ထွက်​မြောက် 29:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ နွားထီး​၏​အသား​၊ အရေခွံ​၊ မစင်​တို့​ကို​ကား တပ်စခန်း​၏​အပြင်ဘက်​၌ မီး​ရှို့​ပစ်​ရ​မည်​။ ဤသည်ကား အပြစ်ဖြေရာယဇ်​ဖြစ်​၏​။

Common Language Bible

¹⁴ နွား​၏​အ​သား၊ သား​ရေ​နှင့်​ဝမ်း​တွင်း​သား​တို့ ကို​မူ​ကား၊ စ​ခန်း​အ​ပြင်​၌​မီး​ရှို့​ရ​မည်။ ထို ယဇ်​ပူ​ဇော်​ခြင်း​သည်​ယဇ်​ပု​ရော​ဟိတ်​များ​၏ အ​ပြစ်​ဖြေ​ရာ​ယဇ်​ဖြစ်​၏။

Garrad Bible

¹⁴ နွား ၏ အ သား၊ အ ရေ၊ အူ နု များ ကို တပ် စ ခန်း ပြင် ကျွမ်း လောင် စေ ခြင်း များ ကို ပြု လော့။ ထို နွား သည် အ ပြစ် ဖြေ ရာ သ က္ကာ ဖြစ် သ တည်း။

Judson Bible

¹⁴ နွား၏​အ​သား၊ အ​ရေ၊ ချေး​နု​ကို​ကား၊ တပ်​ပြင်​မှာ​မီး​ရှို့​ရ​မည်။ အ​ပြစ်​ဖြေ​ရာ​ယဇ်​ဖြစ်၏။

ထွက်​မြောက် 29:14 Referencias Cruzadas

၂ ရာ​ချုပ် 29:24

ထို့နောက် ယဇ်ပုရောဟိတ်​တို့​သည် ဆိတ်​တို့​ကို​သတ်​ပြီး အစ္စရေး​တစ်မျိုးလုံး​အတွက် မီးရှို့ရာယဇ်​နှင့် အပြစ်ဖြေရာယဇ်​ကို ပူဇော်​ပေး​ရန် ရှင်ဘုရင်​မိန့်မှာ​ထား​သည်​ဖြစ်​၍ ထို​ဆိတ်​တို့​၏​အသွေး​ကို အစ္စရေး​တစ်မျိုးလုံး​အတွက် အပြစ်ဖြေ​ပေး​သော​အပြစ်ဖြေ​ရာ​ယဇ်​အဖြစ် ယဇ်ပလ္လင်​ပေါ်တွင် ပူဇော်​ကြ​၏​။

ဧ​ဇ​ရ 8:35

ဖမ်းခေါ်​သွား​ခြင်း​ခံရ​သော​သုံ့ပန်း​တို့​သည် ပြန်လာ​၍ အစ္စရေး​လူမျိုး​တို့​၏​ဘုရားသခင်​ထံ မီးရှို့ရာယဇ်​ကို ပူဇော်​ကြ​၏​။ အစ္စရေး​တစ်မျိုးသားလုံး​အတွက် နွားထီး တစ်ဆယ့်​နှစ်​ကောင်​၊ သိုးထီး ကိုးဆယ့်​ခြောက်​ကောင်​၊ သိုးသငယ် ခုနစ်ဆယ့်​ခုနစ်​ကောင်​၊ အပြစ်ဖြေရာယဇ်​အတွက် ဆိတ်ထီး တစ်ဆယ့်​နှစ်​ကောင်​တို့​ကို ထာဝရဘုရား​ထံ မီးရှို့ရာယဇ်​အဖြစ်​ပူဇော်​ကြ​၏​။

ထွက်​မြောက် 30:10

အာရုန်​သည် အပြစ်ဖြေလွှတ်​ခြင်း​နှင့်ဆိုင်သော အပြစ်ဖြေရာယဇ်ကောင်​၏​သွေး​ဖြင့် ယဇ်ပလ္လင်​၏​ချို​ပေါ်၌ အပြစ်ဖြေလွှတ်​ခြင်း​ကို တစ်​နှစ်​တစ်ကြိမ်​ပြု​ရ​မည်​။ ထိုသို့​ယဇ်ပလ္လင်​ပေါ်၌ အပြစ်ဖြေလွှတ်​ခြင်း​ကို သင်​တို့​၏​မျိုးဆက်​အစဉ်အဆက် တစ်​နှစ်​တစ်ကြိမ်​ပြု​ရ​မည်​။ ယဇ်ပလ္လင်​သည် ထာဝရဘုရား​အဖို့ အထူး​သန့်ရှင်းသောအရာ​ဖြစ်​၏​”​ဟု မိန့်​တော်မူ​၏​။

ယေ​ဇ​ကျေ​လ 43:21

အပြစ်ဖြေရာယဇ်​ဖြစ်​သော​နွားထီး​ကို သန့်ရှင်းရာဌာန​အပြင်ဘက် အိမ်​တော်​၏​သတ်မှတ်​ထား​သော​နေရာ​တွင် မီးရှို့​ရ​မည်​။

ဝတ်​ပြု 16:11

အာရုန်​သည် မိမိ​အတွက် အပြစ်ဖြေရာယဇ်​အဖြစ် နွားထီး​ကို ပူဇော်​ရ​မည်​။ မိမိ​နှင့်​မိမိ​အိမ်သူအိမ်သား​အတွက် အပြစ်ဖြေလွှတ်​ခြင်း​ကို ပြု​ရ​မည်​။ မိမိ​အတွက် အပြစ်ဖြေရာယဇ်​ဖြစ်​သော​နွားထီး​ကို သတ်​ရ​မည်​။

ဝတ်​ပြု 16:27

သန့်ရှင်းရာဌာန​ထဲ၌ အပြစ်ဖြေလွှတ်​ခြင်း​ကို​ပြု​ရန် အသွေး​ယူဆောင်​သွား​ခြင်း​ခံရ​သည့် အပြစ်ဖြေရာယဇ်​ဖြစ်​သော​နွားထီး​နှင့် အပြစ်ဖြေရာယဇ်​ဖြစ်​သော​ဆိတ်သငယ်​ကို တပ်စခန်း​၏​အပြင်ဘက်​သို့ ယူဆောင်​သွား​၍ ၎င်း​တို့​၏​အရေခွံ​၊ အသား​၊ မစင်​တို့​ကို မီး​ရှို့​ပစ်​ရ​မည်​။

ဝတ်​ပြု 16:3

အာရုန်​သည် သန့်ရှင်းရာဌာန​သို့ လာ​သောအခါ သူ​သည် အပြစ်ဖြေရာယဇ်​အတွက် နွားအုပ်​ထဲမှ​နွားထီးပျို​တစ်​ကောင်​၊ မီးရှို့ရာယဇ်​အတွက် သိုးထီး​တစ်​ကောင်​ယူလာ​ရ​မည်​။

ဝတ်​ပြု 4:21

ထို​နွားထီး​ကို တပ်စခန်း​၏​အပြင်ဘက်​သို့ ယူသွား​၍ ပထမ​နွားထီး​ကို​ရှို့​သည့်​အတိုင်း ရှို့​ရ​မည်​။ ဤသည်ကား လူအစုအဝေး​အတွက်​အပြစ်ဖြေရာယဇ်​ဖြစ်​၏​။

ဝတ်​ပြု 4:25

ယဇ်ပုရောဟိတ်​သည် အပြစ်ဖြေရာယဇ်ကောင်​၏​သွေး​အချို့​ကို မိမိ​လက်ချောင်း​ဖြင့်​ယူ​၍ မီးရှို့​ရာ​ယဇ်ပလ္လင်​၏​ချို​များ​ကို သုတ်လိမ်း​ပြီးလျှင် ကျန်​သော​သွေး​ကို မီးရှို့​ရာ​ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 4:29

သူ​သည် မိမိ​လက်​ကို အပြစ်ဖြေရာယဇ်ကောင်​၏​ခေါင်း​ပေါ်၌ တင်​ရ​မည်​။ မီးရှို့ရာယဇ်ကောင်​သတ်​သော​နေရာ​၌ အပြစ်ဖြေရာယဇ်ကောင်​ကို သတ်​ရ​မည်​။

ဝတ်​ပြု 4:3

ဘိသိက်ခံ​ယဇ်ပုရောဟိတ်​သည် အပြစ်ပြု​သဖြင့် လူ​တို့​အပေါ် အပြစ်​သက်ရောက်​စေ​လျှင်​လည်းကောင်း သူ​ကျူးလွန်​သော​အပြစ်​အတွက် အပြစ်ဖြေရာယဇ်​အဖြစ် အပြစ်အနာအဆာကင်း​သည့် နွားထီးပျို​တစ်​ကောင်​ကို ထာဝရဘုရား​အား ပူဇော်​ရ​မည်​။

ဝတ်​ပြု 4:32

သူ​သည် အပြစ်ဖြေရာယဇ်​အတွက် သိုးသငယ်​ကို ပူဇော်သက္ကာ​အဖြစ် ယူဆောင်​လာ​လျှင် အပြစ်အနာအဆာကင်း​သော​အမ​ကို​ယူဆောင်​လာ​ရ​မည်​။

ဝတ်​ပြု 5:6

သူ​ကျူးလွန်​မိ​ခဲ့​သော​အပြစ်​အတွက် အပြစ်ဒဏ်ဖြေရာယဇ်​ပူဇော်​ရန် သိုးဆိတ်​တို့​ထဲမှ သိုးသငယ်အမ​ကို​ဖြစ်စေ​၊ ဆိတ်သငယ်​အမ​ကို​ဖြစ်စေ အပြစ်ဖြေရာယဇ်​အဖြစ် ထာဝရဘုရား​ထံသို့​ယူဆောင်​လာ​ရ​မည်​။ ယဇ်ပုရောဟိတ်​သည် သူ့​အတွက် အပြစ်​ဖြေလွှတ်​ခြင်း​ကို​ပြု​ပေး​ရ​မည်​။

ဝတ်​ပြု 5:8

၎င်း​တို့​ကို ယဇ်ပုရောဟိတ်​ထံသို့ ယူဆောင်​လာ​ပြီး အပြစ်ဖြေရာယဇ်​အတွက်​ဖြစ်​သော​အကောင်​ကို ဦးစွာ​ပူဇော်​ရ​မည်​။ ၎င်း​၏​ခေါင်း​ကို လည်ပင်း​မှ​ချိုး​ရ​မည်​။ သို့သော် မ​ပြတ်​စေ​ရ​။

ဝတ်​ပြု 6:25

“​အာရုန်​နှင့်​သူ​၏​သား​တို့​အား ဆင့်ဆို​လော့​။ အပြစ်ဖြေရာယဇ်​နှင့်ဆိုင်သော​တရား​ကား ဤသို့​ဖြစ်​၏​။ အပြစ်ဖြေရာယဇ်ကောင်​ကို မီးရှို့ရာယဇ်ကောင်​သတ်​သော​နေရာ​၊ ထာဝရဘုရား​ရှေ့​တော်​၌ သတ်​ရ​မည်​။ ဤ​ယဇ်​သည် အလွန်​သန့်ရှင်းသောယဇ်​ဖြစ်​၏​။

ဝတ်​ပြု 8:17

ထို​နွား​နှင့်အတူ အရေခွံ​၊ အသား​၊ မစင်​တို့​ကို​ကား တပ်စခန်း​၏​အပြင်ဘက်​၌ မီး​ရှို့​ပစ်​၏​။

ဝတ်​ပြု 9:2

အာရုန်​အား “​အပြစ်ဖြေရာယဇ်​အတွက် နွားအုပ်​ထဲမှ​နွားသငယ်​တစ်​ကောင်​နှင့် မီးရှို့ရာယဇ်​အတွက် အပြစ်အနာအဆာကင်း​သော​သိုးထီး​တစ်​ကောင်​ကို သင့်​အဖို့​ယူ​၍ ထာဝရဘုရား​ရှေ့​တော်​၌ ပူဇော်​လော့​။

မာ​လ​ခိ 2:3

“​သင့်​သားစဉ်မြေးဆက်​တို့​ကို​လည်း ငါ​ဆုံးမ​မည်​။ သင်​တို့​၏​မျက်နှာ​ကို မစင်​နှင့် ပက်​မည်​။ ယဇ်ပူဇော်ပွဲ​မှ​တိရစ္ဆာန်​တို့​၏​မစင်​နှင့် ပက်​မည်​။ သင်​တို့​သည် ထို​မစင်​နှင့်အတူ လွှင့်ပစ်​ခြင်း​ကို ခံရ​မည်​။

တော​လည် 19:5

ထို​နွားမတမ်း​ကို သူ့​ရှေ့​၌ ရှို့​စေ​ရ​မည်​။ အရေခွံ​၊ အသား​၊ သွေး​တို့​ကို မစင်​နှင့်တကွ ရှို့​ပစ်​ရ​မည်​။

တော​လည် 7:16

အပြစ်ဖြေရာယဇ်​အတွက် ဆိတ်သငယ်​အထီး​တစ်​ကောင်​၊