ထွက်​မြောက် 22:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ သင်​တို့​နှင့်အတူ​ရှိ​သော ငါ​၏​လူမျိုး​ထဲမှ​ဆင်းရဲသား​ကို ငွေ​ချေး​ပေး​လျှင် အတိုးစား​သော​သူ​ကဲ့သို့ မ​ပြု​ရ​။ သူ့​ထံမှ အတိုး​မ​ယူ​ရ​။

Common Language Bible

²⁵ ``သင်​တို့​သည်​ငါ​၏​လူ​မျိုး​တော်​ထဲ​မှ​ဆင်း​ရဲ သော​သူ​တို့​အား ငွေ​ချေး​လျှင်၊ ငွေ​ချေး​စား​သူ ကဲ့​သို့​အ​တိုး​မ​ယူ​ရ။-

Garrad Bible

²⁵ လူ မျိုး တော် ဖြစ် သော သင် နှင့် အ တူ နေ သူ ဆင်း ရဲ သား အား ငွေ ကို ချေး လျှင် မြီ ရှင် မ လုပ် ရ။ ငွေ တိုး လည်း မ ယူ ရ။

Judson Bible

²⁵ ငါ့​လူ​ဖြစ်​သော ဆင်း​ရဲ​သား​အိမ်​နီး​ချင်း​အား သင်​သည်​ငွေ​ကို​ချေး​လျှင်၊ အ​တိုး​စား​သော​သူ​ကဲ့​သို့ သူ​၌​မ​ပြု၊ အ​တိုး​ကို​မ​တောင်း​ရ။

ထွက်​မြောက် 22:25 Referencias Cruzadas

၄ ရာ 4:1

ပရောဖက်​အဖွဲ့သား​များ​၏​ဇနီး​သည်​များ​ထဲမှ အမျိုးသမီး​တစ်​ယောက်​က ဧလိရှဲ​အား “​အရှင့်​အစေအပါး အကျွန်ုပ်​၏​ခင်ပွန်း သေဆုံး​သွား​ပါ​ပြီ​။ အရှင့်​အစေအပါး​သည် ထာဝရဘုရား​ကို​ကြောက်ရွံ့ရိုသေ​ကြောင်း​ကို အရှင်​သိ​ပါ​၏​။ ယခု​မှာ ကြွေးရှင်​က အကျွန်ုပ်​၏​သား​နှစ်​ဦး​ကို ကျွန်​အဖြစ် သိမ်းယူ​ဖို့ လာ​ပါ​ပြီ​”​ဟု အော်ဟစ်​အကူအညီ​တောင်း​လေ​၏​။

၄ ရာ 4:7

ထို​မိန်းမ​သည် ဘုရားသခင်​၏​လူ​ထံသို့​လာ​၍​ပြောပြ​သောအခါ သူ​က “​ထို​ဆီ​များ​ကို သွား​ရောင်း​ပြီး အကြွေး​များ​ကို ဆပ်​ပါ​။ ကျန်​ငွေ​ကို သင်​နှင့်​သင့်​သား​တို့ အသက်မွေး​ဖို့ အသုံးပြု​ပါ​”​ဟု ဆို​၏​။

နေ​ဟ​မိ 5:7

ထို​အကြောင်း​ကို သေချာ​တွေးဆ​ကြည့်​ပြီးမှ ငါ​က ခေါင်းဆောင်​များ​၊ ကြီးကြပ်​သူ​များ​အား “​သင်​တို့​သည် ကိုယ့်​အမျိုးသားချင်း​ကို​ပင် အတိုးစား​သူ​များ​ဖြစ်​ကြ​ပါ​သည်​တကား​”​ဟု ပြစ်တင်​ပြောဆို​လျက် အစည်းအဝေး​ကြီး​ကို ခေါ်​၍

ဆာ​လံ 15:5

မိမိ​ငွေ​ကို အတိုး​ဖြင့်​ချေးငှား​ခြင်း​မ​ပြု​၊ အပြစ်ကင်း​သော​သူ​ကို​ထိခိုက်​စေ​သည့် တံစိုးလက်ဆောင်​ကို​လက်​မ​ခံ​သော​သူ​ပင်တည်း​။ ဤသို့​ပြု​သော​သူ​သည် မည်သည့်​အခါ​မျှ​တုန်လှုပ်​မည်​မ​ဟုတ်​။

သုတ္တံကျမ်း။ 28:8

အတိုးချ​ခြင်း​နှင့် အမြတ်​ကြီးစား​ခြင်း​ဖြင့် မိမိ​၏​စည်းစိမ်ဥစ္စာ​ကို​တိုးပွား​စေ​သော​သူ​သည် ဆင်းရဲ​သော​သူ​တို့​ကို​သနား​တတ်​သော​သူ​အတွက် စုဆောင်း​နေ​ခြင်း​ဖြစ်​၏​။

ယေ​ရ​မိ 15:10

အို ငါ့​မွေးသမိခင်​၊ ငါ​၌​အမင်္ဂလာ​ရှိ​၏​။ ငါ​သည် မြေ​တစ်ပြင်လုံး​နှင့်​ခိုက်ရန်ဖြစ်ပွား​သော​သူ​၊ အငြင်းပွား​သော​သူ ဖြစ်​ရ​ပါ​ပြီ​တကား​။ ငါ​သည် သူ​တို့​ကို မ​ချေးငှား​ပေး​ဖူး​ပါ​။ သူ​တို့​ထံမှ မ​ချေးယူ​ဖူး​ပါ​။ သို့ရာတွင် သူ​တို့​အားလုံး​က ငါ့​ကို​ကျိန်ဆဲ​ကြ​ပါ​၏​။

ယေ​ဇ​ကျေ​လ 18:13

အတိုး​ဖြင့်​ချေးငှား​၍​အမြတ်​ယူ​ခြင်း စသည့် အမှု​တစ်စုံတစ်ခု​ကို​ပြု​လျှင် သူ​သည် အသက်ချမ်းသာ​ရာ​ရ​မည်​မ​ဟုတ်​။ ထိုသို့သော​စက်ဆုပ်ရွံရှာဖွယ်​ဟူသမျှ​တို့​ကို​ပြု​သောကြောင့် သူ​သည် မုချ​သေ​ရ​မည်​။ သူ​၏​သွေး​သည် သူ့​အပေါ်​ကျရောက်​မည်​။

ယေ​ဇ​ကျေ​လ 18:17

ဆင်းရဲသား​ကို​မဖိနှိပ်​၊ သူ​တို့​ထံမှ အတိုး​အမြတ်​မ​ယူ​၊ ငါ​၏​စီရင်ထုံးဖွဲ့ချက်​များ​ကို စောင့်ထိန်း​၍ ငါ​၏​ပြဋ္ဌာန်းချက်​တို့​ကို​လိုက်လျှောက်​လျှင် သူ​သည် မိမိ​ဖခင်​၏​အပြစ်​ကြောင့် သေ​ရ​မည်​မ​ဟုတ်​။ အမှန်ပင် အသက်ချမ်းသာ​ရာ​ရ​လိမ့်မည်​။

ယေ​ဇ​ကျေ​လ 18:7

မည်သူ့​ကို​မျှ​နိုင်ထက်စီးနင်း​မ​ပြု​၊ ကြွေးယူ​သူ​ပေါင်​ထား​သော​ပစ္စည်း​ကို ပြန်ပေး​၍ သူတစ်ပါး​ဥစ္စာ​ကို မတရား​မ​ယူ​၊ ဆာလောင်မွတ်သိပ်​သော​သူ​အား စားစရာ​ကို​ပေး​၍ အဝတ်အချည်းစည်း​ဖြစ်​သော​သူ​အား ဝတ်စရာ​ကို​ပေး​လျှင်​၊

ယေ​ဇ​ကျေ​လ 18:8

အတိုး​ဖြင့်​မ​ချေးငှား​၊ အမြတ်​မ​ယူ​၊ မတရားမှု​ကို​ရှောင်ကြဉ်​လျက် အမှု​ဖြစ်ပွား​သော​လူ​နှစ်​ဦး​ကြားတွင် မျှတစွာ​စီရင်​လျှင်​၊

ယေ​ဇ​ကျေ​လ 22:12

သူ​တို့​သည် တံစိုးလက်ဆောင်​ယူ​၍ လူ​အသက်​ကို သတ်​ကြ​၏​။ သင်​သည် အတိုး​အမြတ်​ယူ​၍ အိမ်နီးချင်း​၏​ပစ္စည်း​ကို အနိုင်အထက်​လုယူ​၏​။ ငါ့​ကို​လည်း မေ့လျော့​လေ​ပြီ’​ဟု မိန့်​တော်မူ​၏​။

အာ​မုတ် 2:8

ယဇ်ပလ္လင်​ရှိသမျှ​တို့​၏​အနီး​တွင် အပေါင်ခံ​အဝတ်​များ​ကို ခင်း​၍ လဲလျောင်း​နေ​တတ်​ကြ​၏​။ ဒဏ်ကြေး​ကောက်​သော​ငွေ​များ​ဖြင့် စပျစ်ဝိုင်​ဝယ်​၍ သူ​တို့​ဘုရား​ဝတ်ကျောင်း​တွင် သောက်​တတ်​ကြ​၏​။

မဿဲ 25:27

ငါ​၏​ငွေ​ကို ငွေတိုး​ပေး​သူ​လက်​၌ အပ်​ထား​သင့်​၏။ သို့ပြုလျှင် ငါ​ပြန်လာ​သောအခါ ငါ​၏​ငွေ​ကို အတိုး​နှင့်တကွ​ရရှိ​ခဲ့​ပေ​လိမ့်မည်။

လုကာ 19:23

အဘယ်ကြောင့် ငါ​၏​ငွေ​ကို ငွေတိုး​ပေး​သူ​လက်​၌ မ​အပ်ထား​သနည်း။ အပ်ထားလျှင် ငါ​ပြန်လာ​သောအခါ ၎င်း​ကို အတိုး​နှင့်တကွ ငါ​ရရှိ​ခဲ့​ပေ​လိမ့်မည်’​ဟု ဆို​လေ​၏။

တ​ရား​ဟော 15:7

သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​ရှိ​မြို့​တစ်​မြို့​၌ နွမ်းပါး​သော​သင်​၏​ညီအစ်ကို​တစ်စုံတစ်ယောက်​ရှိ​လျှင် ထို​နွမ်းပါး​သော​ညီအစ်ကို​အပေါ် ကြင်နာစိတ်​မ​ကင်းမဲ့​နှင့်​၊ မ​တွန့်တို​နှင့်​။

တ​ရား​ဟော 24:13

သူ​သည် မိမိ​အဝတ်​ကို​ဝတ်​အိပ်​၍ သင့်​ကို ကောင်းချီးတောင်းခံ​ပေး​မည့်​အကြောင်း သူ​၏​အပေါင်ခံ​ပစ္စည်း​ကို နေ​ဝင်​သောအခါ ဆက်ဆက်​ပြန်ပေး​ရ​မည်​။ ထိုသို့​ပြု​ခြင်း​သည် သင်​၏​ဘုရားသခင်​ထာဝရဘုရား​၏​ရှေ့​တော်​၌ ဖြောင့်မတ်​သော​အမှု​ဖြစ်​၏​။