ဒံ​ယေ​လ 5:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ သင်​သည် အနက်အဓိပ္ပာယ်​များ​ကို ဖွင့်ပြ​ပေး​နိုင်​ကြောင်း​၊ ခက်ခဲ​သော​ပြဿနာ​များ​ကို ဖြေရှင်း​နိုင်​ကြောင်း​ကို ငါ​ကြားသိ​ရ​၏​။ ယခု သင်​သည် ထို​စာ​ကို​ဖတ်​၍ ငါ့​အား အနက်အဓိပ္ပာယ်​ကို ဖော်ပြ​ပေး​နိုင်​လျှင် ခရမ်းရောင်​ဝတ်ရုံ​ကို ဝတ်ဆင်​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ရ​မည်”​ဟု မိန့်ဆို​၏​။

Common Language Bible

¹⁶ သင်​သည်​တိမ်​မြုပ်​နေ​သော​အ​နက်​တို့​ကို​ဖော် ထုတ်​နိုင်​၍ လျှို့​ဝှက်​ခက်​ခဲ​သော​အ​ရာ​တို့​ကို ရှင်း​လင်း​ဖော်​ပြ​နိုင်​ကြောင်း​ငါ​ကြား​သိ​တော် မူ​ရ​သည်။ သင်​သည်​ဤ​စာ​တန်း​ကို​ဖတ်​၍ အ​နက်​ကို​ငါ့​အား​ဖော်​ပြ​နိုင်​ပါ​လျှင် ငါ​သည် သင့်​အား​တော်​ဝင်​ခ​ရမ်း​ရောင်​ဝတ်​လုံ​ကို​ဝတ် စေ​၍​ဂုဏ်​ထူး​ဆောင်​ရွှေ​စ​လွယ်​တော်​ကို​ဆွဲ စေ​လျက် ငါ​၏​နိုင်​ငံ​တော်​တွင်​တ​တိ​ယ​တန် ခိုး​အ​ကြီး​ဆုံး​သော​သူ​အ​ဖြစ်​ခန့်​ထား မည်'' ဟု​မိန့်​တော်​မူ​၏။

Garrad Bible

¹⁶ ဆ ရာ သည် အ နက် ကို ဖော် ပြ လျက် ပြဿ နာ များ ကို လည်း ဖြေ နိုင် ကြောင်း ငါ ကြား ရ သည့် အ လျောက် ထို စာ ကို ဖတ်၍ အ နက် ဖော် ပြ နိုင် လျှင် နီ မောင်း သော ဝတ် လုံ ကို ဆင် ယင် လျက် လည်၌ ရွှေ စ လွယ် တင် သ ဖြင့် အ မြတ် ဆုံး သော မင်း သုံး ပါး တို့ ရာ ထူး တွင် ခန့် ထား မည် ဟု မိန့် ဆို လေ၏။

Judson Bible

¹⁶ သင်​သည် အ​နက်​များ​ကို​ဖော်​ပြ၍ ပု​စ္ဆာ​အ​မေး​တို့​ကို ဖြေ​နိုင်​သည်​ဟု ငါ​ကြား​ပြီး​သည်​အ​တိုင်း၊ ထို​စာ​ကို​ဖတ်၍ အ​နက်​ကို ငါ့​အား​ဖော်​ပြ​နိုင်​လျှင်၊ အ​ဝတ်​နီ​ကို​ဝတ်​ဆင်၍ လည်​ပင်း၌ ရွှေ​စ​လွယ်​ဆွဲ​လျက်၊ နိုင်​ငံ​တော်​တွင် တ​တိ​ယ​မင်း​ဖြစ်​ရ​လိမ့်​မည်​ဟု မိန့်​တော်​မူ၏။

ဒံ​ယေ​လ 5:16 Referencias Cruzadas

ကမ္ဘာ​ဦး 40:8

သူ​တို့​က​လည်း “​ငါ​တို့​သည် အိပ်မက်​မက်​ကြ​၏​။ သို့သော် အိပ်မက်​၏​အနက်​ကို​ဖွင့်ပြ​နိုင်​သော​သူ တစ်ယောက်​မျှ​မ​ရှိ​”​ဟု ပြန်ပြော​ကြ​၏​။ ယောသပ်​က​လည်း “​အနက်​ဖွင့်ဆို​ခြင်း​သည် ဘုရားသခင်​နှင့်​ဆိုင်​တော်မူ​သည်​မ​ဟုတ်​လော​။ သို့ဖြစ်၍ အကျွန်ုပ်​အား​ပြောပြ​ကြ​ပါ​လော့​”​ဟု သူ​တို့​အား​ဆို​လေ​၏​။

ကမ္ဘာ​ဦး 41:15

ဖာရော​မင်းကြီး​က ယောသပ်​အား “​ငါ​သည် အိပ်မက်​တစ်​ခု​မြင်မက်​၏​။ ထို​အိပ်မက်​၏​အနက်​ကို​ဖွင့်ပြ​နိုင်​သော​သူ​တစ်ယောက်​မျှ​မ​ရှိ​။ သို့ရာတွင် သင်​သည် အိပ်မက်​ကို​ကြား​သောအခါ အိပ်မက်​၏​အနက်​ကို​ဖွင့်ပြ​နိုင်​သည်​ဟု သင့်​အကြောင်း​ငါ​ကြား​၏​”​ဟု မိန့်ဆို​လေ​၏​။

ကမ္ဘာ​ဦး 41:42

ဖာရော​မင်းကြီး​သည် မိမိ​၏​လက်​မှ တံဆိပ်တုံးလက်စွပ်​ကို​ချွတ်​၍ ယောသပ်​၏​လက်​၌​စွပ်​ပေး​၏​။ ပိတ်ချောထည်​အဝတ်​တို့​ကို​လည်း​ဝတ်​ပေး​၍ သူ​၏​လည်ပင်း​၌ ရွှေ​ဆွဲကြိုး​ကို​ဆွဲ​ပေး​ပြီး

ဒံ​ယေ​လ 2:48

ထို့နောက် ရှင်ဘုရင်​သည် ဒံယေလ​အား ရာထူး​တိုးမြှင့်​ပေး​၍ လက်ဆောင်​များစွာ​ကို ပေး​၏​။ သူ့​အား ဘေဘီလုံ​ပညာရှိ​တို့​အထက်​၌ ဝန်ကြီးချုပ်​အဖြစ် ခန့်ထား​၍ ဘေဘီလုံ​နယ်မြေ​တစ်ဝန်းလုံး​ကို အုပ်စိုး​စေ​၏​။

ဒံ​ယေ​လ 2:6

သို့သော် သင်​တို့​သည် ငါ့​အိပ်မက်​နှင့် အိပ်မက်​အနက်အဓိပ္ပာယ်​ကို ဖော်ပြ​နိုင်​လျှင် သင်​တို့​အား လက်ဆောင်​များ​နှင့်တကွ ဆုလာဘ်​ကို​လည်း ငါ​ပေး​မည်​။ ခမ်းနား​စွာ​ဂုဏ်ပြု​မည်​။ ထို့ကြောင့် အိပ်မက်​နှင့် အိပ်မက်​အနက်အဓိပ္ပာယ်​ကို ဖော်ပြ​ကြ​လော့​”​ဟု မိန့်ဆို​၏​။

ဒံ​ယေ​လ 5:29

ထိုအခါ ဗေလရှာဇာ​မင်းကြီး​အမိန့်ပေး​သဖြင့် ဒံယေလ​အား ခရမ်းရောင်​ဝတ်ရုံ​ကို ဝတ်ဆင်​ပေး​၍ လည်​တွင် ရွှေ​စလွယ်​ဆင်​ပေး​ပြီး တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို​အုပ်ချုပ်​ခွင့်​ရှိ​သူ​ဖြစ်ကြောင်း ကြေညာ​ကြ​လေ​၏​။

ဒံ​ယေ​လ 5:7

ရှင်ဘုရင်​သည် ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ဆရာ​များ​ကို ခေါ်သွင်း​ရန် အော်ဟစ်​ပြီးလျှင် ဘေဘီလုံ​ပညာရှိ​တို့​အား “​ဤ​စာ​ကို​ဖတ်​ပြီး အနက်အဓိပ္ပာယ်​ကို ဖွင့်ပြ​ပေး​နိုင်​သူ မည်သူမဆို ခရမ်းရောင်​ဝတ်ရုံ​ကို ဝတ်ဆင်​စေ​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ပေး​မည်​”​ဟု မိန့်ဆို​လေ​၏​။

ဒံ​ယေ​လ 6:2

ထို​သူ​တို့​အထက်​တွင် ဒံယေလ​အပါအဝင် အုပ်ချုပ်ရေးမှူး​သုံး​ဦး​ကို ခန့်ထား​၏​။ ဘုရင်​၏​အကျိုး​မ​ယုတ်​စေရန် အမှုကိစ္စ​တို့​ကို အုပ်ချုပ်ရေး​အရာရှိ​တို့​က အုပ်ချုပ်ရေးမှူး​သုံး​ဦး​ထံ အစီရင်ခံ​တင်ပြ​ရ​၏​။

တမန်တော်ဝတ္ထု 8:18

တမန်တော်​တို့​လက်​တင်​ခြင်း​အားဖြင့် ဝိညာဉ်​တော်​ကို လူ​တို့​ရရှိ​ကြောင်း ရှိမုန်​မြင်​လျှင် တမန်တော်​တို့​ထံသို့ ငွေ​ကို​ယူဆောင်​လာ​၍