ထွက်​မြောက် 22:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁸ ဘုရားသခင်​အား ပြစ်မှား​ပြောဆို​ခြင်း​မ​ပြု​ရ​။ သင့်​လူမျိုး​၏​ခေါင်းဆောင်​ကို မ​ကျိန်ဆဲ​ရ​။

Common Language Bible

²⁸ ``သင်​တို့​သည်​ဘု​ရား​သ​ခင်​ကို​ပြစ်​မှား​ပြော ဆို​ခြင်း​မ​ပြု​ရ။ သင်​တို့​၏​လူ​မျိုး​ခေါင်း​ဆောင် ကို​မ​ကျိန်​ဆဲ​ရ။

Garrad Bible

²⁸ ငါ ဘု ရား ကို ပြစ် မှား ပြော ဆို ခြင်း၊ သင့် လူ မျိုး အ ပေါ် တွင် အုပ် စိုး သော မင်း ကို ကျိန် ဆဲ ခြင်း မ ပြု နှင့်။

Judson Bible

²⁸ ဘု​ရား​သ​ခင်​ကို လွန်​ကျူး၍​မ​ပြော​ရ။ သင်၏​အ​မျိုး​ကို အုပ်​စိုး​သော​မင်း​ကို မ​ကျိန်​ဆဲ​ရ။

ထွက်​မြောက် 22:28 Referencias Cruzadas

၂ ရာ 16:5

ဒါဝိဒ်​မင်းကြီး​သည် ဗာဟုရိမ်​မြို့​သို့​ရောက်​သောအခါ ရှောလု​မင်းကြီး​၏​ဆွေမျိုးသားချင်း​ထဲမှ လူ​တစ်​ယောက်​ထွက်လာ​၏​။ ထို​သူ​သည် ဂေရ​၏​သား​ဖြစ်၍ ရှိမိ အမည်​ရှိ​၏​။ သူ​သည် ဒါဝိဒ်​မင်းကြီး​ကို ကျိန်ဆဲ​ရင်း​နှင့် ထွက်လာ​ခြင်း​ဖြစ်​၏​။

၂ ရာ 16:9

ထိုအခါ ဇေရုယာ​၏​သား အဘိရှဲ​က ရှင်ဘုရင်​အား “​ဤ​ခွေးသေကောင်​သည် အဘယ်ကြောင့် အကျွန်ုပ်​၏​သခင် အရှင်မင်းကြီး​ကို ကျိန်ဆဲ​ရ​သနည်း​။ ယခု အကျွန်ုပ်​သွား​၍ သူ့​ခေါင်း​ကို ဖြတ်ပစ်​ပါရစေ​”​ဟု လျှောက်​၏​။

၂ ရာ 19:21

ထိုအခါ ဇေရုယာ​၏​သား အဘိရှဲ​က “​ရှိမိ​သည် ထာဝရဘုရား ဘိသိက်ပေး​တော်မူ​သော​သူ​ကို ကျိန်ဆဲ​ခဲ့​လေ​ပြီ​။ ထို့အတွက်ကြောင့် သူ​အသေသတ်​ခြင်း​ခံရ​မည် မ​ဟုတ်​လော​”​ဟု ဆို​လျှင်

၃ ရာ 21:10

သူ​နှင့်​မျက်နှာချင်းဆိုင်​တွင် လူမိုက်​နှစ်​ယောက်​ကို​ထိုင်​စေ​၍ ‘သင်​သည် ဘုရားသခင်​နှင့်​ရှင်ဘုရင်​ကို ကျိန်ဆဲ​လေ​ပြီ’​ဟု သက်သေခံ​စေ​ပြီးလျှင် သူ့​ကို​ဆွဲထုတ်​၍ ကျောက်ခဲ​နှင့်​ပေါက်သတ်​စေ​”​ဟု ရေးထား​၏​။

ဆာ​လံ 138:1

အို ထာဝရဘုရား​၊ အကျွန်ုပ်​သည် ကိုယ်တော်​၏​ကျေးဇူးတော်​ကို စိတ်နှလုံး​အကြွင်းမဲ့​ချီးမွမ်း​ပါ​မည်​။ ဘုရား​များ​ရှေ့​၌ ကိုယ်တော်​ကို သီဆိုချီးမွမ်း​ပါ​မည်​။

ဆာ​လံ 32:6

ထို့ကြောင့် ကိုယ်တော်​ကို​တွေ့​နိုင်​သည့်​ကာလ​တွင် သန့်ရှင်း​သူ​အပေါင်း​တို့​သည် ကိုယ်တော့်​ထံ​ဆုတောင်း​ကြ​ပါစေ​။ အကယ်စင်စစ် လျှံတက်​လာ​သည့် များစွာ​သော​ရေ​ပင်လျှင် သူ​တို့​ထံသို့​ရောက်​နိုင်​မည်​မ​ဟုတ်​။

ထွက်​မြောက် 13:12

သားအိမ်​မှ​အဦးဆုံး​ထွက်လာ​သော​သူ​ရှိသမျှ​နှင့် သင်​တို့​၏​တိရစ္ဆာန်​များ​မှ အဦးဆုံး​ပေါက်​သော​သားပေါက်​ရှိသမျှ​တို့​ကို ထာဝရဘုရား​အား ဆက်ကပ်​ရ​မည်​။ အထီး​ဟူသမျှ ထာဝရဘုရား​ပိုင်​တော်မူ​၏​။

ထွက်​မြောက် 13:2

“​အစ္စရေး​အမျိုးသား​တို့​တွင် လူ​ဖြစ်စေ​၊ တိရစ္ဆာန်​ဖြစ်စေ သားအိမ်​တိုင်း​မှ​အဦးဆုံး​ထွက်လာ​သော​သားဦး​တိုင်း​ကို ငါ​ပိုင်​၏​။ ငါ့​အတွက် သန့်ရှင်း​စေ​ကြ​လော့​”​ဟု မိန့်​တော်မူ​၏​။

ထွက်​မြောက် 21:17

ကိုယ့်​မိဘ​ကို ကျိန်ဆဲ​သော​သူ​သည် မုချ​အသတ်​ခံရ​မည်​။

ထွက်​မြောက် 23:16

လယ်ယာ​၌ သင်​မျိုးကြဲ​၍ ထွက်ရှိ​သော​အဦးဆုံးသီးနှံ​ရိတ်သိမ်း​ရာ​ပွဲ​ကို​လည်းကောင်း​၊ နှစ်​ကုန်​ချိန်​၌ လယ်ယာ​မှ​သီးနှံ​စုသိမ်း​သောအခါ စုသိမ်း​ရာ​ပွဲ​ကို​လည်းကောင်း ကျင်းပ​ရ​မည်​။

ထွက်​မြောက် 23:19

သင့်​မြေ​မှ​ထွက်​သော​အဦးဆုံးသီးနှံ​ထဲမှ​အကောင်းဆုံး​ကို သင်​၏​ဘုရားသခင်​ထာဝရဘုရား​၏​အိမ်​တော်​သို့ ယူဆောင်​လာ​ရ​မည်​။ ဆိတ်သငယ်​ကို မိခင်​၏​နို့ရည်​ဖြင့် မ​ပြုတ်​ရ​။

ဒေသနာကျမ်း။ 10:20

ရှင်ဘုရင်​ကို သင်​၏​စိတ်ကူး​ထဲ၌​ပင် မ​ကျိန်ဆဲ​နှင့်​။ ချမ်းသာ​သော​သူ​ကို​လည်း သင်​၏​အိပ်ခန်း​ထဲ၌ပင် မ​ကျိန်ဆဲ​နှင့်​။ အကြောင်းမူကား မိုးကောင်းကင်​ငှက်​သည် ထို​အသံ​ကို ဆောင်ယူ​သွား​လိမ့်မည်​။ တောင်ပံ​ရှိ​သော​အကောင်​သည်​လည်း ထို​စကား​ကို ပြောကြား​လိမ့်မည်​။

ဝတ်​ပြု 24:11

ထို​အစ္စရေး​အမျိုးသမီး​၏​သား​သည် နာမ​တော်​ကို​စော်ကားပြောဆို​လျက် ကျိန်ဆဲ​သောကြောင့် သူ့​ကို မောရှေ​ထံသို့​ခေါ်လာ​ကြ​၏​။ သူ့​မိခင်​၏​အမည်​မှာ ရှေလောမိတ်​ဖြစ်ပြီး ဒန်​အမျိုးအနွယ်​မှ ဒိဗရိ​၏​သမီး​ဖြစ်​၏​။

ဝတ်​ပြု 24:15

သင်​သည် အစ္စရေး​အမျိုးသား​တို့​အား ‘​တစ်စုံတစ်ယောက်​သည် မိမိ​၏​ဘုရားသခင်​ကို​ကျိန်ဆဲ​လျှင် ထို​သူ​သည် ကိုယ့်​အပြစ် ကိုယ်​ခံရ​မည်​။

ဝတ်​ပြု 24:16

ထာဝရဘုရား​၏​နာမ​တော်​ကို စော်ကားပြောဆို​သော​သူ​သည် မုချ​အသတ်​ခံရ​မည်​။ လူထု​အပေါင်း​တို့​သည် ထို​သူ​ကို မုချ​ခဲ​နှင့်​ပေါက်သတ်​ရ​မည်​။ တိုင်းတစ်ပါးသား​ဖြစ်စေ​၊ အမျိုးသားချင်း​ဖြစ်စေ နာမ​တော်​ကို စော်ကားပြောဆို​လျှင် ထို​သူ​သည် အသတ်​ခံရ​မည်​။

တမန်တော်ဝတ္ထု 23:3

ပေါလု​က​လည်း “ထုံးဖြူ​သုတ်​ထား​သည့်​အုတ်ရိုး၊ ဘုရားသခင်​သည် သင့်​ကို ရိုက်​တော်မူ​မည်။ သင်​သည် ထိုင်​၍ အကျွန်ုပ်​ကို ပညတ်​တရား​အတိုင်း​စစ်ဆေး​စီရင်​လျက်​နှင့် ပညတ်​တရား​ကို​ချိုးဖောက်​ပြီး အကျွန်ုပ်​ကို​ရိုက်​ရန် အမိန့်​ပေး​သလော”​ဟု ဆို​၏။

တမန်တော်ဝတ္ထု 23:5

ပေါလု​က​လည်း “ညီအစ်ကို​တို့၊ သူ​သည် ယဇ်ပုရောဟိတ်​မင်း​ဖြစ်​ကြောင်း အကျွန်ုပ်​မ​သိ​ပါ။ အမှန်စင်စစ် ‘သင့်​လူမျိုး​၏​အကြီးအကဲ​ကို သင်​သည် မကောင်း​မ​ပြော​ရ’​ဟု ကျမ်းစာ​၌​ရေး​ထား​သည်”​ဟု ဆို​လေ​၏။

၁ ပေ 2:17

လူ​အပေါင်း​တို့​ကို ရိုသေ​ကြ​လော့။ ညီအစ်ကို​အချင်းချင်း​ချစ်​ကြ​လော့။ ဘုရားသခင်​ကို ကြောက်ရွံ့​ကြ​လော့။ ရှင်ဘုရင်​ကို ရိုသေ​ကြ​လော့။

၂ ပေ 2:10

အထူးသဖြင့် ညစ်ညူး​သော​တပ်မက်​မှု​အားဖြင့် သွေးသား​ဇာတိ​နောက်​သို့​လိုက်​၍ အုပ်စိုး​ခြင်း​ကို​မထီမဲ့မြင်​ပြု​သော​သူ​တို့​ကို ထိုသို့​ထိန်းသိမ်း​ထား​တော်မူ​လိမ့်မည်။ ဤ​သူ​တို့​သည် အတင့်ရဲ​သော​သူ၊ ထင်ရာစိုင်း​တတ်​သော​သူ​ဖြစ်​ကြ​၍ ကြောက်ရွံ့​ခြင်း​မ​ရှိ​ဘဲ ဘုန်း​အသရေ​ရှိ​သော​သူ​တို့​ကို စော်ကား​ပြောဆို​တတ်​ကြ​၏။

ယု​ဒ 1:8

ထိုနည်းတူ ဤ​အိပ်မက်​မြင်မက်​တတ်​သော​သူ​တို့​သည်​လည်း ကိုယ်ကာယ​ကို​ညစ်ညူး​စေ​လျက် အုပ်စိုး​ခြင်း​ကို​ဝန်မခံ​ဘဲ ဘုန်း​အသရေ​ရှိ​သော​သူ​ကို စော်ကား​ပြောဆို​တတ်​ကြ​၏။

၁ ရာ 24:10

ယခုပင်​ကြည့်​ပါ​လော့​။ ထာဝရဘုရား​သည် လိုဏ်ဂူ​ထဲ​ရောက်​နေ​သော​အရှင်မင်းကြီး​အား အကျွန်ုပ်​လက်​သို့ အပ်​တော်မူ​သည်​ကို ယနေ့ အရှင်မင်းကြီး​အမြင်​ပင် ဖြစ်​ပါ​၏​။ အရှင်မင်းကြီး​ကို ကွပ်မျက်​ရန်​ပြောဆို​ကြ​သော်လည်း အရှင်မင်းကြီး​ကို အကျွန်ုပ်​နှမြော​သည်​ဖြစ်၍ အကျွန်ုပ်​က ‘ငါ​သည် ငါ့​သခင်​ကို ကိုယ်ထိလက်ရောက်​မ​ပြု​။ အကြောင်းမှာ သူ​သည် ထာဝရဘုရား ဘိသိက်ပေး​ထား​သော​သူ​ဖြစ်​၏’​ဟု ပြန်ပြော​ပါ​၏​။

၁ ရာ 24:6

ထို့ကြောင့် သူ့​နောက်လိုက်​တို့​အား “​ထာဝရဘုရား ဘိသိက်ပေး​တော်မူ​သော ငါ့​သခင်​ကို ကိုယ်ထိလက်ရောက်​ပြု​ခြင်း​မှ ထာဝရဘုရား​သည် ငါ့​ကို ဆီးတား​တော်မူ​ပါစေသော​။ အကြောင်းမူကား ထို​သခင်​သည် ထာဝရဘုရား ဘိသိက်ပေး​ထား​သော​သူ​ဖြစ်​၏​”​ဟု ဆို​၏​။

၁ ရာ 26:9

သို့သော် ဒါဝိဒ်​က အဘိရှဲ​အား “​သူ့​ကို မ​သတ်​နှင့်​။ ထာဝရဘုရား ဘိသိက်ပေး​ထား​သော​သူ​ကို ကိုယ်ထိလက်ရောက်​ပြု​သော​သူ​သည် အပြစ်ဒဏ်​နှင့်​ကင်းလွတ်​လိမ့်မည်​လော”​ဟု ဆို​၏​။