ဒေသနာကျမ်း။ 7:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ကောင်းကျိုးချမ်းသာ​ခံစား​ရာ​ကာလ​၌ ဝမ်းမြောက်​လော့​။ ဒုက္ခခံရာ​ကာလ​၌​မူကား ဆင်ခြင်​လော့​။ လူ​သည် သူ့​နောက်တွင်​ဖြစ်​မည့်​အရာ​တစ်စုံတစ်ခု​ကို​မျှ မ​တွေ့ရှိ​စေရန် ဘုရားသခင်​သည် ကောင်းကျိုးချမ်းသာ​နှင့်အတူ ဒုက္ခ​ကို​လည်း ဖြစ်ပေါ်​စေ​တော်မူ​၏​။

Common Language Bible

¹⁴ ကောင်းစားသည်ကာလ၌ ဝမ်းမြောက်လော့။ ဆင်းရဲခံရသည်ကာလ၌ ဆင်ခြင်လော့။ လူသည် မိမိ နောက်မှာဖြစ်လတ္တံသော အမှုအရာကိုသိမည်အကြောင်း၊ ဘုရားသခင်သည် ကောင်းစားခြင်းနှင့် ဆင်းရဲခြင်းကို လည်း အလှည့်လှည့်ပေးတော်မူ၏။

Garrad Bible

¹⁴ ကောင်း စား သော နေ့ ရက်၌ ရွှင် လန်း လျက် မ ကောင်း စား သော နေ့ ရက်၌ လည်း ဆင် ခြင် လျက် နေ လော့။ အ နာ ဂတ် အ ဖြစ် အ ပျက် ကို၊ လူ ရှာ၍ မ တွေ့ နိုင် စေ ရန်၊ ၎င်း နှစ် မျိုး ကို ဘု ရား သ ခင် တွဲ ယှဉ် စီ မံ တော် မူ ပြီ။

Judson Bible

¹⁴ ကောင်း​စား​သည်​ကာ​လ၌ ဝမ်း​မြောက်​လော့။ ဆင်း​ရဲ​ခံ​ရ​သည်​ကာ​လ၌ ဆင်​ခြင်​လော့။ လူ​သည် မိ​မိ​နောက်​မှာ ဖြစ်​လ​တ္တံ​သော အ​မှု​အ​ရာ​ကို​သိ​မည်​အ​ကြောင်း၊ ဘု​ရား​သ​ခင်​သည် ကောင်း​စား​ခြင်း​နှင့် ဆင်း​ရဲ​ခြင်း​ကို​လည်း အ​လှည့်​လှည့် ပေး​တော်​မူ၏။

ဒေသနာကျမ်း။ 7:14 Referencias Cruzadas

၃ ရာ 8:47

ဖမ်းခေါ်​သွား​ခြင်း​ခံရ​သော​ပြည်​၌ သူ​တို့ စိတ်နှလုံး​ပြောင်းလဲ​၍ ‘​အကျွန်ုပ်​တို့ ပြစ်မှား​မိ​ပါ​ပြီ​။ ဒုစရိုက်​ကို ပြု​မိ​ပါ​ပြီ​။ မကောင်းမှု​များ​ကို ပြု​မိ​ပါ​ပြီ​’​ဟု ဆို​လျက် နောင်တရ​ကာ ဖမ်းခေါ်​သွား​ခြင်း​ခံရ​သည့်​အရပ်​၌​ပင် ကိုယ်တော့်​ထံ ဆုတောင်း​အသနားခံ​လျှင်​၊

ယောဘဝတ္တု။ 2:10

ယောဘ​က သူ့​ဇနီး​အား “​သင်​သည် မိန်းမမိုက်​တစ်​ယောက် ပြော​တတ်​သကဲ့သို့ ပြော​ပါ​သည်​တကား​။ ဘုရားသခင်​ထံမှ အကောင်း​ကို​လက်ခံ​၍ အဆိုး​ကို လက်​မ​ခံ​ဘဲ​နေ​ရ​မည်လော​”​ဟု ပြန်ပြော​၏​။ ယောဘ​သည် ဤသို့​ကြုံတွေ့​ရ​သော်လည်း မိမိ​နှုတ်​ဖြင့်​မျှ မ​ပြစ်မှား​ဘဲ​နေ​၏​။

ဆာ​လံ 119:71

ဒုက္ခဝေဒနာ​ခံစား​ရ​ခြင်း​သည် အကျွန်ုပ်​အတွက် ကောင်း​ပါ​၏​။ သို့မှ ကိုယ်တော်​၏​ပြဋ္ဌာန်းချက်​တို့​ကို အကျွန်ုပ်​သင်ယူ​နိုင်​မည်​။

ဆာ​လံ 40:3

အကျွန်ုပ်​တို့​၏​ဘုရားသခင်​ကို ချီးမွမ်း​ရာ​သီချင်း​အသစ်​ကို​လည်း အကျွန်ုပ်​၏​နှုတ်​၌ သွင်းပေး​တော်မူ​၏​။ များစွာ​သော​လူ​တို့​သည် မြင်​၍​ကြောက်ရွံ့​လျက် ထာဝရဘုရား​ကို ယုံကြည်ကိုးစား​ကြ​လိမ့်မည်​။

ဒေသနာကျမ်း။ 10:14

မိုက်မဲ​သော​သူ​သည် စကား​များစွာ​ပြောဆို​တတ်​၏​။ သို့သော် လူ​သည် မည်သည့်​အရာ​ဖြစ်လာ​မည်​ကို​မ​သိ​ပေ​။ သူ့​နောက်​တွင် ဖြစ်လာ​မည့်​အရာ​ကို သူ့​အား​မည်သူ​ပြောပြ​နိုင်​မည်နည်း​။

ဒေသနာကျမ်း။ 11:9

အချင်း​လူပျို​၊ သင်​ပျိုရွယ်​စဉ်တွင် ဝမ်းမြောက်​လော့​။ သင်​၏​အသက် ပျိုရွယ်​သော​နေ့ရက်​များ​၌​လည်း သင်​၏​စိတ်နှလုံး​သည် ရွှင်လန်း​ပါစေ​။ သင့်​စိတ်နှလုံး​အလိုရှိ​ရာ​လမ်း​များ​နောက်​သို့​လည်းကောင်း​၊ သင့်​မျက်စိ​ပသာဒ​နောက်​သို့​လည်းကောင်း လိုက်​လော့​။ သို့ရာတွင် ထို​အရာ​အားလုံး​အတွက် ဘုရားသခင်​သည် သင့်​ကို​တရားသဖြင့်​စီရင်​တော်မူ​မည်​ဖြစ်ကြောင်း သိမှတ်​လော့​။

ဒေသနာကျမ်း။ 12:13

အားလုံး​ကို​ကြား​ရ​ပြီးသည့်နောက် နိဂုံးချုပ်​စကား​ဟူမူကား ဘုရားသခင်​ကို​ကြောက်ရွံ့​၍ ကိုယ်တော်​၏​ပညတ်တော်​တို့​ကို​စောင့်ထိန်း​လော့​။ အဘယ်ကြောင့်​ဆိုသော် ဤ​အရာ​သည် လူ​တို့​ပြု​ရ​မည့်​အရာ​အလုံးစုံ​၏​အချုပ်​ဖြစ်​၏​။

ဒေသနာကျမ်း။ 12:8

အချည်းနှီး​၊ အချည်းနှီး​၊ ခပ်သိမ်း​သော​အရာ​တို့​သည် အချည်းနှီး​ဖြစ်​ကြ​၏​ဟု ဒေသနာဆရာ​ဆို​၏​။

ဒေသနာကျမ်း။ 3:22

သို့ဖြစ်၍ လူ​သည် မိမိ​ပြုလုပ်​သော​အမှု​၌ ဝမ်းမြောက်​ခြင်း​မှတစ်ပါး အခြား​ကောင်း​သော​အရာ​မ​ရှိ​ကြောင်း ငါ​တွေ့မြင်​၏​။ အကြောင်းမူကား ထို​အရာ​သည် သူ​၏​ဝေစု​ဖြစ်​၏​။ အဘယ်ကြောင့်​ဆိုသော် သူ့​နောက်တွင် ဖြစ်လာ​မည့်​အရာ​ကို​မြင်​ရ​ရန် မည်သူ​သည် သူ့​ကို​ခေါ်ဆောင်​သွား​နိုင်​မည်နည်း​။

ဒေသနာကျမ်း။ 3:4

ငိုကြွေး​ရ​သော​အချိန်​နှင့် ရယ်မော​ရ​သော​အချိန်​ရှိ​၏​။ မြည်တမ်း​ရ​သော​အချိန်​နှင့် ကခုန်​ရ​သော​အချိန်​ရှိ​၏​။

ဒေသနာကျမ်း။ 5:17

သူ​သည် မိမိ​၏​နေ့ရက်​အားလုံး​တို့​၌ များစွာ​စိတ်ပျက်​ခြင်း​၊ ဝေဒနာ​ခံစား​ရ​ခြင်း​နှင့် အမျက်ထွက်​ခြင်း​ဖြင့် အမှောင်​ထဲတွင်​စားသောက်​ရ​မည်​။

ဒေသနာကျမ်း။ 8:7

အကြောင်းမူကား နောင်​ဖြစ်​မည့်​အရာ​ကို မည်သူမျှ​မ​သိ​သည်​ဖြစ်၍ မည်သည့်​အရာ​ဖြစ်လာ​မည်​ကို မည်သူ​ပြော​နိုင်​သနည်း​။

ဒေသနာကျမ်း။ 9:7

သွား​လော့​။ သင်​၏​အစားအစာ​ကို ဝမ်းမြောက်​စွာ​စား​လော့​။ သင်​၏​စပျစ်ဝိုင်​ကို​လည်း ကြည်ရွှင်​သော​စိတ်နှလုံး​ဖြင့် သောက်​လော့​။ အကြောင်းမူကား ဘုရားသခင်​သည် သင်​ပြုလုပ်​သော​အမှု​များ​ကို နှစ်သက်​တော်မူ​ပြီ​။

ဟေ​ရှာ​ယ 26:11

အို ထာဝရဘုရား​၊ ကိုယ်တော်​သည် လက်​တော်​ကို​မြှောက်​သော်လည်း သူ​တို့​မ​မြင်​။ ကိုယ်တော်​၏​လူမျိုး​တော်​အတွက် ကိုယ်တော်​စိတ်အားထက်သန်​တော်မူ​သည်​ကို သူ​တို့​တွေ့မြင်​၍ ရှက်ကြောက်​ကြ​ပါစေ​။ ကိုယ်တော်​၏​ရန်သူ​တို့​ကို လောင်ကျွမ်း​မည့်​မီး​သည် သူ​တို့​ကို​လောင်ကျွမ်း​ပါစေ​။

ဟေ​ရှာ​ယ 42:25

ထို့ကြောင့် ကိုယ်တော်​သည် ပြင်းစွာ​သော​အမျက်​တော်​၊ ပြင်းထန်​သော​စစ်ပွဲ​ကို သူ​တို့​အပေါ် ကျရောက်​စေ​တော်မူ​သဖြင့် သူ​တို့​ပတ်လည်​၌ မီး​တောက်လောင်​သော်လည်း သူ​တို့​မ​သိမှတ်​ကြ​။ သူ​တို့​ကို​မီးလောင်ကျွမ်း​သော်လည်း သူ​တို့​နှလုံး​မ​သွင်း​ကြ​။

ယေ​ရ​မိ 23:20

ထာဝရဘုရား​သည် အကြံအစည်​တော် မ​ထမြောက်​မ​ချင်း​၊ မ​ပြီးမြောက်​မ​ချင်း အမျက်​တော်​ပြေ​လိမ့်မည်​မ​ဟုတ်​။ ဤ​အရာ​ကို နောက်ဆုံး​သော​ကာလ​၌ သင်​တို့ ရှင်းရှင်းလင်းလင်း​နားလည်​ကြ​လိမ့်မည်​။

မြည်​တမ်း​စ​ကား 3:38

အမြင့်ဆုံး​သော​အရှင် နှုတ်မြွက်​သည့်​အတိုင်း အကောင်း​၊ အဆိုး ဖြစ်လာ​တတ်​သည်​မ​ဟုတ်​လော​။

မိက္ခာ 6:9

ထာဝရဘုရား​သည် မြို့​ကို အော်ဟစ်​မိန့်မြွက်​တော်မူ​၏​။ ဉာဏ်ပညာ​ရှိ​သော​သူ​သည် နာမ​တော်​ကို သိမြင်​လေ​ပြီ​။ တောင်ဝှေး​ကို​လည်းကောင်း​၊ တောင်ဝှေး​အား ခန့်အပ်​ထား​သော​အရှင်​ကို​လည်းကောင်း နာခံ​လော့​။

မဿဲ 9:13

‘ငါ​သည် ယဇ်​ပူဇော်​ခြင်း​ကို​မ​ဟုတ်​ဘဲ ကရုဏာ​ကို အလိုရှိ​၏’ဟူသော​ကျမ်း​စကား​သည် မည်သည့်​အရာ​ကို​ဆိုလို​ကြောင်း သွား​၍​သင်ယူ​ကြ​လော့။ အကြောင်းမူကား ဖြောင့်မတ်​သော​သူ​တို့​ကို​ခေါ်​ရန် ငါ​လာ​သည်​မ​ဟုတ်။ အပြစ်သား​တို့​ကို​ခေါ်​ရန်​ငါ​လာ​၏”​ဟု မိန့်​တော်မူ​၏။

တမန်တော်ဝတ္ထု 14:22

တပည့်​တော်​တို့​၏​စိတ်နှလုံး​ကို ခိုင်ခံ့​မြဲမြံ​စေ​လျက် ယုံကြည်​ခြင်း​၌ ဆက်၍​တည်နေ​ကြ​ရန် တိုက်တွန်း​နှိုးဆော်​ကာ “ငါ​တို့​သည် ဘုရားသခင်​၏​နိုင်ငံ​တော်​သို့​ဝင်​ရန် များစွာ​သော​ဆင်းရဲ​ဒုက္ခ​ကို ဖြတ်သန်း​ရ​မည်”​ဟု ဆို​ကြ​၏။

တ​ရား​ဟော 26:11

သင်​နှင့်​သင်​၏​အိမ်သူအိမ်သား​တို့​အား သင်​၏​ဘုရားသခင်​ထာဝရဘုရား​ပေး​တော်မူ​သည့် ကောင်းမြတ်​သော​အရာ​ရှိသမျှ​တို့​အတွက် သင်​မှစ၍ လေဝိ​အမျိုး​၊ သင့်​တွင်​ရှိ​သော​တိုင်းတစ်ပါးသား​တို့​အတူတကွ ဝမ်းမြောက်​ရ​မည်​။

တ​ရား​ဟော 28:47

သင်​သည် အရာရာ​၌​ကြွယ်ဝ​လျက်ပင် ဝမ်းမြောက်​ခြင်း​၊ စိတ်နှလုံး​ရွှင်လန်း​ခြင်း​ဖြင့် သင်​၏​ဘုရားသခင်​ထာဝရဘုရား​ကို​အစေ​မ​ခံ​သောကြောင့်

တ​ရား​ဟော 8:3

လူ​သည် မုန့်​အားဖြင့်​သာ အသက်ရှင်​သည်​မ​ဟုတ်​ဘဲ ထာဝရဘုရား​၏​နှုတ်​တော်​ထွက်​စကား​ရှိသမျှ​အားဖြင့် အသက်ရှင်​သည်​ကို သင်​သိမြင်​မည့်​အကြောင်း ကိုယ်တော်​သည် သင့်​ကို​နှိမ့်ချ​လျက် ငတ်မွတ်​စေ​ပြီး သင်​မ​သိ​၊ သင်​၏​ဘိုးဘေး​တို့​လည်း​မ​သိ​သော မန္နမုန့်​ဖြင့် သင့်​အား​ကျွေးမွေး​တော်မူ​ခဲ့​၏​။

တ​ရား​ဟော 8:5

ဖခင်​သည် သား​ကို​ဆုံးမ​သကဲ့သို့ သင်​၏​ဘုရားသခင်​ထာဝရဘုရား​သည် သင့်​ကို​ဆုံးမ​တော်မူ​ကြောင်း သင်​၏​စိတ်နှလုံး​ထဲ၌ သိမှတ်​ရ​မည်​။

ယာ​ကုပ် 5:13

သင်​တို့​တွင် ဆင်းရဲ​ဒုက္ခ​ခံရ​သူ​ရှိ​လျှင် သူ​သည် ဆုတောင်း​စေ။ ဝမ်းမြောက်​ရွှင်လန်း​သော​သူ​ရှိ​လျှင် သူ​သည် ချီးမွမ်း​သီချင်း​ကို​သီဆို​စေ။