နေ​ဟ​မိ 9:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ သူ​တို့​ရှေ့​၌​ပင် ကိုယ်တော်​သည် ပင်လယ်​ကို​ခွဲ​တော်မူ​၍ ပင်လယ်​အလယ် ခြောက်သွေ့​သော​မြေ​ပေါ်တွင် သူ​တို့​ကို ဖြတ်ကူး​စေ​၏​။ သူ​တို့​ကို လိုက်​သော​သူ​တို့​အား ကျောက်တုံး​ကို ရေနက်​ထဲ​ပစ်ချ​သကဲ့သို့ ပင်လယ်နက်​ထဲသို့​ပစ်ချ​တော်မူ​၏​။

Common Language Bible

¹¹ ကိုယ်​တော်​သည်​ကိုယ်​တော်​၏​လူ​မျိုး​တော်​အ​တွက် ပင်​လယ်​ကို​ဖြတ်​၍​လမ်း​ဖောက်​ပြီး​လျှင် သူ​တို့​အား​ခြောက်​သွေ့​သော​မြေ​ပေါ်​တွင်​လျှောက်​၍ သွား​စေ​တော်​မူ​ပါ​၏။ သူ​တို့​အား​လိုက်​လံ​ဖမ်း​ဆီး​ကြ​သူ​တို့​ကို​မူ ပင်​လယ်​ရေ​လှိုင်း​တွင် ကျောက်​ခဲ​နစ်​သ​ကဲ့​သို့​ရေ​ထဲ​၌​နစ်​စေ​တော် မူ​ပါ​၏။

Garrad Bible

¹¹ ဘိုး ဘေး တို့ ရှေ့၊ ရေ ချင်း ခွဲ လျက်၊ ပင် လယ် ထဲ၌ ကြည်း ကြောင်း သွား စေ တော် မူ သည့် ပြင်၊ လိုက် လံ သူ တို့ ကို ကား၊ အား ကြီး သော ရေ ထဲ တွင် ကျောက် ကို ချ သ ကဲ့ သို့၊ နက် ရှိုင်း ရာ သို့ ချ တော် မူ ပါ ၏။

Judson Bible

¹¹ သူ​တို့​သည် ပင်​လယ်​အ​လယ်၌ မြေ​ပေါ်​မှာ လျှောက်​သွား​မည်​အ​ကြောင်း သူ​တို့​ရှေ့​မှာ ပင်​လယ်​ကို​ခွဲ​တော်​မူ၏။ ညှဉ်း​ဆဲ​သော သူ​တို့​ကို​ကား၊ နက်​သော​ရေ​ထဲ​သို့ ကျောက်​ကို​ပစ်​သ​ကဲ့​သို့ ပစ်​တော်​မူ၏။

နေ​ဟ​မိ 9:11 Referencias Cruzadas

ဆာ​လံ 66:6

ကိုယ်တော်​သည် ပင်လယ်​ကို ကုန်းမြေ​အဖြစ်​သို့​ပြောင်းလဲ​စေ​တော်မူ​၏​။ လူ​တို့​သည် မြစ်​ကို​ခြေကျင်​ဖြတ်ကူး​ကြ​၏​။ ထို​အရပ်​တွင် ငါ​တို့​သည် ကိုယ်တော်​၌ ဝမ်းမြောက်​ကြ​၏​။

ဆာ​လံ 78:13

ပင်လယ်​ကို​ခွဲ​၍ သူ​တို့​ကို​ဖြတ်သွား​စေ​တော်မူ​၏​။ ရေ​များ​ကို တာတမံ​ကဲ့သို့ မတ်မတ်တည်​စေ​တော်မူ​၏​။

ထွက်​မြောက် 14:14

ထာဝရဘုရား​သည် သင်​တို့​အတွက် စစ်တိုက်​တော်မူ​မည်​ဖြစ်၍ သင်​တို့​သည် ငြိမ်ဝပ်​စွာ​နေ​ရ​မည်​”​ဟု ဆို​လေ​၏​။

ထွက်​မြောက် 14:25

သူ​တို့​၏​ရထား​များ​ကို​လည်း မောင်း​ရ​ခက်ခဲ​စေရန် ဘီး​များ​ကို ကျွတ်ထွက်​စေ​တော်မူ​၏​။ သို့ဖြစ်၍ အီဂျစ်​လူမျိုး​တို့​က “​အစ္စရေး​လူမျိုး​တို့​ထံ​မှ ငါ​တို့​ထွက်ပြေး​ကြ​စို့​။ အကြောင်းမူကား ထာဝရဘုရား​သည် သူ​တို့​ဘက်​မှ​နေ​၍ အီဂျစ်​လူမျိုး​တို့​ကို စစ်တိုက်​တော်မူ​ပြီ​”​ဟု ဆို​ကြ​၏​။

ထွက်​မြောက် 14:29

အစ္စရေး​အမျိုးသား​တို့​မူကား ပင်လယ်​ထဲ၌ ခြောက်သွေ့​သော​မြေ​ပေါ်တွင် လျှောက်သွား​ရ​၏​။ ရေ​သည် သူ​တို့​၏​လက်ယာ​ဘက်​နှင့်​လက်ဝဲ​ဘက်​၌ တံတိုင်း​သဖွယ်​ဖြစ်​လျက်​နေ​၏​။

ယေ​ရ​မိ 32:20

ကိုယ်တော်​သည် အီဂျစ်​ပြည်​၌ နိမိတ်လက္ခဏာ​များ​၊ အံ့ဖွယ်အမှု​များ​ကို ပြု​တော်မူ​သကဲ့သို့ ယနေ့​အထိ​လည်း အစ္စရေး​လူမျိုး​နှင့်​လူမျိုး​တကာ​တို့​တွင် ပြု​တော်မူ​၍ နာမ​တော်​ကို ယနေ့​ကဲ့သို့ ထင်ရှား​စေ​တော်မူ​၏​။

၁ ကော 10:1

ညီအစ်ကို​တို့၊ အောက်ပါ​အကြောင်းအရာ​များ​ကို သင်​တို့​မ​သိ​ဘဲ မ​နေ​စေ​လို​ပါ။ ငါ​တို့​၏​ဘိုးဘေး​များ​အားလုံး​သည် မိုးတိမ်​အောက်၌​ရှိ​ခဲ့​၍ အားလုံး​သည် ပင်လယ်​ကို ဖြတ်ကျော်​ခဲ့​ကြ​ပြီး

ဟေ​ဗြဲ 11:29

အစ္စရေး​အမျိုးသား​တို့​သည် ယုံကြည်​ခြင်း​အားဖြင့် ပင်လယ်​နီ​ကို ခြောက်သွေ့​သော​မြေ​ကဲ့သို့​ဖြတ်​သွား​ကြ​၏။ ထိုနည်းတူ​ပြု​ရန် ကြံစည်​အားထုတ်​သော​အီဂျစ်​အမျိုးသား​တို့​သည် နစ်မြုပ်​ကြ​ကုန်​၏။

ဗျာ​ဒိတ် 18:21

ထို့နောက် ခွန်အား​ကြီး​သော​ကောင်းကင်​တမန်​တစ်​ပါး​သည် ကြီးမား​သည့်​ကြိတ်ဆုံ​ကဲ့သို့သော​ကျောက်တုံး​တစ်​တုံး​ကို​ချီယူ​၍ ပင်လယ်​ထဲသို့​ပစ်ချ​ကာ “ဘေဘီလုံ​မြို့​ကြီး​သည် ဤကဲ့သို့ ကြမ်းတမ်း​စွာ​ပစ်ချ​ခြင်း​ကို​ခံရ​၍ လုံးဝ​တွေ့​ရ​တော့​မည်​မ​ဟုတ်။