နာ​ဟုံ 3:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ထို​အရပ်​၌​ပင် သင်​သည် မီး​လောင်​ခံရ​မည်​။ ဓား​ဖြင့် ခုတ်သတ်​ခံရ​မည်​။ ယာလက်ကျိုင်း​ဝါးမျို​ခံရ​သကဲ့သို့ ဝါးမျို​ခံရ​မည်​။ သင့်ကိုယ်သင် ယာလက်ကျိုင်း​ကဲ့သို့ တိုးပွား​စေ​လော့​။ သင့်ကိုယ်သင် အရာဘကျိုင်း​ကဲ့သို့ တိုးပွား​စေ​လော့​။

Common Language Bible

¹⁵ သင်​သည်​အ​ဘယ်​သို့​ပင်​ပြု​သော်​လည်း​မီး​သင့် လောင်​ပြီး​စစ်​ပွဲ​တွင်​ကျ​ဆုံး​၍​သေ​လိမ့်​မည်။ ကျိုင်း​ကောင်​များ​ကိုက်​ဖျက်​လိုက်​သည့်​အ​သီး အ​နှံ​များ​ကဲ့​သို့​သင်​သည်​အ​စ​တုန်း​၍​သွား လိမ့်​မည်။ သင်​သည်​ကျိုင်း​ကောင်​များ​ကဲ့​သို့​လူ​ဦး​ရေ တိုး​ပွား​စေ​ခဲ့​၏။-

Garrad Bible

¹⁵ ကျိုင်း အုပ်၊ ကျိုင်း ပေါက် နှင့် အ မျှ များ ပြား စေ ဦး တော့ ရှိ ရင်း အ ရပ်၌ ပင် မီး သည် ကျွမ်း လောင် လျက် ထား လည်း ကျိုင်း ကောင် ကဲ့ သို့ မျို စား၍ ပယ် ရှား လိမ့် မည်။

Judson Bible

¹⁵ ထို​အ​ရပ်၌​ပင် သင့်​ကို မီး​လောင်​လိမ့်​မည်။ ဓား​နှင့် ခုတ်​ဖြတ်​လိမ့်​မည်။ ယာ​လက်​ကျိုင်း​ကိုက်​စား​သ​ကဲ့​သို့ ကိုက်​စား​လိမ့်​မည်။ ယာ​လက်​ကျိုင်း​နှင့် အ​ရာ​ဘ​ကျိုင်း​ကောင်​တို့​သည် များ​သ​ကဲ့​သို့ သင်၏​လူ​တို့​ကို များ​ပြား​စေ​ခြင်း​ငှာ ကြိုး​စား​လော့။

နာ​ဟုံ 3:15 Referencias Cruzadas

ဟေ​ရှာ​ယ 66:15

ကြည့်ရှု​လော့​။ ထာဝရဘုရား​သည် မီး​နှင့်​ကြွလာ​တော်မူ​မည်​။ လေပွေ​ကဲ့သို့ စစ်ရထား​နှင့်​ကြွလာ​တော်မူ​မည်​။ ရန်သူ​တို့​ကို အမျက်ပြင်း​စွာ​တုံ့ပြန်​မည်​။ မီးလျှံ​ဖြင့်​ဆုံးမ​မည်​။

ဟေ​ရှာ​ယ 66:16

ထာဝရဘုရား​သည် လူသား​အားလုံး​ကို မီး​ဖြင့်​လည်းကောင်း​၊ ဓား​ဖြင့်​လည်းကောင်း တရားစီရင်​တော်မူ​မည်​။ ထာဝရဘုရား​ကွပ်မျက်​သော​သူ​တို့​သည် များပြား​လိမ့်မည်​။

ယေ​ရ​မိ 51:14

ကောင်းကင်​ဗိုလ်ခြေ​အရှင်​ထာဝရဘုရား​က “​အကယ်စင်စစ် သင့်​နေရာ​သို့ ကျိုင်းကောင်​ကဲ့သို့ လူအုပ်​ကြီး​ကို ရောက်လာ​စေ​မည်​။ သူ​တို့​သည် စစ်အောင်သံ​ကို ကြွေးကြော်​ကြ​လိမ့်မည်​”​ဟု ကိုယ့်ကိုယ်ကိုယ် တိုင်တည်​၍​ကျိန်ဆို​တော်မူ​ပြီ​။

ယော​လ 1:4

ဂါဇံကျိုင်း​တို့​အကျန်​ကို အရာဘကျိုင်း​တို့ စား​လေ​ပြီ​။ အရာဘကျိုင်း​တို့​အကျန်​ကို ယာလက်ကျိုင်း​တို့ စား​လေ​ပြီ​။ ယာလက်ကျိုင်း​တို့​အကျန်​ကို ခါသိလကျိုင်း​တို့ စား​လေ​ပြီ​။

ယော​လ 2:25

“သင်​တို့​ထံ ငါ​စေလွှတ်​ခဲ့​သော စစ်သည်​အလုံးအရင်း​များ​ဖြစ်​သည့် အရာဘကျိုင်း​၊ ယာလက်ကျိုင်း​၊ ခါသိလကျိုင်း​၊ ဂါဇံကျိုင်း​တို့ ဝါးမျို​ဖျက်ဆီး​သော​နှစ်ကာလ​တစ်လျှောက် သင်​တို့​ဆုံးရှုံး​ခဲ့​သမျှ​ကို ငါ​ပြန်ပေး​မည်​။

အာ​မုတ် 7:1

ဘုရားရှင်​ထာဝရဘုရား​က ငါ့​အား ဤသို့ မြင်​စေ​တော်မူ​၏​။ ကြည့်ရှု​လော့​။ ကောက်နှောင်း​ပေါ်စအချိန်​တွင် ကိုယ်တော်​သည် နှံကောင်အုပ်​ကြီး​ကို လွှတ်လိုက်​တော်မူ​၏​။ ဤ​အချိန်​သည် ရှင်ဘုရင်​အဖို့ ကောက်ရိတ်​ပြီး ကောက်နှောင်း​ပေါ်ချိန်​ဖြစ်​၏​။

နာ​ဟုံ 2:13

ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် သင့်​ကို တိုက်ခိုက်​မည်​။ သင့်​စစ်ရထား​ကို မီးရှို့​ပစ်​မည်​။ သင့်​ခြင်္သေ့ပျို​တို့​ကို ဓား​ဖြင့်​ဖျက်ဆီး​မည်​။ သင့်​သားကောင်​ကို မြေကြီး​ပေါ်မှ ဖယ်ရှား​ပစ်​မည်​။ စေတမန်​တို့​၏​အသံ​ကို​လည်း နောက်တစ်ဖန် ကြား​ရ​တော့​မည်​မ​ဟုတ်​”​ဟု မိန့်​တော်မူ​၏​။

နာ​ဟုံ 3:13

ကြည့်ရှု​လော့​။ သင့်​စစ်သည်​တို့​သည် မိန်းမ​သဖွယ်​ဖြစ်​လေ​ပြီ​။ ကန့်လန့်ကျင်​တို့​ကို မီး​လောင်ကျွမ်း​ပြီး မြို့​တံခါး​တို့​သည်​လည်း ရန်သူ​တို့​အဖို့ ဟင်းလင်းပွင့်​လေ​ပြီ​။

ဇေဖနိ 2:13

ကိုယ်တော်​သည် မြောက်ဘက်​အရပ်​သို့ လက်​ကို​ဆန့်​၍ အဆီးရီးယား​ပြည်​ကို ဖျက်ဆီး​မည်​။ နိနေဝေ​မြို့​ကို​လည်း လူသူကင်းမဲ့​ရာ​၊ ခြောက်သွေ့​သော​ကန္တာရ​ကဲ့သို့ ဖြစ်​စေ​မည်​။