ဗျာ​ဒိတ် 1:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထို​ဆီမီးခုံ​များ​အလယ်​၌ ခြေဖျား​တိုင်အောင်​ရောက်​သော​ဝတ်ရုံ​ကို​ဝတ်ဆင်​လျက် ရင်ဘတ်​၌ ရွှေ​ရင်စည်း​ကို​စည်း​ထား​သည့် လူ့သား​နှင့်​တူ​သော​သူ​တစ်​ဦး​ကို ငါ​မြင်​ရ​၏။

Common Language Bible

¹³ ထို​မီး​ခွက်​များ​အ​လယ်​၌​လူ​နှင့်​တူ​သူ​တစ် ဦး​ကို​လည်း​ကောင်း​တွေ့​ရ​၏။ ထို​သူ​သည်​ခြေ ဖျား​တိုင်​အောင်​ရောက်​သည့်​ဝတ်​လုံ​ရှည်​ကို​ခြုံ ၍​ရွှေ​ရင်​စည်း​ကို​ဝတ်​ဆင်​ထား​၏။-

Garrad Bible

¹³ ထို အ လယ် တွင် လူ့ သား နှင့် တူ သော ပု ဂ္ဂိုလ် တစ် ပါး ကိုလည်း ကောင်း မြင် ရ၏။ ထို ပု ဂ္ဂိုလ် သည် ဝတ် လုံ ရုံ လျက် ရွှေ ရင် စီး ကို စည်း လျက်၊

Judson Bible

¹³ ထို​မီး​ခွက်​ခု​နစ်​လုံး​အ​လယ်၌ လူ​သား​တော်​နှင့် တူ​သော သူ​တစ်​ဦး​ကို​လည်း​ကောင်း မြင်၏။ ထို​သူ​သည်​ခြေ​သို့ တိုင်​အောင်​ဝတ်​ခြုံ​လျက်၊ ရင်​တော်၌ ရွှေ​ခါး​ပန်း​ကို စည်း​လျက်​ဖြစ်၏။-

ခေတ်သစ်​မြန်မာ သမ္မာကျမ်း

¹³ ဤ​ရွှေ​ဆီမီးတိုင်များ​အလယ်​တွင် လူသား​နှင့်​တူသော​သူ​တစ်ဦး​ကို တွေ့ရ၏။ ထို​သူ​သည် ခြေဖျား​ထိ​ရှည်သော​ဝတ်ရုံ​ရှည်​ကို ဝတ်ဆင်ထား​ပြီး ရင်ဘတ်​တွင်လည်း ရွှေ​ရင်စည်း​ကို စည်းထား၏။

ဗျာ​ဒိတ် 1:13 Referencias Cruzadas

ထွက်​မြောက် 39:5

ဧဖုဒ်​ပေါ်ရှိ ခါးပတ်ပြား​ကို​လည်း ဧဖုဒ်​လုပ်​သကဲ့သို့ပင် ရွှေ​ချည်​၊ အပြာရောင်​ချည်​၊ ခရမ်းရောင်​ချည်​၊ အနီရောင်​ချည် တို့​ဖြင့်​ရက်လုပ်​ထား​သော​ပိတ်ချောထည်​ဖြင့် ချုပ်လုပ်​၏​။

ဟေ​ရှာ​ယ 11:5

ဖြောင့်မတ်​ခြင်း​သည် သူ​၏​ခါးပန်း​၊ သစ္စာတရား​သည် သူ​၏​ခါးစည်း​ဖြစ်​လိမ့်မည်​။

ဒံ​ယေ​လ 10:16

ထိုအခါ လူ​သဏ္ဌာန်​နှင့်​တူ​သော​သူ​က ငါ့​နှုတ်ခမ်း​ကို တို့​၏​။ ငါ​လည်း နှုတ်​ကို​ဖွင့်​၍ ငါ့​ရှေ့​၌​ရပ်​နေ​သော​သူ​အား “​အကျွန်ုပ်​၏​သခင်​၊ ဤ​နိမိတ်အာရုံ​ကြောင့် အကျွန်ုပ်​သည် ပြင်းထန်​သော​ဝေဒနာ​ကို​ခံစား​ရ​၍ ခွန်အား​လည်း ကုန်ခန်း​ပါ​ပြီ​။

ဒံ​ယေ​လ 7:13

ညအချိန် စိတ်အာရုံ​တွင် လူသား​နှင့်​တူ​သော​သူ​တစ်ဦး မိုး​တိမ်​ကို​စီး​လျက်​ကြွလာ​သည်​ကို ငါ​မြင်​ရ​၏​။ ရှေး​အရှင်သခင်​ရှိ​ရာ​သို့​ရောက်လာ​သောအခါ သူ့​ကို​အထံ​တော်​သို့ ခေါ်သွင်း​ကြ​၏​။

ဒံ​ယေ​လ 7:9

ငါ​ကြည့်​လျက်​နေ​စဉ် ပလ္လင်​များ​ကို​ခင်းကျင်း​၍ သက်တော်ကြီးရင့်​သော​အရှင် ထိုင်​တော်မူ​၏​။ အဝတ်​တော်​သည် နှင်းပွင့်​ကဲ့သို့​ဖြူ​၏​။ ဦးခေါင်း​တော်​မှ​ဆံပင်​သည်​လည်း သိုးမွေး​ကဲ့သို့ ဖြူ​၏​။ ပလ္လင်​တော်​သည် မီး​လျှံ​၊ ဘီး​တော်​တို့​သည် မီးတောက် ဖြစ်​၏​။

ဝတ်​ပြု 8:7

အာရုန်​အား အတွင်းသင်တိုင်း​ဝတ်ပေး​ပြီး ခါးစည်း​စည်း​ပေး​၏​။ ဝတ်လုံ​ဝတ်ပေး​ပြီး ဧဖုဒ်​ဆင်ပေး​၏​။ ဧဖုဒ်​၏​ခါးပတ်ပြား​ကို​စည်းပေး​၍ ခါးပတ်ပြား​ကို ဧဖုဒ်​နှင့် တွဲချည်​ပေး​၏​။

ဟေ​ဗြဲ 4:15

အကြောင်းမူကား ငါ​တို့​၏​ယဇ်ပုရောဟိတ်​မင်း​သည် ငါ​တို့​၏​အားနည်း​ခြင်း​များ​ကို မ​ထောက်ထား​မ​ညှာတာ​နိုင်​သူ​မ​ဟုတ်။ ကိုယ်တော်​သည် ငါ​တို့​နည်းတူ စုံစမ်း​နှောင့်ယှက်​ခြင်း​အမျိုးမျိုး​ကို​ခံ​ခဲ့​ဖူး​သူ​ဖြစ်​တော်မူ​၏။ သို့သော် အပြစ်​နှင့်​ကင်းလွတ်​တော်မူ​၏။

ဗျာ​ဒိတ် 14:14

တစ်ဖန် ငါ​ကြည့်​လိုက်​ရာ ဖြူ​သော​မိုးတိမ်​ရှိ​၍ ထို​မိုးတိမ်​ပေါ်တွင် ဦးခေါင်း​ပေါ်၌ ရွှေ​သရဖူ​ကို​ဆောင်း​လျက် လက်​၌ ထက်​သော​တံစဉ်​ကို​ကိုင်​ထား​သည့် လူ့သား​နှင့်​တူ​သော​သူ​တစ်​ဦး​ထိုင်​နေ​၏။

ဗျာ​ဒိတ် 15:6

ဘေးဒဏ်​ခုနစ်​မျိုး​ကို​ဆောင်​ထား​သည့် ကောင်းကင်​တမန်​ခုနစ်​ပါး​တို့​သည် ထို​ဗိမာန်​တော်​ထဲမှ ထွက်လာ​ကြ​၏။ သူ​တို့​သည် စင်ကြယ်​တောက်ပ​သော​ပိတ်ချော​ကို​ဝတ်ဆင်​လျက် ရင်ဘတ်​၌ ရွှေ​ရင်စည်း​ကို​စည်း​ထား​၏။

ဗျာ​ဒိတ် 2:1

ဧဖက်​မြို့​၌​ရှိ​သော အသင်းတော်​၏​စေတမန်​အား ဤသို့​ရေး​လိုက်​လော့။ မိမိ​လက်ယာ​လက်​တွင် ကြယ်​ခုနစ်​လုံး​ကို​ကိုင်​ထား​သော​သူ၊ ရွှေ​ဆီမီးခုံ​ခုနစ်​ခု​အလယ်​၌ သွားလာ​သော​သူ​က ဤသို့​မိန့်​တော်မူ​၏။