ဒေသနာကျမ်း။ 5:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ နေ​အောက်​တွင် ငါ​တွေ့မြင်​ရ​သည့် ဆိုးရွား​၍​ငြီးငွေ့ဖွယ်​ကောင်း​သော​အမှု​တစ်​ခု​ရှိ​၏​။ ထို​အမှု​မှာ ဓနဥစ္စာ​သည် ၎င်း​ကို​ထိန်းသိမ်း​ထား​သော​ပိုင်ရှင်​အား ဒုက္ခပေး​ခြင်း​ပင်​ဖြစ်​၏​။

Common Language Bible

¹³ စည်းစိမ်ရှင်သည် ကိုယ်အကျိုးပျက်သည်တိုင် အောင်၊ စည်းစိမ်ကိုသိုထားခြင်းတည်းဟူသော၊ နေ အောက်၌ အလွန်ဆိုးသောအမှုအရာကို ငါမြင်ပြီ။

Garrad Bible

¹³ နေ အောက် တွင် ဘေး ဆိုး တစ် မျိုး ကို ငါ မြင် ရ သည် မှာ၊ ဥ စ္စာ ရှင် သည်၊ ကိုယ် ကျိုး ကို ဖျက်၍ ပ စ္စည်း ကို သိမ်း ဆည်း ရာ၌၊

Judson Bible

¹³ စည်း​စိမ်​ရှင်​သည် ကိုယ်​အ​ကျိုး​ပျက်​သည်​တိုင်​အောင်၊ စည်း​စိမ်​ကို သို​ထား​ခြင်း​တည်း​ဟူ​သော၊ နေ​အောက်၌ အ​လွန်​ဆိုး​သော​အ​မှု​အ​ရာ​ကို ငါ​မြင်​ပြီ။

ဒေသနာကျမ်း။ 5:13 Referencias Cruzadas

ကမ္ဘာ​ဦး 14:16

ဤသို့ဖြင့် သူ​သည် ဥစ္စာ​ရှိသမျှ​ကို​ပြန်ရ​၍ မိမိ​ဆွေမျိုးသားချင်း​လောတ​နှင့် သူ​၏​ဥစ္စာ​ကို​လည်းကောင်း​၊ မိန်းမ​များ​နှင့် လူ​များ​ကို​လည်းကောင်း ပြန်ရ​လေ​၏​။

ကမ္ဘာ​ဦး 19:14

လောတ​သည်​လည်း သွား​၍ သမီး​တို့​နှင့်​စုံဖက်​မည့် မိမိ​သမက်​တို့​အား “​ထ​ကြ​၊ ဤ​အရပ်​မှ​ထွက်သွား​ကြ​လော့​။ အကြောင်းမူကား ထာဝရဘုရား​သည် ဤ​မြို့​ကို​ဖျက်ဆီး​တော့​မည်​”​ဟု ဆို​လေ​၏​။ သို့သော် သူ​၏​သမက်​တို့​က ရယ်စရာပြော​သည်​ဟူ၍​သာ ထင်မှတ်​ကြ​၏​။

ကမ္ဘာ​ဦး 19:26

နောက်မှ​လိုက်လာ​သော လောတ​၏​မယား​မူကား နောက်​လှည့်ကြည့်​သဖြင့် ဆား​တိုင်​ဖြစ်သွား​လေ​၏​။

ယောဘဝတ္တု။ 20:20

ထို့ကြောင့် သူ့​စိတ်​သည် ငြိမ်းချမ်းမှု​ကို​မ​သိ​နိုင်​။ သူ​၏​တပ်မက်စိတ်​သည် သူ့​ကို​လွတ်မြောက်ခွင့်​မ​ပေး​။

သုတ္တံကျမ်း။ 1:19

မတရား​သော​အကျိုး​စီးပွား​ကို တပ်မက်​သော​သူ​တိုင်း​၏​လမ်း​တို့​သည် ထိုကဲ့သို့​ဖြစ်​ကြ​၏​။ ထိုသို့သော​အကျိုးစီးပွား​သည် ၎င်း​ကို​ပိုင်ဆိုင်​သော​သူ​တို့​၏​အသက်​ကို နုတ်ယူ​တတ်​၏​။

သုတ္တံကျမ်း။ 1:32

အကြောင်းမူကား အသိဉာဏ်​နည်းပါး​သော​သူ​တို့​သည် မိမိ​၏​လမ်းလွဲဖောက်ပြန်မှု​ကြောင့် သေ​ကြ​ရ​၏​။ မိုက်မဲ​သော​သူ​တို့​သည်​လည်း မိမိကိုယ်မိမိ​အားရကျေနပ်မှု​ကြောင့် ပျက်စီး​ကြ​ရ​၏​။

သုတ္တံကျမ်း။ 11:4

အမျက်​တော်​ထင်ရှား​ရာ​နေ့​၌ စည်းစိမ်ဥစ္စာ​သည် အကျိုး​မ​ရှိ​။ ဖြောင့်မတ်​ခြင်း​မူကား သေ​ခြင်း​မှ​ကယ်နုတ်​တတ်​၏​။

သုတ္တံကျမ်း။ 23:4

ချမ်းသာကြွယ်ဝ​စေရန် ပင်ပန်းကြီး​စွာ​မ​ပြု​နှင့်​။ သင်​၏​အသိဉာဏ်​အားဖြင့် ထိုသို့​ပြု​ခြင်း​ကို​ရပ်တန့်​လော့​။

သုတ္တံကျမ်း။ 27:24

အကြောင်းမူကား စည်းစိမ်​သည် အစဉ်အမြဲ​တည်​သည်​မ​ဟုတ်​။ ရာဇသရဖူ​သည်​လည်း မျိုးဆက်​အစဉ်အဆက် တည်​သည်​မ​ဟုတ်​။

ဒေသနာကျမ်း။ 4:8

တစ်ကိုယ်တည်း​ဖြစ်​လျက် အပေါင်းအဖော်​မ​ရှိ​၊ သား​လည်း​မ​ရှိ​၊ ညီအစ်ကို​လည်း​မ​ရှိ​သော​သူ​တစ်ဦး​ရှိ​၏​။ သို့သော် သူ​၏​ကြိုးပမ်းအားထုတ်မှု​အားလုံး​၌ အဆုံး​မ​ရှိ​။ သူ​၏​မျက်စိ​သည်​လည်း ဓနဥစ္စာ​၌​ကျေနပ်တင်းတိမ်​သည်​ဟူ၍​မ​ရှိ​။ “​ငါ​သည် မည်သူ့​အတွက် ကြိုးပမ်းအားထုတ်​လျက် ငါ​၌​ကောင်းကျိုးချမ်းသာ​ချို့တဲ့​စေ​ရ​သနည်း​”​ဟူ၍​လည်း​မ​မေး​။ ဤ​အရာ​သည်​လည်း အချည်းနှီး​ဖြစ်​ပြီး ငြီးငွေ့ဖွယ်​ကောင်း​သော​အလုပ်​ဖြစ်​၏​။

ဒေသနာကျမ်း။ 5:14

ထို​ဓနဥစ္စာ​သည် အဖြစ်​ဆိုး​တစ်​ခု​ကြောင့်​ဆုံးရှုံး​သွား​၍ ထို​သူ​သည် သား​ကို​ရ​သော်လည်း ထို​သား​၏​လက်​တွင် မည်သည့်​အရာ​မျှ​မ​ရှိ​ချေ​။

ဒေသနာကျမ်း။ 8:9

ငါ​သည် နေ​အောက်​တွင်​ပြု​သမျှ​သော​အမှုအရာ​ကို ဆင်ခြင်​နှလုံးသွင်း​သောအခါ ဤ​အရာ​အားလုံး​ကို တွေ့မြင်​၏​။ လူ​သည် အခြားသောသူ​ကို​စိုးမိုး​၍ သူ​ကိုယ်တိုင် ဒုက္ခ​ရောက်​ရ​သော​အချိန်​ရှိ​၏​။

ဟေ​ရှာ​ယ 2:20

ထို​နေ့ရက်​၌ လူ​တို့​သည် မိမိ​တို့​ရှိခိုးကိုးကွယ်​ရန် ထုလုပ်​ထား​သော ငွေ​ရုပ်တု​၊ ရွှေ​ရုပ်တု​တို့​ကို ပွေး​များ​၊ လင်းနို့​များ​အလယ်​၌ ပစ်ထား​ကြ​မည်​။

ဇေဖနိ 1:18

ထာဝရဘုရား​၏​အမျက်​တော်​ကျရောက်​သော​နေ့​၌ သူ​တို့​၏​ရွှေ​ငွေ​များ​သည် သူ​တို့​ကို ကယ်တင်​နိုင်​မည်​မ​ဟုတ်​။ သဝန်တို​ခြင်း​မီး​သည် မြေ​တစ်ပြင်လုံး​ကို လောင်ကျွမ်း​သွား​လိမ့်မည်​။ မြေကြီးသား​အပေါင်း​တို့​ကို ထိတ်လန့်​တုန်လှုပ်​စွာ​ဖြင့် ဘဝနိဂုံးချုပ်​စေ​မည်​။

လုကာ 16:19

တစ်ခါက ခရမ်းရောင်​ဝတ်ရုံ​နှင့် ပိတ်ချော​ထည်​များ​ကို​ဝတ်ဆင်​ကာ နေ့စဉ် စည်းစိမ်​ခံစား​လျက် ပျော်မွေ့​နေ​သည့် သူဌေး​တစ်​ဦး​ရှိ​၏။

လုကာ 19:8

ဇက္ခဲ​သည်​ရပ်​လျက် “သခင်​ဘုရား၊ အကျွန်ုပ်​၏​ဥစ္စာ​ပစ္စည်း​တစ်ဝက်​ကို ဆင်းရဲသား​တို့​အား​ပေး​ပါ​မည်။ ထို့ပြင် တစ်စုံတစ်ဦး​ထံမှ တစ်စုံတစ်ရာ​ကို မတရား​တောင်းခံ​ထား​သည်​ဆိုလျှင် လေးဆ​ပြန်​ပေး​ပါ​မည်”​ဟု သခင်​ဘုရား​အား​လျှောက်​လေ​၏။