ထွက်​မြောက် 22:30 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁰ နွားသားပေါက်​၊ သိုးသားပေါက်​တို့​ကို​လည်း မိခင်​နှင့်အတူ ခုနစ်​ရက်​ပတ်လုံး​နေ​စေ​၍ ရှစ်ရက်မြောက်​သော​နေ့​၌ ငါ့​အား​ဆက်ကပ်​ရ​မည်​။

Common Language Bible

³⁰ သင်​တို့​၏​သိုး၊ နွား​တို့​မှ​သား​ဦး​ပေါက်​များ​ကို လည်း​ငါ့​အား​ဆက်​ကပ်​ရ​မည်။ သိုး​နွား​သား​ဦး ပေါက်​များ​သည်​သူ​တို့​၏​မိ​ခင်​နှင့်​အ​တူ​ခု​နစ် ရက်​နေ​စေ​၍ အ​ဋ္ဌ​မ​နေ့​တွင်​ထို​သိုး​နွား​များ ကို​ငါ့​အား​ဆက်​ကပ်​ရ​မည်။

Garrad Bible

³⁰ နွား၊ သိုး၊ ဆိတ် များ ကို လည်း ထို နည်း တူ ပြု ရ မည်။ ၎င်း တို့ သား ငယ် များ ကို အ မိ နှင့် ခု နစ် ရက် နေ စေ၍ အ ဌ မ နေ့ ရောက် သော် ငါ့ အား ဆက် ကပ် ရ မည်။

Judson Bible

³⁰ ထို​နည်း​တူ သိုး​နွား​တို့​ကို​ပြု​ရ​မည်။ ခု​နစ်​ရက်​ပတ်​လုံး သိုး​နွား​သ​ငယ်​ကို အ​မိ​နှင့်​အ​တူ​နေ​စေ၍၊ အ​ဋ္ဌ​မ​နေ့​ရောက်​မှ ငါ့​အား​ဆက်​ကပ်​ရ​မည်။

ထွက်​မြောက် 22:30 Referencias Cruzadas

ကမ္ဘာ​ဦး 17:12

သင်​တို့​၏​မျိုးဆက်​အစဉ်အဆက် သင်​တို့​တွင်​ရှိ​သော​ယောက်ျား​တိုင်း​သည် အိမ်​၌​မွေးဖွား​သော​သူ​ဖြစ်စေ​၊ တိုင်းတစ်ပါးသား​တစ်စုံတစ်ဦး​ထံမှ ငွေ​ဖြင့်​ဝယ်​ထား​သည့် သင်​၏​အမျိုးအနွယ်​မ​ဟုတ်​သော​သူ​ဖြစ်စေ ရှစ်​ရက်​သား​အရွယ်​၌ အရေဖျားလှီး​ခြင်း​ကို​ခံရ​မည်​။

ထွက်​မြောက် 13:12

သားအိမ်​မှ​အဦးဆုံး​ထွက်လာ​သော​သူ​ရှိသမျှ​နှင့် သင်​တို့​၏​တိရစ္ဆာန်​များ​မှ အဦးဆုံး​ပေါက်​သော​သားပေါက်​ရှိသမျှ​တို့​ကို ထာဝရဘုရား​အား ဆက်ကပ်​ရ​မည်​။ အထီး​ဟူသမျှ ထာဝရဘုရား​ပိုင်​တော်မူ​၏​။

ယေ​ဇ​ကျေ​လ 4:14

ငါ​က​လည်း “​အို ဘုရားရှင်​ထာဝရဘုရား​၊ အကျွန်ုပ်​သည် ငယ်စဉ်​မှစ၍ ယခု​တိုင်အောင် အလိုလို​သေ​သော​အကောင်​၊ သားရဲ​ကိုက်​၍​သေ​သော​အကောင်​တို့​ကို မ​စား​ဖူး​ပါ​။ ထို​အရာ​တို့​ဖြင့် ကိုယ့်ကိုယ်ကိုယ် မ​ညစ်ညူး​စေ​ဖူး​ပါ​။ ထိုသို့​ရွံရှာဖွယ်​သော​အကောင်​၏​အသား​ကို အကျွန်ုပ်​ပါးစပ်​ထဲသို့ မ​ထည့်​ဖူး​ပါ​”​ဟု ပြန်လျှောက်​၏​။

ဝတ်​ပြု 11:44

ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။ ငါ​သည် သန့်ရှင်း​သောကြောင့် သင်​တို့​သည်​လည်း သင်တို့ကိုယ်သင်တို့ သန့်ရှင်း​စေ​၍ သန့်ရှင်း​သော​သူ​များ​ဖြစ်​ရ​မည်​။ မြေ​ပေါ်မှာ​တွားသွား​သော မည်သည့်​သတ္တဝါ​နှင့်​မျှ သင်တို့ကိုယ်သင်တို့ မ​ညစ်ညူး​စေ​နှင့်​။

ဝတ်​ပြု 11:45

ငါ​သည် သင်​တို့​၏​ဘုရား​ဖြစ်​မည့်​အကြောင်း သင်​တို့​ကို အီဂျစ်​ပြည်​မှ ထုတ်ဆောင်​ခဲ့​သော​ထာဝရဘုရား​ဖြစ်​၏​။ ငါ​သည် သန့်ရှင်း​သောကြောင့် သင်​တို့​သည်​လည်း သန့်ရှင်း​ရ​မည်​။

ဝတ်​ပြု 12:3

ရှစ်​ရက်​မြောက်​နေ့​တွင် သူငယ်​၏​ထိပ်ဖုံးအရေပြား​အသား​၌ အရေဖျားလှီး​ရ​မည်​။

ဝတ်​ပြု 17:15

အမျိုးသားချင်း​ဖြစ်စေ​၊ တိုင်းတစ်ပါးသား​ဖြစ်စေ တစ်စုံတစ်ယောက်​သည် အလိုလို​သေ​သော​အကောင်​၊ သို့မဟုတ် သားရဲ​ကိုက်သတ်​သော​အကောင်​ကို​စား​မိ​လျှင် မိမိ​အဝတ်​ကို​လျှော်​၍ ရေချိုး​ရ​မည်​။ သူ​သည် နေဝင်ချိန်​အထိ မစင်ကြယ်​။ ထို့နောက်မှ သူ​သည် စင်ကြယ်​လိမ့်မည်​။

ဝတ်​ပြု 22:27

“​နွား​ဖြစ်စေ​၊ သိုး​ဖြစ်စေ​၊ ဆိတ်​ဖြစ်စေ မွေး​လာ​လျှင် မိခင်​နှင့်အတူ ခုနစ်​ရက်​ထား​ရ​မည်​။ ရှစ်​ရက်​မြောက်​သော​နေ့​မှစ၍ ထာဝရဘုရား​ထံ မီး​ဖြင့်​ပူဇော်​သော​ပူဇော်သက္ကာ​အဖြစ် ပူဇော်​နိုင်​၏​။

ဝတ်​ပြု 22:8

အလိုလို​သေ​သော​အကောင်​၊ သို့မဟုတ် သားရဲ​ကိုက်သတ်​သော​အကောင်​ကို စား​ခြင်း​ဖြင့် ကိုယ့်ကိုယ်ကိုယ်​မ​ညစ်ညူး​စေ​ရ​။ ငါ​သည် ထာဝရဘုရား​ဖြစ်​၏​။

ဝတ်​ပြု 7:23

“​အစ္စရေး​အမျိုးသား​တို့​အား ဆင့်ဆို​လော့​။ သင်​တို့​သည် နွား​၊ သိုး​၊ ဆိတ်​တို့​၏​အဆီ​မှန်သမျှ မ​စား​ရ​။

ဝတ်​ပြု 7:24

အလိုလို​သေ​သော​အကောင်​၏​အဆီ​၊ သားရဲ​ကိုက်သတ်​သော​အကောင်​၏​အဆီ​ကို တစ်စုံတစ်ရာ​အတွက်​အသုံး​ပြု​နိုင်​သော်လည်း လုံးဝ​မ​စား​ရ​။

ဝတ်​ပြု 7:26

သင်​တို့​နေထိုင်​ရာ​အရပ်ရပ်​၌ ငှက်​သွေး​ဖြစ်စေ​၊ တိရစ္ဆာန်​သွေး​ဖြစ်စေ မည်သည့်​သွေး​ကို​မျှ မ​စား​ရ​။

တ​ရား​ဟော 14:21

သင်​သည် သင်​၏​ဘုရားသခင်​ထာဝရဘုရား​အဖို့ သန့်ရှင်း​သော​လူမျိုး​ဖြစ်​သောကြောင့် အလိုလိုသေ​သော အကောင်​ဟူသမျှ မ​စား​ရ​။ သင့်​မြို့​၌​ရှိ​သော တိုင်းတစ်ပါးသား​စား​ရန် ပေး​ခွင့်​ရှိ​၏​။ သို့မဟုတ် တစ်ပါးအမျိုးသား​ထံ​ရောင်း​ခွင့်​ရှိ​၏​။ ဆိတ်သငယ်​ကို မိခင်​၏​နို့​ဖြင့်​မ​ပြုတ်​ရ​။

တ​ရား​ဟော 15:19

သင်​၏​နွား​၊ သင်​၏​သိုး​တို့​မှ​မွေး​သော သားဦး​အထီး​ရှိသမျှ​ကို သင်​၏​ဘုရားသခင်​ထာဝရဘုရား​အဖို့ သန့်ရှင်း​စေ​ရ​မည်​။ နွား​သားဦး​ကို မ​ခိုင်း​ရ​။ သိုး​သားဦး​ကို အမွေး​မ​ညှပ်​ရ​။