ထွက်​မြောက် 7:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ဖာရော​မင်းကြီး​သည် မိမိ​နန်းတော်​သို့​လှည့်​ပြန်သွား​ကာ ဤ​အမှု​ကို​လည်း နှလုံး​မ​သွင်း​ဘဲ​နေ​၏​။

Common Language Bible

²³ ဘု​ရင်​သည်​ထို​အ​မှု​အ​ရာ​ကို​အ​ရေး​မ ကြီး​သော​ကိစ္စ​ဟူ​၍ သ​ဘော​ပိုက်​ကာ​နန်း တော်​သို့​ပြန်​သွား​လေ​၏။-

Garrad Bible

²³ နန်း တော် သို့ လှည့် ဝင် လျက် ထို အ မှု ကို လည်း နှ လုံး မ သွင်း နေ ၏။

Judson Bible

²³ နန်း​တော်​သို့​လှည့်​လည်​ပြန်​သွား၍ ထို​အ​မှု​ကို နှ​လုံး​မ​သွင်း​ဘဲ​နေ​လေ၏။

ထွက်​မြောက် 7:23 Referencias Cruzadas

ယောဘဝတ္တု။ 7:17

လူ​သည် မည်သို့​သော​သူ​ဖြစ်၍ ကိုယ်တော်​သည် သူ့​ကို ချီးမြှောက်​ပြီး ကိုယ်တော်​၏​စိတ်​ထဲတွင် သူ့​ကို အလေးထား​ရ​သနည်း​။

ဆာ​လံ 62:10

ဖိနှိပ်ချုပ်ချယ်မှု​ကို ယုံကြည်ကိုးစား​ခြင်း​မ​ပြု​ကြ​နှင့်​။ လုယက်မှု​အပေါ်​၌​လည်း အချည်းနှီး​မ​မျှော်လင့်​ကြ​နှင့်​။ ဥစ္စာပစ္စည်း​တိုးပွား​လျှင်လည်း ထို​အရာ​တို့​ကို စိတ်​စွဲလမ်း​ခြင်း​မ​ရှိ​ကြ​နှင့်​။

ထွက်​မြောက် 7:22

အီဂျစ်​နတ်ဝိဇ္ဇာဆရာ​တို့​သည်​လည်း မိမိ​တို့​၏​ဝိဇ္ဇာအတတ်​များ​အားဖြင့် ထိုနည်းတူ​ပြု​ကြ​၏​။ ထို့ကြောင့် ထာဝရဘုရား​မိန့်​တော်မူ​သည့်​အတိုင်း ဖာရော​မင်းကြီး​၏​စိတ်နှလုံး​သည် မာကျော​လျက် မောရှေ​နှင့်​အာရုန်​တို့​၏​စကား​ကို နား​မ​ထောင်​ဘဲ​နေ​၏​။

ထွက်​မြောက် 7:24

အီဂျစ်​လူမျိုး​အပေါင်း​တို့​သည် နိုင်း​မြစ်​ရေ​ကို​မ​သောက်သုံး​နိုင်​ကြ​သဖြင့် သောက်သုံး​ရေ​ရရှိ​ရန် နိုင်း​မြစ်​တစ်လျှောက် တွင်း​တူး​ကြ​၏​။

ထွက်​မြောက် 9:20

ဖာရော​မင်းကြီး​၏​အမှုထမ်း​များ​ထဲမှ ထာဝရဘုရား​မိန့်​တော်မူ​သော​စကား​ကို​ကြောက်ရွံ့​သော​သူ​တို့​သည် မိမိ​တို့​၏​ကျွန်​များ​နှင့် မိမိ​တို့​၏​တိရစ္ဆာန်​များ​ကို အိမ်​ထဲသို့ အမြန်​ဝင်​စေ​ကြ​၏​။

ထွက်​မြောက် 9:21

ထာဝရဘုရား​မိန့်​တော်မူ​သော​စကား​ကို ဂရုမစိုက်​သော​သူ​တို့​မူကား မိမိ​တို့​၏​ကျွန်​များ​နှင့်​တိရစ္ဆာန်​များ​ကို လယ်​ထဲ၌​ပင် ထား​ကြ​၏​။

သုတ္တံကျမ်း။ 22:17

သင့်​နား​ကို​စွင့်​၍ ပညာရှိ​တို့​၏​စကား​များ​ကို နားထောင်​လော့​။ သင့်​စိတ်နှလုံး​၌ ငါ​၏​အသိပညာ​ကို သွင်း​ထား​လော့​။

သုတ္တံကျမ်း။ 24:32

ငါ​သည် ထို​အဖြစ်​ကို​မြင်​သောအခါ နှလုံးသွင်း​၍ ငါ​တွေ့မြင်​သော​အရာ​ကို သင်ခန်းစာ​ယူ​၏​။

သုတ္တံကျမ်း။ 28:14

ဩတ္တပ္ပစိတ်​အစဉ်အမြဲ​ရှိ​သော​သူ​သည် မင်္ဂလာ​ရှိ​၏​။ မိမိ​၏​စိတ်နှလုံး​ကို​မာကျော​စေ​သော​သူ​မူကား ဒုက္ခတွင်း​ထဲသို့​ကျရောက်​လိမ့်မည်​။

သုတ္တံကျမ်း။ 29:1

ဆိုဆုံးမ​ခြင်း​ကို​အကြိမ်ကြိမ်​ခံရ​သော်လည်း ခေါင်းမာ​လျက်​နေ​သော​သူ​သည် ချမ်းသာ​ရာ​မ​ရ​ဘဲ ချက်ချင်း​ပျက်စီး​ရ​လိမ့်မည်​။

ဟေ​ရှာ​ယ 26:11

အို ထာဝရဘုရား​၊ ကိုယ်တော်​သည် လက်​တော်​ကို​မြှောက်​သော်လည်း သူ​တို့​မ​မြင်​။ ကိုယ်တော်​၏​လူမျိုး​တော်​အတွက် ကိုယ်တော်​စိတ်အားထက်သန်​တော်မူ​သည်​ကို သူ​တို့​တွေ့မြင်​၍ ရှက်ကြောက်​ကြ​ပါစေ​။ ကိုယ်တော်​၏​ရန်သူ​တို့​ကို လောင်ကျွမ်း​မည့်​မီး​သည် သူ​တို့​ကို​လောင်ကျွမ်း​ပါစေ​။

ဟေ​ရှာ​ယ 47:7

သင်​က “​ငါ​သည် သခင်မ ထာဝစဉ်​ဖြစ်​နေ​မည်​”​ဟု ဆို​လျက် ဤ​အရာ​တို့​ကို​နှလုံး​မ​သွင်း​၊ အဆုံး​ကို​လည်း မ​အောက်မေ့​။

ယေ​ရ​မိ 36:24

ထို​စကား​အလုံးစုံ​တို့​ကို​ကြား​ရ​သော ရှင်ဘုရင်​နှင့် သူ​၏​အစေအပါး​အားလုံး​တို့​သည် ကြောက်ရွံ့တုန်လှုပ်​ခြင်း​မ​ရှိ​ကြ​၊ အဝတ်​ကို​မ​ဆုတ်​ကြ​။

ယေ​ရ​မိ 5:3

အို ထာဝရဘုရား​၊ ကိုယ်တော်​သည် သစ္စာတရား​ကို လိုလား​တော်မူ​သည်​မ​ဟုတ်​လော​။ ကိုယ်တော်​သည် သူ​တို့​ကို​ဒဏ်ခတ်​သော်လည်း သူ​တို့​မ​နာ​ကြ​။ သူ​တို့​ကို​ဖျက်ဆီး​သော်လည်း ဆုံးမပဲ့ပြင်​ခြင်း​ကို​မခံယူ​ကြ​။ သူ​တို့​သည် မိမိ​တို့​၏​မျက်နှာ​ကို ကျောက်တုံး​ထက်​ပင် မာကျော​စေ​ကြ​၏​။ ကိုယ်တော့်​ထံ ပြန်လာ​ရန် ငြင်းဆို​ကြ​၏​။

ယေ​ဇ​ကျေ​လ 40:4

ထို​သူ​က ငါ့​အား “​အချင်း​လူသား​၊ မျက်စိ​ဖွင့်​၊ နားစွင့်​ပြီး ငါ​ပြ​မည့်​အရာ​အားလုံး​ကို နှလုံးသွင်း​မှတ်ကျုံး​လော့​။ ဤ​အရာ​တို့​ကို သင့်​အား​ငါ​ပြသ​ရန် သင့်​ကို ဤ​နေရာ​သို့ ခေါ်ဆောင်​လာ​ခြင်း​ဖြစ်​၏​။ သင်​မြင်​သမျှ​သော​အရာ​တို့​ကို အစ္စရေး​လူမျိုး​တို့​အား ပြန်လည်​ပြောပြ​လော့”​ဟု မြွက်ဆို​၏​။

ဟ​ဗက္ကုတ် 1:5

“လူမျိုးတကာ​တို့​ကို ကြည့်ရှု​၍ ဆင်ခြင်​ကြ​လော့​။ အံ့အားသင့်​လျက်​နေ​လော့​။ အကြောင်းမူကား သင်​တို့​ကြား​၍ မ​ယုံ​နိုင်​သော​အမှု​ကို သင်​တို့​လက်ထက်​တွင် ငါ​ဖြစ်ပျက်​စေ​မည်​။

မာ​လ​ခိ 2:2

သင်​တို့​သည် ငါ့​စကား​ကို နား​မ​ထောင်​၊ ငါ့​နာမ​ကို မ​ချီးမွမ်း​၊ နှလုံး​မ​သွင်း​ဘဲ​နေ​လျှင် သင်​တို့​အပေါ်​သို့ ကျိန်​ခြင်း​ကို ငါ​သက်ရောက်​စေ​မည်​။ သင်​တို့​၏​ကောင်းချီးမင်္ဂလာ​ကို အမင်္ဂလာ ဖြစ်စေ​မည်​။ အကယ်စင်စစ် သင်​တို့​နှလုံး​မ​သွင်း​သောကြောင့် သင်​တို့​ကို ငါ​ကျိန်ဆဲ​ပြီ​”​ဟု ကောင်းကင်​ဗိုလ်ခြေ​အရှင် ထာဝရဘုရား မိန့်​တော်မူ​၏​။

တ​ရား​ဟော 32:46

“​ယနေ့ သင်​တို့​အား ငါ​သတိပေး​သော​စကား​ရှိသမျှ​တို့​ကို နှလုံးသွင်း​ကြ​လော့​။ ဤ​တရား​စကား​ရှိသမျှ​တို့​ကို လိုက်နာ​စောင့်ထိန်း​မည့်​အကြောင်း သင်​တို့​၏​သားသမီး​တို့​ကို မှာကြား​ကြ​လော့​။

၁ ရာ 4:20

သူ​သေခါနီး​တွင် သူ့​အနီး​ရှိ​အမျိုးသမီး​များ​က “​မ​ကြောက်​နှင့်​၊ သင် သား​ယောက်ျားလေး​မွေး​ပြီ​”​ဟု ဆို​သော်လည်း သူ​ပြန်​မ​ပြော​နိုင်​၊ အရေး​လည်း​မ​စိုက်​နိုင်​တော့​ပေ​။