ထွက်​မြောက် 4:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ မောရှေ​က​လည်း “​သူ​တို့​သည် အကျွန်ုပ်​ကို​မ​ယုံ​၊ အကျွန်ုပ်​၏​စကား​ကို​လည်း​နား​မ​ထောင်​ဘဲ ‘​ထာဝရဘုရား​သည် သင့်​အား ကိုယ်​ထင်ရှားပြ​တော်​မ​မူ​’​ဟူ၍ ပြောဆို​ကြ​ပါ​လိမ့်မည်​”​ဟု ပြန်လျှောက်​လေ​၏​။

Common Language Bible

¹ မော​ရှေ​က``အ​ကယ်​၍​ဣ​သ​ရေ​လ​အ​မျိုး​သား တို့​က အ​ကျွန်ုပ်​ကို​မ​ယုံ၊ အ​ကျွန်ုပ်​၏​စ​ကား​ကို နား​မ​ထောင်​ဘဲ`သင်​သည်​ထာ​ဝ​ရ​ဘု​ရား​ကို​ဖူး မြင်​ခဲ့​ရ​သည်​ဟု​ဆို​သည်​မှာ​မ​ဖြစ်​နိုင်' ဟု​ပြော ကြ​လျှင်​အ​ကျွန်ုပ်​မည်​သို့​ပြု​ရ​ပါ​မည်​နည်း'' ဟု လျှောက်​ထား​လေ​၏။

Garrad Bible

¹ တစ် ဖန် မော ရှေ က၊ ထို သူ တို့ သည် အ ကျွန်ုပ် ကို မ ယုံ၊ စ ကား ကို လည်း မ နာ ခံ ဘဲ သင့် အား ထာ ဝ ရ ဘု ရား ထင် ရှား တော် မ မူ ကြောင်း ဆို ကြ လိမ့် မည် ဟု ပြန် လျှောက် သော်၊

Judson Bible

¹ မော​ရှေ​က​လည်း၊ ထို​သူ​တို့​သည် အ​ကျွန်ုပ်​ကို​မ​ယုံ၊ အ​ကျွန်ုပ်​စ​ကား​ကို နား​မ​ထောင်​ဘဲ​နေ၍၊ ထာ​ဝ​ရ​ဘု​ရား​သည် သင့်​အား​ထင်​ရှား​တော်​မ​မူ​ဟု ဆို​ကြ​ပါ​လိမ့်​မည်​ဟု ပြန်​လျှောက်​လေ၏။

ထွက်​မြောက် 4:1 Referencias Cruzadas

၃ ရာ 13:3

ထို့နောက် သူ​က “​ထာဝရဘုရား​မိန့်​တော်မူ​သည့် နိမိတ်လက္ခဏာ​ဟူမူကား ‘​ကြည့်ရှု​လော့​။ ယဇ်ပလ္လင်​အက်ကွဲ​ပြီး ယဇ်ပလ္လင်​ပေါ်ရှိ​ပြာ​များ ဖိတ်ကျ​လာ​လိမ့်မည်​’​ဟူ၍ ဖြစ်​၏​”​ဟု ဆို​လျက် ထို​နေ့​တွင် နိမိတ်လက္ခဏာ​တစ်​ခု​ကို ပြ​လေ​၏​။

ထွက်​မြောက် 2:14

ထို​သူ​က “​မည်သူ​သည် သင့်​ကို ငါ​တို့​၏​အကြီးအကဲ​၊ ငါ​တို့​ကို​တရားစီရင်​သူ​အဖြစ် ခန့်ထား​သနည်း​။ သင်​သည် အီဂျစ်​အမျိုးသား​ကို​သတ်​သကဲ့သို့ ငါ့​ကို​သတ်​ရန်​ကြံရွယ်​သလော​”​ဟု ပြန်ပြော​၏​။ ထိုအခါ မောရှေ​သည် ကြောက်ရွံ့​လျက် “​အကယ်စင်စစ် ဤ​အမှု​ကို သိ​ကြ​ကုန်​ပြီ​တကား​”​ဟု ဆို​လေ​၏​။

ထွက်​မြောက် 3:15

တစ်ဖန် ဘုရားသခင်​က မောရှေ​အား “​သင်​သည် အစ္စရေး​အမျိုးသား​တို့​အား ‘​သင်​တို့​ဘိုးဘေး​တို့​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​တည်းဟူသော ထာဝရဘုရား​သည် ငါ့​ကို သင်​တို့​ထံသို့ စေလွှတ်​တော်မူ​ပြီ​။ ဤ​နာမ​သည် ငါ​၏​ထာဝရ​နာမ​ဖြစ်​၏​။ မျိုးဆက်​အစဉ်အဆက် သိမှတ်​ရ​မည့် ငါ​၏​နာမ​ဖြစ်​၏’​ဟု ပြော​ရ​မည်​။

ထွက်​မြောက် 3:16

သင်​သည် သွား​၍ အစ္စရေး​သက်ကြီးဝါကြီး​တို့​ကို​စုဝေး​စေ​ပြီးလျှင် သူ​တို့​အား ‘​သင်​တို့​ဘိုးဘေး​တို့​၏​ဘုရား​၊ အာဗြဟံ​၊ ဣဇက်​၊ ယာကုပ်​တို့​၏​ဘုရား​တည်းဟူသော ထာဝရဘုရား​သည် ငါ့​အား ကိုယ်​ထင်ရှားပြ​တော်မူ​လျက် “​ငါ​သည် သင်​တို့​ကို​လည်းကောင်း​၊ အီဂျစ်​ပြည်​တွင် သင်​တို့​၌​ဖြစ်ပျက်​သော​အရာ​ကို​လည်းကောင်း အမှန်ပင် အကြည့်အရှု​ကြွလာ​ပြီ​။

ထွက်​မြောက် 3:18

ထိုအခါ သူ​တို့​သည် သင်​၏​စကား​ကို နားထောင်​ကြ​လိမ့်မည်​။ သင်​နှင့်​အစ္စရေး​သက်ကြီးဝါကြီး​တို့​သည်​လည်း အီဂျစ်​ဘုရင်​ထံသို့​ဝင်​၍ သူ့​အား ‘​ဟေဗြဲ​လူမျိုး​တို့​၏​ဘုရားသခင်​ထာဝရဘုရား​သည် အကျွန်ုပ်​တို့​နှင့်​တွေ့​တော်မူ​ပြီ​။ အကျွန်ုပ်​တို့​၏​ဘုရားသခင်​ထာဝရဘုရား​အား ယဇ်ပူဇော်​ရန် အကျွန်ုပ်​တို့​ကို သုံး​ရက်​ခရီး​အကွာအဝေး​ရှိ​သော​တောကန္တာရ​သို့ သွား​ခွင့်​ပြု​ပါ​’​ဟု လျှောက်ထား​လော့​။

ထွက်​မြောက် 4:10

မောရှေ​က ထာဝရဘုရား​အား “​အို အကျွန်ုပ်​၏​ဘုရားရှင်​၊ အကျွန်ုပ်​သည် ယခင်က​ဖြစ်စေ​၊ မနေ့က​ဖြစ်စေ​၊ ကိုယ်တော်​၏​အစေအပါး​အား ကိုယ်တော်​မိန့်ဆို​တော်မူ​သော​အချိန်​၌ပင်​ဖြစ်စေ စကားပြော​ကောင်း​သူ​မ​ဟုတ်​ပါ​။ အကျွန်ုပ်​သည် နှုတ်​လေး​လျှာ​လေး​သော​သူ​လည်း ဖြစ်​ပါ​၏​”​ဟု ပြန်လျှောက်​လေ​၏​။

ထွက်​မြောက် 4:30

မောရှေ​အား ထာဝရဘုရား​မိန့်​တော်မူ​သော​စကား​အားလုံး​ကို အာရုန်​သည် ထို​သူ​တို့​အား ပြောကြား​၍ အစ္စရေး​လူမျိုး​တို့​၏​မျက်မှောက်​တွင် နိမိတ်လက္ခဏာ​တို့​ကို​ပြ​လေ​၏​။

ထွက်​မြောက် 4:31

ထာဝရဘုရား​သည် အစ္စရေး​အမျိုးသား​တို့​ကို ကြည့်ရှု​တော်မူ​ကြောင်း​၊ သူ​တို့​ခံရ​သည့်​ဖိစီးနှိပ်စက်မှု​ကို သိမြင်​တော်မူ​ကြောင်း အစ္စရေး​လူမျိုး​တို့ ကြားသိ​ရ​သောအခါ ယုံကြည်​၍ ဦးညွှတ်​လျက် ရှိခိုးကိုးကွယ်​ကြ​၏​။

ထွက်​မြောက် 6:12

မောရှေ​က “​အစ္စရေး​အမျိုးသား​များ​ပင် အကျွန်ုပ်​စကား​ကို​နား​မ​ထောင်​လျှင် ဖာရော​မင်းကြီး​သည် နှုတ်​လေး​သော​သူ အကျွန်ုပ်​၏​စကား​ကို မည်သို့​နားထောင်​ပါ​မည်နည်း​”​ဟု ထာဝရဘုရား​၏​ရှေ့​တော်​၌ ပြန်လျှောက်​လေ​၏​။

ထွက်​မြောက် 6:30

မောရှေ​က “​အကျွန်ုပ်​သည် နှုတ်​လေး​သော​သူ​ဖြစ်၍ ဖာရော​မင်းကြီး​သည် အကျွန်ုပ်​၏​စကား​ကို မည်သို့​နားထောင်​ပါ​မည်နည်း​”​ဟု ထာဝရဘုရား​၏​ရှေ့​တော်​၌​ပြန်လျှောက်​၏​။

ယေ​ရ​မိ 1:6

ငါ​က​လည်း “​အို​၊ ဘုရားရှင်​ထာဝရဘုရား အကျွန်ုပ်​သည် သူငယ်​သာ​ဖြစ်၍ မ​ပြော​မ​ဆို​တတ်​ပါ​”​ဟု ပြန်လျှောက်​၏​။

ယေ​ဇ​ကျေ​လ 3:14

ထိုသို့ ဝိညာဉ်​တော်​က ငါ့​ကို​ချီဆောင်​သွား​သောအခါ ငါ​သည် ပူပန်စိတ်​လောင်မြိုက်​လျက် လိုက်ပါ​သွား​၏​။ ထာဝရဘုရား​၏​လက်​တော်​သည် ငါ့​အပေါ်​အားကြီး​စွာ​တည်​လျက်​ရှိ​၏​။

တမန်တော်ဝတ္ထု 7:25

မောရှေ​က သူ့​လက်​ဖြင့် သူ​၏​ညီအစ်ကို​တို့​အား လွတ်မြောက်​ခြင်း​ကို ဘုရားသခင်​ပေး​တော်မူ​မည်​ဖြစ်​ကြောင်း သူ​တို့​နားလည်​ကြ​လိမ့်မည်​ဟု ထင်​ခဲ့​သော်လည်း သူ​တို့​သည်​နား​မ​လည်​ခဲ့​ကြ​ပေ။

သူ​ကြီး 6:17

သူ​က​လည်း “​အကျွန်ုပ်​သည် ကိုယ်တော်​၏​ရှေ့​တော်​၌ မျက်နှာရ​မည်​ဆိုလျှင် အကျွန်ုပ်​နှင့်​စကားပြော​တော်မူ​သော​သူ​သည် ကိုယ်တော်​ဖြစ်ကြောင်း အမှတ်လက္ခဏာ​ပြ​တော်မူ​ပါ​။