ဒေသနာကျမ်း။ 6:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ လူ​သည် သား​တစ်ရာ​မွေးဖွား​၍ နှစ်ပေါင်း​များစွာ​အသက်ရှင်​ရ​လျက် သူ့​အသက်တာ​၏​နေ့ရက်​သည် များပြား​လျှင်လည်း သူ​၏​စိတ်ဝိညာဉ်​သည် ကောင်းကျိုးချမ်းသာ​ကြောင့် အလိုပြည့်စုံ​သည်​ဟူ၍​မ​ရှိ​သကဲ့သို့ သူ့​ကို သင်္ချိုင်း​တွင်​သင်္ဂြိုဟ်​ခြင်း​လည်း​မ​ရှိ​လျှင် အသေမွေး​သော​ကလေး​သည် ထို​သူ​ထက်​ပို၍​ကောင်း​သည်​ဟု ငါ​ဆို​၏​။

Common Language Bible

³ လူသည် နှစ်ပေါင်းများစွာ အသက်ရှည်၍၊ သားတရာပင် ရှိငြားသော်လည်း၊ အလိုဆန္ဒမပြည့်စုံဘဲ၊ သင်္ဂြိုဟ်ခြင်းကို မခံရဘဲ သေသွားလျှင်၊ ထိုသူထက် ပျက်သောကိုယ်ဝန်သည်သာ၍ မြတ်၏။

Garrad Bible

³ သား သ မီး တစ် ရာ ရ သည့် အ ပြင်၊ အ သက် တာ ရှည်၍ နှစ် ပေါင်း များ စွာ နေ သော် လည်း၊ ကောင်း စား ခြင်း နှင့် မ ရောင့် ရဲ ဘဲ၊ သင်္ဂြိုဟ် ခြင်း မဲ့ သေ ရ သော လူ သည်၊ လျှော မွေး ထက် ယုတ် သည် ဟု ငါ ဆို၏။

Judson Bible

³ လူ​သည် နှစ်​ပေါင်း​များ​စွာ အ​သက်​ရှည်၍၊ သား​တစ်​ရာ​ပင်​ရှိ​ငြား​သော်​လည်း၊ အ​လို​ဆ​န္ဒ​မ​ပြည့်​စုံ​ဘဲ၊ သင်္ဂြိုဟ်​ခြင်း​ကို မ​ခံ​ရ​ဘဲ​သေ​သွား​လျှင်၊ ထို​သူ​ထက် ပျက်​သော​ကိုယ်​ဝန်​သည် သာ၍​မြတ်၏။

ဒေသနာကျမ်း။ 6:3 Referencias Cruzadas

ကမ္ဘာ​ဦး 33:5

ဧသော​သည် မျှော်ကြည့်​၍ မိန်းမ​များ​၊ ကလေး​များ​ကို​မြင်​သောအခါ “​သင်​နှင့်အတူ​ပါလာ​သော ဤ​သူ​တို့​ကား မည်သူ​တို့​နည်း​”​ဟု မေး​သော် ယာကုပ်​က “​သခင်​၏​အစေအပါး​အား ဘုရားသခင်​ပေးသနား​တော်မူ​သော​ကလေး​များ ဖြစ်​ကြ​ပါ​၏​”​ဟု ပြန်ဖြေ​လေ​၏​။

ကမ္ဘာ​ဦး 47:9

ယာကုပ်​က “​အကျွန်ုပ်​သွားလာနေထိုင်​ခဲ့​သော နေ့ရက်​နှစ်ကာလ​မှာ တစ်ရာ့​သုံးဆယ်​ရှိ​ပါ​ပြီ​။ အကျွန်ုပ်​အသက်ရှင်​သော နေ့ရက်​နှစ်ကာလ​သည် တိုတောင်း​၍​ဆိုးရွား​ပါ​၏​။ အကျွန်ုပ်​ဘိုးဘေး​တို့ အသက်ရှင်​သွားလာ​နေထိုင်​ခဲ့​သော နေ့ရက်​နှစ်ကာလ​ကို မ​မီ​ပါ​”​ဟု လျှောက်​လေ​၏​။

၄ ရာ 10:1

ရှမာရိ​မြို့​တွင် အာဟပ်​မင်းကြီး​၏​သား​တော်​အပါး​ခုနစ်ဆယ် ရှိ​၏​။ ယေဟု​သည် ရှမာရိ​မြို့​ရှိ ယေဇရေလ​မြို့​အကြီးအကဲ​များ​၊ သက်ကြီးဝါကြီး​များ​နှင့် အာဟပ်​မင်းကြီး​၏​သား​တော်​တို့​ကို​အုပ်ထိန်း​သော​သူ​များ​ထံသို့ စာ​ရေးသား​ပေးပို့​လိုက်​၏​။

၄ ရာ 9:35

ယေဇဗေလ​ကို သင်္ဂြိုဟ်​ဖို့​သွား​ကြ​သောအခါ ဦးခေါင်းခွံ​၊ ခြေထောက်​၊ လက်ဖဝါး​တို့​မှလွဲ၍ အခြား​ဘာမျှ​မ​ရှိ​တော့​ပေ​။

၁ ရာ​ချုပ် 28:5

ထာဝရဘုရား​သည် ငါ့​အား သား​အများအပြား​ကို​ပေး​တော်မူ​၏​။ ထို​သား​အပေါင်း​တို့​ထဲမှ သား​တော်​ရှောလမုန်​ကို ရွေးချယ်​တော်မူ​ပြီး အစ္စရေး​လူမျိုး​ကို အုပ်ချုပ်​ရန်​အတွက် ထာဝရဘုရား​၏​နိုင်ငံ​တော်​ရာဇပလ္လင်​ပေါ်တွင် စံမြန်း​စေ​တော်မူ​၏​။

၂ ရာ​ချုပ် 11:21

ရောဗောင်​မင်းကြီး​သည် အဗရှလုံ​၏​သမီး​တော်​မာခါ​ကို အခြား​သော​မိဖုရား​၊ မောင်းမမိဿံ​တို့​ထက် ချစ်မြတ်နိုး​၏​။ သူ​၌ မိဖုရား​တစ်ဆယ့်​ရှစ်​ပါး​နှင့် မောင်းမမိဿံ​ခြောက်ဆယ်​ရှိ​ပြီး သား​တော် နှစ်ဆယ့်​ရှစ်​ယောက်​၊ သမီး​တော် အယောက်​ခြောက်ဆယ်​ရှိ​၏​။

ဧ​သ​တာ 5:11

ဟာမန်​က သူ​တို့​အား မိမိ​မည်မျှ ဓနဥစ္စာ​ဂုဏ်ရှိန်​ကြီး​ကြောင်း​၊ သားသမီး​များပြား​ကြောင်း​၊ ရှင်ဘုရင်​သည်​လည်း မိမိ​အား မည်မျှ​ချီးမြှင့်မြှောက်စား​ကြောင်း​၊ အခြား​မှူးမတ်​များ​နှင့် မင်းမှုထမ်း​များ​ထက် ရာထူး​တိုးမြှင့်​ပေး​ကြောင်း​တို့​ကို ဝါကြွား​ပြောဆို​လေ​၏​။

ဧ​သ​တာ 7:10

ထို့ကြောင့် မော်ဒကဲ​အတွက် စိုက်ထူ​ထား​သော​သစ်တိုင်​ပေါ်တွင် ဟာမန်​ကို ချိတ်ဆွဲ​ကြ​၏​။ ရှင်ဘုရင်​သည်​လည်း အမျက်​ပြေ​လေ​၏​။

ယောဘဝတ္တု။ 3:11

ငါ​သည် မွေးစ​ကပင် အဘယ်ကြောင့် မ​သေ​ရ​သနည်း​။ အမိ​ဝမ်း​ထဲက​ထွက်လာ​စဉ်ကပင် အဘယ်ကြောင့် အသက်​မ​ချုပ်ငြိမ်း​ရ​သနည်း​။

ယောဘဝတ္တု။ 3:16

သို့မဟုတ် ငါ​သည် မြေမြှုပ်​ခံရ​သည့်​အသေမွေး​သော​ကလေး​ကဲ့သို့​လည်းကောင်း​၊ အလင်း​မ​မြင်​လိုက်​ရ​သော​ကလေး​ကဲ့သို့​လည်းကောင်း အဘယ်ကြောင့် မ​ဖြစ်​ရ​သနည်း​။

ဆာ​လံ 58:8

သူ​တို့​သည် သွားရင်း​လာရင်း အကျိအချွဲ​ဖြစ်သွား​သော ပက်ကျိ​ကဲ့သို့​လည်းကောင်း​၊ နေရောင်​ကို​မ​တွေ့မြင်​ရ​သည့် အသေမွေး​သော​ကလေး​ကဲ့သို့​လည်းကောင်း ဖြစ်​ကြ​ပါစေ​။

သုတ္တံကျမ်း။ 17:6

မြေး​တို့​သည် အသက်ကြီး​သော​သူ​တို့​၏​သရဖူ​ဖြစ်​၏​။ သားသမီး​တို့​၏​ဂုဏ်ကျက်သရေ​ကား သူ​တို့​၏​မိဘ​ဘိုးဘွား​ဖြစ်​ကြ​၏​။

ဒေသနာကျမ်း။ 4:3

သို့ရာတွင် လူ​ဖြစ်​မ​လာ​သေး​သော​သူ​၊ နေ​အောက်​တွင်​ပြု​သော​မကောင်းမှု​ကို မ​မြင်​သေး​သော​သူ​သည် ထို​နှစ်​ဦး​တို့​ထက်​ပို၍​ကောင်း​၏​။

ဒေသနာကျမ်း။ 6:4

အကြောင်းမူကား ထို​ကလေး​သည် အချည်းနှီး​ထဲသို့​ရောက်လာ​၍ အမှောင်​ထဲသို့​ထွက်သွား​၏​။ သူ​၏​အမည်​သည်​လည်း အမှောင်​ထဲ၌​ဖုံးအုပ်​ခြင်း​ခံရ​၏​။

ယေ​ရ​မိ 22:19

မြည်း​ကို​သင်္ဂြိုဟ်​သကဲ့သို့ သူ့​ကို သင်္ဂြိုဟ်​ကြ​လိမ့်မည်​။ ဂျေရုဆလင်​တံခါး​အပြင်ဘက်​သို့ ဆွဲထုတ်​၍ ပစ်ထား​ကြ​လိမ့်မည်​။

ယေ​ရ​မိ 36:30

ထို့ကြောင့် ယုဒ​ဘုရင်​ယောယကိမ်​မင်းကြီး​နှင့်​ပတ်သက်၍ ထာဝရဘုရား​က “​သူ​၏​အမျိုးအနွယ်​သည် ဒါဝိဒ်​မင်းကြီး​၏​ရာဇပလ္လင်​ပေါ်တွင် စံမြန်း​ခွင့်​ရ​မည်​မ​ဟုတ်​။ သူ​၏​အလောင်း​ကို နေ့​အချိန်​တွင် နေပူ​ထဲ၌​၊ ညအချိန်​တွင် နှင်းတော​ထဲ၌ ပစ်​ထား​ကြ​လိမ့်မည်​။

ယေ​ရ​မိ 8:2

ထို​အရိုး​တို့​သည် သူ​တို့​ချစ်​၍​အစေခံ​သော​၊ သူ​တို့​လိုက်စား​သော​၊ သူ​တို့​ဆည်းကပ်​ကိုးကွယ်​သော​အရာ​များ​ဖြစ်​သည့် နေ​၊ လ စသော ကောင်းကင်​တန်ဆာ​အားလုံး​တို့​အောက်​၌ ဖြန့်ထား​ခြင်း​ခံရ​လိမ့်မည်​။ စုသိမ်း​သင်္ဂြိုဟ်​ခြင်း ခံရ​မည်​မ​ဟုတ်​။ မြေပြင်​ပေါ်တွင် နောက်ချေး​ကဲ့သို့​ဖြစ်​သွား​လိမ့်မည်”​ဟု မိန့်​တော်မူ​၏​။

မဿဲ 26:24

လူ့သား​သည် မိမိ​နှင့်​ပတ်သက်၍ ရေး​ထား​သည့်​အတိုင်း သွား​ရ​မည်​မှန်​၏။ သို့သော် လူ့သား​ကို​အပ်နှံ​သော​သူ​သည် အမင်္ဂလာရှိ​၏။ ထို​သူ​သည် မ​မွေးဖွား​လာ​ခဲ့​လျှင် သူ့​အတွက် သာ၍​ကောင်း​ပေ​လိမ့်မည်”​ဟု မိန့်​တော်မူ​၏။