ထွက်​မြောက် 26:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထို့ပြင် သင်​သည် ကိန်းဝပ်​တော်မူ​ရာ​တဲ​တော်​ကို ရွက်ထည်​ဆယ်​ထည်​ဖြင့် လုပ်​ရ​မည်​။ ထို​ရွက်ထည်​တို့​သည် အပြာရောင်​ချည်​၊ ခရမ်းရောင်​ချည်​၊ အနီရောင်​ချည် တို့​ဖြင့်​ရက်လုပ်​ထား​သော​ပိတ်ချောထည်​ဖြစ်​ရ​မည်​။ ထို​ပိတ်ချောထည်​ပေါ်တွင် ခေရုဗိမ်​ရုပ်​များ​ကို လက်ရာမြောက်​စွာ ပုံဖော်​ထား​ရ​မည်​။

Common Language Bible

¹ ``ငါ​စံ​တော်​မူ​ရာ​တဲ​တော်​ကို ချည်​ချော၊ သိုး​မွေး အ​ပြာ​ရောင်၊ ခ​ရမ်း​ရောင်၊ အ​နီ​ရောင်​တို့​နှင့်​ရက် သော​ကန့်​လန့်​ကာ​ဆယ်​ခု​ဖြင့်​ပြု​လုပ်​လော့။ ထို ကန့်​လန့်​ကာ​များ​တွင် ခေ​ရု​ဗိမ်​ရုပ်​များ​ပန်း ပေါက်​ဖော်​ထား​ရ​မည်။-

Garrad Bible

¹ ပိုး လျှော် မှ စ၍ အ ပြာ အ မောင်း အ နီ ချည် များ နှင့် လက် မြောက် သူ ရက် လုပ် သော ခေ ရု​ဗ ရုပ် ပုံ ပါ၊ တင်း တိမ် ရံ ဆယ် ထည် ဖြင့် စံ ရာ တော် ကို လည်း လုပ် လော့။

Judson Bible

¹ တစ်​နည်း​ကား၊ ပြာ​သော​အ​ထည်၊ မောင်း​သော​အ​ထည်၊ နီ​သော​အ​ထည်​ဖြင့်​ပြီး​သော ခေ​ရု​ဗိမ်​အ​ရုပ်​နှင့် ချယ်​လှယ်​သော၊ ပိတ်​ချော​ကု​လား​ကာ​ဆယ်​ထည်​ဖြင့် တဲ​တော်​ကို​လုပ်​ရ​မည်။

ထွက်​မြောက် 26:1 Referencias Cruzadas

၂ ရာ 7:2

ရှင်ဘုရင်​က ပရောဖက်​နာသန်​အား “​ကြည့်​ပါ​။ ငါ​သည် သစ်ကတိုးသား​ဖြင့်​ဆောက်လုပ်​ထား​သော​နန်းတော်​တွင် နေ​ရ​၏​။ ဘုရားသခင်​၏​သေတ္တာ​တော်​မူကား ရွက်ထည်​တဲ​ဖြင့်​သာ စံနေ​ရ​ပါ​သည်​တကား​”​ဟု မိန့်ဆို​လျှင်

၃ ရာ 6:29

အိမ်​တော်​အတွင်းခန်း​၊ အပြင်ခန်း​နံရံ​ပတ်ပတ်လည်​တွင် ခေရုဗိမ်​ပုံ​၊ စွန်ပလွံပင်​ပုံ​၊ ပန်းပွင့်ပုံ​များ​ကို ပန်းပု​လက်ရာမြောက်​အောင် ထွင်းထု​ထား​၏​။

၁ ရာ​ချုပ် 17:1

ဒါဝိဒ်​မင်းကြီး​သည် မိမိ​နန်းတော်​၌ စံမြန်း​နေစဉ် ပရောဖက်​နာသန်​အား “​ကြည့်​ပါ​။ ငါ​သည် သစ်ကတိုးသား​ဖြင့်​ဆောက်လုပ်​ထား​သော​နန်းတော်​တွင် နေ​ရ​၏​။ ထာဝရဘုရား​၏​ပဋိညာဉ်​သေတ္တာ​တော်​မူကား ရွက်ထည်​တဲ​ဖြင့်​သာ စံနေ​ရ​ပါ​သည်​တကား​”​ဟု မိန့်ဆို​လျှင်

၁ ရာ​ချုပ် 21:29

ထိုစဉ်က တောကန္တာရ​တွင် မောရှေ​ဆောက်လုပ်​ခဲ့​သော ထာဝရဘုရား​၏​တဲ​တော်​နှင့်​မီးရှို့​ရာ​ယဇ်ပလ္လင်​တို့​သည် ဂိဗောင်​မြို့​ရှိ အထွတ်အမြတ်​ထား​ရာ​ကုန်းမြင့်​တွင် ရှိ​နေ​၏​။

ထွက်​မြောက် 25:18

ကရုဏာ​တော်​ပလ္လင်​၏​အစွန်း​နှစ်​ဖက်​၌ ခေရုဗိမ်​နှစ်​ပါး​ကို ရွှေ​ဖြင့်​ထုလုပ်​ထား​ရ​မည်​။

ထွက်​မြောက် 25:4

အပြာရောင်​ချည်​၊ ခရမ်းရောင်​ချည်​၊ အနီရောင်​ချည်​၊ ပိတ်ချောထည်​၊ ဆိတ်မွေး​၊

ထွက်​မြောက် 25:8

သူ​တို့​အလယ်​၌ ငါ​ကိန်းဝပ်​ဖို့​ရန် သူ​တို့​သည် ငါ့​အဖို့ သန့်ရှင်းရာဌာန​ကို​လုပ်​ကြ​စေ​။

ထွက်​မြောက် 26:2

ရွက်ထည်​တစ်ထည်စီ​၏​အလျား​သည် နှစ်ဆယ့်​ရှစ်​တောင်​၊ အနံ​သည် လေး​တောင်​ရှိ​ရ​မည်​။ ထို​ရွက်ထည်​အားလုံး​သည် အရွယ်အစား​တူ​ရ​မည်​။

ထွက်​မြောက် 26:31

အပြာရောင်​ချည်​၊ ခရမ်းရောင်​ချည်​၊ အနီရောင်​ချည် တို့​ဖြင့်​ရက်လုပ်​ထား​သော​ပိတ်ချောထည်​ပေါ်တွင် ခေရုဗိမ်​ရုပ်​ကို လက်ရာမြောက်​စွာ​ပုံဖော်​ထား​သော ကန့်လန့်ကာ​ကို လုပ်​ရ​မည်​။

ထွက်​မြောက် 26:36

တဲ​တော်​အဝင်ဝ​ကို​ကာ​ရန် အပြာရောင်​ချည်​၊ ခရမ်းရောင်​ချည်​၊ အနီရောင်​ချည် တို့​ဖြင့်​ရက်လုပ်​ထား​သော​ပိတ်ချောထည်​ပေါ်တွင် ပန်းထိုး​ထား​သော​လိုက်ကာ​ကို လုပ်​ရ​မည်​။

ထွက်​မြောက် 31:7

ထို​သူ​တို့​သည် တွေ့ဆုံစည်းဝေးရာ​တဲ​တော်​ကို​လည်းကောင်း​၊ သက်သေခံချက်​သေတ္တာ​တော်​နှင့် ထို​သေတ္တာ​တော်​ပေါ်​ရှိ ကရုဏာ​တော်​ပလ္လင်​ကို​လည်းကောင်း​၊ တဲ​တော်​၏​တန်ဆာပလာ​ရှိသမျှ​တို့​ကို​လည်းကောင်း​၊

ထွက်​မြောက် 35:11

ကိန်းဝပ်​တော်မူ​ရာ​တဲ​တော်​၊ ကိန်းဝပ်​တော်မူ​ရာ​တဲ​တော်​၏​တဲ​၊ အမိုး​၊ ချိတ်​များ​၊ ဘောင်​များ​၊ ကန့်လန့်ကျင်​များ​၊ တိုင်​များ​နှင့် တိုင်​များ​၏​အောက်ခံအစွပ်​များ​ကို​လည်းကောင်း​၊

ထွက်​မြောက် 35:35

သူ​တို့​အား ဉာဏ်ပညာ​နှင့်​ပြည့်ဝ​စေ​တော်မူ​သဖြင့် သူ​တို့​သည် လက်မှုအတတ်ပညာ​၊ ပုံဖော်ဖန်တီး​ခြင်း​အတတ်ပညာ​၊ အပြာရောင်​ချည်​၊ ခရမ်းရောင်​ချည်​၊ အနီရောင်ချည် တို့​ဖြင့် ပိတ်ချောထည်​ပေါ်တွင် ပန်းထိုး​ခြင်း​အတတ်ပညာ​၊ အထည်​ရက်လုပ်​ခြင်း​အတတ်ပညာ​စသော အတတ်ပညာ​အမျိုးမျိုး​ကို တတ်ကျွမ်း​၏​။ သူ​တို့​သည် လက်မှုအတတ်ပညာ​အမျိုးမျိုး​လုပ်​တတ်​သော​သူ​၊ ပုံဖော်ဖန်တီး​တတ်​သော​သူ​ဖြစ်​ကြ​၏​။

ထွက်​မြောက် 35:6

အပြာရောင်​ချည်​၊ ခရမ်းရောင်​ချည်​၊ အနီရောင်​ချည်​၊ ပိတ်ချောထည်​၊ ဆိတ်မွေး​၊

ထွက်​မြောက် 36:35

အပြာရောင်​ချည်​၊ ခရမ်းရောင်​ချည်​၊ အနီရောင်​ချည် တို့​ဖြင့်​ရက်လုပ်​ထား​သော​ပိတ်ချောထည်​ပေါ်တွင် ခေရုဗိမ်​ရုပ်​ကို လက်ရာမြောက်​စွာ​ပုံဖော်​ထား​သော ကန့်လန့်ကာ​ကို​လုပ်​၏​။

ထွက်​မြောက် 39:3

ရွှေ​ကို အပြား​ခတ်​၍ ရွှေ​ချည်မျှင်​တို့​ကို​လုပ်​၏​။ ထို​ရွှေ​ချည်မျှင်​နှင့် အပြာရောင်​ချည်​၊ ခရမ်းရောင်​ချည်​၊ အနီရောင်ချည်​ဖြင့် ပိတ်ချောထည်​ကို လက်ရာမြောက်​စွာ​ရက်လုပ်​၏​။

ထွက်​မြောက် 40:2

“​ပထမ​လ​၏​ပထမ​နေ့​၌ သင်​သည် တွေ့ဆုံစည်းဝေးရာ​တဲ​တော်​တည်းဟူသော ကိန်းဝပ်​တော်မူ​ရာ​တဲ​တော်​ကို​တည်​၍

တော​လည် 3:25

ဂေရရှုန်​၏​သားမြေး​တို့​သည် တွေ့ဆုံစည်းဝေးရာ​တဲ​တော်​ဖြစ်​သော​ကိန်းဝပ်​တော်မူ​ရာ​တဲ​တော်​၊ တဲ​တော်​နှင့်တကွ တဲ​တော်​၏​အမိုး​၊ တွေ့ဆုံစည်းဝေးရာ​တဲ​တော်​အဝင်ဝ​လိုက်ကာ​၊

တော​လည် 4:25

သူ​တို့​သည် ကိန်းဝပ်​တော်မူ​ရာ​တဲ​တော်​၏​ရွက်ထည်​များ​၊ တွေ့ဆုံစည်းဝေးရာ​တဲ​တော်​အမိုး​၊ ထို​အမိုး​ပေါ်​ရှိ တဟာရှ​သားရေ​အမိုး​၊ တွေ့ဆုံစည်းဝေးရာ​တဲ​တော်​အဝင်ဝ​လိုက်ကာ​၊

ရှင်ယောဟန် 1:14

နှုတ်ကပတ်တော်​သည် လူသား​အဖြစ်​ကို​ခံယူ​၍ အကျွန်ုပ်​တို့​တွင်​စံမြန်း​တော်မူ​သဖြင့် အကျွန်ုပ်​တို့​သည် ကိုယ်တော်​၏​ဘုန်း​တော်​ကို ဖူးမြင်​ရ​ကြ​၏။ ထို​ဘုန်း​တော်​ကား ခမည်းတော်​ထံပါး​၌ တစ်ပါးတည်း​သော​သား​တော်​အဖြစ်​ရှိ​သော​ဘုန်း​တော်​ဖြစ်​လျက် ကျေးဇူး​တော်​နှင့်​လည်းကောင်း၊ သမ္မာတရား​နှင့်​လည်းကောင်း ပြည့်စုံ​၏။

ရှင်ယောဟန် 2:21

သို့ရာတွင် ယေရှု​သည် မိမိ​ကိုယ်ခန္ဓာ​တည်းဟူသော​ဗိမာန်​တော်​ကို ရည်ညွှန်း​၍ မိန့်​တော်မူ​ခြင်း​ဖြစ်​၏။

ဟေ​ဗြဲ 8:2

လူ​က​မ​ဟုတ်​ဘဲ ထာဝရ​ဘုရား​က​တည်ဆောက်​တော်မူ​သော စစ်မှန်​သည့်​တဲ​တော်​နှင့် သန့်ရှင်း​ရာ​ဌာန​၏​အမှု​ကို​ထမ်းဆောင်​သူ​ဖြစ်​တော်မူ​၏။

ဟေ​ဗြဲ 9:2

အကြောင်းမူကား တဲ​တော်​ကို​ပြင်ဆင်​ရာ​တွင် သန့်ရှင်း​ရာ​ဌာန​ဟု​ခေါ်​သော ပထမ​အခန်း​ထဲ၌ ဆီမီးခုံ၊ စားပွဲ​နှင့် ရှေ့​တော်​မုန့်​တို့​ကို​ထား​ရှိ​ကြ​၏။

ဟေ​ဗြဲ 9:9

ထို​တဲ​တော်​သည် ဤ​မျက်မှောက်​ကာလ​အတွက် ပုံ​ဥပမာ​ဖြစ်၍ ပူဇော်​သော​ပူဇော်သက္ကာ​နှင့်​ယဇ်​တို့​သည် ဝတ်ပြု​သူ​၏​အသိစိတ်​ကို​မ​စုံလင်​စေ​နိုင်​ကြောင်း ဖော်ပြ​၏။

ဗျာ​ဒိတ် 19:8

ထို​သတို့သမီး​သည် စင်ကြယ်​တောက်ပ​သော​ပိတ်ချော​ထည်​ကို ဝတ်ဆင်​ခွင့်​ရရှိ​၏။ ထို​ပိတ်ချော​ထည်​ကား သန့်ရှင်း​သူ​တို့​၏​ဖြောင့်မတ်​သော​အကျင့်​ဖြစ်​၏”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 21:3

ထို့နောက် ပလ္လင်​တော်​မှ​ကျယ်လောင်​သော​အသံ​က “ကြည့်ရှု​လော့။ ဘုရားသခင်​စံရာ​တဲ​တော်​သည် လူ​တို့​တွင်​ရှိ​၍ ကိုယ်တော်​သည် သူ​တို့​နှင့်အတူ​စံမြန်း​တော်မူ​မည်။ သူ​တို့​သည်​လည်း ကိုယ်တော်​၏​လူမျိုး​တော်​ဖြစ်​ကြ​ပြီး ဘုရားသခင်​ကိုယ်တော်​တိုင် သူ​တို့​နှင့်အတူ​ရှိ​၍ သူ​တို့​၏​ဘုရားသခင်​ဖြစ်​တော်မူ​မည်။