ထွက်​မြောက် 33:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ထိုအခါ ကိုယ်တော်​က “​ငါ​ကိုယ်တိုင်​ကြွ​မည်​။ သင့်​ကို သက်သာ​ခွင့်​ပေး​မည်​”​ဟု မိန့်​တော်မူ​၏​။

Common Language Bible

¹⁴ ထို​အ​ခါ​ထာ​ဝ​ရ​ဘု​ရား​က``ငါ​သည်​သင် နှင့်​အ​တူ​ကြွ​သွား​၍၊ သင့်​အား​အောင်​မြင် ခွင့်​ပေး​မည်'' ဟု​မိန့်​တော်​မူ​၏။

Garrad Bible

¹⁴ ငါ ကိုယ် တိုင် ကြွ သွား၍ နား နေ ခွင့် ရှိ စေ မည် ဟု မိန့် တော် မူ ၏။

Judson Bible

¹⁴ ငါ​ကိုယ်​တိုင်​သွား၍ ငြိမ်​ဝပ်​ခြင်း​ချမ်း​သာ​ကို​ပေး​မည်​ဟု မိန့်​တော်​မူ၏။

ထွက်​မြောက် 33:14 Referencias Cruzadas

ယောဘဝတ္တု။ 34:29

ကိုယ်တော်​နှုတ်ဆိတ်​နေ​လျှင် မည်သူ​အပြစ်တင်​ဝံ့​မည်နည်း​။ ကိုယ်တော်​မျက်နှာလွှဲ​တော်မူ​လျှင် လူမျိုး​တစ်​မျိုး​ဖြစ်စေ​၊ လူ​တစ်ဦးချင်း​ဖြစ်စေ မည်သူ​မြင်​နိုင်​မည်နည်း​။

ဆာ​လံ 95:11

ထို့ကြောင့် “​သူ​တို့​သည် ငါ​၏​ငြိမ်ဝပ်​ရာ​ချမ်းသာ​ထဲသို့ ဝင်​ရ​ကြ​မည်​မ​ဟုတ်​”​ဟု အမျက်​တော်​ဖြင့် ငါ​ကျိန်ဆို​၏​။

ထွက်​မြောက် 13:21

နေ့အချိန်​၌​ဖြစ်စေ​၊ ညအချိန်​၌​ဖြစ်စေ ခရီးသွား​နိုင်​မည့်​အကြောင်း ထာဝရဘုရား​သည် လမ်းခရီး​တွင် သူ​တို့​ကို​ပို့ဆောင်​ရန် နေ့အချိန်​၌ မိုးတိမ်​တိုင်​အဖြစ်​လည်းကောင်း​၊ ညအချိန်​၌ သူ​တို့​ကို​အလင်းပေး​ရန် မီး​တိုင်​အဖြစ်​လည်းကောင်း သူ​တို့​၏​ရှေ့​မှ ကြွ​တော်မူ​၏​။

ထွက်​မြောက် 3:12

ဘုရားသခင်​က “​အကယ်စင်စစ် သင်​နှင့်အတူ​ငါ​ရှိ​မည်​။ သင်​သည် အစ္စရေး​လူမျိုး​တို့​ကို အီဂျစ်​ပြည်​မှ​ထုတ်ဆောင်​လာ​ပြီးလျှင် ဤ​တောင်​ပေါ်၌ သင်​တို့​သည် ဘုရားသခင်​ကို ဝတ်ပြု​ရ​ကြ​လိမ့်မည်​။ ဤသည်ကား သင့်​ကို ငါ​စေလွှတ်​ကြောင်း လက္ခဏာသက်သေ​ဖြစ်​သည်​”​ဟု မိန့်​တော်မူ​၏​။

ဟေ​ရှာ​ယ 63:9

သူ​တို့​ခံရ​သမျှ​သော​ဆင်းရဲဒုက္ခ​ကို ကိုယ်တော်​လည်း ခံ​တော်မူ​ခဲ့​၏​။ မျက်မှောက်​တော်​ရှိ ကောင်းကင်တမန်​သည် သူ​တို့​ကို ကယ်တင်​ခဲ့​၏​။ ကိုယ်တော်​သည် မေတ္တာ​ကရုဏာ​တော်​ဖြင့် သူ​တို့​ကို ရွေးနုတ်​တော်မူ​ခဲ့​၏​။ ရှေး​ကာလ​ပတ်လုံး သူ​တို့​ကို​ချီ​ဆောင်​တော်မူ​ခဲ့​၏​။

ယေ​ရ​မိ 31:2

တစ်ဖန် ထာဝရဘုရား​က “​ဓားဘေး​မှ​အသက်ရှင်​ကျန်ရစ်​သော​သူ​တို့​သည် တောကန္တာရ​၌ ကျေးဇူး​တော်​ခံစား​ရ​ပြီ​။ အစ္စရေး​လူမျိုး​တို့​သည် ငြိမ်ဝပ်ချမ်းသာရာ​သို့ ချီ​လေ​ပြီ​”​ဟု မိန့်​တော်မူ​၏​။

ယေ​ရ​မိ 6:16

ထာဝရဘုရား​က “​လမ်း​များ​၌​ရပ်​၍ ကြည့်​ကြ​လော့​။ ရှေးလမ်းဟောင်း​ကို ရှာဖွေ​လျက် ကောင်း​သော​လမ်း​အဘယ်မှာ​ရှိ​သနည်း​ဟု မေးမြန်း​၍ ထို​လမ်း​ကို​လိုက်​လျှင် သင်​တို့​၏​စိတ်ဝိညာဉ် သက်သာ​ရာ​ရ​လိမ့်မည်​။ သို့သော် သူ​တို့​က ‘​ထို​လမ်း​သို့ ငါ​တို့​မ​လိုက်​’​ဟု ဆို​ကြ​၏​။

ဒံ​ယေ​လ 12:13

သင်​မူကား အဆုံး​တိုင်အောင် ဆက်လျှောက်​လော့​။ သင်​သည် ငြိမ်းချမ်း​စွာ​နေ​ရ​မည်​။ နောက်ဆုံး​သော​နေ့ရက်​ကာလ​၌ သင်​သည် ရပ်​၍ အမွေ​ဝေစု​ကို​ခံယူ​ရ​လိမ့်မည်​”​ဟု ငါ့​အား ဆို​၏​။

မဿဲ 11:28

ဝန်လေး​၍​ပင်ပန်း​သော​သူ​အပေါင်း​တို့၊ ငါ့​ထံသို့​လာ​ကြ​လော့။ ငါ​သည် သင်​တို့​အား​ငြိမ်သက်​ချမ်းသာ​မှု​ကို​ပေး​မည်။

မဿဲ 28:20

သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

တ​ရား​ဟော 12:10

ဂျော်ဒန်​မြစ်​ကို​ကူး​၍ သင်​တို့​အား သင်​တို့​၏​ဘုရားသခင်​ထာဝရဘုရား အမွေ​အဖြစ်​ပေး​တော်မူ​သော​ပြည်​၌ သင်​တို့​နေထိုင်​ရ​မည်​။ ကိုယ်တော်​သည် သင်​တို့​ပတ်ပတ်လည်​ရှိ ရန်သူ​အပေါင်း​တို့​ဘေး​မှ ကင်းဝေး​စေ​တော်မူ​သဖြင့် သင်​တို့​လုံခြုံ​စွာ​နေ​ရ​လိမ့်မည်​။

တ​ရား​ဟော 25:19

သို့ဖြစ်၍ သင်​၏​ဘုရားသခင်​ထာဝရဘုရား သင့်​အား အမွေ​အဖြစ် အပိုင်​ပေး​တော်မူ​သော​ပြည်​၌ သင်​၏​ဘုရားသခင်​ထာဝရဘုရား​သည် သင်​တို့​ပတ်ပတ်လည်​ရှိ ရန်သူ​အပေါင်း​တို့​ဘေး​မှ ကင်းဝေး​စေ​တော်မူ​သောအခါ အာမလက်​လူမျိုး​တို့​နှင့်ဆိုင်သော​အမှတ်ရစရာ​အား မိုးကောင်းကင်​အောက်​မှ ပျောက်ပျက်​စေ​ရ​မည်​ကို မ​မေ့လျော့​နှင့်​။

တ​ရား​ဟော 3:20

ထာဝရဘုရား​သည် သင်​တို့​ကဲ့သို့ သင်​တို့​၏​အမျိုးသားချင်း​တို့​ကို အေးအေးချမ်းချမ်း​နေထိုင်​ရ​သော​အခွင့်​ပေး​၍ သူ​တို့​အား ဂျော်ဒန်​မြစ်​တစ်ဖက်​၌ သင်​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​ကို ပိုင်ဆိုင်​ပြီးမှ သင်​တို့​အား ငါ​အပိုင်​ပေး​သော​ပြည်​အသီးသီး​သို့ သင်​တို့​ပြန်လာ​ခွင့်​ရှိ​၏​’​ဟု ဆို​ခဲ့​၏​။

တ​ရား​ဟော 31:8

ထာဝရဘုရား ကိုယ်တော်တိုင် သင့်​ရှေ့​မှ ကြွ​တော်မူ​မည်​။ သင်​နှင့်အတူ​ရှိ​မည်​။ သင့်​ကို ပစ်ထား​တော်မူ​မည်​မ​ဟုတ်​။ သင့်​ကို စွန့်ပစ်​တော်မူ​မည်​မ​ဟုတ်​။ မ​ကြောက်​နှင့်​။ စိတ်​မ​ပျက်​နှင့်​”​ဟု ပြောကြား​၏​။

တ​ရား​ဟော 4:37

ကိုယ်တော်​သည် သင်​တို့​၏​ဘိုးဘေး​တို့​ကို​ချစ်​တော်မူ​သောကြောင့် သူ​တို့​၏​သားစဉ်မြေးဆက်​ဖြစ်​သော​သင်​တို့​အား ရွေးချယ်​တော်မူ​၍ ကြီးမား​သော​တန်ခိုး​တော်​ဖြင့် အီဂျစ်​ပြည်​မှ သင်​တို့​ကို ထုတ်ဆောင်​တော်မူ​ခဲ့​၏​။

ယော​ရှု 1:5

သင်​အသက်ရှင်​သမျှ​ကာလ​ပတ်လုံး သင့်​ရှေ့​၌ မည်သူ​မျှ​ခုခံရပ်တည်​နိုင်​မည်​မ​ဟုတ်​။ ငါ​သည် မောရှေ​နှင့်အတူ​ရှိ​သကဲ့သို့ သင်​နှင့်အတူ​ရှိ​မည်​။ သင့်​ကို​ငါ​ပစ်​ထား​မည်​မ​ဟုတ်​၊ စွန့်ပစ်​မည်​မ​ဟုတ်​။

ယော​ရှု 21:44

ထာဝရဘုရား​သည် သူ​တို့​၏​ဘိုးဘေး​တို့​အား ကျိန်ဆို​ခဲ့​သည့်​အတိုင်း သူ​တို့​နေလေရာရာ​၌ အေးအေးချမ်းချမ်း​နေထိုင်​ရ​သော​အခွင့်​ကို ပေး​တော်မူ​၏​။ သူ​တို့​ရှေ့​တွင် မည်သည့်​ရန်သူ​မျှ မ​ခံရပ်​နိုင်​။ ထာဝရဘုရား​သည် သူ​တို့​၏​ရန်သူ​ရှိသမျှ​ကို သူ​တို့​လက်​သို့​အပ်​တော်မူ​၏​။

ယော​ရှု 22:4

ယခု​တွင်​သင်​တို့​၏​ဘုရားသခင်​ထာဝရဘုရား​ကတိပေး​ခဲ့​သည့်​အတိုင်း သင်​တို့​၏​ညီအစ်ကို​တို့​အား အေးအေးချမ်းချမ်း​နေထိုင်​ရ​သော​အခွင့်​ကို​ပေး​တော်မူ​ပြီ​။ ထို့ကြောင့် သင်​တို့​သည်​လည်း သင်​တို့​အား ထာဝရဘုရား​၏​အစေအပါး​မောရှေ​ပေး​ခဲ့​သည့် ဂျော်ဒန်​မြစ်​တစ်ဖက်ကမ်း​ရှိ သင်​တို့​ပိုင်ဆိုင်​ရာ​ပြည်​၊ သင်​တို့​၏​အိမ်​ရှိ​ရာ​သို့​ပြန်​သွား​ကြ​လော့​။

ယော​ရှု 23:1

ထို့နောက် ထာဝရဘုရား​သည် အစ္စရေး​လူမျိုး​အား ပတ်ဝန်းကျင်​ရှိ ရန်သူ​အပေါင်း​တို့​၏​ဘေး​မှ ကာလ​အတန်ကြာ ကင်းငြိမ်း​စေ​တော်မူ​၏​။ ယောရှု​သည်​လည်း အသက်အရွယ်​ကြီးရင့်​လာ​၏​။