ထွက်​မြောက် 23:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ငါ့​ကို​ကြောက်ရွံ့ထိတ်လန့်​သော​သဘော​ကို သင့်​ရှေ့​မှ ငါ​စေလွှတ်​၍ သင်​ရောက်​မည့်​အရပ်​ရှိ လူမျိုး​အပေါင်း​တို့​ကို ကစဥ့်ကလျား​ဖြစ်​စေ​ကာ သင်​၏​ရန်သူ​အပေါင်း​တို့​ကို နောက်သို့​ပြန်လှည့်​စေ​မည်​။

Common Language Bible

²⁷ ``သင်​တို့​ကို​ရန်​ဘက်​ပြု​သူ​တို့​သည် ငါ့​ကို​ကြောက် ရွံ့​ရ​ကြ​လိမ့်​မည်။ သင်​တို့​ဝင်​ရောက်​တိုက်​ခိုက်​သော ပြည်​မှ လူ​တို့​သည်​က​စဥ့်​က​လျား​ဖြစ်​၍​ထွက် ပြေး​ကြ​လိမ့်​မည်။-

Garrad Bible

²⁷ ငါ့ ထံ မှ ဖြစ် ပွား သော ထိတ် လန့် ခြင်း ကို သင် တို့ ရှေ့ တွင် ငါ စေ လွှတ်၍ သင် တို့ ရောက် မည့် နေ ရာ ရှိ လူ မျိုး ခပ် သိမ်း ကို ငါ ရှုံး နိမ့် စေ လျက် ရန် သူ အ ပေါင်း ကို နောက် သို့ လှည့် စေ မည်။

Judson Bible

²⁷ ငါ့​ကို​ကြောက်​တတ်​သော​သ​ဘော​ကို သင့်​ရှေ့​သို့​ငါ​စေ​လွှတ်၍၊ သင်​ရောက်​လေ​ရာ​ရာ​အ​ရပ်၌ ခပ်​သိမ်း​သော​လူ​မျိုး​ကို ငါ​ဖျက်​ဆီး​မည်။ သင်၏​ရန်​သူ​အ​ပေါင်း​တို့​ကို နောက်​သို့​လှည့်​စေ​မည်။

ထွက်​မြောက် 23:27 Referencias Cruzadas

ကမ္ဘာ​ဦး 35:5

ထို့နောက် သူ​တို့​သည် ခရီးပြု​ကြ​၏​။ ဘုရားသခင်​ကို​ကြောက်ရွံ့ထိတ်လန့်​ခြင်း​သည် သူ​တို့​ပတ်လည်​၌​ရှိ​သော​မြို့​များ​အပေါ်​သို့ ကျရောက်​သဖြင့် ထို​မြို့သား​တို့​သည် ယာကုပ်​၏​သား​တို့​ကို မ​လိုက်​ဝံ့​ကြ​ချေ​။

၂ ရာ 22:41

အကျွန်ုပ်​ရှေ့​တွင် အကျွန်ုပ်​၏​ရန်သူ​တို့​ကို လည်စင်း​ခံရ​စေ​သဖြင့် အကျွန်ုပ်​ကို​မုန်း​သော​သူ​တို့​အား အကျွန်ုပ် ဖယ်ရှားသုတ်သင်​နိုင်​ခဲ့​ပါ​၏​။

၄ ရာ 7:6

အကြောင်းမှာ ဘုရားရှင်​သည် ဆီးရီးယား​တပ်သား​တို့​အား စစ်ရထားသံ​၊ မြင်းခွာသံ​များ​ဖြင့် စစ်တပ်ကြီး​ချီလာ​သော​အသံ​ကို ကြား​ရ​စေ​တော်မူ​သဖြင့် သူ​တို့​က “​ကြည့်​ပါ​။ အစ္စရေး​ဘုရင်​သည် ငါ​တို့​ကို တိုက်ခိုက်​ရန် ဟိတ္တိ​ဘုရင်​၊ အီဂျစ်​ဘုရင်​တို့​ကို စစ်ကူတောင်း​ပြီး​ချီလာ​လေ​ပြီ​”​ဟု အချင်းချင်း​ပြောဆို​ကြ​လျက်

၂ ရာ​ချုပ် 14:14

ဂေရာ​မြို့​နှင့် အနီး​ဝန်းကျင်​ရှိ​မြို့​များ​မှ လူ​တို့​သည် ထာဝရဘုရား​ကို အလွန်​ကြောက်ရွံ့​ကြ​သဖြင့် ယုဒ​လူမျိုး​တို့​သည် ထို​မြို့​အားလုံး​ကို ဖျက်ဆီး​နိုင်​ခဲ့​၏​။ မြို့​အားလုံး​တို့​ကို တိုက်ခိုက်​သိမ်းယူ​နိုင်​ခဲ့​၍ တိုက်ရာပါပစ္စည်း​အမြောက်အမြား​ကို​လည်း သိမ်းယူ​နိုင်​ခဲ့​၏​။

ဆာ​လံ 18:40

အကျွန်ုပ်​ရှေ့​တွင် အကျွန်ုပ်​၏​ရန်သူ​တို့​ကို လည်စင်း​ခံရ​စေ​သဖြင့် အကျွန်ုပ်​ကို​မုန်း​သော​သူ​တို့​အား အကျွန်ုပ်​ဖယ်ရှားသုတ်သင်​နိုင်​ခဲ့​ပါ​၏​။

ဆာ​လံ 21:12

အကြောင်းမူကား ကိုယ်တော်​သည် ကိုယ်တော်​၏​လေးကြိုး​ကို​တင်​လျက် သူ​တို့​၏​မျက်နှာ​ကို​ချိန်​ထား​၍ သူ​တို့​ကို​နောက်​လှည့်ပြေး​စေ​တော်မူ​လိမ့်မည်​။

ထွက်​မြောက် 33:2

ကောင်းကင်တမန်​ကို သင့်​ရှေ့​မှ ငါ​စေလွှတ်​မည်​။ ခါနာန်​လူမျိုး​၊ အာမောရိ​လူမျိုး​၊ ဟိတ္တိ​လူမျိုး​၊ ဖေရဇိ​လူမျိုး​၊ ဟိဝိ​လူမျိုး​၊ ယေဗုသိ​လူမျိုး​တို့​ကို ငါ​နှင်ထုတ်​မည်​။

ထွက်​မြောက် 34:24

လူမျိုးခြား​တို့​ကို သင့်​ရှေ့​မှ ငါ​နှင်ထုတ်​ပြီး သင်​၏​နယ်ပယ်​ကို ငါ​ကျယ်ဝန်း​စေ​မည်​ဖြစ်၍ သင်​သည် သင်​၏​ဘုရားသခင်​ထာဝရဘုရား​ရှေ့​တော်​၌ တစ်​နှစ်​လျှင်​သုံး​ကြိမ်​မျက်နှာ​လာ​ပြ​စဉ်​အတွင်း မည်သူ​မျှ သင်​၏​မြေ​ကို လိုချင်​တပ်မက်​စိတ် မ​ရှိ​စေ​ရ​။

တော​လည် 22:3

အစ္စရေး​လူမျိုး​တို့​များပြား​သောကြောင့် မောဘ​လူမျိုး​တို့​သည် အလွန်​ကြောက်ရွံ့တုန်လှုပ်​ကြ​၏​။ မောဘ​လူမျိုး​တို့​သည် အစ္စရေး​အမျိုးသား​တို့​ကြောင့် စိုးရိမ်ပူပန်​ခြင်း​သို့​ရောက်​ကြ​ရ​၏​။

တ​ရား​ဟော 11:23

သို့ပြုလျှင် ထာဝရဘုရား​သည် ဤ​လူမျိုး​ရှိသမျှ​တို့​ကို သင်​တို့​၏​ရှေ့​မှ နှင်ထုတ်​တော်မူ​လိမ့်မည်​။ သင်​တို့​သည် သင်​တို့​ထက် များပြား​၍ အားကြီး​သော​လူမျိုး​တို့​ကို နှင်ထုတ်​ကြ​လိမ့်မည်​။

တ​ရား​ဟော 11:25

သင်​တို့​ရှေ့​၌ မည်သူ​မျှ​ခံရပ်​နိုင်​မည်​မ​ဟုတ်​။ သင်​တို့​၏​ဘုရားသခင်​ထာဝရဘုရား မိန့်​တော်မူ​သည့်​အတိုင်း သင်​တို့​အား ထိတ်လန့်​ကြောက်ရွံ့​သော​သဘော​ကို သင်​တို့​နင်း​သမျှ​သော​မြေ​၌ ကျရောက်​စေ​တော်မူ​မည်​။

တ​ရား​ဟော 2:25

မိုးကောင်းကင်​တစ်ခွင်​အောက်​ရှိ လူမျိုး​တို့​သည် သင်​တို့​သတင်း​ကို​ကြား​၍ သင်​တို့​ရှေ့​၌​တုန်လှုပ်​ချောက်ချား​မည့်​အကြောင်း သင်​တို့​ကို​ထိတ်လန့်​ကြောက်ရွံ့​သော​သဘော​ကို ယနေ့ သူ​တို့​အပေါ်​သို့ ငါ​စတင်​ကျရောက်​စေ​မည်​’​ဟု မိန့်​တော်မူ​၏​။

တ​ရား​ဟော 6:19

ထာဝရဘုရား​မိန့်​တော်မူ​ခဲ့​သည့်​အတိုင်း ရန်သူ​အပေါင်း​တို့​ကို သင်​တို့​ရှေ့​မှ နှင်ထုတ်​တော်မူ​မည်​။

တ​ရား​ဟော 7:23

သင်​၏​ဘုရားသခင်​ထာဝရဘုရား​သည် သူ​တို့​ကို သင့်​လက်​သို့ အပ်​တော်မူ​မည်​။ သူ​တို့​ဖျက်ဆီး​ခြင်း​မ​ခံရ​မ​ချင်း သူ​တို့​ကို ကြီးမား​သော ထိတ်လန့်ချောက်ချားဖွယ်​ရာ​များ​နှင့် ကြုံတွေ့​စေ​တော်မူ​မည်​။

၁ ရာ 14:15

တပ်စခန်း​အတွင်း အပြင်​ရှိ ကင်းတပ်သား​အားလုံး ကြောက်ရွံ့​ကြ​ကုန်​၏​။ အသေခံ​တပ်သား​များ​လည်း ထိတ်လန့်​ကြ​လေ​၏​။ ထိုစဉ်တွင် ငလျင်​ပါ​လှုပ်​သဖြင့် ပို၍​ကြောက်ရွံ့​ကြ​လေ​၏​။