ဒေသနာကျမ်း။ 3:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² လူ​တို့​သည် အသက်ရှင်​စဉ်တွင် ဝမ်းမြောက်​လျက်​၊ ကောင်း​သော​အမှု​ကို​ပြု​လျက်​နေ​ခြင်း​မှတစ်ပါး သူ​တို့​အတွက် အခြား​ကောင်း​သော​အရာ​မ​ရှိ​ကြောင်း ငါ​သိ​၏​။

Common Language Bible

¹² ရွှင်လန်းခြင်းအမှုနှင့် အသက်ရှင်စဉ်တွင် ကျေးဇူး ပြုခြင်း အမှုမှတပါး အခြားသော အမှုအရာတို့၌၊ အကျိုး ကျေးဇူးမရှိသည်ကို ငါသိ၏။

Garrad Bible

¹² အ သက် ရှင် စဉ် တွင်၊ ကောင်း စား ခြင်း နှင့် ရွှင် လန်း ခြင်း ထက်၊ လူ တို့၌ ကောင်း သော အ ရာ မ ရှိ ကြောင်း ကို လည်း‌ ကောင်း၊

Judson Bible

¹² ရွှင်​လန်း​ခြင်း​အ​မှု​နှင့် အ​သက်​ရှင်​စဉ်​တွင် ကျေး​ဇူး​ပြု​ခြင်း​အ​မှု​မှ​တစ်​ပါး အ​ခြား​သော​အ​မှု​အ​ရာ​တို့၌၊ အ​ကျိုး​ကျေး​ဇူး​မ​ရှိ​သည်​ကို ငါ​သိ၏။

ဒေသနာကျမ်း။ 3:12 Referencias Cruzadas

ဆာ​လံ 37:3

ထာဝရဘုရား​ကို​ယုံကြည်ကိုးစား​လျက် ကောင်း​သော​အမှု​ကို​ပြု​လော့​။ ပြည်​တော်​၌​နေထိုင်​၍ သစ္စာတရား​၌​ကျက်စား​လော့​။

ဒေသနာကျမ်း။ 11:9

အချင်း​လူပျို​၊ သင်​ပျိုရွယ်​စဉ်တွင် ဝမ်းမြောက်​လော့​။ သင်​၏​အသက် ပျိုရွယ်​သော​နေ့ရက်​များ​၌​လည်း သင်​၏​စိတ်နှလုံး​သည် ရွှင်လန်း​ပါစေ​။ သင့်​စိတ်နှလုံး​အလိုရှိ​ရာ​လမ်း​များ​နောက်​သို့​လည်းကောင်း​၊ သင့်​မျက်စိ​ပသာဒ​နောက်​သို့​လည်းကောင်း လိုက်​လော့​။ သို့ရာတွင် ထို​အရာ​အားလုံး​အတွက် ဘုရားသခင်​သည် သင့်​ကို​တရားသဖြင့်​စီရင်​တော်မူ​မည်​ဖြစ်ကြောင်း သိမှတ်​လော့​။

ဒေသနာကျမ်း။ 2:24

လူ​သည် စား​လျက်​၊ သောက်​လျက်​၊ မိမိ​၏​ကြိုးပမ်းအားထုတ်မှု​အပေါ် စိတ်​ကျေနပ်အားရ​လျက်​နေ​ခြင်း​မှတစ်ပါး သူ့​အတွက်​အခြား​ကောင်း​သော​အရာ​မ​ရှိ​။ ထို​အရာ​သည်​လည်း ဘုရားသခင်​၏​လက်​တော်​မှ​လာ​သည်​ကို ငါ​တွေ့မြင်​၏​။

ဒေသနာကျမ်း။ 2:3

လူသား​တို့​သည် မိမိ​တို့​၏​အနည်းငယ်​သော အသက်တာ​နေ့ရက်​များ​၌ မိုးကောင်းကင်​အောက်​တွင် မည်သည့်​အရာ​ပြု​ကောင်း​သည်​ကို ငါ​မြင်​ရ​သည်​အထိ ငါ့​စိတ်နှလုံး​ကို ဉာဏ်ပညာ​ဖြင့်​ဦးဆောင်​ရင်း မိုက်မဲ​သော​အမှု​၌​ကျင်လည်​၍ ငါ့​ကိုယ်ခန္ဓာ​ကို​စပျစ်ဝိုင်​ဖြင့်​အားတက်​စေ​မည်​ဟု ငါ့​စိတ်နှလုံး​ထဲတွင် ငါ​ကြံစည်​၏​။

ဒေသနာကျမ်း။ 3:22

သို့ဖြစ်၍ လူ​သည် မိမိ​ပြုလုပ်​သော​အမှု​၌ ဝမ်းမြောက်​ခြင်း​မှတစ်ပါး အခြား​ကောင်း​သော​အရာ​မ​ရှိ​ကြောင်း ငါ​တွေ့မြင်​၏​။ အကြောင်းမူကား ထို​အရာ​သည် သူ​၏​ဝေစု​ဖြစ်​၏​။ အဘယ်ကြောင့်​ဆိုသော် သူ့​နောက်တွင် ဖြစ်လာ​မည့်​အရာ​ကို​မြင်​ရ​ရန် မည်သူ​သည် သူ့​ကို​ခေါ်ဆောင်​သွား​နိုင်​မည်နည်း​။

ဒေသနာကျမ်း။ 8:15

သို့ဖြစ်၍ ပျော်ရွှင်မှု​ကို​ငါ​ထောမနာပြု​၏​။ အဘယ်ကြောင့်​ဆိုသော် နေ​အောက်​တွင် စား​လျက်​၊ သောက်​လျက်​၊ ဝမ်းမြောက်​လျက်​နေ​ခြင်း​ထက် လူ့​အတွက်​ကောင်း​သည့်​အရာ​မ​ရှိ​။ ဤသည်ကား နေ​အောက်​တွင် လူ​ကို​ဘုရားသခင်​ပေး​တော်မူ​သော အသက်တာ​၏​နေ့ရက်​ကာလ​များ​၌ လူ​၏​ကြိုးပမ်းအားထုတ်မှု​ထဲတွင် သူ​နှင့်အတူ​လိုက်ပါ​လာ​သော​အရာ​ဖြစ်​၏​။

ဟေ​ရှာ​ယ 64:5

ကိုယ်တော်​သည် ဝမ်းမြောက်​သော​စိတ်​ဖြင့် ဖြောင့်မတ်​စွာ​ပြုကျင့်​သော​သူ​၊ ကိုယ်တော်​၏​တရားလမ်း​တော်​ကို​အောက်မေ့​သော​သူ​တို့​အား ကြိုဆိုလက်ခံ​တော်မူ​၏​။ သို့သော် အကျွန်ုပ်​တို့​အပြစ်ပြု​၍ ကိုယ်တော်​အမျက်ထွက်​တော်မူ​၏​။ အဆက်မပြတ်​အပြစ်ပြု​သော​အကျွန်ုပ်​တို့​ကို ကယ်တင်​တော်မူ​မည်လော​။

လုကာ 11:41

သို့ဖြစ်၍ အတွင်း​၌​ရှိ​သော​အရာ​များ​ကို ပေးကမ်း​စွန့်ကြဲ​ကြ​လော့။ သို့ပြုလျှင် အရာ​ခပ်သိမ်း​တို့​သည် သင်​တို့​အတွက် စင်ကြယ်​ကြ​လိမ့်မည်။

တမန်တော်ဝတ္ထု 20:35

ထိုသို့​ကြိုးစား​လုပ်ဆောင်​၍ အားနည်း​သော​သူ​တို့​ကို ကူညီမစ​သင့်​ကြောင်း​နှင့်‘ပေးကမ်း​ခြင်း​သည် ရယူ​ခြင်း​ထက် သာ၍​မင်္ဂလာရှိ​သည်’​ဟု သခင်​ယေရှု​ကိုယ်တော်​တိုင် မိန့်​တော်မူ​သည့်​စကား​ကို သတိရ​သင့်​ကြောင်း အရာရာ​၌ သင်​တို့​အား ငါ​ပြသ​၏”​ဟု ဆို​လေ​၏။

တ​ရား​ဟော 12:18

သင်​မှစ၍ သင်​၏​သား​သမီး​များ​၊ ကျွန်ယောက်ျား​ကျွန်မိန်းမ​များ​၊ သင်​၏​မြို့​တံခါး​အတွင်း​ရှိ လေဝိ​အမျိုး​များ​သည် ထို​ပူဇော်သက္ကာ​တို့​ကို သင်​၏​ဘုရားသခင်​ထာဝရဘုရား​ရှေ့​တော်​၊ သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၌​သာ စား​ရ​မည်​။ သင်​လုပ်ဆောင်​လေရာရာ​အတွက် သင်​၏​ဘုရားသခင်​ထာဝရဘုရား​ရှေ့​တော်​၌ ဝမ်းမြောက်​ကြ​ရ​မည်​။

တ​ရား​ဟော 12:7

ထို​အရပ်​တွင် သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ စား​ရ​မည်​။ သင်​တို့​လုပ်ဆောင်​လေရာရာ​၌ သင်​တို့​၏​ဘုရားသခင်​ထာဝရဘုရား​ကောင်းချီးပေး​တော်မူ​သောကြောင့် သင်​တို့​နှင့်​သင်​တို့​၏​အိမ်သူအိမ်သား​တို့​သည် ဝမ်းမြောက်​ကြ​ရ​မည်​။

တ​ရား​ဟော 26:11

သင်​နှင့်​သင်​၏​အိမ်သူအိမ်သား​တို့​အား သင်​၏​ဘုရားသခင်​ထာဝရဘုရား​ပေး​တော်မူ​သည့် ကောင်းမြတ်​သော​အရာ​ရှိသမျှ​တို့​အတွက် သင်​မှစ၍ လေဝိ​အမျိုး​၊ သင့်​တွင်​ရှိ​သော​တိုင်းတစ်ပါးသား​တို့​အတူတကွ ဝမ်းမြောက်​ရ​မည်​။

တ​ရား​ဟော 28:63

ထာဝရဘုရား​သည် သင့်​ကို​ကောင်းစား​စေ​၍ တိုးပွား​စေ​ရာ​၌ နှစ်သက်အားရ​တော်မူ​သကဲ့သို့ သင့်​ကို​ဖျက်ဆီး​၍ သုတ်သင်ပယ်ရှင်း​ပစ်​ရာ​၌​လည်း ထာဝရဘုရား ဝန်လေး​တော်မူ​မည်​မ​ဟုတ်​။ သင်​သည် သင်​ဝင်ရောက်​သိမ်းပိုက်​သည့်​ပြည်​ထဲ​မှ နုတ်ပယ်​ခြင်း​ခံရ​လိမ့်မည်​။

၁ တိ 6:18

ကောင်း​သော​အမှု​ကို​ပြု​လျက် ကောင်း​သော​အကျင့်​များ​ဖြင့်​ကြွယ်ဝ​ကာ ရက်ရော​စွာ​ဝေမျှ​ပေးကမ်း​တတ်​သော​သူ​များ​ဖြစ်​ကြ​၍