ထွက်​မြောက် 32:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² အီဂျစ်​လူမျိုး​တို့​က ‘​ကိုယ်တော်​သည် တော​တောင်​များ​ထဲ၌ အစ္စရေး​လူမျိုး​တို့​ကို​ကွပ်မျက်​၍ မြေကြီး​ပေါ်​မှ​သုတ်သင်​ရန်​အတွက် မကောင်း​သော​ရည်ရွယ်ချက်​ဖြင့် ထုတ်ဆောင်​တော်မူ​ခဲ့​သည်​’​ဟု အဘယ်ကြောင့်​ပြောဆို​ကြ​ရ​မည်နည်း​။ ကိုယ်တော်​၏​ပြင်းထန်​သော​အမျက်​တော်​ပြေ​၍ ကိုယ်တော်​၏​လူမျိုး​တော်​အပေါ်​ကျရောက်​စေ​မည့်​ဘေးအန္တရာယ်​မှ စိတ်ပြောင်းလဲ​တော်မူ​ပါ​။

Common Language Bible

¹² အီ​ဂျစ်​အ​မျိုး​သား​တို့​က​ကိုယ်​တော်​ရှင်​သည် ဣ​သ​ရေ​လ​အ​မျိုး​သား​တို့​ကို​တောင်​များ ပေါ်​သို့​ခေါ်​ဆောင်​၍၊ အ​ကုန်​အ​စင်​ရှင်း​လင်း သုတ်​သင်​ပစ်​ရန်​အီ​ဂျစ်​ပြည်​မှ​ထုတ်​ဆောင် သွား​သည်​ဟူ​၍​ဆို​ဖွယ်​ရာ​အ​ကြောင်း​ရှိ စေ​ရ​ပါ​မည်​လော။ ပြင်း​ပြ​သော​အ​မျက် တော်​ကို​ပြေ​စေ​လျက်​ကိုယ်​တော်​၏​လူ​မျိုး တော်​အား​ပေး​မည့်​အ​ပြစ်​ဒဏ်​မှ​လွတ် ငြိမ်း​ချမ်း​သာ​ခွင့်​ရ​စေ​ပါ။-

Garrad Bible

¹² မ ကောင်း သင့် ရောက် ခြင်း၊ တောင် ရိုး၌ ကွပ် မျက် ခြင်း၊ မြေ ပေါ် က ကုန် ခန်း ခြင်း တိုင် အောင် ထုတ် ဆောင် တော် မူ သည် တ ကား ဟု အ ဘယ် ကြောင့် အိ ဂျစ် လူ တို့ ဆို ဖွယ် ရှိ ရ ပါ မည် နည်း။ အ မျက် တော် အ ရှိန် ကို ငြိမ်း စေ တော် မူ ပါ။ လူ မျိုး တော် အ ပေါ် တွင် ပေး လ တ္တံ့ သော ဘေး ဒဏ် မှ စိတ် ပြောင်း လဲ တော် မူ ပါ။

Judson Bible

¹² အဲ​ဂု​တ္တု​လူ​တို့​က​လည်း၊ ဘု​ရား​သ​ခင်​သည် မ​ကောင်း​သော​အ​ကြံ​ရှိ​သ​ဖြင့်၊ သူ​တို့​ကို​တော​တောင်​များ၌​သတ်၍ မြေ​ကြီး​ပေါ်​က သုတ်​သင်​ပယ်​ရှင်း​ခြင်း​အ​လို​ငှာ​သာ၊ နုတ်​ဆောင်​လေ​သည်​ဟု အ​ဘယ်​ကြောင့်​ဆို​ဖွယ်​အ​ကြောင်း ရှိ​ရ​ပါ​မည်​နည်း။ ပြင်း​စွာ​သော​အ​မျက်​တော်​ကို ပယ်​တော်​မူ​ပါ။ ကိုယ်​တော်၏​လူ​တို့၌ ဤ​သို့​အ​ပြစ်​ပေး​မည်​အ​ကြံ​ကို နောင်​တ​ရ​တော်​မူ​ပါ။

ထွက်​မြောက် 32:12 Referencias Cruzadas

ကမ္ဘာ​ဦး 6:6

ထိုအခါ ထာဝရဘုရား​သည် မြေကြီး​ပေါ်တွင် လူ​ကို​ဖန်ဆင်း​ခဲ့​သည်​ကို ဝမ်းနည်း​၍ စိတ်နှလုံး​ထိခိုက်​တော်မူ​၏​။

၃ ရာ 8:51

သူ​တို့​သည် သံ​မီးပြင်းဖို​အီဂျစ်​ပြည်​ထဲမှ ကိုယ်တော်​ခေါ်ထုတ်​တော်မူ​ခဲ့​သော ကိုယ်တော်​၏​အမွေခံ​လူမျိုး​တော်​ဖြစ်​ပါ​သည်​။

ဧ​ဇ​ရ 10:14

သို့ဖြစ်၍ အကျွန်ုပ်​တို့​၏​အကြီးအကဲ​များ​သည် လူထု​တစ်ရပ်လုံး​အတွက် တာဝန်ယူ​ပါစေ​။ တစ်ပါးအမျိုးသား​မိန်းမပျို​တို့​နှင့်​စုံဖက်​သော​သူ​အားလုံး ကိုယ့်​မြို့​ကိုယ့်​ရွာ​ရှိ​သက်ကြီးဝါကြီး​များ​၊ တရားသူကြီး​များ​နှင့်အတူ သတ်မှတ်​ထား​သော​အချိန်​တွင် လာ​၍ ဤ​ကိစ္စ​နှင့်ပတ်သက်​ပြီး အကျွန်ုပ်​တို့​၏​ဘုရားသခင် အမျက်​တော်​ပြေ​သည့်​တိုင်အောင် အစစ်ဆေး​ခံ​ပါစေ​”​ဟု ပြန်ပြော​ကြ​၏​။

ဆာ​လံ 106:45

ထိုအခါ သူ​တို့​အတွက် မိမိ​၏​ပဋိညာဉ်​တော်​ကို သတိရ​လျက် မိမိ​၏​ကြီးမား​သော မေတ္တာကရုဏာ​တော်​နှင့်အညီ စိတ်​တော်​ပြောင်းလဲ​၍

ဆာ​လံ 74:18

အို ထာဝရဘုရား​၊ ရန်သူ​သည် ကိုယ်တော့်​ကို​ကဲ့ရဲ့ပြစ်တင်​သည်​ကို​လည်းကောင်း​၊ မိုက်မဲ​သော​သူ​သည် ကိုယ်တော်​၏​နာမ​တော်​ကို မထီလေးစား​ပြု​သည်​ကို​လည်းကောင်း အောက်မေ့​တော်မူ​ပါ​။

ဆာ​လံ 78:38

သို့သော် သနားစုံမက်​တတ်​သော​ကိုယ်တော်​သည် သူ​တို့​ကို​မ​ဖျက်ဆီး​ဘဲ သူ​တို့​၏​ဒုစရိုက်​ကို​ဖြေလွှတ်​တော်မူ​၏​။ မိမိ​၏​အမျက်​တော်​ကို​လည်း အကြိမ်ကြိမ်​ချုပ်တည်း​၍ မိမိ​၏​အမျက်ဒေါသ​ကို အကုန်အစင်​နှိုးဆော်​တော်​မ​မူ​ခဲ့​ပေ​။

ဆာ​လံ 85:3

မိမိ​၏​ဒေါသ​ကို အကုန်အစင်​ရုပ်သိမ်း​၍ မိမိ​၏​ပြင်းထန်​သော​အမျက်​တော်​ကို ပြေငြိမ်း​စေ​တော်မူ​ပြီ​။

ဆာ​လံ 90:13

အို ထာဝရဘုရား​၊ ပြန်ကြွလာ​တော်မူ​ပါ​။ မည်မျှ​ကြာ​ပါ​မည်နည်း​။ ကိုယ်တော်​၏​အစေအပါး​အပေါ် သနား​ကရုဏာ​ထား​တော်မူ​ပါ​။

ထွက်​မြောက် 32:14

ထိုအခါ ထာဝရဘုရား​သည် မိမိ​လူမျိုး​တော်​အပေါ် ဘေးအန္တရာယ်​ကျရောက်​စေ​မည်​ဟု မိန့်​တော်မူ​ခဲ့​ရာ​မှ စိတ်ပြောင်းလဲ​တော်မူ​၏​။

ထွက်​မြောက် 33:13

ယခု အကျွန်ုပ်​သည် ကိုယ်တော်​၏​ရှေ့​တော်​၌ မျက်နှာရ​ပါလျှင် အကျွန်ုပ်​အား ကိုယ်တော်​၏​လမ်းခရီး​ကို သိ​စေ​တော်မူ​ပါ​။ သို့ပြုလျှင် အကျွန်ုပ်​သည် ကိုယ်တော်​ကို​သိ​မည်​ဖြစ်၍ ကိုယ်တော်​၏​ရှေ့​တော်​၌ မျက်နှာရ​ပါ​လိမ့်မည်​။ ဤ​လူမျိုး​သည် ကိုယ်တော်​၏​လူမျိုး​တော်​ဖြစ်​သည်​ကို ဆင်ခြင်​တော်မူ​ပါ​”​ဟု လျှောက်​လေ​၏​။

ဟေ​ရှာ​ယ 64:7

ကိုယ်တော်​သည် အကျွန်ုပ်​တို့​ထံမှ မျက်နှာ​တော်​ကို​လွှဲ​၍ ဒုစရိုက်​လက်​ထဲ၌ အကျွန်ုပ်​တို့​ကို နစ်မွန်း​စေ​သဖြင့် ကိုယ်တော်​၏​နာမ​တော်​ကို​ခေါ်​သော​သူ​၊ မိမိ​စိတ်​ကို နှိုးဆော်​၍ ကိုယ်တော်​ကို ဖက်တွယ်​သော​သူ​တစ်ယောက်မျှ​မ​ရှိ​။

ဟေ​ရှာ​ယ 64:8

သို့ရာတွင် အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အကျွန်ုပ်​တို့​သည် မြေစေး​ဖြစ်​၏​။ ကိုယ်တော်​သည် အိုးထိန်း​ဖြစ်​တော်မူ​၏​။ အကျွန်ုပ်​တို့​အားလုံး​သည် ကိုယ်တော်​၏​လက်​တော်​ဖြင့် ဖန်ဆင်း​ထား​သော​သူ​များ ဖြစ်​ကြ​ပါ​၏​။

ယေ​ရ​မိ 28:16

ထို့ကြောင့် ထာဝရဘုရား​က ‘​ကြည့်ရှု​လော့​။ သင်​သည် ထာဝရဘုရား​အား ပုန်ကန်​ပြောဆို​သည်​ဖြစ်၍ သင့်​ကို ကမ္ဘာမြေ​ပေါ်မှ ထွက်သွား​စေ​မည်​။ ဤ​နှစ်​တွင် သင်​သေ​ရ​မည်​’​ဟူ၍ မိန့်​တော်မူ​သည်​”​ဟု ဆို​လေ​၏​။

ယေ​ဇ​ကျေ​လ 20:14

သို့သော် သူ​တို့​အား ထုတ်ဆောင်​လာ​ခဲ့​သည်​ကို မြင်တွေ့​သော​လူမျိုးခြား​တို့​ရှေ့​တွင် ငါ့​နာမ​ရှုတ်ချ​မ​ခံရ​ရန်​အတွက် ငါ​ပြု​ခဲ့​၏​။

ယေ​ဇ​ကျေ​လ 20:22

သို့သော် သူ​တို့​အား ထုတ်ဆောင်​လာ​ခဲ့​သည်​ကို မြင်တွေ့​သော လူမျိုးခြား​တို့​ရှေ့​တွင် ငါ့​နာမ​ရှုတ်ချ​မ​ခံရ​ရန်​အတွက် ငါ​ပြု​ခဲ့​၏​။ သူ​တို့​ကို ငါ​မ​ဆုံးမ​ခဲ့​။

ယေ​ဇ​ကျေ​လ 20:9

သို့သော် သူ​တို့​နေထိုင်​ရာ​လူမျိုးခြား​တို့​အလယ်​တွင် ငါ့​နာမ​ရှုတ်ချ​မ​ခံရ​ရန်​အတွက် ငါ​ပြု​ခဲ့​၏​။ သူ​တို့​ကို အီဂျစ်​ပြည်​မှ​ထုတ်ဆောင်​လာ​သောအခါ ငါ​သည် ထာဝရဘုရား​ဖြစ်ကြောင်း​ကို လူမျိုးခြား​တို့​အား သိ​စေ​ခဲ့​၏​။

ယော​လ 2:17

ထာဝရဘုရား​၏​အမှု​တော်​ဆောင် ယဇ်ပုရောဟိတ်​တို့​သည် ဆင်ဝင်ပေါက်​နှင့်​ယဇ်ပလ္လင်​ကြား​တွင် ငိုကြွေး​လျက် “​အို ထာဝရဘုရား​၊ ကိုယ်တော်​၏​လူမျိုး​တော်​ကို သနား​တော်မူ​ပါ​။ ကိုယ်တော်​၏​အမွေ​တော်​ကို လူမျိုးခြား​တို့​အလယ်​တွင် ကဲ့ရဲ့စရာ​၊ ပုံခိုင်းစရာ​ဖြစ်​အောင် ပြု​တော်​မ​မူ​ပါ​နှင့်​။ လူမျိုးခြား​တို့​က ‘သူ​တို့​၏​ဘုရားသခင်​သည် အဘယ်မှာ​ရှိ​သနည်း’​ဟူ၍ လူမျိုးတကာ​၏​အလယ်​တွင် အဘယ်ကြောင့် ဆို​ရ​ပါ​မည်နည်း​”​ဟု လျှောက်​ကြ​စေ​။

အာ​မုတ် 7:3

ထိုအခါ ထာဝရဘုရား​သည် ဤ​အမှု​အတွက် စိတ်​တော်​ပြောင်း​၍ “​ထိုသို့ မ​ဖြစ်စေ​တော့”​ဟု မိန့်​တော်မူ​၏​။

အာ​မုတ် 7:6

ထိုအခါ ထာဝရဘုရား​သည် ဤ​အမှု​အတွက် စိတ်​တော်​ပြောင်း​၍ “​ထိုသို့ မ​ဖြစ်စေ​တော့”​ဟု မိန့်​တော်မူ​၏​။

ယော​န 3:9

သို့ပြုလျှင် ဘုရားသခင်​သည် ငါ​တို့​ကို မ​ဖျက်ဆီး​ဘဲ စိတ်​တော်​ပြောင်းလဲ​၍ အမျက်​တော်​ပြေ​မည်​၊ မ​ပြေ​မည်​ကို မည်သူ​သိ​နိုင်​မည်နည်း”​ဟူ၍ ဖြစ်​၏​။

ဇာ​ခ​ရိ 8:14

ကောင်းကင်​ဗိုလ်ခြေ​အရှင်​ထာဝရဘုရား​က ‘သင်​တို့​၏​ဘိုးဘေး​တို့​အား အမျက်ထွက်​ခဲ့​စဉ်အခါ​က သင်​တို့​အပေါ်​သို့ ဘေးဆိုး​ကို ကျရောက်​စေ​မည်​ဟု ငါ​ကောင်းကင်​ဗိုလ်ခြေ​အရှင်​ထာဝရဘုရား စိတ်ပိုင်းဖြတ်​ခဲ့​သည့်​အတိုင်း စိတ်ပြောင်းလဲ​မည်​မ​ဟုတ်​။

တော​လည် 14:19

ကိုယ်တော်​၏​မေတ္တာကရုဏာ​တော်​ကြီးမြတ်​သည်​နှင့်အမျှ ကိုယ်တော်​သည် ဤ​လူမျိုး​ကို အီဂျစ်​ပြည်​က​ထွက်​သော​နေ့​မှစ၍ ယခု​တိုင်အောင် ခွင့်လွှတ်​တော်မူ​ခဲ့​သည့်​နည်းတူ ဤ​လူမျိုး​၏​အပြစ်​ကို ဖြေလွှတ်​တော်မူ​ပါ​”​ဟု လျှောက်ဆို​လေ​၏​။

တော​လည် 16:21

“​ဤ​လူထု​အပေါင်း​တို့​နှင့် ခွဲ​နေ​လော့​။ သူ​တို့​ကို ယခုချက်ချင်း ငါ​ဖျက်ဆီး​မည်​”​ဟု မိန့်​တော်မူ​၏​။

တ​ရား​ဟော 13:17

ထာဝရဘုရား​၏​ပြင်းထန်​သော​အမျက်​တော်​သည်​ပြေ​၍ သင့်​ကို သနားစုံမက်​တော်မူ​မည့်​အကြောင်း​၊ သင့်​ကို သနားစုံမက်​၍ သင်​၏​ဘိုးဘေး​တို့​အား ကျိန်ဆို​တော်မူ​ခဲ့​သည့်​အတိုင်း သင့်​ကို​တိုးပွား​စေ​တော်မူ​မည့်​အကြောင်း သင်​သည် ကျိန်​ခြင်း​ခံရ​သော​အရာ​တစ်စုံတစ်ခု​ကို​မျှ သင်​၏​လက်​ထဲ၌ မ​ထား​ရ​။

တ​ရား​ဟော 32:36

ထာဝရဘုရား​သည် မိမိ​လူမျိုး​တော်​တို့ ခွန်အား​ကုန်ခန်း​၍ အချုပ်အနှောင်​ခံရ​သော​သူ​နှင့် လွတ်လပ်​သော​သူ​ပါ တစ်ယောက်​မျှ​မ​ကျန်​တော့​သည်​ကို မြင်​သောအခါ မိမိ​လူမျိုး​တော်​အတွက် တရားစီရင်​တော်မူ​မည်​။ မိမိ​အစေအပါး​တို့​ကို သနား​တော်မူ​မည်​။

တ​ရား​ဟော 9:28

သို့မဟုတ်လျှင် အကျွန်ုပ်​တို့​ကို ကိုယ်တော်​ထုတ်ဆောင်​လာ​ခဲ့​သည့်​ပြည်​မှ လူ​တို့​က “ထာဝရဘုရား​သည် သူ​တို့​အား ကတိထား​သည့်​ပြည်​သို့ ပို့ဆောင်​ရန်​မ​တတ်နိုင်​သောကြောင့်​၊ သူ​တို့​ကို​မုန်းတီး​သောကြောင့် တောကန္တာရ​ထဲ၌ သူ​တို့​ကို​ကွပ်မျက်​ရန် ထုတ်ဆောင်​တော်မူ​ခဲ့​၏”​ဟု ဆို​ကြ​ပါ​လိမ့်မည်​။

ယော​ရှု 7:26

ထို့နောက် သူ့​အပေါ် ကျောက်ပုံ​ကြီး​ကို ပုံ​ထား​၏​။ ထို​ကျောက်ပုံ​သည် ယနေ့​တိုင်အောင်​ရှိ​၏​။ ထိုအခါ ထာဝရဘုရား​သည် အမျက်​ပြင်းစွာ​ထွက်​ရာ​မှ ပြေ​လေ​၏​။ ထို့ကြောင့် ထို​အရပ်​၏​အမည်​ကို ယနေ့​တိုင်အောင် အာခေါ်​ချိုင့်ဝှမ်း​ဟု​မှည့်ခေါ်​လေ​၏​။

ယော​ရှု 7:9

ခါနာန်​လူမျိုး​နှင့် ခါနာန်​ပြည်သား​အပေါင်း​တို့​ကြား​လျှင် သူ​တို့​သည် အကျွန်ုပ်​တို့​ကို​ဝိုင်းရံ​ထား​ပြီး အကျွန်ုပ်​တို့​၏​အမည်​ကို မြေကြီး​ပေါ်မှ​ပယ်ဖျက်​ကြ​ပါ​လိမ့်မည်​။ ကိုယ်တော်​၏​ကြီးမြတ်​သော​နာမ​တော်​အဖို့ မည်သို့​ပြု​တော်မူ​မည်နည်း​”​ဟု လျှောက်ဆို​လေ​၏​။

၁ ရာ 12:22

ထာဝရဘုရား​သည် ကြီးမြတ်​သော​နာမ​တော်​ကို ထောက်​၍ မိမိ​၏​လူမျိုး​တော်​ကို စွန့်ပစ်​မည်​မ​ဟုတ်​။ အကြောင်းမူကား ထာဝရဘုရား​သည် သင်​တို့​ကို မိမိ​လူမျိုး​တော်​ဖြစ်​စေဖို့ အလိုရှိ​တော်မူ​၏​။