နေ​ဟ​မိ 13:31 - မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ သတ်မှတ်​ထား​သော​အချိန်​တွင် လှူ​ရ​မည့်​ထင်း​နှင့် အဦးဆုံးသီးနှံ​များ​ကို စီမံ​ပေး​၏​။ အို အကျွန်ုပ်​၏​ဘုရားသခင်​၊ အကျွန်ုပ်​ကို အောက်မေ့​တော်မူ​ပါ​။ ကျေးဇူး​ပြု​တော်မူ​ပါ​။

Common Language Bible

³¹ အ​ချိန်​ကျ​လျှင်​ထင်း​အ​လှူ​ကို​လည်း​ကောင်း၊ ဆန်​စ​ပါး​အ​ဦး​အ​ဖျား​များ​နှင့်​အ​ဦး မှည့်​သည့်​သစ်​သီး​ပူ​ဇော်​သ​ကာ​များ​ကို လည်း​ကောင်း​ယူ​ဆောင်​လာ​ကြ​စေ​ရန်​စီ​မံ​၏။ အို ဘု​ရား​သ​ခင်​ဤ​အ​မှု​အ​ရာ​အ​ပေါင်း​ကို သ​တိ​ရ​တော်​မူ​၍​အ​ကျွန်ုပ်​အား​ကျေး​ဇူး ပြု​တော်​မူ​ပါ။ နေ​ဟ​မိ​မှတ်​စာ​ပြီး​၏။

Garrad Bible

³¹ ချိန်း ချက် သော အ ချိန်၌ ထင်း အ လှူ၊ လက် ဦး လက် ဖျား အ လှူ များ ကို လည်း ကောင်း၊ ငါ စီ မံ၏။ အို အ ကျွန်ုပ်၏ ဘု ရား သ ခင်၊ အ ကျွန်ုပ် ကို သ တိ ရ၍ ကျေး ဇူး ပြု တော် မူ ပါ ဟူ၍ တည်း။

Judson Bible

³¹ ချိန်း​ချက်​သော​အ​ချိန်၌ ထင်း​ပူ​ဇော်​သ​ကာ​နှင့် အ​ဦး​သီး​သော​အ​သီး​ကို ပူ​ဇော်​စေ​ခြင်း​ငှာ စီ​ရင်၏။ အို အ​ကျွန်ုပ်၏​ဘု​ရား​သ​ခင်၊ ကျေး​ဇူး​ပြု​ပါ​မည်​အ​ကြောင်း၊ အ​ကျွန်ုပ်​ကို အောက်​မေ့​တော်​မူ​ပါ။ နေ​ဟ​မိ​မှတ်​စာ​ပြီး၏။

နေ​ဟ​မိ 13:31 Referencias Cruzadas

နေ​ဟ​မိ 10:34

ပညတ်တရား​တွင် ရေး​ထား​သည့်​အတိုင်း နှစ်စဉ်​သတ်မှတ်​ထား​သော​အချိန်​များ​၌ ငါ​တို့​ဘုရားသခင်​ထာဝရဘုရား​၏​ယဇ်ပလ္လင်​ပေါ်တွင် ပူဇော်သက္ကာ​ကို​မီးရှို့​ဖို့ ယဇ်ပုရောဟိတ်​များ​၊ လေဝိ​အမျိုး​နှင့် ပြည်သူပြည်သား​တို့​က ငါ​တို့​ဘိုးဘေး​တို့​၏​မိသားစု​အလိုက် ဘုရားသခင်​၏​အိမ်​တော်​သို့​ယူဆောင်​လာ​ရ​မည့်​ထင်း​ကို ငါ​တို့​မဲချ​ဆုံးဖြတ်​ကြ​၏​။

နေ​ဟ​မိ 10:35

မြေ​ထွက်​ကောက်ပဲသီးနှံ​၏​အသီးဦး​များ​နှင့် သီးစားပင်​ရှိသမျှ​တို့​မှ အသီးဦး​ရှိသမျှ​တို့​ကို​လည်း ထာဝရဘုရား​၏​အိမ်​တော်​သို့ နှစ်စဉ် ယူဆောင်​လာ​ပါ​မည်​။

နေ​ဟ​မိ 10:38

လေဝိ​အမျိုး​တို့​သည် ဆယ်ဖို့တစ်ဖို့​ကို​လက်ခံ​သောအခါ အာရုန်​အမျိုးအနွယ်​ယဇ်ပုရောဟိတ်​သည် လေဝိ​အမျိုး​တို့​နှင့်အတူ​ရှိ​ရ​မည်​။ လေဝိ​အမျိုး​တို့​သည် ဆယ်ဖို့တစ်ဖို့​ထဲမှ ဆယ်ဖို့တစ်ဖို့​ကို ဘုရားသခင်​၏​အိမ်​တော် သိုလှောင်တိုက်​အခန်း​များ​ထဲသို့ ယူဆောင်​လာ​ရ​မည်​။

နေ​ဟ​မိ 13:14

အို အကျွန်ုပ်​၏​ဘုရားသခင်​၊ အကျွန်ုပ်​ပြု​ခဲ့​သော​အမှု​အတွက် အကျွန်ုပ်​ကို​အောက်မေ့​တော်မူ​ပါ​။ ဘုရားသခင်​၏​အိမ်​တော်​နှင့်​အမှု​တော်​အတွက် အကျွန်ုပ်​ကောင်း​စွာ​လုပ်ဆောင်​ခဲ့​သည်​ကို လျစ်လျူရှု​တော်​မ​မူ​ပါ​နှင့်​။

နေ​ဟ​မိ 13:22

လေဝိ​အမျိုး​တို့​ကို​လည်း ဥပုသ်နေ့​သန့်ရှင်း​အောင် ကိုယ့်ကိုယ်ကိုယ် စင်ကြယ်​စေ​ပြီး မြို့​တံခါး​တို့​တွင် သွား​၍​စောင့်ကြပ်​ကြ​လော့​ဟု ငါ​မှာကြား​၏​။ အို အကျွန်ုပ်​၏​ဘုရားသခင်​၊ အကျွန်ုပ်​ပြု​ခဲ့​သော​အမှု​အတွက် အကျွန်ုပ်​ကို​အောက်မေ့​တော်မူ​ပါ​။ မေတ္တာကရုဏာ​ကြွယ်ဝ​သည့်​အတိုင်း အကျွန်ုပ်​ကို သနား​တော်မူ​ပါ​။

နေ​ဟ​မိ 5:19

အို အကျွန်ုပ်​၏​ဘုရားသခင်​၊ ဤ​လူမျိုး​အတွက် အကျွန်ုပ်​ပြု​သော​ကောင်းမှု​အလုံးစုံ​ကို သတိရ​တော်မူ​ပါ​။

ဆာ​လံ 106:4

အို ထာဝရဘုရား​၊ အကျွန်ုပ်​သည် ကိုယ်တော်​ရွေးကောက်​သော​သူ​တို့​၏ ကောင်းကျိုးချမ်းသာ​ကို မြင်​နိုင်​စေရန်​လည်းကောင်း​၊ ကိုယ်တော့်​လူမျိုး​တော်​၏​ဝမ်းမြောက်​ခြင်း​၌ ပါဝင်ဝမ်းမြောက်​နိုင်​စေရန်​လည်းကောင်း​၊ ကိုယ်တော်​၏​အမွေ​တော်​၌ ဂုဏ်ယူဝါကြွား​နိုင်​စေရန်​လည်းကောင်း​၊ ကိုယ်တော်​၏​လူမျိုး​တော်​ကို ကျေးဇူးပြု​တော်မူ​သောအခါ အကျွန်ုပ်​ကို​သတိရ​တော်မူ​ပါ​။ သူ​တို့​ကို ကယ်တင်​တော်မူ​သောအခါ အကျွန်ုပ်​ကို​လည်း စာရင်းဝင်​စေ​တော်မူ​ပါ​။

ဆာ​လံ 25:7

အကျွန်ုပ်​၏​ပျိုရွယ်​စဉ်က​အပြစ်​များ​နှင့် အကျွန်ုပ်​ကျူးလွန်​သော​အပြစ်​များ​ကို အောက်မေ့​တော်​မ​မူ​ပါ​နှင့်​။ အို ထာဝရဘုရား​၊ ကိုယ်တော်​၏​ကောင်းမြတ်​တော်မူ​ခြင်း​ကို​ထောက်၍ ကိုယ်တော်​၏​မေတ္တာကရုဏာ​တော်​နှင့်အညီ အကျွန်ုပ်​ကို​အောက်မေ့​တော်မူ​ပါ​။

လုကာ 23:42

ထို့နောက် “ယေရှု၊ ကိုယ်တော်​၏​နိုင်ငံ​တော်​သို့ ကိုယ်တော်​ကြွလာ​တော်မူ​သောအခါ အကျွန်ုပ်​ကို​သတိရ​တော်မူ​ပါ”​ဟု လျှောက်​လေ​၏။