ထွက်​မြောက် 24:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထို့နောက် ထာဝရဘုရား​က မောရှေ​အား “​ငါ​ရှိ​ရာ တောင်​ပေါ်​သို့​တက်လာ​၍ ထို​နေရာ​၌​နေ​လော့​။ လူ​တို့​ကို သွန်သင်​ရန် ငါ​အက္ခရာတင်​ထား​သည့် တရားတော်​၊ ပညတ်တော်​ပါရှိ​သော​ကျောက်ပြား​တို့​ကို သင့်​အား ငါ​ပေး​မည်​”​ဟု မိန့်​တော်မူ​၏​။

Common Language Bible

¹² ထာ​ဝ​ရ​ဘု​ရား​က​မော​ရှေ​အား``ငါ​ရှိ​ရာ တောင်​ပေါ်​သို့​တက်​လာ​လော့။ လူ​တို့​ကို​သွန် သင်​ရန်​အ​တွက် ငါ​ရေး​ထား​သော​ပ​ညတ်​အား လုံး​ပါ​ရှိ​သည့်​ကျောက်​ပြား​နှစ်​ပြား​ကို​သင့် အား​ငါ​အပ်​ပေး​မည်'' ဟု​မိန့်​တော်​မူ​၏။-

Garrad Bible

¹² ထာ ဝ ရ ဘု ရား က လည်း ငါ ရှိ ရာ တောင် ပေါ် သို့ တက်၍ နေ လော့။ သွန် သင် ပေး ရန် ငါ ရေး ထား သော ပ ညတ် တော်၊ တ ရား တော်၊ ကျောက် ပြား များ ကို သင်၌ ငါ အပ် မည် ဟု မော ရှေ အား မိန့် တော် မူ လျှင်၊

Judson Bible

¹² ထာ​ဝ​ရ​ဘု​ရား​က​လည်း၊ ငါ​ရှိ​ရာ​တောင်​ပေါ်​သို့ တက်၍​နေ​လော့။ လူ​များ​တို့​အား သွန်​သင်​ဖို့​ရာ ကျောက်​ပြား​ပေါ်​မှာ ငါ​ရေး​ထား​သော​ပ​ညတ်​တ​ရား​များ​ကို သင်၌ ငါ​အပ်​ပေး​မည်​ဟု မော​ရှေ​အား​မိန့်​တော်​မူ​လျှင်၊

ထွက်​မြောက် 24:12 Referencias Cruzadas

၃ ရာ 19:11

ထိုအခါ ကိုယ်တော်​က “​တောင်​ပေါ်သို့​သွား​၍ ထာဝရဘုရား​ရှေ့​တော်​တွင် ရပ်​နေ​လော့​”​ဟု သူ့​အား မိန့်​တော်မူ​၏​။ ထာဝရဘုရား​ဖြတ်လျှောက်​တော်မူ​လျှင် ပြင်းထန်​သော​လေ​အဟုန်​ကြောင့် တောင်​များ​အက်ကွဲ​ကုန်​၏​။ ထာဝရဘုရား​ရှေ့မှောက်​တွင် ကျောက်​များ​ကျိုးပဲ့​ကုန်​၏​။ သို့သော် ထာဝရဘုရား​သည် လေ​ထဲ၌ ရှိ​တော်​မ​မူ​။ လေတိုက်​ပြီးမှ ငလျင်လှုပ်​၏​။ သို့သော် ထာဝရဘုရား​သည် ငလျင်​ထဲတွင်​လည်း ရှိ​တော်​မ​မူ​။

ဧ​ဇ​ရ 7:10

ဧဇရ​သည် ထာဝရဘုရား​၏​ပညတ်တရားတော်​များ​ကို လေ့လာဆည်းပူး​ရန်​၊ လိုက်နာကျင့်သုံး​ရန်​နှင့် အစ္စရေး​လူမျိုး​တို့​အား​ပြဋ္ဌာန်းချက်​နှင့် စီရင်ထုံးဖွဲ့ချက်​တို့​ကို သင်ကြား​ပြသ​ပေး​ရန် ဆုံးဖြတ်ချက်ချ​ထား​သော​သူ​ဖြစ်​၏​။

နေ​ဟ​မိ 9:13

ကိုယ်တော်​သည် သိနာ​တောင်​ပေါ်သို့​ကြွဆင်း​တော်မူ​၏​။ သူ​တို့​အား ကောင်းကင်​မှ​နှုတ်မြွက်​တော်မူ​၏​။ သူ​တို့​အား ဖြောင့်မှန်​သော​စီရင်ထုံးဖွဲ့ချက်​၊ မှန်ကန်​သော​တရား​၊ ကောင်းမြတ်​သော​ပြဋ္ဌာန်းချက်​နှင့် ပညတ်ချက်​တို့​ကို ပေး​တော်မူ​၏​။

နေ​ဟ​မိ 9:14

သူ​တို့​အား ကိုယ်တော်​၏​သန့်ရှင်းမြင့်မြတ်​သော​ဥပုသ်နေ့​ကို သိ​စေ​တော်မူ​၏​။ ကိုယ်တော်​၏​အစေအပါး​မောရှေ​မှတစ်ဆင့် ပညတ်ချက်​များ​၊ ပြဋ္ဌာန်းချက်​များ​၊ တရားတော်​များ​ကို ပေးအပ်​တော်မူ​၏​။

ဆာ​လံ 19:12

မည်သူ​သည် မိမိ​၏​အမှား​များ​ကို သိနားလည်​နိုင်​ပါ​သနည်း​။ ကွယ်ဝှက်​နေ​သော​အပြစ်​များ​နှင့် အကျွန်ုပ်​ကို​ကင်းလွတ်​စေ​တော်မူ​ပါ​။

ထွက်​မြောက် 19:3

မောရှေ​သည် ဘုရားသခင်​ထံသို့​တက်သွား​ရာ ထာဝရဘုရား​သည် သူ့​အား တောင်​ပေါ်မှ ခေါ်​တော်မူ​လျက် “​သင်​သည် ယာကုပ်​အမျိုးအနွယ်​၊ အစ္စရေး​အမျိုးသား​တို့​အား

ထွက်​မြောက် 24:15

မောရှေ​သည် တောင်​ပေါ်သို့​တက်သွား​သောအခါ တိမ်တိုက်​သည် တောင်​ကို​ဖုံးလွှမ်း​လေ​၏​။

ထွက်​မြောက် 24:18

မောရှေ​သည် တိမ်တိုက်​ထဲသို့​ဝင်​၍ တောင်​ပေါ်သို့​တက်သွား​ပြီးလျှင် ထို​တောင်​ပေါ်၌ ရက်​ပေါင်း​လေးဆယ်​နေ​လေ​၏​။

ထွက်​မြောက် 24:2

မောရှေ​တစ်ဦးတည်း​သာ ထာဝရဘုရား​ထံ​တော်​သို့ ချဉ်းကပ်​ရ​မည်​။ အခြား​သူ​တို့​မူကား မ​ချဉ်းကပ်​ရ​။ လူထု​တို့​သည် မောရှေ​နှင့်အတူ မ​တက်လာ​ရ​”​ဟု မိန့်​တော်မူ​၏​။

ထွက်​မြောက် 31:18

ဤသို့ သိနာ​တောင်​ပေါ်၌ ဘုရားသခင်​သည် မောရှေ​အား မိန့်ဆို​တော်မူ​ပြီးနောက် လက်ချောင်း​တော်​ဖြင့် အက္ခရာတင်​ထား​သော​သက်သေခံချက်​ကျောက်ပြား​နှစ်​ချပ်​ကို သူ့​အား ပေးအပ်​တော်မူ​၏​။

ထွက်​မြောက် 32:1

မောရှေ​သည် တောင်​ပေါ်မှ​မ​ဆင်းလာ​သေး​ဘဲ ကြန့်ကြာ​နေ​သည်​ကို လူ​တို့​သိ​သောအခါ အာရုန်​ထံသို့​စုရုံး​လာ​၍ “​ထ​ပါ​။ ငါ​တို့​ရှေ့​မှ​ကြွ​မည့်​ဘုရား​ကို ငါ​တို့​အဖို့ လုပ်ပေး​ပါ​။ အီဂျစ်​ပြည်​မှ ငါ​တို့​ကို ထုတ်ဆောင်​လာ​သော ထို​မောရှေ​ဆို​သူ​၌ မည်သို့​ဖြစ်​သည်​ကို ငါ​တို့​မ​သိ​ပါ​”​ဟု ဆို​ကြ​၏​။

ထွက်​မြောက် 34:1

တစ်ဖန် ထာဝရဘုရား​က မောရှေ​အား “​ယခင်​ကျောက်ပြား​တို့​နှင့်တူသော​ကျောက်ပြား​နှစ်​ချပ်​ကို သင်​ထုဆစ်​လော့​။ သင်​ချိုးဖျက်​လိုက်​သော ယခင်​ကျောက်ပြား​တို့​၌​ပါ​သည့် နှုတ်ကပတ်တော်​အတိုင်း ထို​ကျောက်ပြား​တို့​ပေါ်၌ ငါ​အက္ခရာတင်​ထား​မည်​။

ယေ​ရ​မိ 31:33

ထာဝရဘုရား​က “​ထို​ကာလ​ပြီးနောက် အစ္စရေး​လူမျိုး​တို့​နှင့် ငါ​ဖွဲ့​မည့်​ပဋိညာဉ်​သစ်​ကား ဤသို့​ဖြစ်​၏​။ သူ​တို့​၏​စိတ်နှလုံး​ထဲသို့ ငါ​၏​ပညတ်တရား​ကို သွင်းပေး​မည်​။ သူ​တို့​၏​နှလုံးသား​ပေါ်တွင် ရေး​ထား​မည်​။ ငါ​သည် သူ​တို့​၏​ဘုရား​ဖြစ်​မည်​။ သူ​တို့​သည်​လည်း ငါ​၏​လူမျိုး​တော်​ဖြစ်​မည်​”​ဟု မိန့်​တော်မူ​၏​။

မဿဲ 5:19

ထို့ကြောင့် ဤ​ပညတ်​ချက်​များ​ထဲမှ အသေးငယ်ဆုံး​တစ်​ခု​ကို​ဖောက်ဖျက်​၍ သူတစ်ပါး​ကို​လည်း ထိုနည်းတူ​သွန်သင်​သော​သူ​သည် ကောင်းကင်​နိုင်ငံ​တော်​၌ အငယ်ဆုံး​သော​သူ​ဟု အခေါ်​ခံရ​လိမ့်မည်။ သို့သော် ၎င်း​ကို​ကျင့်သုံး​၍ သွန်သင်​သော​သူ​သည် ကောင်းကင်​နိုင်ငံ​တော်​၌ ကြီးမြတ်​သော​သူ​ဟု အခေါ်​ခံရ​လိမ့်မည်။

၂ ကော 3:3

သင်​တို့​သည် ငါ​တို့​ပြုစု​သော ခရစ်တော်​၏​စာ​ဖြစ်​ကြောင်း ထင်ရှား​လျက်​ရှိ​၏။ ထို​စာ​ကို မင်​အားဖြင့်​မ​ဟုတ်​ဘဲ အသက်ရှင်​တော်မူ​သော​ဘုရားသခင်​၏​ဝိညာဉ်​တော်​အားဖြင့် ရေး​ထား​ခြင်း​ဖြစ်ပြီး ကျောက်​ပြား​ပေါ်၌​မ​ဟုတ်​ဘဲ လူ​၏​နှလုံးသား​ပြင်​ပေါ်၌​ရေး​ထား​ခြင်း​ဖြစ်​၏။

၂ ကော 3:7

ကျောက်​ပြား​ပေါ်​ရေးထွင်း​၍ အက္ခရာတင်​ထား​သော သေ​ခြင်း​နှင့်ဆိုင်​သည့် အမှု​ပင်လျှင် ဘုန်း​အသရေ​ဖြင့်​ရောက်လာ​၍ မောရှေ​၏​မျက်နှာ​မှ​ထွက်​သော မှေးမှိန်​သွား​သည့်​ဘုန်း​အသရေ​ကြောင့် အစ္စရေး​အမျိုးသား​တို့​သည် သူ​၏​မျက်နှာ​ကို စေ့စေ့​မ​ကြည့်​နိုင်​ခဲ့​ကြ​သည်​ဆိုလျှင်

တ​ရား​ဟော 4:14

သင်​တို့​ကူးသွား​၍​သိမ်းပိုက်​နေထိုင်​မည့်​ပြည်​၌ သင်​တို့​လိုက်နာ​ရ​မည့် ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို သင်​တို့​အား​သင်ကြား​ပေး​ရန် ငါ့​အား ထာဝရဘုရား​မိန့်မှာ​တော်မူ​၏​။

တ​ရား​ဟော 5:22

ထာဝရဘုရား​သည် တောင်​ပေါ်၌ မီး​၊ မိုးတိမ်​နှင့် အမှောင်ထု​တို့​ထဲ​မှ ကြီးမား​သော​အသံ​ဖြင့် လူ​အစုအဝေး​တစ်ရပ်လုံး​အား ဤ​စကား​တို့​ကို မိန့်​တော်မူ​၏​။ ထို့နောက် ထပ်၍ မိန့်​တော်​မ​မူ​ဘဲ ဤ​စကား​တို့​ကို ကျောက်ပြား​နှစ်​ချပ်​ပေါ်၌ ရေးသား​ပြီး ငါ့​အား ပေးအပ်​တော်မူ​၏​။

တ​ရား​ဟော 5:31

သင်​မူကား ငါ့​ထံပါး ဤ​နေရာ​၌​ရပ်​နေ​လော့​။ သူ​တို့​အား ငါ​အပိုင်​ပေး​မည့်​ပြည်​၌ သူ​တို့​လိုက်နာ​ရန် သူ​တို့​အား သင်ကြား​ပေး​ရ​မည့် ပညတ်တော်​အလုံးစုံ​၊ ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို သင့်​အား ငါ​မိန့်ဆို​မည်​’​ဟု ငါ့​အား မိန့်​တော်မူ​၏​။

ဟေ​ဗြဲ 9:4

၎င်း​ထဲတွင် နံ့သာပေါင်း​မီးရှို့​ရာ​ရွှေ​ယဇ်ပလ္လင်​နှင့် မျက်နှာပြင်​အဘက်ဘက်​၌ ရွှေ​ဖြင့်​မွမ်းမံ​ထား​သော​ပဋိညာဉ်​သေတ္တာ​ရှိ​၏။ ထို​သေတ္တာ​၌ မန္န​မုန့်​ထည့်​ထား​သည့်​ရွှေ​အိုး၊ အဖူး​ထွက်​သော​အာရုန်​၏​တောင်ဝှေး​နှင့် ပဋိညာဉ်​ကျောက်ပြား​တို့​ရှိ​၏။