ဒေသနာကျမ်း။ 7:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ အကြောင်းမူကား မိုက်မဲ​သော​သူ​၏​ရယ်မောသံ​သည် အိုး​အောက်​မှ​လောင်​နေ​သော​ဆူးခက်​များ​၏​အသံ​နှင့်​တူ​၏​။ ဤ​အရာ​သည်​လည်း အချည်းနှီး​ဖြစ်​၏​။

Common Language Bible

⁶ အကြောင်းမူကား၊ မိုက်သောသူ၏ ရယ်ခြင်း သည် အိုးအောက်၌ ဆူးပင်ကိုလောင်သောအသံနှင့် တူ၏။ ထိုအမှုအရာသည်လည်း အနတ္တဖြစ်၏။

Garrad Bible

⁶ လူ မိုက် တို့၏ ရယ် မော သံ သည်၊ အိုး အောက် တွင် ဆူး ထင်း မီး ဖျပ် သံ နှင့် တူ၏။ ဤ အ ခြင်း အ ရာ လည်း အ န တ္တ ဖြစ်၏။

Judson Bible

⁶ အ​ကြောင်း​မူ​ကား၊ မိုက်​သော​သူ၏​ရယ်​ခြင်း​သည် အိုး​အောက်၌ ဆူး​ပင်​ကို​လောင်​သော​အ​သံ​နှင့် တူ၏။ ထို​အ​မှု​အ​ရာ​သည်​လည်း အ​န​တ္တ​ဖြစ်၏။

ဒေသနာကျမ်း။ 7:6 Referencias Cruzadas

ဆာ​လံ 118:12

သူ​တို့​သည် ပျား​များ​ကဲ့သို့ ငါ့​ကို​ဝိုင်းရံ​ထား​ကြ​သော်လည်း ဆူးပင်​ကို​လောင်​သော​မီး​ကဲ့သို့ ငြိမ်း​သွား​ကြ​၏​။ ငါ​သည် ထာဝရဘုရား​၏​နာမ​တော်​အားဖြင့် သူ​တို့​ကို မုချ​ဖြတ်ပယ်​ရှင်းလင်း​မည်​။

ဆာ​လံ 58:9

ဆူးလေပင်​နှင့်​မွှေး​သော​မီး​၏​အပူရှိန်​ကို သင်​တို့​အိုး​များ​မ​သိ​ရ​မီ ထို​ဆူး​များ​သည် စို​နေ​သည်​ဖြစ်စေ​၊ ခြောက်​နေ​သည်​ဖြစ်စေ ကိုယ်တော်​လွင့်ပါး​စေ​တော်မူ​လိမ့်မည်​။

သုတ္တံကျမ်း။ 29:9

ပညာရှိ​သော​သူ​သည် ဆိုးမိုက်​သော​သူ​နှင့်​အမှု​ဖြစ်​သောအခါ ဆိုးမိုက်​သော​သူ​သည် အမျက်ထွက်​လျက်​၊ ပြောင်လှောင်​လျက်​နေ​သဖြင့် အေးချမ်းမှု​မ​ရ​နိုင်​။

ဒေသနာကျမ်း။ 2:2

ရယ်မော​ခြင်း​သည် “​ရူးသွပ်​ခြင်း​ဖြစ်​၏​” ဟူ၍​လည်းကောင်း​၊ အပျော်အပါး​သည် “​မည်သည့်​အကျိုးရှိ​သနည်း​” ဟူ၍​လည်းကောင်း ငါ​ဆို​၏​။

အာ​မုတ် 8:10

ထို့ပြင် သင်​တို့​၏​ပျော်ပွဲ​များ​ကို ငိုပွဲ​များ ဖြစ်စေ​မည်​။ သင်​တို့​၏​သီချင်း​များ​ကို ငိုချင်း ဖြစ်စေ​မည်​။ သင်​တို့​အားလုံး​ကို လျှော်တေ​ဝတ်​စေ​၍ ခေါင်းတုံး ဖြစ်စေ​မည်​။ တစ်ဦးတည်း​သော​သား​အတွက် ငိုကြွေးမြည်တမ်း​ရ​သကဲ့သို့ ဖြစ်စေ​မည်​။ နိဂုံး​သည်​လည်း ခါးသီး​သော​နေ့ရက် ဖြစ်​လိမ့်မည်”​ဟု ဘုရားရှင်​ထာဝရဘုရား​မိန့်​တော်မူ​၏​။

လုကာ 16:25

သို့သော် အာဗြဟံ​က ‘ငါ့​သား၊ သင်​သည်​အသက်ရှင်​စဉ်အခါ မိမိ​အတွက် ကောင်း​သော​အရာ​များ​ကို​ရရှိ​ခဲ့​၍ လာဇရု​သည် မကောင်း​သော​အရာ​များ​ကို​ရရှိ​ခဲ့​ကြောင်း သတိရ​လော့။ ယခု​မူကား သူ​သည်​ဤ​နေရာ​တွင် နှစ်သိမ့်​ခြင်း​ကို​ခံစားရ​၍ သင်​သည် ဝေဒနာ​ပြင်းစွာ​ခံစား​နေ​ရ​၏။

လုကာ 6:25

ယခု ဝ​လင်​စွာ​စား​ရ​သော​သင်​တို့​သည် အမင်္ဂလာရှိ​ကြ​၏။ အကြောင်းမူကား သင်​တို့​သည် ဆာလောင်​ကြ​လိမ့်မည်။ ယခု ရယ်မော​သော​သင်​တို့​သည် အမင်္ဂလာရှိ​ကြ​၏။ အကြောင်းမူကား သင်​တို့​သည် ဝမ်းနည်း​ကြေကွဲ​လျက် ငိုကြွေး​ကြ​လိမ့်မည်။