ဖိ​လိပ္ပိ 2:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ သို့ဖြစ်၍ ဝမ်းမြောက်​ခြင်း​အပြည့်အဝ​ဖြင့် သခင်​ဘုရား​၌ သူ့​ကို​လက်ခံ​ကြ​လော့။ ဤသို့​သော​သူ​တို့​ကို ရိုသေလေးစား​ကြ​လော့။

Common Language Bible

²⁹ သင်​တို့​သည်​သူ့​အား​ခ​ရစ်​ယာန်​ညီ​အစ်​ကို​တစ်​ဦး အ​နေ​ဖြင့်​ဝမ်း​မြောက်​စွာ​ကြို​ဆို​ကြ​လော့။ ထို​သို့ သော​သူ​တို့​ကို​ရို​သေ​လေး​စား​ကြ​လော့။-

Garrad Bible

²⁹ ခပ် သိမ်း သော ဝမ်း မြောက် ခြင်း နှင့် အ ရှင် ဘု ရား အား ဖြင့် လက် ခံ လျက် ထို သို့ သော သူ တို့ ကို ရို သေ ထောက် ထား ကြ လော့။

Judson Bible

²⁹ သို့​ဖြစ်၍ သ​ခင်​ဘု​ရား​ကို ထောက်​လျက်၊ ဝမ်း​မြောက်​သော​စိတ်​နှင့် သူ့​ကို​လက်​ခံ​ကြ​လော့။ ထို​သို့​သော​သူ​တို့​ကို ရို​သေ​လေး​မြတ်​ကြ​လော့။-

ခေတ်သစ်​မြန်မာ သမ္မာကျမ်း

²⁹ သို့ဖြစ်၍ သခင်ဘုရား​၏​လူ ဖြစ်သည်​ကို ထောက်​လျက် သူ့​အား အလွန်​ဝမ်းမြောက်​စွာ ကြိုဆိုကြလော့။ ဤကဲ့သို့သော​လူတို့​ကို ရိုသေကြလော့။

ဖိ​လိပ္ပိ 2:29 Referencias Cruzadas

ဟေ​ရှာ​ယ 52:7

ကောင်းမြတ်​သော​သတင်း​ယူဆောင်​လာ​သော​သူ​တည်းဟူသော ငြိမ်းချမ်း​ခြင်း​အကြောင်း​ပြောကြား​သော​သူ​၊ ကောင်းမြတ်​သော​သတင်း​ယူဆောင်​လာ​သော​သူ​တည်းဟူသော ကယ်တင်​ခြင်း​အကြောင်း​ပြောကြား​သော​သူ​၊ “​သင်​၏​ဘုရားသခင်​သည် စိုးစံ​တော်မူ​၏​”​ဟု ဇိအုန်​မြို့​အား​ပြော​သော​သူ​၏​ခြေ​သည် တောင်​ပေါ်တွင် အလွန်​တင့်တယ်​စွ​ပါ​တကား​။

လုကာ 9:5

မည်သူ​မျှ သင်​တို့​ကို​လက်​မ​ခံ​လျှင် ထို​မြို့​မှ​ထွက်သွား​ကြ​စဉ် သူ​တို့​တစ်ဖက်​၌ သက်သေ​ဖြစ်​စေရန် သင်​တို့​ခြေဖဝါး​မှ​မြေမှုန့်​ကို ခါချ​ခဲ့​ကြ​လော့”​ဟု မိန့်​တော်မူ​၏။

ရှင်ယောဟန် 13:20

သင်​တို့​အား ငါ​အမှန်အကန်​ဆို​မည်။ ငါ​စေလွှတ်​သော​သူ​ကို လက်ခံ​သော​သူ​သည် ငါ့​ကို​လက်ခံ​၏။ ငါ့​ကို​လက်ခံ​သော​သူ​သည်​လည်း ငါ့​ကို​စေလွှတ်​တော်မူ​သော​အရှင်​ကို​လက်ခံ​၏”​ဟု မိန့်​တော်မူ​၏။

တမန်တော်ဝတ္ထု 2:46

သူ​တို့​သည် နေ့တိုင်း တညီတညွတ်တည်း​ဖြင့် ဗိမာန်​တော်​၌ အစဉ်တစိုက်​စုဝေး​ကြ​၍ တစ်အိမ်​ပြီး​တစ်အိမ်​မုန့်​ဖဲ့​ခြင်း​အမှု​ကို​ပြု​လျက် စေတနာ​စိတ်​နှင့်​ရွှင်မြူး​သော​စိတ်​တို့​ဖြင့် အစားအစာ​ကို ဝေမျှ​စား​သောက်​ကြ​ကာ

တမန်တော်ဝတ္ထု 28:10

ထို​သူ​တို့​သည် များစွာ​သော​လက်ဆောင်​ဖြင့် ငါ​တို့​ကို ဂုဏ်ပြု​လျက် ငါ​တို့​ရွက်လွှင့်​သောအခါ​၌​လည်း လိုအပ်​သည့်​အရာ​များ​ကို တင်​ပေး​လိုက်​ကြ​၏။

တမန်တော်ဝတ္ထု 8:8

သို့ဖြစ်၍ ထို​မြို့​၌ ကြီးစွာ​သော​ဝမ်းမြောက်​ခြင်း​ရှိ​လေ​၏။

ရော​မ 10:15

စေလွှတ်​ခြင်း​မ​ခံရ​လျှင် မည်သို့​ဟောပြော​နိုင်​မည်နည်း။ “ကောင်းမြတ်​ခြင်း​နှင့်ဆိုင်သည့် ဝမ်းမြောက်​ဖွယ်​သတင်း​ကို​ဟောပြော​သော​သူ​များ​၏​ခြေ​တို့​သည် အလွန်​တင့်တယ်​စွ​တကား”​ဟု ကျမ်းစာ​၌​ရေး​ထား​သည့်​အတိုင်း​ဖြစ်​၏။

ရော​မ 16:2

သန့်ရှင်း​သူ​များ​ပြု​သင့်​သည့်​အတိုင်း သခင်​ဘုရား​၌ သူ့​ကို​လက်ခံ​၍ သင်​တို့​ထံမှ သူ​လိုအပ်​သမျှ​သော​အရာ​ကို ကူညီ​ဆောင်ရွက်​ပေး​ကြ​လော့။ အမှန်စင်စစ် သူ​သည် ငါ​ကိုယ်တိုင်​မှစ၍ များစွာ​သော​သူ​တို့​ကို ကူညီ​ခဲ့​သူ​ဖြစ်​၏။

၁ ကော 16:10

တိမောသေ​ရောက်လာ​လျှင် သူ​သည် စိုးရိမ်​ခြင်း​မ​ရှိ​ဘဲ သင်​တို့​နှင့်အတူ​နေထိုင်​နိုင်​ရန် ဂရုစိုက်​ကြ​လော့။ အကြောင်းမူကား သူ​သည် ငါ​ကဲ့သို့​ပင် သခင်​ဘုရား​၏​အမှု​တော်​ကို​ဆောင်ရွက်​နေ​၏။

၁ ကော 16:18

ငါ​၏​စိတ်​ဝိညာဉ်​နှင့် သင်​တို့​၏​စိတ်​ဝိညာဉ်​တို့​အား ငြိမ်သက်​ချမ်းသာ​မှု​ကို​ပေး​ကြ​၏။ သို့ဖြစ်၍ ထိုသို့သော​သူ​တို့​ကို အသိအမှတ်​ပြု​ကြ​လော့။

၂ ကော 10:18

အကြောင်းမူကား ယုံကြည်​စိတ်ချ​ရ​သူ​သည် မိမိကိုယ်ကို ထောက်ခံ​ချီးကျူး​သော​သူ​မ​ဟုတ်​ဘဲ သခင်​ဘုရား​က ထောက်ခံ​ချီးကျူး​သော​သူ​ဖြစ်​ရ​မည်။

၂ ကော 7:2

ငါ​တို့​ကို​လက်ခံ​ကြ​လော့။ ငါ​တို့​သည် မည်သူ့​ကို​မျှ မ​ပြစ်မှား​ခဲ့​ကြ။ မည်သူ့​ကို​မျှ မ​ဖျက်ဆီး​ခဲ့​ကြ။ မည်သူ့​အပေါ်၌​မျှ အမြတ်​မ​ထုတ်​ခဲ့​ကြ။

ဖိ​လိပ္ပိ 2:28

ထို့ကြောင့် သင်​တို့​သည် သူ့​ကို တစ်ဖန်​တွေ့မြင်​၍ ဝမ်းမြောက်​ကြ​စေရန်​နှင့် ငါ​သည်​လည်း စိတ်​သက်သာ​ရာ​ရ​စေရန် သူ့​ကို မဆိုင်းမတွ​ငါ​စေလွှတ်​၏။

ကော​လော​သဲ 4:10

ငါ​နှင့်အတူ​အကျဉ်းချ​ခံ​နေ​ရ​သူ​အာရိတ္တာခု​နှင့် ဗာနဗ​၏​ညီဝမ်းကွဲ​မာကု​တို့​သည် သင်​တို့​ကို နှုတ်ဆက်​လိုက်​ပါ​၏။ မာကု​သည် သင်​တို့​ထံသို့​လာ​လျှင် သူ့​ကို​လက်ခံ​ကြ​ပါ​ဟူသည့် သူ​နှင့်​ပတ်သက်သော​ညွှန်ကြား​ချက်​များ​ကို သင်​တို့​ရရှိ​ထား​၏။

၁ သက် 5:12

ညီအစ်ကို​တို့၊ သင်​တို့​ထဲတွင် အားထုတ်​လုပ်ဆောင်​လျက်​၊ သခင်​ဘုရား​၌ သင်​တို့​ကို စီမံ​အုပ်ချုပ်​လျက် သင်​တို့​ကို​သတိပေး​ဆုံးမ​နေ​ကြ​သော​သူ​များ​ကို ကြည်ညို​လေးစား​ကြ​ရန်​လည်းကောင်း၊

၁ တိ 5:17

ကောင်း​စွာ​စီမံ​အုပ်ချုပ်​နေ​သော​အသင်းတော်​အကြီးအကဲ​များ အထူးသဖြင့် နှုတ်ကပတ်တော်​ဝေငှ​ခြင်း​နှင့် သွန်သင်​ခြင်း​တို့​အတွက် အားထုတ်​လုပ်ဆောင်​နေ​သော​အကြီးအကဲ​များ​သည် နှစ်ဆ​သော​ဂုဏ်ပြု​ခြင်း​ကို ခံထိုက်​သည်​ဟု မှတ်ယူ​လော့။

ဟေ​ဗြဲ 13:17

သင်​တို့​၏​ခေါင်းဆောင်​များ​သည် ဖြေရှင်းချက်​ပေး​ရ​မည့်​သူ​အဖြစ် သင်​တို့​၏​စိတ်ဝိညာဉ်​အတွက် နိုးနိုးကြားကြား​ရှိ​နေ​ကြ​သည်​ဖြစ်၍ သူ​တို့​သည် ညည်းတွား​ခြင်း​မ​ရှိ​ဘဲ ဝမ်းမြောက်​စွာ​ဖြင့် ထို​အမှု​ကို​ဆောင်ရွက်​နိုင်​ရန် သူ​တို့​စကား​ကို​နားထောင်​လျက် ကျိုးနွံ​နာခံ​ကြ​လော့။ သို့မဟုတ်​လျှင် သင်​တို့​အတွက် အကျိုး​ရှိ​လိမ့်မည်​မ​ဟုတ်။

၃ ယော 1:10

ထို့ကြောင့် ငါ​လာ​သောအခါ သူ​ပြု​နေ​သော​အမှု​ကို​ထောက်ပြ​မည်။ သူ​သည် မကောင်း​သော​စကား​အမျိုးမျိုး​တို့​ဖြင့် ငါ​တို့​ကို ကဲ့ရဲ့​ပြစ်တင်​ပြီး ဤမျှ​နှင့်​သာ​မ​ကျေနပ်​ဘဲ သူ​ကိုယ်တိုင်​လည်း ညီအစ်ကို​တို့​ကို​လက်​မ​ခံ၊ လက်ခံ​လို​သော​သူ​များ​ကို​လည်း တားမြစ်​၍ အသင်းတော်​မှ နှင်ထုတ်​၏။