ထွက်​မြောက် 29:41 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴¹ နောက်​သိုးသငယ်​တစ်​ကောင်​ကို နေဝင်ချိန်​၌ ပူဇော်​ရ​မည်​။ ၎င်း​ကို နံနက်အချိန်​ဘောဇဉ်ပူဇော်သက္ကာ​ကဲ့သို့​လည်းကောင်း​၊ သွန်းလောင်းရာပူဇော်သက္ကာ​ကဲ့သို့​လည်းကောင်း မီး​ဖြင့်​ပူဇော်​သော​မွှေးကြိုင်​သည့်​ရနံ့​အဖြစ် ထာဝရဘုရား​အား ပူဇော်​ရ​မည်​။

Common Language Bible

⁴¹ ည​နေ​တွင်​ဒု​တိ​ယ​သိုး​ကို​ပူ​ဇော်​လော့။ နံ နက်​တွင်​ပူ​ဇော်​သော​မုန့်​ညက်၊ သံ​လွင်​ဆီ၊ စ​ပျစ် ရည်​အ​ခြင်​အ​တွယ်​အ​တိုင်း၊ ည​နေ​၌​လည်း ပူ​ဇော်​လော့။ ဤ​သည်​ကား​ငါ​ထာ​ဝ​ရ​ဘု​ရား နှစ်​သက်​တော်​မူ​သော​မွှေး​ကြိုင်​သည့်​ပူ​ဇော် သ​ကာ​ဖြစ်​၏။-

Garrad Bible

⁴¹ ကျန် သိုး သား ငယ် ကို ကား စိတ် တော် ပြေ ဖွယ် ရ နံ့၊ မီး ပူ ဇော် ရာ အ ဖြစ်၊ နံ နက် ဘော ဇဉ် သ က္ကာ နှင့် သွန်း လောင်း ရာ သ က္ကာ ပါ သည့် နည်း တူ ညဉ့် ဦး ယံ၌ ငါ ထာ ဝ ရ ဘု ရား ထံ ပူ ဇော် လော့။

Judson Bible

⁴¹ အ​ခြား​သော​သိုး​သ​ငယ်​ကို ညဉ့်​ဦး​ယံ၌ ပူ​ဇော်​သော​အ​ခါ၊ နံ​နက်​ယံ၌ ဘော​ဇဉ်​ပူ​ဇော်​သ​ကာ၊ သွန်း​လောင်း​ရာ ပူ​ဇော်​သ​ကာ​ပါ​သည်​နည်း​တူ​ပါ​လျက်၊ ထာ​ဝ​ရ​ဘု​ရား​အား မီး​ဖြင့်​ဆက်​ကပ်၍၊ မွှေး​ကြိုင်​သော ပူ​ဇော်​သ​ကာ​ပြု​ရ​မည်။

ထွက်​မြောက် 29:41 Referencias Cruzadas

၃ ရာ 18:29

ဤသို့ဖြင့် နေ့တစ်ဝက်​ကျိုး​လေ​၏​။ ညဦးပိုင်း​ယဇ်​ပူဇော်​ရ​မည့်​အချိန်​ထိ သူ​တို့​ပရောဖက်ပြု​နေ​ကြ​သော်လည်း တုံ့ပြန်မှု​မ​ရှိ​။ ထူးသံ​ကို မ​ကြား​ရ​။ အရေးလုပ်သူ​လည်း မ​ရှိ​။

၃ ရာ 18:36

ညဦးပိုင်း​ယဇ်​ပူဇော်​ရ​မည့်​အချိန်​ရောက်​သောအခါ ပရောဖက်​ဧလိယ​သည် ယဇ်ပလ္လင်​နား​ချဉ်းလာ​၍ “​အာဗြဟံ​၊ ဣဇက်​၊ အစ္စရေး​တို့​၏​ဘုရားသခင်​ထာဝရဘုရား​၊ ကိုယ်တော်​သည် အစ္စရေး​လူမျိုး​တွင်​ဘုရားသခင်​ဖြစ်ကြောင်း​၊ အကျွန်ုပ်​သည် ကိုယ်တော်​၏​အစေအပါး​ဖြစ်​ပြီး ကိုယ်တော်​၏​အမိန့်​တော်​ဖြင့် ဤ​အရာ​အားလုံး​ကို​ပြု​ခြင်း​ဖြစ်ကြောင်း ယနေ့ ဤ​လူ​တို့​ကို သိ​စေ​တော်မူ​ပါ​။

၄ ရာ 16:15

အာခတ်​မင်းကြီး​သည် ယဇ်ပုရောဟိတ်​ဥရိယ​အား “​ထို​ယဇ်ပလ္လင်​ကြီး​ပေါ်၌ နံနက်​မီးရှို့ရာယဇ်​နှင့် နေဝင်ချိန်​ဘောဇဉ်ပူဇော်သက္ကာ​၊ ဘုရင့်​မီးရှို့ရာယဇ်​နှင့် ဘောဇဉ်ပူဇော်သက္ကာ​၊ တိုင်းသူပြည်သား​အားလုံး​တို့​၏​မီးရှို့ရာယဇ်​နှင့် ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​စသည်​တို့​ကို ပူဇော်​ရ​မည်​။ မီးရှို့ရာယဇ်ကောင်​၏​အသွေး​နှင့် အခြား​ယဇ်ကောင်​အသွေး​ရှိသမျှ​တို့​ကို ထို​ယဇ်ပလ္လင်​ပေါ်တွင် ပက်ဖျန်း​ရ​မည်​။ ကြေးနီ​ယဇ်ပလ္လင်​မူကား ငါ​မေးလျှောက်​ရန်​အတွက် ဖြစ်​ရ​မည်​”​ဟု မိန့်မှာ​၏​။

၂ ရာ​ချုပ် 2:3

ထို့ပြင် ရှောလမုန်​မင်းကြီး​သည် တိုင်ရာ​ဘုရင်​ဟုရံ​မင်းကြီး​ထံသို့ တမန်​ကို​စေလွှတ်​၍ “​အကျွန်ုပ်​၏​ခမည်းတော် ဒါဝိဒ်​မင်းကြီး​အား သူ​စံမြန်း​ရာ​နန်းတော်​ကို​ဆောက်လုပ်​ရန်​အတွက် သစ်ကတိုးသား​များ​ကို အရှင်မင်းကြီး​ပို့ပေး​ခဲ့​သည့်​နည်းတူ အကျွန်ုပ်​ထံသို့​လည်း ပို့ပေး​ပါ​လော့​။

ဆာ​လံ 141:2

အကျွန်ုပ်​၏​ဆုတောင်းချက်​သည် ကိုယ်တော်​၏​ရှေ့​တော်​၌ နံ့သာပေါင်း​ကဲ့သို့​လည်းကောင်း​၊ အကျွန်ုပ်​လက်​ကို​မြှောက်ချီ​ခြင်း​သည် နေဝင်ချိန်​၏​ပူဇော်သက္ကာ​ကဲ့သို့​လည်းကောင်း မှတ်ယူ​ခြင်း​ခံရ​ပါစေသော​။

ထွက်​မြောက် 12:6

ထို​သိုးသငယ်​ကို ဤ​လ​တစ်ဆယ့်​လေး​ရက်​တိုင်အောင် သင်​တို့​ထံ၌ ထိန်းသိမ်းစောင့်ရှောက်​ထား​ပြီး အစ္စရေး​လူထု​အစုအဝေး​အပေါင်း​တို့​သည် နေဝင်ချိန်​၌​သတ်​၍

ထွက်​မြောက် 29:40

သိုးသငယ်​တစ်​ကောင်​ကို ညှစ်ယူ​သော​သံလွင်ဆီ​တစ်​ဟိန်​၏​လေးပုံတစ်ပုံ​နှင့်​ရော​ထား​သည့် အကောင်းဆုံး​ဂျုံမှုန့်​တစ်​ဧဖာ​၏​ဆယ်ပုံတစ်ပုံ​နှင့်​လည်းကောင်း​၊ သွန်းလောင်းရာပူဇော်သက္ကာ​အဖြစ် စပျစ်ဝိုင်​တစ်​ဟိန်​၏​လေးပုံတစ်ပုံ​နှင့်​လည်းကောင်း ပူဇော်​ရ​မည်​။

ထွက်​မြောက် 29:42

ထာဝရဘုရား​ရှေ့​တော်​၊ တွေ့ဆုံစည်းဝေးရာ​တဲ​တော်​အဝင်ဝ​၌ ငါ​သည် သင်​တို့​နှင့်​တွေ့ဆုံ​၍ သင်​နှင့်​စကားပြော​မည်​။ ထို​နေရာ​၌ ဤ​မီးရှို့ရာယဇ်​ကို သင်​တို့​မျိုးဆက်​အစဉ်အဆက် အစဉ်မပြတ်​ပူဇော်​ရ​မည်​။

ဒံ​ယေ​လ 9:21

ထိုသို့ ငါ​မြွက်ဆို​ဆုတောင်း​နေ​စဉ် ယခင် ဗျာဒိတ်နိမိတ်​တွင် ငါ​တွေ့မြင်​ခဲ့​ရ​သော ဂါဗြေလ​သည် အလျင်အမြန်​ပျံသန်း​လာ​၍ ညနေ​ပူဇော်သက္ကာ​အချိန်​တွင် ငါ့​ထံ​ရောက်လာ​၏​။