ဒံ​ယေ​လ 11:40 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁰ နောက်ဆုံး​ကာလ​တွင် တောင်​ဘုရင်​သည် သူ့​ကို တွန်းလှန်​တိုက်ခိုက်​လိမ့်မည်​။ မြောက်​ဘုရင်​သည်​လည်း စစ်ရထား​များ​၊ မြင်းစီးသူရဲ​များ​၊ သင်္ဘော​များ​ဖြင့် မုန်တိုင်း​တိုက်​သကဲ့သို့ ချီလာ​၍ တိုင်းပြည်​များ​ကို ဝင်ရောက်​လွှမ်းမိုး​တိုက်ခိုက်​သွား​လိမ့်မည်​။

Common Language Bible

⁴⁰ ``ဆီး​ရီး​ယား​ဘု​ရင်​၏​နန်း​သက်​ကုန်​ဆုံး ချိန်​နီး​သော​အ​ခါ အီ​ဂျစ်​ဘု​ရင်​သည်​ထို မင်း​ကို​စစ်​ချီ​တိုက်​ခိုက်​လိမ့်​မည်။ ဆီး​ရီး ယား​ဘု​ရင်​က​လည်း​မြင်း​စီး​သူ​ရဲ​များ နှင့် သင်္ဘော​အ​မြောက်​အ​မြား​ကို​အ​သုံး ပြု​ကာ​အ​စွမ်း​ကုန်​ပြန်​လည်​တိုက်​ခိုက် လိမ့်​မည်။ သူ​သည်​မြစ်​လျှံ​ရေ​သ​ဖွယ်​နိုင်​ငံ များ​စွာ​ကို​ချဉ်း​နင်း​ဝင်​ရောက်​လိမ့်​မည်။-

Garrad Bible

⁴⁰ အ န္တိ မ ကာ လ၌ တောင် ဘု ရင် သည် ထို မင်း ကို တွန်း လှန် လျက် မြောက် ဘု ရင် လည်း စစ် ရ ထား၊ မြင်း စီး သူ ရဲ၊ စစ် သင်္ဘော အ များ နှင့် တ ကွ လေ ပြင်း ကဲ့ သို့ တိုက် လာ၍ ပြည် ထဲ သို့ ဝင် ပြီး လျှင် လွှမ်း မိုး စွာ ချီ သွား လိမ့် မည်။

Judson Bible

⁴⁰ အ​မှု​ကုန်​ရ​သည်​ကာ​လ၌ တောင်​ရှင်​ဘု​ရင်​သည် ထို​မင်း​ကို တိုက်​လိမ့်​မည်။ မြောက်​ရှင်​ဘု​ရင်​သည်​လည်း ရ​ထား​များ၊ မြင်း​စီး​သူ​ရဲ​များ၊ သင်္ဘော​များ​တို့​နှင့်​တ​ကွ လေ​ပွေ​ကဲ့​သို့ တိုက်​လာ​လျက်၊ ထို​ပြည်​တို့​ကို ဝင်၍ ချင်း​နင်း​လွှမ်း​မိုး​လိမ့်​မည်။

ဒံ​ယေ​လ 11:40 Referencias Cruzadas

ဟေ​ရှာ​ယ 21:1

ပင်လယ်​နား​ရှိ​တောကန္တာရ​နှင့်ဆိုင်သော​ဗျာဒိတ်​တော်​။ နေဂေ့​အရပ်​၌​တိုက်ခတ်​သော​လေပွေ​ကဲ့သို့ ဘေး​သည် တောကန္တာရ​၊ ကြောက်မက်​ဖွယ်​ပြည်​မှ​လာ​၏​။

ဟေ​ရှာ​ယ 5:28

သူ​တို့​၏​မြား​တို့​သည် ချွန်ထက်​၍ သူ​တို့​၏​လေး​ရှိသမျှ​တို့​သည်​လည်း တင်​ထား​လျက်​ရှိ​၏​။ မြင်း​တို့​၏​ခွာ​သည် မီးခတ်ကျောက်​နှင့်​တူ​သည်​ဟု​ထင်​ရ​၏​။ စစ်ရထား​ဘီး​တို့​သည် လေပွေ​ကဲ့သို့​ဖြစ်​၏​။

ဟေ​ရှာ​ယ 66:15

ကြည့်ရှု​လော့​။ ထာဝရဘုရား​သည် မီး​နှင့်​ကြွလာ​တော်မူ​မည်​။ လေပွေ​ကဲ့သို့ စစ်ရထား​နှင့်​ကြွလာ​တော်မူ​မည်​။ ရန်သူ​တို့​ကို အမျက်ပြင်း​စွာ​တုံ့ပြန်​မည်​။ မီးလျှံ​ဖြင့်​ဆုံးမ​မည်​။

ယေ​ရ​မိ 4:13

ကြည့်ရှု​လော့​။ ဖျက်ဆီး​သော​သူ​သည် မိုးတိမ်​ကဲ့သို့​တက်လာ​မည်​။ သူ​၏​စစ်ရထား​သည် လေပွေ​ကဲ့သို့ ဖြစ်​မည်​။ သူ​၏​မြင်း​တို့​သည် လင်းယုန်​ထက်​လျင်မြန်​၏​။ ငါ​တို့​၌ အမင်္ဂလာ​ရှိ​၏​။ ငါ​တို့​သည် ဖျက်ဆီး​ခြင်း​ခံ​ကြ​ရ​ပြီ​။

ယေ​ဇ​ကျေ​လ 38:4

သင့်​မေးရိုး​ကို ချိတ်​နှင့်​ချိတ်​ပြီး ပြန်​လှည့်လာ​စေ​မည်​။ သင်​နှင့်အတူ စစ်လက်နက်​အပြည့်အစုံ​ဝတ်ဆင်​ထား​သော သင်​၏​စစ်သည်​အားလုံး​၊ မြင်း​၊ မြင်းစီးသူရဲ​တို့​အပါအဝင် ဒိုင်းလွှားကြီး​ဒိုင်းလွှားငယ်​ကိုင်ဆောင်​သော လူအုပ်ကြီး​၊ ဓားလက်နက်​စွဲကိုင်​သူ​အားလုံး​ကို​ပါ ထုတ်ဆောင်​သွား​မည်​။

ယေ​ဇ​ကျေ​လ 38:9

သင်​နှင့်​သင်​၏​စစ်သည်​အပေါင်း​မှစ၍ သင်​နှင့်အတူ​ရှိ​သော​လူအုပ်ကြီး​သည် လေပြင်းမုန်တိုင်း​ကဲ့သို့ ချီတက်​လာ​ပြီး မိုးတိမ်​ကဲ့သို့ ထို​ပြည်​ကို ဖုံးအုပ်​လိမ့်မည်’​ဟု မိန့်​တော်မူ​၏​။

ဒံ​ယေ​လ 11:10

သူ​၏​သား​တော်​တို့​သည် စစ်တိုက်​ရန် လှုံ့ဆော်​ပြီး စစ်သည်​အလုံးအရင်း​ကို စုစည်း​မည်​။ ထို့နောက် ရေလွှမ်းမိုး​ပြီး​တိုက်ချ​သွား​သကဲ့သို့ စစ်ချီ​တိုက်ခိုက်​မည်​။ ထိုမှ ခံတပ်​သို့​အပြန်လမ်း​တစ်လျှောက်​တွင်​လည်း တိုက်ခိုက်​သွား​လိမ့်မည်​။

ဒံ​ယေ​လ 11:11

တောင်​ဘုရင်​လည်း ခံပြင်း​၍ မြောက်​ဘုရင်​ကို ထွက်​တိုက်​မည်​။ မြောက်​ဘုရင်​သည် စစ်သည်​အလုံးအရင်း​စုဆောင်း​ထား​သော်လည်း ထို​စစ်သည်​အလုံးအရင်း​သည် တောင်​ဘုရင်​လက်​သို့ ရောက်သွား​ရ​လိမ့်မည်​။

ဒံ​ယေ​လ 11:13

အကြောင်းမှာ မြောက်​ဘုရင်​သည် ပထမ​အကြိမ်​ထက်​များ​သော စစ်သည်​အလုံးအရင်း​ကို စုရုံး​၍ အချိန်တန်​သောအခါ လက်နက်​အပြည့်အစုံ​ပါ​သော​စစ်တပ်​ကြီး​ဖြင့် အမှန်​ချီတက်​လာ​လိမ့်မည်​။

ဒံ​ယေ​လ 11:22

သူ့​ရှေ့​မှာ​ပင် စစ်သည်​အလုံးအရင်း​နှင့်အတူ မဟာမိတ်​မင်း​သည်​လည်း ရေလွှမ်းမိုး​သကဲ့သို့ တိုက်စား​သွား​ခြင်း​ခံရ​၍ ပျက်စီး​သွား​ရ​လိမ့်မည်​။

ဒံ​ယေ​လ 11:25

ထို့ပြင် သူ​သည် စစ်အင်အား​အလုံးအရင်း​နှင့်တကွ အားမာန်တင်း​လျက် တောင်​ဘုရင်​ကို တိုက်ခိုက်​လိမ့်မည်​။ တောင်​ဘုရင်​သည် အင်အားကြီး​သော​စစ်တပ်​ကြီး​ကို ပြင်ဆင်​၍​တိုက်ခိုက်​ရန် ကြိုးပမ်း​သော်လည်း ခုခံ​နိုင်​မည်​မ​ဟုတ်​။ အကြောင်းမှာ သူ့​အပေါ် လျှို့ဝှက်​ကြံစည်​ကြ​သောကြောင့် ဖြစ်​၏​။

ဒံ​ယေ​လ 11:35

သတ်မှတ်​ထား​သော​ကာလ မ​ရောက်​သေး​သည်​ဖြစ်၍ ပညာရှိ​အချို့​တို့​သည် အပြစ်ကင်းစင်​ပြီး သန့်ရှင်း​စင်ကြယ်​ဖို့ နောက်ဆုံး​သော​ကာလ​အထိ လှဲချ​ခြင်း​ခံရ​လိမ့်မည်​။

ဒံ​ယေ​လ 11:39

သူ​သည် တိုင်းတစ်ပါးသား​တို့​ဘုရား​၏​အကူအညီ​ဖြင့် ခံတပ်​မြို့​ကြီး​များ​ကို တိုက်ခိုက်​လိမ့်မည်​။ သူ့​အား အသိအမှတ်​ပြု​သူ​တိုင်း​ကို ချီးမြှောက်​ပြီး လူ​အများ​ကို​အုပ်စိုး​ရ​သော​အခွင့်​ပေး​မည်​။ ဆုလာဘ်​အဖြစ် မြေ​ကို​ခွဲဝေ​ပေး​မည်​။

ဒံ​ယေ​လ 11:7

ထို​မင်းသမီး​၏​အမျိုးအနွယ်​ထဲမှ တစ်​ယောက်​သည် ထို​ဘုရင်​၏​အရိုက်အရာ​ကို ဆက်ခံ​ရ​မည်​။ သူ​သည် စစ်ချီ​၍ မြောက်​ဘုရင်​၏​စစ်သည်​တို့​ကို တိုက်ခိုက်​မည်​။ ခံတပ်​ကို​လည်း ဝင်ရောက်​တိုက်ခိုက်​၍ အောင်နိုင်​လိမ့်မည်​။

ဒံ​ယေ​လ 12:4

အို ဒံယေလ​၊ သင်​မူကား နောက်ဆုံး​ကာလ​တိုင်အောင် ဤ​စကား​တို့​ကို လျှို့ဝှက်​ထား​လော့​၊ ဤ​စာစောင်​ကို တံဆိပ်ခတ်​ထား​လော့​။ လူ​အများ​တို့​မူကား လှည့်လည်​ရှာဖွေ​၍ အသိပညာ​တိုးပွား​ကြ​လိမ့်မည်​”​ဟု ငါ့​အား ပြောပြ​၏​။

ဒံ​ယေ​လ 12:9

ထိုအခါ သူ​က “​ဒံယေလ​၊ သင်​သွား​လော့​။ ဤ​စကား​တို့​ကို နောက်ဆုံး​သော​ကာလ​အထိ လျှို့ဝှက်​ထား​၍ တံဆိပ်ခတ်​ထား​၏​။

ဒံ​ယေ​လ 8:17

ထိုအခါ ဂါဗြေလ​သည် ငါ့​ထံ​ချဉ်းကပ်​လာ​သဖြင့် ငါ​လည်း ကြောက်လန့်​တုန်လှုပ်​၍ မှောက်​လျက်​လဲကျ​သွား​၏​။ သူ​က​လည်း “​အချင်း​လူသား​၊ ဤ​ဗျာဒိတ်နိမိတ်​သည် နောက်ဆုံး​ကာလ​နှင့်ဆိုင်သည်​ကို သိမှတ်​လော့​”​ဟု ငါ့​အား ပြောပြ​၏​။

ဟ​ဗက္ကုတ် 3:14

အဖိနှိပ်​ခံရ​သော​သူ​တို့​ကို ကွယ်​ရာ​၌ ဝါးမျို​ရ​သည်​ကို အားရ​နှစ်သက်​၍ အကျွန်ုပ်​တို့​ကို​ကွဲလွင့်​သွား​အောင် လေပွေ​သဖွယ်​တိုက်ခိုက်​လာ​သော​သူ​၏​စစ်သည်​တို့​ဦးခေါင်း​ကို သူ​၏​လှံ​ဖြင့်​ပင် ထိုးဖောက်​တော်မူ​၏​။

ဇာ​ခ​ရိ 9:14

ထာဝရဘုရား​သည် မိမိကိုယ်ကို ထင်ရှား​တော်မူ​မည်​။ ကိုယ်တော်​၏​မြား​တော်​သည် လျှပ်ပြက်​သကဲ့သို့ ထွက်သွား​လိမ့်မည်​။ ဘုရားရှင်​ထာဝရဘုရား​သည် တံပိုး​ကို​မှုတ်​လျက် တောင်ဘက်​မှ​မုန်တိုင်း​နှင့်အတူ ကြွချီ​တော်မူ​မည်​။

ဗျာ​ဒိတ် 16:12

ဆဋ္ဌမ​ကောင်းကင်​တမန်​သည် သူ​၏​ဖလား​ကို ကြီးမား​သော​ယူဖရေးတီး​မြစ်​ပေါ်သို့​သွန်းလောင်း​သောအခါ အရှေ့​ပြည်​မှ​ဘုရင်​များ​အတွက် လမ်း​ကို​ပြင်ဆင်​ပေး​ရန် မြစ်​ရေ​သည်​ခန်းခြောက်​သွား​လေ​၏။

ဗျာ​ဒိတ် 9:16

မြင်းစီး​သူရဲ​တို့​၏​အရေအတွက်​မှာ သန်းပေါင်း​နှစ်ရာ​ဖြစ်​၏။ သူ​တို့​၏​အရေအတွက်​ကို ငါ​ကြား​ရ​၏။