ သူ​တို့​သည် လင်းယုန်​ကဲ့သို့ အတောင်ပံ​ဖြင့် အထက်​သို့​ပျံတက်​ကြ​လိမ့်မည်​။ ပြေး​သောအခါ မောပန်း​ကြ​မည်​မ​ဟုတ်​။ သွားလာ​သောအခါ​လည်း အားအင်​ကုန်ခန်း​ကြ​မည်​မ​ဟုတ်​။

ဒံ​ယေ​လ 12:7

ထိုအခါ မြစ်ရေပြင်​အထက်​တွင်​ရှိ​သော ပိတ်ချောထည်​ဝတ်ဆင်​ထား​သူ​က လက်​နှစ်​ဖက်​ကို ကောင်းကင်​သို့​မြှောက်​၍ “​တစ်​ကာလ​၊ နှစ်​ကာလ​၊ ကာလ​တစ်ဝက် ကြာ​လိမ့်မည်​။ သန့်ရှင်းသူ​တို့​၏​အင်အား​ကို တစ်စစီ​ဖြိုခွဲ​ပြီးမှ ဤ​အံ့ဖွယ်​အမှု​အားလုံး​၏​အဆုံး​သည် ရောက်​လိမ့်မည်​”​ဟု ထာဝရ​အသက်ရှင်​တော်မူ​သော​အရှင်​ကို တိုင်တည်​၍ ပြောဆို​သည်​ကို ငါ​ကြား​ရ​၏​။

ဒံ​ယေ​လ 7:25

ထို​ဘုရင်​သည် အမြင့်ဆုံး​သော​အရှင်​ကို ဆန့်ကျင်​ပြောဆို​၍ အမြင့်ဆုံး​သော​အရှင်​၏​သန့်ရှင်း​သူ​များ​ကို ဖိနှိပ်ချုပ်ချယ်​မည်​။ သူ​သည် အချိန်​ကာလ​နှင့် ဥပဒေ​တို့​ကို ပြောင်းလဲ​ပစ်​ရန် ကြိုးစား​လိမ့်မည်​။ သန့်ရှင်း​သူ​တို့​သည်​လည်း တစ်​ကာလ​၊ နှစ်​ကာလ​၊ ကာလ​တစ်ဝက်​ပတ်လုံး သူ့​လက်​သို့ ကျရောက်​ရ​လိမ့်မည်​။

ဒံ​ယေ​လ 8:14

ထို​သူ​က​လည်း “​ရက်ပေါင်း နှစ်ထောင့်​သုံး​ရာ ကြာ​လိမ့်မည်​။ ထို့နောက်မှ သန့်ရှင်းရာဌာန​ကို ပြန်လည်​သန့်ရှင်း​စေ​တော်မူ​လိမ့်မည်​”​ဟု ငါ့​အား ပြောပြ​၏​။

ဗျာ​ဒိတ် 12:6

ထို​အမျိုးသမီး​သည်​လည်း တော​ကန္တာရ​ထဲသို့ ထွက်ပြေး​လေ​၏။ ထို​အရပ်​၌ ရက်​ပေါင်း​တစ်ထောင့်​နှစ်ရာ​ခြောက်ဆယ်​တိုင်တိုင် သူ့​ကို​ကြည့်ရှု​စောင့်ရှောက်​ရန် ဘုရားသခင်​ပြင်ဆင်​ထား​တော်မူ​သော နေရာ​တစ်​နေရာ​ရှိ​၏။

ဗျာ​ဒိတ် 17:3

ငါ့​ကို ဝိညာဉ်​တော်​အားဖြင့် တော​ကန္တာရ​ထဲသို့ ခေါ်ဆောင်​သွား​လေ​၏။ ထိုအခါ ခေါင်း​ခုနစ်​လုံး​နှင့်​ဦးချို​ဆယ်​ချောင်း​ရှိ​၍ ဘုရားသခင်​ကို​စော်ကား​သော အမည်​နာမ​များ​ဖြင့်​ပြည့်​နေ​သည့် နီမြန်း​သော​သားရဲ​ပေါ်၌ ထိုင်​နေ​သော​မိန်းမ​တစ်​ယောက်​ကို ငါ​မြင်​ရ​၏။