ဒေသနာကျမ်း။ 7:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² အကြောင်းမူကား ငွေ​သည် အကာအကွယ်​ဖြစ်​သကဲ့သို့ ဉာဏ်ပညာ​သည် အကာအကွယ်​ဖြစ်​၏​။ ဉာဏ်ပညာ​သည် ၎င်း​ကို​ပိုင်ဆိုင်​သော​သူ​အား အသက်ရှင်​စေ​တတ်​၏​။ ဤသည်ကား အသိပညာ​၏​အကျိုး​ဖြစ်​၏​။

Common Language Bible

¹² အကြောင်းမူကား၊ ပညာသည် ကွယ်ကာတတ် ၏။ ငွေသည်လည်း ကွယ်ကာတတ်၏။ ပညာအတတ် သည် အဘယ်သို့မြတ်သနည်းဟူမူကား၊ ပညာအတတ်ကို ရသောသူသည် အသက်ကိုလည်း ရတတ်၏။

Garrad Bible

¹² အ ဘယ့် ကြောင့် ဆို သော်၊ ငွေ ရ တ နာ သည် အ ရိပ် အ ကာ သ ဖွယ် ဖြစ် သည့် နည်း တူ၊ ပ ညာ လည်း အ ရိပ် အ ကာ သ ဖွယ် ဖြစ်၏။ အ သိ ပ ညာ အ ကျိုး ဟူ မူ ကား၊ ပ ညာ ရှင့် အ သက် ကို ရှည် စေ တတ် သ တည်း။

Judson Bible

¹² အ​ကြောင်း​မူ​ကား၊ ပ​ညာ​သည် ကွယ်​ကာ​တတ်၏။ ငွေ​သည်​လည်း ကွယ်​ကာ​တတ်၏။ ပ​ညာ​အ​တတ်​သည် အ​ဘယ်​သို့​မြတ်​သ​နည်း​ဟူ​မူ​ကား၊ ပ​ညာ​အ​တတ်​ကို ရ​သော​သူ​သည် အ​သက်​ကို​လည်း ရ​တတ်၏။

ဒေသနာကျမ်း။ 7:12 Referencias Cruzadas

ယောဘဝတ္တု။ 1:10

သူ​နှင့်​သူ့​အိမ်သူအိမ်သား​များ​၊ သူ​၌​ရှိသမျှ​တို့​ကို ကိုယ်တော် ဝိုင်းရံ​ကာကွယ်​ပေး​ထား​သည်​မ​ဟုတ်​ပါ​လော​။ သူ​လုပ်ဆောင်​သမျှ​တို့​ကို ကောင်းချီးပေး​သဖြင့် သူ​ပိုင်​သော​တိရစ္ဆာန်​များ​သည်​လည်း မြေကြီး​တစ်ခွင် တိုးပွား​နေ​သည်​မ​ဟုတ်​ပါ​လော​။

ဆာ​လံ 57:1

အို ဘုရားသခင်​၊ အကျွန်ုပ်​ကို​သနား​တော်မူ​ပါ​။ အကျွန်ုပ်​ကို​သနား​တော်မူ​ပါ​။ အကြောင်းမူကား အကျွန်ုပ်​၏​စိတ်ဝိညာဉ်​သည် ကိုယ်တော်​ကို​ခိုလှုံ​ပါ​၏​။ ပျက်စီး​ခြင်း​ဘေး​များ​ကျော်လွန်​သွား​သည်​အထိ ကိုယ်တော်​၏​အတောင်​တော်​အရိပ်​အောက်​၌ အကျွန်ုပ်​ခိုလှုံ​ပါ​မည်​။

သုတ္တံကျမ်း။ 11:4

အမျက်​တော်​ထင်ရှား​ရာ​နေ့​၌ စည်းစိမ်ဥစ္စာ​သည် အကျိုး​မ​ရှိ​။ ဖြောင့်မတ်​ခြင်း​မူကား သေ​ခြင်း​မှ​ကယ်နုတ်​တတ်​၏​။

သုတ္တံကျမ်း။ 14:20

ဆင်းရဲ​သော​သူ​သည် မိမိ​အိမ်နီးချင်း​၏​မုန်းတီး​ခြင်း​ကို​ပင်​ခံရ​၏​။ ချမ်းသာ​သော​သူ​မူကား ချစ်ခင်​သူ​များ​၏​။

သုတ္တံကျမ်း။ 2:11

အလိမ္မာဉာဏ်​သည် သင့်​ကို​စောင့်ရှောက်​၍ ထိုးထွင်းဉာဏ်​သည် သင့်​ကို​ကာကွယ်​သဖြင့်

သုတ္တံကျမ်း။ 2:7

ကိုယ်တော်​သည် ဖြောင့်မှန်​သော​သူ​တို့​အတွက် မှန်ကန်​ပြည့်စုံ​သော​ဉာဏ်​ကို​သိုမှီး​ထား​၍ တည်ကြည်​စွာ​လျှောက်လှမ်း​သော​သူ​တို့​အတွက် ဒိုင်းလွှား​ဖြစ်​တော်မူ​၏​။

သုတ္တံကျမ်း။ 3:18

ဉာဏ်ပညာ​သည် ၎င်း​ကို​ဆုပ်ကိုင်​ထား​သော သူ​တို့​အတွက် အသက်​ပင်​သဖွယ်​ဖြစ်​၏​။ ၎င်း​ကို​စွဲကိုင်​ထား​သော​သူ​တို့​သည် မင်္ဂလာ​ရှိ​ကြ​၏​။

သုတ္တံကျမ်း။ 8:35

အကြောင်းမူကား ငါ့​ကို​တွေ့​သော​သူ​သည် အသက်​ကို​တွေ့​၍ ထာဝရဘုရား​ထံ​တော်​မှ ကျေးဇူး​တော်​ကို​ခံစား​ရ​၏​။

သုတ္တံကျမ်း။ 9:11

အကြောင်းမူကား ဉာဏ်ပညာ​အားဖြင့် သင်​၏​နေ့ရက်​တို့​သည် များပြား​၍ သင့်​အသက်တာ​၏​နှစ်ကာလ​တို့​သည် ထပ်တိုး​လာ​လိမ့်မည်​။

ဒေသနာကျမ်း။ 10:19

ပျော်ရွှင်​ရန် စားသောက်ပွဲ​ကို​ကျင်းပ​တတ်​ကြ​၏​။ စပျစ်ဝိုင်​သည် အသက်တာ​ကို​ဝမ်းမြောက်​စေ​တတ်​၏​။ ငွေ​သည် ခပ်သိမ်းသောအမှု​ကို​ဖြေရှင်း​ပေး​တတ်​၏​။

ဒေသနာကျမ်း။ 2:13

ထိုအခါ အလင်း​သည် အမှောင်​ထက် ပို၍​အကျိုး​ရှိ​သကဲ့သို့ ဉာဏ်ပညာ​သည် မိုက်မဲ​ခြင်း​ထက် ပို၍​အကျိုး​ရှိ​သည်​ကို ငါ​တွေ့မြင်​၏​။

ဒေသနာကျမ်း။ 7:19

ဉာဏ်ပညာ​သည် ပညာရှိ​သော​သူ​ကို မြို့​ထဲ၌​ရှိ​သော​အုပ်ချုပ်​သူ​ဆယ်​ဦး​ထက် ပို၍​အားကြီး​စေ​တတ်​၏​။

ဒေသနာကျမ်း။ 9:16

သို့ဖြစ်၍ ငါ​ဆို​သည်​ကား ဉာဏ်ပညာ​သည် အစွမ်းတန်ခိုး​ထက်​ပို၍​ကောင်း​၏​။ သို့သော် ဆင်းရဲသား​၏​ဉာဏ်ပညာ​သည် အထင်အမြင်​သေး​ခြင်း​ခံရ​၍ သူ​၏​စကား​တို့​ကို မည်သူမျှ​နား​မ​ထောင်​ကြ​။

ဒေသနာကျမ်း။ 9:18

ဉာဏ်ပညာ​သည် စစ်​လက်နက်​များ​ထက် ပို၍​ကောင်း​၏​။ သို့သော် အပြစ်ပြု​သော​သူ​တစ်​ဦး​သည် ကောင်း​သော​အမှု​များစွာ​တို့​ကို ဖျက်ဆီး​တတ်​၏​။

ဟေ​ရှာ​ယ 30:2

ငါ​၏​ဗျာဒိတ်​တော်​ကို​မ​မေးမြန်း​ဘဲ ဖာရော​မင်းကြီး​၏​အကာအကွယ်​အောက်​၌ နားခို​ရာ​ကို​ရှာ​ပြီး အီဂျစ်​ပြည်​၏​အရိပ်​ကို​ခိုလှုံ​ရန် အီဂျစ်​ပြည်​သို့​ဆင်းသွား​ကြ​၏​။

ဟေ​ရှာ​ယ 32:2

သူ​တို့​သည် လေဘေး​မှ​ခိုလှုံ​ရာ​၊ မုန်တိုင်းဘေး​မှ​ကွယ်ကာ​ရာ​ကဲ့သို့​၊ ခြောက်သွေ့​သော​အရပ်​မှ စမ်းချောင်း​ကဲ့သို့​၊ ပူပြင်း​သော​အရပ်​မှ ကျောက်ဆောင်​ကြီး​၏​အရိပ်​ကဲ့သို့ ဖြစ်​ကြ​မည်​။

ဟေ​ရှာ​ယ 33:6

ကိုယ်တော်​သည် သင်​အသက်ရှင်​သည့်​ကာလ​တွင် တည်ငြိမ်​ခြင်း​၊ ကယ်တင်​ခြင်း​စည်းစိမ်​၊ ဉာဏ်ပညာ​၊ အသိပညာ​ဖြစ်​တော်မူ​မည်​။ ထာဝရဘုရား​ကို​ကြောက်ရွံ့​ခြင်း​သည် သင်​၏​ဘဏ္ဍာ ဖြစ်​လိမ့်မည်​။

ရှင်ယောဟန် 12:50

ခမည်းတော်​၏​အမိန့်​တော်​သည် ထာဝရ​အသက်​ဖြစ်​ကြောင်း​ကို​ငါ​သိ​၏။ ထို့ကြောင့် ငါ​ဟောပြော​သော​အရာ​တို့​ကို ခမည်းတော်​က ငါ့​အား​မိန့်​တော်မူ​သည့်​အတိုင်း ငါ​ဟောပြော​၏”​ဟု ကြွေးကြော်​တော်မူ​၏။

ရှင်ယောဟန် 17:3

ထာဝရ​အသက်​ဟူသည်မှာ တစ်ဆူတည်း​သော စစ်မှန်​သည့်​ဘုရား​ဖြစ်​တော်မူ​သော ကိုယ်တော်​ကို​လည်းကောင်း၊ ကိုယ်တော်​စေလွှတ်​တော်မူ​သော ယေရှု​ခရစ်တော်​ကို​လည်းကောင်း သိကျွမ်း​ခြင်း​ပင်​ဖြစ်​ပါ​၏။

တ​ရား​ဟော 32:47

ဤ​တရားစကား​သည် သင်​တို့​အဖို့ အချည်းနှီး​စကား​မ​ဟုတ်​။ သင်​တို့​၏​အသက်​ဖြစ်​၏​။ ဤ​တရားစကား​ကို စောင့်ထိန်း​ခြင်း​ဖြင့် သင်​တို့​သည် ဂျော်ဒန်​မြစ်​ကို​ကူး​၍ သိမ်းပိုက်​မည့်​ပြည်​၌ အသက်​ရှည်ရှည်​နေထိုင်​ရ​မည်​ဖြစ်​၏​”​ဟု ဆို​လေ​၏​။

ဖိ​လိပ္ပိ 3:8

ထိုမျှမက ငါ​၏​သခင်​ခရစ်တော်​ယေရှု​ကို သိ​သော​ဉာဏ်​၏​ထူးမြတ်​သော​အကျိုးကျေးဇူး​ကြောင့် အရာ​ခပ်သိမ်း​ကို အရှုံး​ဟူ၍ ငါ​မှတ်ယူ​၏။ ထို​သခင်​ကို​ထောက်၍ အရာ​ခပ်သိမ်း​တို့​ကို ငါ​အဆုံးရှုံး​ခံ​ပြီး ၎င်း​တို့​ကို မစင်​ကဲ့သို့ ငါ​မှတ်ယူ​၏။

သူ​ကြီး 9:15

ဆူးလေပင်​က​လည်း သစ်ပင်​တို့​အား ‘​စင်စစ် သင်​တို့​သည် ငါ့​ကို ဘိသိက်ပေး​၍ သင်​တို့​ကို အုပ်စိုး​စေ​လို​လျှင် လာ​ကြ​၊ ငါ့​အရိပ်​၌ ခိုလှုံ​ကြ​။ သို့မဟုတ်လျှင် ဆူးလေပင်​ထဲက မီး​ထွက်​ပြီး လက်ဘနွန်​တောင်​ရှိ သစ်ကတိုးပင်​များ​ကို လောင်ကျွမ်း​ပစ်​မည်​’​ဟု ဆို​လေ​၏​။