ဒံ​ယေ​လ 2:30 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁰ အကျွန်ုပ်​အား ဤ​နက်နဲသောအရာ​ကို ဖွင့်ပြ​သည်​မှာ​လည်း အကျွန်ုပ်​သည် သက်ရှိလူသား​အပေါင်း​တို့​ထက်​ပို၍ ဉာဏ်ပညာ​ရှိ​သောကြောင့်​မ​ဟုတ်​ဘဲ အရှင်မင်းကြီး​အား အိပ်မက်​အနက်အဓိပ္ပာယ်​ကို ဖော်ပြ​၍ မင်းကြီး​စိတ်​ထဲရှိ​အတွေး​တို့​ကို မင်းကြီး​အား သိ​စေရန် ဖြစ်​၏​။

Common Language Bible

³⁰ ဘု​ရား​သ​ခင်​သည်​ယင်း​သို့​လျှို့​ဝှက်​ခက်​ခဲ သည့်​အ​ရာ​ကို အ​ကျွန်ုပ်​အား​သိ​စေ​တော် မူ​သည်​မှာ​အ​ကျွန်ုပ်​သည် အ​ခြား​သူ​အ​ပေါင်း တို့​ထက်​ပို​၍​အ​သိ​ပ​ညာ​ရှိ​သော​ကြောင့် မ​ဟုတ်​ပါ။ အ​ရှင်​မင်း​ကြီး​အား​အိပ်​မက်​၏ အ​နက်​ကို​သိ​ရှိ​စေ​ရန်​နှင့် နှ​လုံး​တော်​ဆင် ခြင်​ချက်​များ​ကို​နား​လည်​လာ​စေ​ရန်​ပင် ဖြစ်​ပါ​၏။

Garrad Bible

³⁰ အ သက် ရှင် သူ တ ကာ တို့ ထက် ကျွန် တော် မျိုး သည် ပ ညာ ရှိ သော ကြောင့် မ ဟုတ် ပါ။ အိပ် မက် တော့် အ နက် ကို လည်း ကောင်း၊ နှလုံး တော် ဆင် ခြင် ချက် ကို လည်း ကောင်း ဘု ရင် မင်း မြတ် သိ စေ ခြင်း ငှာ သာ ထို ကွယ် ဝှက် ရာ သည် ကျွန် တော် မျိုး၌ ထင် ရှား လျက် ရှိ ပါ၏။

Judson Bible

³⁰ ဤ​နက်​နဲ​သော​အ​ရာ​ကို​ကား၊ အ​ခြား​သော သ​တ္တ​ဝါ​အ​ပေါင်း​တို့​ထက် အ​ကျွန်ုပ်​သာ၍ ပ​ညာ​ရှိ​သော​ကြောင့်၊ အ​ကျွန်ုပ်​အား ဘု​ရား​သ​ခင် ဖွင့်​ပြ​တော်​မူ​သည် မ​ဟုတ်​ပါ။ ကိုယ်​တော်​သည် စိတ်​နှ​လုံး​တော်၏​အ​ထင်​ကို နား​လည်​မည်​အ​ကြောင်း၊ ထို​အ​နက်​ကို အ​ကျွန်ုပ်​ပြန်​ကြား လျှောက်​ထား​စိမ့်​သော​ငှာ​သာ ဘု​ရား​သ​ခင် ဖွင့်​ပြ​တော်​မူ၏။

ဒံ​ယေ​လ 2:30 Referencias Cruzadas

ကမ္ဘာ​ဦး 41:16

ယောသပ်​က​လည်း “​အကျွန်ုပ်​မ​တတ်နိုင်​ပါ​။ ဘုရားသခင်​သာလျှင် အရှင်​ဖာရော​မင်းကြီး​အတွက် သင့်မြတ်​ကောင်းမွန်​သော​အဖြေ​ကို ပေး​တော်မူ​ပါ​လိမ့်မည်​”​ဟု ဖာရော​မင်းကြီး​အား​ပြန်လျှောက်​လေ​၏​။

ဆာ​လံ 139:2

အကျွန်ုပ်​၏​ထိုင်​ခြင်း​နှင့် ထ​ခြင်း​ကို သိ​တော်မူ​၏​။ အကျွန်ုပ်​၏​အတွေးအကြံ​ကို အဝေး​ကပင် သိနားလည်​တော်မူ​၏​။

ဟေ​ရှာ​ယ 45:4

ငါ့​အစေအပါး​ယာကုပ်​၊ ငါ​ရွေးချယ်​သော​အစ္စရေး​အတွက် သင့်​ကို အမည်​ဖြင့် ငါ​ခေါ်​၏​။ သင်​သည် ငါ့​ကို မ​သိ​သော်လည်း ငါ​သည် သင့်​ကို​ဘွဲ့နာမ​ပေး​၏​။

ဒံ​ယေ​လ 1:17

ဘုရားသခင်​သည် ထို​လူငယ်​လေး​ဦး​အား ထိုးထွင်းဉာဏ်​၊ စာပေကျမ်းဂန်​အလုံးစုံ​ကို နားလည်​နိုင်​သော​ဉာဏ်ပညာ​ကို ပေး​တော်မူ​၏​။ ထို့ပြင် ဒံယေလ​ကို ဗျာဒိတ်နိမိတ်​နှင့် အိပ်မက်​အနက်​ကို နားလည်​နိုင်​သော​ဉာဏ်​ကို​လည်း ပေး​သေး​၏​။

ဒံ​ယေ​လ 2:47

ထို့ပြင် ရှင်ဘုရင်​က ဒံယေလ​အား “​စင်စစ် သင်​၏​ဘုရားသခင်​သည် ဘုရား​တကာ​တို့​၏​ဘုရား​၊ ဘုရင်​တကာ​တို့​၏​အရှင်သခင်​၊ နက်နဲသောအရာ​ကို ဖွင့်ပြ​နိုင်​သော​အရှင် ဖြစ်​တော်မူ​၏​။ ထို့ကြောင့် သင်​သည်​လည်း ဤ​နက်နဲသောအရာ​ကို ဖွင့်ပြ​နိုင်​ခြင်း ဖြစ်​၏​”​ဟု မိန့်ဆို​၏​။

ဒံ​ယေ​လ 2:49

ဒံယေလ​က​လည်း ရှာဒရက်​၊ မေရှက်​၊ အဗေဒနေဂေါ​တို့​အား ဘေဘီလုံ​နယ်မြေ​တွင် အုပ်ချုပ်ရေးမှူး​အဖြစ်​ခန့်ထား​ပေး​ရန် ဘုရင်​ထံ​တောင်းလျှောက်​၏​။ ဒံယေလ​မူကား နန်းတွင်း​၌ အမှုထမ်း​ရ​လေ​၏​။

အာ​မုတ် 4:13

ကြည့်ရှု​လော့​။ တောင်​တို့​ကို ပုံဖော်​၍ လေ​ကို ဖန်ဆင်း​တော်မူ​သော​အရှင်​၊ လူ​၏​အတွေး​ကို လူ​အား သိမြင်​စေ​သော​အရှင်​၊ အရုဏ်ဦး​ကို အမှောင်​ကျ​စေ​ပြီး မြေကြီး​ပေါ်ရှိ အထွတ်အမြတ်​ထား​ရာ​ကုန်းမြင့်​တို့​ကို နင်းနယ်​တော်မူ​သော​အရှင်​၏​နာမ​တော်​ကား ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား​ဟူ၍​ဖြစ်​၏​။

မဿဲ 24:22

ထို​နေ့ရက်​တို့​ကို တိုတောင်း​စေ​တော်​မ​မူ​လျှင် မည်သူမျှ​လွတ်​နိုင်​မည်​မ​ဟုတ်။ သို့သော် ရွေးကောက်​ခံရ​သော​သူ​တို့​အတွက် ထို​နေ့ရက်​တို့​ကို တိုတောင်း​စေ​တော်မူ​လိမ့်မည်။

ရှင်မာကု 13:20

ထာဝရ​ဘုရား​သည် ထို​နေ့ရက်​တို့​ကို တိုတောင်း​စေ​တော်​မ​မူ​လျှင် မည်သူမျှ​လွတ်​နိုင်​မည်​မ​ဟုတ်။ သို့သော် ကိုယ်တော်​ရွေးကောက်​ထား​သည့် ရွေးကောက်​ခံရ​သော​သူ​တို့​အတွက် ထို​နေ့ရက်​တို့​ကို တိုတောင်း​စေ​တော်မူ​၏။

တမန်တော်ဝတ္ထု 3:12

ပေတရု​သည် ဤ​အခြင်းအရာ​ကို​မြင်​လျှင် “အစ္စရေး​အမျိုးသား​တို့၊ အဘယ်ကြောင့် ဤ​အမှုအရာ​ကို အံ့သြ​ကြ​သနည်း။ ထို့ပြင် ငါ​တို့​သည် မိမိ​တို့​တန်ခိုး၊ မိမိ​တို့​အကျင့်​သီလ​အားဖြင့် ဤ​သူ​လမ်းလျှောက်​နိုင်​ရန် လုပ်​ပေး​ဘိ​သကဲ့သို့ အဘယ်ကြောင့် ငါ​တို့​ကို စေ့စေ့​ကြည့်​နေ​ကြ​သနည်း။

ရော​မ 8:28

ဘုရားသခင်​ကို​ချစ်​သော​သူ​များ​တည်းဟူသော အကြံအစည်​တော်​အတိုင်း ခေါ်ယူ​တော်မူ​ခြင်း​ခံရ​သော​သူ​များ​အတွက် ဘုရားသခင်​သည် ခပ်သိမ်း​သော​အမှုအရာ​တို့​ကို ပူးပေါင်း​လုပ်ဆောင်​စေ​၍ ကောင်းကျိုး​ဖြစ်​စေ​တော်မူ​ကြောင်း​ကို ငါ​တို့​သိ​ကြ​၏။

၂ ကော 4:15

ခပ်သိမ်း​သော​အရာ​တို့​သည် သင်​တို့​အတွက်​ဖြစ်​၏။ ဤသည်ကား များစွာ​သော​သူ​တို့​၌ ကျေးဇူး​တော်​သည်​တိုးပွား​လာ​သဖြင့် ဘုရားသခင်​၏​ဘုန်း​တော်​အတွက် ကျေးဇူး​တော်​ချီးမွမ်း​ခြင်း​ကို ကြွယ်ဝ​ပြည့်စုံ​စေ​မည့်အကြောင်း​တည်း။