ထွက်​မြောက် 7:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ဖာရော​မင်းကြီး​ထံ​သွား​၍ လျှောက်တင်​ကြ​စဉ်က မောရှေ​သည် အသက်​ရှစ်ဆယ်​၊ အာရုန်​သည် အသက်​ရှစ်ဆယ့်​သုံး​နှစ် ရှိ​ပြီ​ဖြစ်​၏​။

Common Language Bible

⁷ ဘု​ရင်​ထံ​သို့​ဝင်​၍​လျှောက်​ထား​ချိန်​၌​မော​ရှေ သည် အ​သက်​ရှစ်​ဆယ်၊ အာ​ရုန်​သည်​အ​သက်​ရှစ် ဆယ်​သုံး​နှစ်​ရှိ​ကြ​သ​တည်း။

Garrad Bible

⁷ ဖာ ရော မင်း ထံ လျှောက် ထား ကြ သော အ ခါ မော ရှေ အ သက် ရှစ် ဆယ်၊ အာ ရုန့် အ သက် ရှစ် ဆယ့် သုံး နှစ် ရှိ ၏။

Judson Bible

⁷ ဖာ​ရော​ဘု​ရင်​ထံ၌​လျှောက်​ကြ​သော​အ​ခါ၊ မော​ရှေ၏​အ​သက်​သည် အ​နှစ်​ရှစ်​ဆယ်​ရှိ၏။ အာ​ရုန်၏​အ​သက်​သည် အ​နှစ်​ရှစ်​ဆယ်​သုံး​နှစ်​ရှိ၏။

ထွက်​မြောက် 7:7 Referencias Cruzadas

ကမ္ဘာ​ဦး 41:46

ယောသပ်​သည် အီဂျစ်​ဘုရင်​ဖာရော​မင်းကြီး​ထံ၌ အမှုထမ်း​သောအခါ အသက်​သုံးဆယ်​ရှိ​ပြီ​ဖြစ်​၏​။ ယောသပ်​သည် ဖာရော​မင်းကြီး​ထံ​မှ​ထွက်လာ​၍ အီဂျစ်​ပြည်​တစ်ပြည်လုံး​ကို​လှည့်လည်​ကြည့်ရှု​၏​။

ဆာ​လံ 90:10

အကျွန်ုပ်​တို့​၏​အသက်တာ​နှစ်ကာလ​သည် အနှစ်​ခုနစ်ဆယ်​ဖြစ်​ပါ​၏​။ ကျန်းမာသန်စွမ်း​လျှင် အနှစ်​ရှစ်ဆယ်​ဖြစ်နိုင်​ပါ​၏​။ သို့သော် ထို​နှစ်ကာလ​တို့​၏​အကောင်းဆုံး​အချိန်​မှာပင် အခက်အခဲ​ပြဿနာ​နှင့် ဆင်းရဲဒုက္ခ​မျှသာ​ဖြစ်​ပါ​၏​။ အကယ်စင်စစ် အချိန်​တို့​သည် လျင်မြန်​စွာ​ကုန်လွန်​၍ အကျွန်ုပ်​တို့​သည် အဝေး​သို့​ပျံသန်း​သွား​ကြ​ပါ​၏​။

ထွက်​မြောက် 2:23

ကာလ​အတန်ကြာ​ပြီးနောက် အီဂျစ်​ဘုရင်​သည်​လည်း အနိစ္စရောက်​လေ​၏​။ အစ္စရေး​အမျိုးသား​တို့​သည်​လည်း ကျွန်ပြု​ခံရ​သောကြောင့် ညည်းတွား​၍ အော်ဟစ်​ကြ​၏​။ ထိုသို့ ကျွန်ပြု​ခံရ​သောကြောင့် အော်ဟစ်​သော​သူ​တို့​၏​အသံ​သည် ဘုရားသခင်​အထံ​တော်​သို့ ရောက်​လေ​၏​။

ထွက်​မြောက် 7:8

တစ်ဖန် ထာဝရဘုရား​က မောရှေ​နှင့်​အာရုန်​အား

တော​လည် 33:39

အာရုန်​သည် ဟောရ​တောင်​ပေါ်၌ သေ​သောအခါ အသက်​တစ်ရာ​နှစ်ဆယ့်​သုံး​နှစ်​ရှိ​၏​။

တမန်တော်ဝတ္ထု 7:23

သူ​သည် အသက်​လေးဆယ်​ပြည့်​သောအခါ မိမိ​ညီအစ်ကို​များ​ဖြစ်​ကြ​သော အစ္စရေး​အမျိုးသား​တို့​ကို အကြည့်အရှု​သွား​လို​သော​စိတ်​ဆန္ဒ​ဖြစ်ပေါ်​လာ​လေ​၏။

တမန်တော်ဝတ္ထု 7:30

အနှစ်​လေးဆယ်​ပြည့်​သောအခါ သိနာ​တောင်​၏​တော​ကန္တာရ​တွင် ကောင်းကင်တမန်​တစ်​ပါး​သည် မီး​တောက်လောင်​သော​ချုံပုတ်​ထဲ၌ မောရှေ​ထံ ထင်ရှား​လေ​၏။

တ​ရား​ဟော 29:5

ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​သည်​ကို သင်​တို့​သိမြင်​မည့်​အကြောင်း သင်​တို့​ကို အနှစ်​လေးဆယ်​ပတ်လုံး တောကန္တာရ​ထဲ၌ ပို့ဆောင်​ခဲ့​၏​။ သင်​တို့​ကိုယ်​ပေါ်​မှ အဝတ်အစား မ​ဟောင်းနွမ်း​။ သင်​တို့​ခြေ​မှ​ဖိနပ်​သည်​လည်း မ​စုတ်​မ​ပြတ်​။

တ​ရား​ဟော 31:2

“​ယနေ့ ငါ​သည် အသက်​တစ်ရာ့​နှစ်ဆယ်​ရှိ​ပြီ​။ မ​သွား​မ​လာ​နိုင်​တော့​ပါ​။ ထာဝရဘုရား​က​လည်း ‘​သင်​သည် ဤ​ဂျော်ဒန်​မြစ်​ကို​မ​ကူး​ရ​’​ဟု ငါ့​အား​မိန့်​တော်မူ​ပြီ​။

တ​ရား​ဟော 34:7

မောရှေ​သေဆုံး​သောအခါ အသက်​တစ်ရာ့​နှစ်ဆယ်​ရှိ​၏​။ သူ​၏​မျက်စိ​မ​မှုန်​၊ သူ​၏​ခွန်အား​လည်း မ​လျော့​သေး​။

ယော​ရှု 24:5

ငါ​သည် မောရှေ​နှင့်​အာရုန်​ကို​စေလွှတ်​၍ အီဂျစ်​ပြည်​၌ ဘေးအမျိုးမျိုး​ကျရောက်​စေ​ခြင်း​အားဖြင့် ဒဏ်ခတ်​ပြီးနောက် သင်​တို့​ကို ထုတ်ဆောင်​ခဲ့​၏​။