ဒံ​ယေ​လ 8:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ထို​သူ​က​လည်း “​ရက်ပေါင်း နှစ်ထောင့်​သုံး​ရာ ကြာ​လိမ့်မည်​။ ထို့နောက်မှ သန့်ရှင်းရာဌာန​ကို ပြန်လည်​သန့်ရှင်း​စေ​တော်မူ​လိမ့်မည်​”​ဟု ငါ့​အား ပြောပြ​၏​။

Common Language Bible

¹⁴ ဒု​တိ​ယ​ကောင်း​ကင်​တ​မန်​က``ရက်​ပေါင်း တစ်​ထောင့်​တစ်​ရာ့​ငါး​ဆယ် ကြာ​လိမ့်​မည်။ ထို​ကာ​လ​အ​တော​အ​တွင်း​၌ နံ​နက်​နှင့်​ညဥ့်​ဦး​ယံ​ယဇ်​ပူ​ဇော်​မှု​များ​ကို ပြု​ကြ​လိမ့်​မည်​မ​ဟုတ်။ ထို​နောက်​ဗိ​မာန်​တော် သည်​ပြန်​လည်​သန့်​စင်​၍​လာ​လိမ့်​မည်'' ဟု ပြန်​ပြော​၏။

Garrad Bible

¹⁴ ထို သူ က ညဉ့် နှင့် နေ့ ပေါင်း နှစ် ထောင့် သုံး ရာ ကြာ ဖြစ် လိမ့် မည်။ သို့ ပြီး မှ သန့် ရှင်း ရာ ဌာ န တော် ကို စင် ကြယ် ပြန် စေ လိမ့် မည် ဟု ငါ့ အား ပြန် ပြော လေ ၏။

Judson Bible

¹⁴ ယ​ခင်​ပြော​သော​သူ​က ရက်​ပေါင်း​နှစ်​ထောင်​သုံး​ရာ တိုင်​တိုင်​တည်​လိမ့်​မည်။ ထို​နောက် သန့်​ရှင်း​ရာ​ဌာ​န​ကို တစ်​ဖန် ဆေး​ကြော​သုတ်​သင်​ကြ​လိမ့်​မည်​ဟု ပြန်၍ ပြော​ဆို၏။

ဒံ​ယေ​လ 8:14 Referencias Cruzadas

ကမ္ဘာ​ဦး 1:5

ဘုရားသခင်​သည် အလင်း​ကို နေ့ ဟု​ခေါ်ဝေါ်​၍ အမှောင်​ကို ည ဟု​ခေါ်ဝေါ်​တော်မူ​၏​။ ညချမ်းအချိန်​ရောက်​ပြီး နံနက်အချိန်​ရောက်​၏​။ ပထမ​နေ့ရက်​ဖြစ်​လေ​၏​။

ဟေ​ရှာ​ယ 1:27

ဇိအုန်​မြို့​သည် တရားမျှတမှု​အားဖြင့် ရွေးနုတ်​ခြင်း​ခံရ​မည်​။ ထို​မြို့​မှ နောင်တရ​သော​သူ​တို့​သည် ဖြောင့်မတ်​ခြင်း​အားဖြင့် ရွေးနုတ်​ခြင်း​ခံရ​မည်​။

ဟေ​ရှာ​ယ 45:25

အစ္စရေး​လူမျိုး​၏​သားစဉ်မြေးဆက်​အပေါင်း​တို့​သည် ထာဝရဘုရား​အားဖြင့် ဖြောင့်မတ်​သည်​ဟု အသိအမှတ်ပြု​ခြင်း​ခံရ​မည်​။ ထာဝရဘုရား​ကို ချီးမွမ်း​ကြ​လိမ့်မည်​။

ဒံ​ယေ​လ 12:11

နေ့စဉ်​ပူဇော်သက္ကာ​ကို​ဖယ်ရှား​၍ ဖျက်ဆီး​တတ်​သော​ရွံရှာဖွယ်​ရာ​ကို​တည်​ထား​ချိန်​မှစ၍ ရက်​ပေါင်း​တစ်ထောင့်​နှစ်ရာ့​ကိုးဆယ် ကြာ​လိမ့်မည်​။

ဒံ​ယေ​လ 12:12

ရက်​ပေါင်း​တစ်ထောင့်​သုံး​ရာ​သုံးဆယ့်​ငါး​ရက်​အထိ စောင့်မျှော်​၍ မီ​သော​သူ​သည် မင်္ဂလာ​ရှိ​၏​။

ဒံ​ယေ​လ 12:7

ထိုအခါ မြစ်ရေပြင်​အထက်​တွင်​ရှိ​သော ပိတ်ချောထည်​ဝတ်ဆင်​ထား​သူ​က လက်​နှစ်​ဖက်​ကို ကောင်းကင်​သို့​မြှောက်​၍ “​တစ်​ကာလ​၊ နှစ်​ကာလ​၊ ကာလ​တစ်ဝက် ကြာ​လိမ့်မည်​။ သန့်ရှင်းသူ​တို့​၏​အင်အား​ကို တစ်စစီ​ဖြိုခွဲ​ပြီးမှ ဤ​အံ့ဖွယ်​အမှု​အားလုံး​၏​အဆုံး​သည် ရောက်​လိမ့်မည်​”​ဟု ထာဝရ​အသက်ရှင်​တော်မူ​သော​အရှင်​ကို တိုင်တည်​၍ ပြောဆို​သည်​ကို ငါ​ကြား​ရ​၏​။

ဒံ​ယေ​လ 7:25

ထို​ဘုရင်​သည် အမြင့်ဆုံး​သော​အရှင်​ကို ဆန့်ကျင်​ပြောဆို​၍ အမြင့်ဆုံး​သော​အရှင်​၏​သန့်ရှင်း​သူ​များ​ကို ဖိနှိပ်ချုပ်ချယ်​မည်​။ သူ​သည် အချိန်​ကာလ​နှင့် ဥပဒေ​တို့​ကို ပြောင်းလဲ​ပစ်​ရန် ကြိုးစား​လိမ့်မည်​။ သန့်ရှင်း​သူ​တို့​သည်​လည်း တစ်​ကာလ​၊ နှစ်​ကာလ​၊ ကာလ​တစ်ဝက်​ပတ်လုံး သူ့​လက်​သို့ ကျရောက်​ရ​လိမ့်မည်​။

ဒံ​ယေ​လ 8:26

ညဥ့်ဦးယံ​၊ နံနက်ယံ​၌ ဖော်ပြ​သော ဗျာဒိတ်အာရုံ​သည်​လည်း အမှန်ပင်​ဖြစ်​၏​။ ဤ​ဗျာဒိတ်နိမိတ်​သည် နောင်လာမည့်​နေ့ရက်​ကာလ​နှင့်​ဆိုင်​သည်​ဖြစ်၍ ၎င်း​ကို ဝှက်​ထား​လော့​”​ဟု ငါ့​အား ရှင်းပြ​၏​။

ဂ​လာ​တိ 3:8

ဘုရားသခင်​သည် လူမျိုးခြား​တို့​ကို ယုံကြည်​ခြင်း​အားဖြင့် ဖြောင့်မတ်​သည်​ဟု​အသိအမှတ်ပြု​တော်မူ​မည်​ဖြစ်​ကြောင်း ကျမ်းစာ​သည် ကြိုတင်​သိမြင်​၍ အာဗြဟံ​အား “လူမျိုး​အပေါင်း​တို့​သည် သင့်​အားဖြင့် ကောင်းချီး​မင်္ဂလာ​ခံစား​ရ​လိမ့်မည်”​ဟူသည့် ကောင်းမြတ်​သော​သတင်း​ကို ကြိုတင်​ဟောပြော​လေ​၏။

ဗျာ​ဒိတ် 11:15

သတ္တမ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ ကောင်းကင်​၌ ကျယ်လောင်​သော​အသံ​ဖြစ်ပေါ်​လျက် “ကမ္ဘာ့​နိုင်ငံ​သည် ငါ​တို့​၏​ထာဝရ​အရှင်​နှင့် ကိုယ်တော်​၏​ခရစ်တော်​ပိုင်ဆိုင်​တော်မူ​ရာ​ဖြစ်​လေ​ပြီ။ ကိုယ်တော်​သည်​လည်း ကမ္ဘာ​အဆက်ဆက်​စိုးစံ​တော်မူ​လိမ့်မည်”​ဟု ဆို​၏။

ဗျာ​ဒိတ် 12:14

သို့သော် ထို​အမျိုးသမီး​သည် တော​ကန္တာရ​ထဲ​ရှိ မိမိ​၏​နေရာ​အရပ်​သို့ ပျံသန်း​သွား​နိုင်​ရန် ကြီးမား​သော​လင်းယုန်​၏​အတောင်​နှစ်​ခု​ကို​ရရှိ​၏။ သူ​သည် ထို​အရပ်​တွင် မြွေ​၏​ရှေ့မှောက်​မှ​လွတ်​၍ တစ်​ကာလ၊ နှစ်​ကာလ​နှင့် ကာလ​တစ်ဝက်​အတွင်း ပြုစု​စောင့်ရှောက်​ခြင်း​ကို​ခံရ​၏။

ဗျာ​ဒိတ် 13:5

ထို​သားရဲ​သည် လေလုံးထွား​၍ ဘုရားသခင်​ကို​စော်ကား​ပြောဆို​တတ်​သော​နှုတ်​ကို​ရရှိ​လျက် လေးဆယ့်​နှစ်​လ​တိုင်တိုင် အာဏာ​လွှမ်း​ရ​သော​အခွင့်​ကို​ရရှိ​၏။