ဒေသနာကျမ်း။ 2:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ အမှန်စင်စစ် မိုက်မဲ​သော​သူ​ကဲ့သို့ပင် ပညာရှိ​သော​သူ​သည်​လည်း အစဉ်အမြဲ​အောက်မေ့​ခြင်း​ခံရ​မည်​မ​ဟုတ်​။ နောင်လာမည့်​နေ့ရက်​များ​တွင် အားလုံး​သည် မေ့လျော့​ခြင်း​ခံရ​လိမ့်မည်​။ ပညာရှိ​သော​သူ​သည် မိုက်မဲ​သော​သူ​နည်းတူ သေ​တတ်​ပါ​သည်​တကား​။

Common Language Bible

¹⁶ ယခုဖြစ်သမျှသော အမှုအရာတို့ကို နောင် ကာလ၌ မေ့လျော့လိမ့်မည်ဖြစ်၍၊ မိုက်သောသူသည် အစဉ်မအောက်မေ့သကဲ့သို့၊ ပညာရှိသောသူကိုလည်း အစဉ်မအောက်မေ့တတ်။ ပညာရှိသောသူသည် မိုက် သော သူသေသကဲ့သို့ သေတတ်ပါသည်တကား။

Garrad Bible

¹⁶ နောင် ကာ လ၌၊ အ လုံး စုံ ကို မေ့ လျော့ နှင့် သည့် အ တိုင်း၊ လူ မိုက် ကဲ့ သို့ ပ ညာ ရှိ ကို လည်း အ စဉ် သ တိ ရ ခြင်း မ ရှိ ချေ။ ပ ညာ ရှိ သည်၊ လူ မိုက် နည်း တူ ပင်၊ သေ ဆုံး ရ လေ စွ တ ကား။

Judson Bible

¹⁶ ယ​ခု​ဖြစ်​သ​မျှ​သော အ​မှု​အ​ရာ​တို့​ကို နောင်​ကာ​လ၌ မေ့​လျော့​လိမ့်​မည်​ဖြစ်၍၊ မိုက်​သော​သူ​သည် အ​စဉ်​မ​အောက်​မေ့​သ​ကဲ့​သို့၊ ပ​ညာ​ရှိ​သော​သူ​ကို​လည်း အ​စဉ်​မ​အောက်​မေ့​တတ်။ ပ​ညာ​ရှိ​သော​သူ​သည် မိုက်​သော​သူ​သေ​သ​ကဲ့​သို့ သေ​တတ်​ပါ​သည်​တ​ကား။

ဒေသနာကျမ်း။ 2:16 Referencias Cruzadas

၂ ရာ 3:33

ရှင်ဘုရင်​သည် အာဗနာ​အတွက် ငိုချင်းချ​ရင်း “​အာဗနာ​သည် လူမိုက်​သေ​သကဲ့သို့ သေ​ရ​ပါ​ပြီ​တကား​။

ဆာ​လံ 103:16

လေ​တိုက်ခတ်​သောအခါ ထို​ပန်းပွင့်​သည် ပျောက်ကွယ်​သွား​၍ သူ့​နေရာ​ပင်လျှင် သူ့​ကို​မ​သိ​တော့​ပေ​။

ဆာ​လံ 49:10

အကြောင်းမူကား ပညာရှိ​တို့​သည် သေ​ကြ​ရ​သည့်​နည်းတူ မိုက်မဲ​သော​သူ​နှင့် အသိတရားမဲ့​သော​သူ​သည်​လည်း ပျက်စီး​သွား​၍ မိမိ​တို့​၏​ဥစ္စာပစ္စည်း​ကို သူတစ်ပါး​တို့​အတွက်​ထားခဲ့​ရ​သည်​ကို လူ​သည်​တွေ့မြင်​ရ​လိမ့်မည်​။

ဆာ​လံ 88:12

ကိုယ်တော်​ပြု​တော်မူ​သော​အံ့ဖွယ်​သော​အမှု​တို့​ကို အမှောင်​ထဲ၌​လည်းကောင်း​၊ ကိုယ်တော်​၏​ဖြောင့်မတ်​ခြင်း​ကို မေ့လျော့​ရာ​ပြည်​၌​လည်းကောင်း သိမှတ်​ကြ​ပါ​သလော​။

ထွက်​မြောက် 1:6

ယောသပ်​မှစ၍ သူ​၏​ညီအစ်ကို​ရှိသမျှ​နှင့် ထို​မျိုးဆက်​အားလုံး သေ​ကြ​ကုန်​၏​။

ထွက်​မြောက် 1:8

နောက်ပိုင်း​တွင် အီဂျစ်​ပြည်​၌ ယောသပ်​ကို​မ​သိ​သော ရှင်ဘုရင်​အသစ်​တစ်​ပါး ပေါ်လာ​၏​။

သုတ္တံကျမ်း။ 14:8

ဆင်ခြင်ဉာဏ်​ရှိ​သော​သူ​၏​ဉာဏ်ပညာ​မှာ မိမိ​လမ်း​ကို​သိရှိနားလည်​ခြင်း​ဖြစ်​၏​။ မိုက်မဲ​သော​သူ​တို့​၏​မိုက်မဲ​ခြင်း​မူကား လိမ်လည်လှည့်ဖြား​ခြင်း​ဖြစ်​၏​။

ဒေသနာကျမ်း။ 1:11

ယခင်​က​အရာ​တို့​ကို မှတ်မိ​ခြင်း​မ​ရှိ​။ နောင်​ဖြစ်​မည့်​အရာ​တို့​ကို​လည်း ၎င်း​တို့​၏​နောက်​တွင် ပေါ်လာ​မည့်​သူ​တို့​သည် မှတ်မိ​ကြ​လိမ့်မည်​မ​ဟုတ်​။

ဒေသနာကျမ်း။ 2:14

ပညာရှိ​သော​သူ​၏​မျက်စိ​သည် သူ​၏​ဦးခေါင်း​ထဲ၌​ရှိ​၏​။ မိုက်မဲ​သော​သူ​မူကား အမှောင်​ထဲ၌​လျှောက်လှမ်း​တတ်​၏​။ သို့ရာတွင် တစ်ခုတည်း​သော​အဖြစ်​သည် သူ​တို့​အားလုံး​၌​ဖြစ်ပျက်​သည်​ကို ငါ​သိ​၏​။

ဒေသနာကျမ်း။ 2:15

ထိုအခါ ငါ​က “​မိုက်မဲ​သော​သူ​၌​ဖြစ်ပျက်​သော​အဖြစ်မျိုး​သည် ငါ​၌​လည်း​ဖြစ်ပျက်​လိမ့်မည်​။ သို့ဖြစ်လျှင် ငါ​ဉာဏ်ပညာရှိ​ခြင်း​သည် ငါ့​အတွက် မည်သို့​အကျိုးထူး​သနည်း​”​ဟု ငါ့​စိတ်​ထဲ၌​မြွက်ဆို​၏​။ တစ်ဖန် “​ဤ​အရာ​သည်​လည်း အချည်းနှီး​ဖြစ်​၏​”​ဟု ငါ့​စိတ်​ထဲ၌ ပြောဆို​၏​။

ဒေသနာကျမ်း။ 6:8

ပညာရှိ​သော​သူ​သည် မိုက်မဲ​သော​သူ​ထက် မည်သို့​အကျိုးထူး​သနည်း​။ အသက်ရှင်​သော​သူ​များ​ရှေ့​တွင် မည်သို့​ကျင့်ကြံ​ပြုမူ​ရ​မည်​ကို​သိ​သော​ဆင်းရဲသား​သည်​လည်း မည်သို့​အကျိုးထူး​သနည်း​။

ဒေသနာကျမ်း။ 7:2

အသုဘ​အိမ်​သို့​သွား​ခြင်း​သည် စားသောက်ပွဲခံရာ​အိမ်​သို့​သွား​ခြင်း​ထက်​ပို၍​ကောင်း​၏​။ အကြောင်းမူကား သေ​ခြင်း​သည် လူ​အားလုံး​၏​နိဂုံး​ဖြစ်၍ အသက်ရှင်​လျက်​ရှိ​သော​သူ​သည် ထို​အမှုအရာ​ကို​ဆင်ခြင်​နှလုံး​သွင်း​လိမ့်မည်​။

ဒေသနာကျမ်း။ 8:10

တစ်ဖန် သန့်ရှင်း​သော​နေရာ​၌ ဝင်ထွက်​သွားလာ​ခဲ့​သည့် ဆိုးယုတ်​သော​သူ​တို့​သည် သင်္ဂြိုဟ်​ခြင်း​ခံရ​သည်​ကို​ငါ​တွေ့မြင်​၏​။ သူ​တို့​သည် ထိုသို့​ပြု​ခဲ့​ရာ​မြို့​တွင် မေ့လျော့​ခြင်း​ခံရ​ကြ​၏​။ ဤ​အရာ​သည်​လည်း အချည်းနှီး​ဖြစ်​၏​။

ဒေသနာကျမ်း။ 9:15

သို့သော် ထို​မြို့​၌ ပညာရှိ​သည့်​ဆင်းရဲ​သော​သူ​တစ်​ယောက်​ရှိ​၍ သူ​သည် မိမိ​၏​ဉာဏ်ပညာ​အားဖြင့် ထို​မြို့​ကို​ကယ်တင်​၏​။ သို့ရာတွင် ထို​ဆင်းရဲ​သော​သူ​ကို မည်သူ​မျှ​အောက်မေ့​ခြင်း​မ​ရှိ​ကြ​။

ဒေသနာကျမ်း။ 9:5

အကြောင်းမူကား အသက်ရှင်​သော​သူ​တို့​သည် မိမိ​တို့​သေ​ရ​မည်​ကို သိ​ကြ​၏​။ သေ​သော​သူ​တို့​မူကား မည်သည့်​အရာ​ကို​မျှ​မ​သိ​ကြ​။ သူ​တို့​နှင့်ဆိုင်သော​အောက်မေ့စရာ​များ​ပင်လျှင် မေ့လျော့​ခြင်း​ခံရ​သည်​ဖြစ်၍ သူ​တို့​အတွက် ဆုလာဘ်​လည်း နောက်ထပ်​မ​ရှိ​တော့​ပေ​။

မာ​လ​ခိ 3:16

ထို​အချိန်​တွင် ထာဝရဘုရား​ကို ကြောက်ရွံ့ရိုသေ​သော​သူ​တို့​အချင်းချင်း​ပြောဆို​သော​စကား​ကို ထာဝရဘုရား​နားထောင်​၍ ကြား​တော်မူ​၏​။ ထာဝရဘုရား​ကို ကြောက်ရွံ့ရိုသေ​ပြီး နာမ​တော်​ကို ကြည်ညို​လေးစား​သော​သူ​တို့​နှင့်​ပတ်သက်၍ ရှေ့​တော်​၌ အောက်မေ့စရာ​မှတ်တမ်း​စာလိပ်​တွင် ရေးမှတ်​ထား​၏​။

ဟေ​ဗြဲ 9:27

လူ​တို့​သည် တစ်ကြိမ်တည်း​သေ​၍ သေ​ပြီး​သည့်​နောက် တရား​စီရင်​ခြင်း​ကို​ခံရ​သကဲ့သို့