ထွက်​မြောက် 33:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ မောရှေ​သည် တဲ​တော်​ထဲသို့​ဝင်သွား​သောအခါ မိုးတိမ်​တိုင်​သည်​ဆင်းလာ​၍ တဲ​တော်​အဝင်ဝ​၌ တည်​နေ​၏​။ ထို့နောက် ထာဝရဘုရား​သည် မောရှေ​နှင့်​စကားပြော​တော်မူ​၏​။

Common Language Bible

⁹ မော​ရှေ​တဲ​တော်​ထဲ​သို့​ဝင်​သော​အ​ခါ၊ မိုး တိမ်​တိုက်​သည်​ဆင်း​သက်​လာ​၍၊ တဲ​ဝ​တွင် ရပ်​တန့်​လျက်​နေ​၏။ ထာ​ဝ​ရ​ဘု​ရား​သည် တိမ်​တိုက်​ထဲ​မှ​မော​ရှေ​အား​မိန့်​ကြား တော်​မူ​၏။-

Garrad Bible

⁹ တဲ တော် တွင်း သို့ မော ရှေ ဝင် ရာ တိမ် တိုင် သက် ရောက်၍ တဲ တော် မုတ် ဝ၌ တည် လျက် မော ရှေ အား မိန့် မြွက် တော် မူ ၏။

Judson Bible

⁹ မော​ရှေ​သည် တဲ​တော်​အ​ထဲ​သို့​ဝင်​ပြီး​မှ၊ မိုး​တိမ်​တိုင်​ဆင်း​သက်၍ တဲ​တော်​တံ​ခါး​ဝ၌​ရပ်​သ​ဖြင့်၊ ထာ​ဝ​ရ​ဘု​ရား​သည် မော​ရှေ​နှင့် နှုတ်​ဆက်​တော်​မူ၏။

ထွက်​မြောက် 33:9 Referencias Cruzadas

ကမ္ဘာ​ဦး 17:22

ဘုရားသခင်​သည် အာဗြဟံ​နှင့်​စကားပြော​တော်မူ​ပြီးနောက် သူ့​ထံမှ အထက်​သို့​တက်သွား​တော်မူ​၏​။

ကမ္ဘာ​ဦး 18:33

ထာဝရဘုရား​သည် အာဗြဟံ​နှင့်​စကားပြော​တော်မူ​ပြီး​သောအခါ ကြွသွား​တော်မူ​၏​။ အာဗြဟံ​သည်​လည်း မိမိ​နေရပ်​သို့​ပြန်သွား​လေ​၏​။

ဆာ​လံ 99:7

ကိုယ်တော်​သည် သူ​တို့​ကို မိုးတိမ်​တိုင်​ထဲမှ မြွက်ဆို​တော်မူ​၏​။ သူ​တို့​သည် ကိုယ်တော်​၏ သက်သေခံချက်​များ​ကို​လည်းကောင်း​၊ သူ​တို့​အား ကိုယ်တော်​ပေး​တော်မူ​သော ပြဋ္ဌာန်းချက်​ကို​လည်းကောင်း စောင့်ထိန်း​ကြ​၏​။

ထွက်​မြောက် 25:22

ငါ​သည် ထို​နေရာ​၌ သင်​နှင့်​တွေ့ဆုံ​မည်​။ သက်သေခံချက်​သေတ္တာ​တော်​ပေါ်​ရှိ ခေရုဗိမ်​နှစ်​ပါး​အကြား ကရုဏာ​တော်​ပလ္လင်​အထက်​မှ​နေ​၍ အစ္စရေး​အမျိုးသား​တို့​အား ဆင့်ဆို​ရ​မည့်​စကား​အလုံးစုံ​ကို ငါ​မှာကြား​မည်​။

ထွက်​မြောက် 31:18

ဤသို့ သိနာ​တောင်​ပေါ်၌ ဘုရားသခင်​သည် မောရှေ​အား မိန့်ဆို​တော်မူ​ပြီးနောက် လက်ချောင်း​တော်​ဖြင့် အက္ခရာတင်​ထား​သော​သက်သေခံချက်​ကျောက်ပြား​နှစ်​ချပ်​ကို သူ့​အား ပေးအပ်​တော်မူ​၏​။

ထွက်​မြောက် 33:10

တဲ​တော်​အဝင်ဝ​၌​တည်​နေ​သော မိုးတိမ်​တိုင်​ကို မြင်​သည်​နှင့် လူ​အပေါင်း​တို့​သည် မိမိ​တဲ​အဝင်ဝ​၌ ရှိခိုးကိုးကွယ်​ကြ​လေ​၏​။

ထွက်​မြောက် 33:11

ထာဝရဘုရား​သည် မိတ်ဆွေချင်း​စကားပြော​သကဲ့သို့ မောရှေ​နှင့် မျက်နှာချင်းဆိုင်​စကားပြော​တော်မူ​၏​။ ထို့နောက် မောရှေ​သည် တပ်စခန်း​သို့ ပြန်လာ​၏​။ သူ​၏​လက်ထောက်​လူငယ်​တစ်​ဦး​ဖြစ်​သည့် နုန်​၏​သား​ယောရှု​မူကား တဲ​တော်​ထဲမှ မ​ထွက်​ဘဲ​နေရစ်​ခဲ့​၏​။

ထွက်​မြောက် 33:8

မောရှေ​သည် တဲ​တော်​သို့ သွား​သောအခါ လူ​အပေါင်း​တို့​သည်​ထ​၍ မိမိ​တို့​၏​တဲ​အဝင်ဝ​တွင် အသီးသီး​ရပ်​လျက် တဲ​တော်​ထဲသို့ မောရှေ​ဝင်သွား​သည့်​တိုင်အောင် သူ​၏​နောက်မှ ကြည့်​နေ​ကြ​၏​။

ထွက်​မြောက် 34:3

သင်​နှင့်အတူ မည်သူ​တစ်ဦးတစ်ယောက်​မျှ တက်​မ​လာ​ရ​။ တောင်​တစ်တောင်လုံး​၌ မည်သူ​တစ်ဦးတစ်ယောက်​ကို​မျှ မ​တွေ့​ရ​စေ​နှင့်​။ သိုးအုပ်​၊ နွားအုပ်​တို့​ကို​လည်း ဤ​တောင်​အရှေ့ဘက်​၌ မ​ထိန်းကျောင်း​ရ​”​ဟု မိန့်​တော်မူ​၏​။

ထွက်​မြောက် 34:5

ထိုအခါ ထာဝရဘုရား​သည် မိုးတိမ်​ဖြင့် ဆင်းသက်​တော်မူ​၍ ထို​အရပ်​၌ သူ​နှင့်အတူ​ရပ်​လျက် ထာဝရဘုရား​ဟူသော​နာမ​တော်​ကို ထုတ်ဖော်​ပြသ​တော်မူ​၏​။

ထွက်​မြောက် 34:9

“​အို ဘုရားရှင်​၊ အကျွန်ုပ်​သည် ကိုယ်တော်​၏​ရှေ့​တော်​၌ မျက်နှာရ​လျှင် အကျွန်ုပ်​တို့​နှင့်အတူ ဘုရားရှင်​ကြွ​တော်မူ​ပါ​။ အကယ်စင်စစ် ဤ​သူ​တို့​သည် ခေါင်းမာ​သော​လူမျိုး​ဖြစ်​ပါ​၏​။ သို့သော် အကျွန်ုပ်​တို့​၏​ဒုစရိုက်​အပြစ်​တို့​ကို ဖြေလွှတ်​လျက် အကျွန်ုပ်​တို့​ကို အမွေ​တော်​အဖြစ်​သိမ်းယူ​တော်မူ​ပါ​”​ဟု လျှောက်​လေ​၏​။

ယေ​ဇ​ကျေ​လ 3:22

ထို​အရပ်​တွင် ထာဝရဘုရား​၏​လက်​တော်​သည် ငါ့​အပေါ်​၌​တည်​၍ “​လွင်ပြင်​သို့ ထ​သွား​လော့​။ ထို​နေရာ​တွင် သင့်​ကို ငါ​စကားပြော​မည်​”​ဟု မိန့်​တော်မူ​၏​။

တော​လည် 11:17

ငါ​ဆင်းလာ​၍ ထို​နေရာ​၌ သင်​နှင့်​စကားပြော​မည်​။ ငါ​သည် သင်​၌​ရှိ​သည့်​ဝိညာဉ်​တော်​ကို​နုတ်ယူ​၍ ထို​သူ​တို့​ထဲသို့ သွင်းပေး​မည်​။ သူ​တို့​သည် သင်​နှင့်အတူ ထို​လူမျိုး​၏​ဝန်​ကို ထမ်း​ကြ​ရ​လိမ့်မည်​။ သို့ဖြစ်၍ သင်​တစ်ယောက်တည်း ထမ်း​ရ​တော့​မည်​မ​ဟုတ်​။

တော​လည် 7:89

မောရှေ​သည် ထာဝရဘုရား​နှင့်​စကားပြော​ရန် တွေ့ဆုံစည်းဝေးရာ​တဲ​တော်​ထဲသို့​ဝင်​သောအခါ သက်သေခံချက်​သေတ္တာ​တော်​ပေါ်ရှိ ကရုဏာ​တော်​ပလ္လင်​အထက် ခေရုဗိမ်​နှစ်​ပါး​အကြား​မှ သူ့​အား ပြော​သော​စကားသံ​ကို ကြား​ရ​၏​။ ထာဝရဘုရား​သည် သူ​နှင့်​စကားပြော​တော်မူ​၏​။

တ​ရား​ဟော 31:14

ထို့နောက် ထာဝရဘုရား​က မောရှေ​အား “​ကြည့်ရှု​လော့​။ သင်​သေ​ရ​မည့်​အချိန်​နီး​ပြီ​။ ယောရှု​အား ငါ​တာဝန်ပေးအပ်​မည်​ဖြစ်၍ သူ့​ကို​ခေါ်​ပြီး တွေ့ဆုံစည်းဝေးရာ​တဲ​တော်​၌ ရပ်​နေ​ကြ​လော့​”​ဟု မိန့်​တော်မူ​၏​။ ထို့ကြောင့် မောရှေ​နှင့်​ယောရှု​တို့​သွား​၍ တွေ့ဆုံစည်းဝေးရာ​တဲ​တော်​၌​ရပ်​နေ​ကြ​၏​။

တ​ရား​ဟော 31:15

ထိုအခါ ထာဝရဘုရား​သည် တဲ​တော်​တွင် မိုးတိမ်​တိုင်​အားဖြင့်​ထင်ရှား​တော်မူ​၍ မိုးတိမ်​တိုင်​သည် တဲ​တော်​အဝင်ဝ​အထက်​၌ တည်​နေ​လေ​၏​။