ထွက်​မြောက် 2:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ဘုရားသခင်​သည် သူ​တို့​၏​ညည်းတွား​မြည်တမ်း​သံ​ကို​ကြား​တော်မူ​လျှင် အာဗြဟံ​၊ ဣဇက်​၊ ယာကုပ်​တို့​နှင့် ပြု​ခဲ့​သော​ပဋိညာဉ်​ကို အောက်မေ့​တော်မူ​၏​။

Common Language Bible

²⁴ ထာ​ဝ​ရ​ဘု​ရား​သ​ခင်​သည်​သူ​တို့​၏​ညည်း ညူ​သံ​ကို​ကြား​တော်​မူ​၍​အာ​ဗြ​ဟံ၊ ဣ​ဇာက်၊ ယာ​ကုပ်​တို့​နှင့်​ပြု​ထား​သော​ပ​ဋိ​ညာဉ်​ကို သတိ​ရ​လျက်၊-

Garrad Bible

²⁴ ထို သူ တို့ မြည် တမ်း သံ ကို ဘု ရား သ ခင် ကြား တော် မူ လျှင် အာ ဗြ ဟံ၊ ဣ ဇာက်၊ ယာ ကုပ် တို့ နှင့် ဖွဲ့ ခဲ့ သော ပဋိ ညာဉ် ကို သ တိ ရ လျက်၊

Judson Bible

²⁴ သူ​တို့ ညည်း​တွား​မြည်​တမ်း​ခြင်း​အ​သံ​ကို ဘု​ရား​သ​ခင်​ကြား​တော်​မူ​လျှင်၊ အာ​ဗြ​ဟံ၊ ဣ​ဇာက်၊ ယာ​ကုပ်​နှင့်​ပြု​ခဲ့​ဖူး​သော​ပ​ဋိ​ညာဉ်​ကို အောက်​မေ့​တော်​မူ၏။

ထွက်​မြောက် 2:24 Referencias Cruzadas

ကမ္ဘာ​ဦး 15:13

ထိုအခါ ထာဝရဘုရား​က အာဗြံ​အား “​သင်​၏​သားမြေးစဉ်ဆက်​တို့​သည် မိမိ​တို့​မ​ပိုင်​သော​ပြည်​၌ ဧည့်သည်​ဖြစ်​ရ​၍ ထို​ပြည်​၌ ကျွန်ခံ​ရ​ကြ​မည်​ဖြစ်ကြောင်း​နှင့် ထို​ပြည်သား​တို့​သည် သူ​တို့​ကို အနှစ်​လေး​ရာ​ပတ်လုံး နှိပ်စက်​ကြ​မည်​ဖြစ်ကြောင်း အမှန်​သိမှတ်​လော့​။

ကမ္ဘာ​ဦး 16:11

ထို့နောက် ထာဝရဘုရား​၏​ကောင်းကင်တမန်​က “​ကြည့်ရှု​လော့​။ သင်​သည် ကိုယ်ဝန်ဆောင်​လျက်​ရှိ​၍ သား​ကို​မွေးဖွား​လိမ့်မည်​။ သူ​၏​အမည်​ကို ဣရှမေလ​ဟု​မှည့်ခေါ်​ရ​မည်​။ အကြောင်းမူကား ထာဝရဘုရား​သည် သင်​ခံရ​သော​ဖိစီးနှိပ်စက်မှု​ကို ကြားသိ​တော်မူ​ပြီ​။

ကမ္ဘာ​ဦး 17:7

ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။

ကမ္ဘာ​ဦး 18:18

အာဗြဟံ​သည် အမှန်ပင် ကြီးမြတ်​သော​လူမျိုး​၊ အင်အားကြီး​သော​လူမျိုး​ဖြစ်လာ​မည်​။ ကမ္ဘာမြေကြီး​ပေါ်​ရှိ လူမျိုး​အပေါင်း​တို့​သည်​လည်း သူ့​အားဖြင့် ကောင်းချီးမင်္ဂလာ​ခံစား​ရ​ကြ​လိမ့်မည်​။

ကမ္ဘာ​ဦး 22:16

“​ထာဝရဘုရား​၏​မိန့်​တော်မူ​ချက်​မှာ ဤသို့​တည်း​။ သင်​သည် သင်​၏​သား​၊ သင်​၏​တစ်ဦးတည်း​သော​သား​ကို​ပင် ပူဇော်​ရန်​မ​ငြင်းဆို​ဘဲ ဤ​အမှု​ကို​ပြု​ခဲ့​သဖြင့် ငါ​သည် ကိုယ့်ကိုယ်ကို​တိုင်တည်​၍ ကျိန်ဆို​သည်​ကား

ကမ္ဘာ​ဦး 26:2

ထိုအခါ ထာဝရဘုရား​သည် သူ့​အား​ကိုယ်ထင်ရှားပြ​၍ “​သင်​သည် အီဂျစ်​ပြည်​သို့​မ​ဆင်းသွား​နှင့်​။ သင့်​အား ငါ​ပြ​သည့်​ပြည်​၌ နေထိုင်​လော့​။

ကမ္ဘာ​ဦး 26:24

ထို​ည​၌ ထာဝရဘုရား​သည် သူ့​အား​ကိုယ်ထင်ရှားပြ​၍ “​ငါ​သည် သင့်​ဖခင်​အာဗြဟံ​၏​ဘုရား​ဖြစ်​၏​။ မ​ကြောက်​နှင့်​။ အကြောင်းမူကား ငါ​သည် သင်​နှင့်အတူ​ရှိ​၏​။ ငါ​သည် သင့်​ကို​ကောင်းချီးပေး​၍ ငါ​၏​အစေအပါး​အာဗြဟံ​အတွက်ကြောင့် သင်​၏​သားစဉ်မြေးဆက်​ကို​များပြား​စေ​မည်​”​ဟု မိန့်​တော်မူ​၏​။

ကမ္ဘာ​ဦး 26:3

ဤ​ပြည်​၌ တည်းခိုနေထိုင်​လော့​။ ငါ​သည် သင်​နှင့်အတူ​ရှိ​၍ သင့်​ကို​ကောင်းချီးပေး​မည်​။ အကယ်စင်စစ် ဤ​မြေ​ရှိသမျှ​တို့​ကို သင်​နှင့်​သင်​၏​သားစဉ်မြေးဆက်​အား ငါ​ပေး​၍ သင်​၏​ဖခင်​အာဗြဟံ​အား ငါ​ကျိန်ဆို​ခဲ့​သော​ကတိ​ကို ငါ​တည်​စေ​မည်​။

ကမ္ဘာ​ဦး 32:28

ထိုအခါ ထို​သူ​က “​သင်​၏​အမည်​ကို ယာကုပ် ဟု​မ​ခေါ်​တော့​ဘဲ အစ္စရေး​ဟု​ခေါ်​ရ​မည်​။ အကြောင်းမူကား သင်​သည် ဘုရားသခင်​နှင့်​လည်းကောင်း​၊ လူ​နှင့်​လည်းကောင်း ပြိုင်​၍​နိုင်​လေ​ပြီ​”​ဟု ဆို​၏​။

ကမ္ဘာ​ဦး 35:11

တစ်ဖန် ဘုရားသခင်​က “​ငါ​သည် အနန္တတန်ခိုးရှင်​ဘုရားသခင်​ဖြစ်​၏​။ တိုးပွား​များပြား​လော့​။ သင့်​ထံမှ လူမျိုး​တစ်​မျိုး​သာမက လူမျိုးပေါင်း​များစွာ ဆင်းသက်​လာ​ကြ​လိမ့်မည်​။ သင်​၏​အမျိုးအနွယ်​ထဲမှ ရှင်ဘုရင်​များ​လည်း ပေါ်ထွန်း​လိမ့်မည်​။

ကမ္ဘာ​ဦး 35:12

အာဗြဟံ​နှင့်​ဣဇက်​အား ငါ​ပေး​သော​ပြည်​ကို သင့်​အား ငါ​ပေး​မည်​။ ထို​ပြည်​ကို နောင်လာမည့် သင်​၏​သားစဉ်မြေးဆက်​အား​လည်း ငါ​ပေး​မည်​”​ဟု မိန့်​တော်မူ​၏​။

ကမ္ဘာ​ဦး 8:1

ဘုရားသခင်​သည် နောဧ​မှစ၍ သူ​နှင့်အတူ​သင်္ဘော​ထဲ၌​ရှိ​သော တောရိုင်းတိရစ္ဆာန်​အပေါင်း​တို့​ကို​လည်းကောင်း​၊ ယဉ်ပါးသောတိရစ္ဆာန်​အပေါင်း​တို့​ကို​လည်းကောင်း အောက်မေ့​တော်မူ​၏​။ ဘုရားသခင်​သည် မြေကြီး​ပေါ်မှာ​လေ​တိုက်​စေ​တော်မူ​သဖြင့် ရေ​သည် လျော့ကျ​သွား​လေ​၏​။

၄ ရာ 13:23

သို့သော် ထာဝရဘုရား​သည် သူ​တို့​ကို သနား​တော်မူ​၏​။ အာဗြဟံ​၊ ဣဇက်​၊ ယာကုပ်​တို့​နှင့်​ဖွဲ့​ခဲ့​သော​ပဋိညာဉ်​ကြောင့် သူ​တို့​ကို သနားစုံမက်​၍ ကြည့်ရှု​တော်မူ​၏​။ သူ​တို့​ကို မ​ဖျက်ဆီး​လို​သောကြောင့် ယနေ့​တိုင်အောင် သူ​တို့​ကို ရှေ့​တော်​မှ မ​ဖယ်ရှား​ဘဲ​နေ​တော်မူ​၏​။

ဆာ​လံ 102:2

ဘေးဥပဒ်​နှင့် အကျွန်ုပ်​ကြုံတွေ့​ရ​သော​အချိန်​တွင် အကျွန်ုပ်​ထံမှ မျက်နှာ​လွှဲ​တော်​မ​မူ​ပါ​နှင့်​။ အကျွန်ုပ်​ကို ဂရုစိုက်​နားထောင်​တော်မူ​ပါ​။ အကျွန်ုပ်​ခေါ်​သောအခါ အကျွန်ုပ်​ကို အလျင်အမြန်​ထူး​တော်မူ​ပါ​။

ဆာ​လံ 102:20

ဤသည်ကား အချုပ်အနှောင်​ခံရ​သော​သူ​တို့​၏ ညည်းတွားသံ​ကို နားထောင်​ရန်​နှင့် သေဘေး​ရင်ဆိုင်​နေ​ရ​သော​သူ​တို့​ကို လွတ်ငြိမ်း​ခွင့်​ပေး​ရန်​အတွက် ဖြစ်​ပြီး

ဆာ​လံ 105:42

အကြောင်းမူကား ကိုယ်တော်​သည် မိမိ​အစေအပါး​အာဗြဟံ​အား ပေး​ထား​သည့် သန့်ရှင်း​သော​ကတိ​တော်​ကို သတိရ​တော်မူ​၏​။

ဆာ​လံ 106:45

ထိုအခါ သူ​တို့​အတွက် မိမိ​၏​ပဋိညာဉ်​တော်​ကို သတိရ​လျက် မိမိ​၏​ကြီးမား​သော မေတ္တာကရုဏာ​တော်​နှင့်အညီ စိတ်​တော်​ပြောင်းလဲ​၍

ဆာ​လံ 138:3

အကျွန်ုပ်​ခေါ်​သော​နေ့​၌ ကိုယ်တော်​သည် အကျွန်ုပ်​ကို​ထူး​တော်မူ​၍ အကျွန်ုပ်​၏​စိတ်ဝိညာဉ်​ကို အစွမ်းသတ္တိ​နှင့်​ပြည့်​စေ​တော်မူ​၏​။

ဆာ​လံ 22:24

အကြောင်းမူကား ကိုယ်တော်​သည် အဖိနှိပ်​ခံရ​သော​သူ​ကြုံတွေ့​ရ​သည့်​ဖိနှိပ်မှု​ကို မထီမဲ့မြင်ပြု​တော်​မ​မူ​။ ရွံရှာ​ခြင်း​လည်း​ရှိ​တော်​မ​မူ​။ မျက်နှာ​တော်​ကို​လည်း သူ့​ထံမှ​လွှဲ​တော်​မ​မူ​ဘဲ အကူအညီ​အော်ဟစ်​တောင်းခံ​သောအခါ သူ့​ကို​နားညောင်း​တော်မူ​၏​။

ဆာ​လံ 22:5

သူ​တို့​သည် ကိုယ်တော့်​ထံသို့​အော်ဟစ်​၍ လွတ်မြောက်​ရ​ကြ​ပါ​၏​။ သူ​တို့​သည် ကိုယ်တော်​ကို​ယုံကြည်ကိုးစား​ကြ​သဖြင့် အရှက်ကွဲ​ခြင်း​နှင့်​ကင်းလွတ်​ကြ​ပါ​၏​။

ဆာ​လံ 79:11

အချုပ်အနှောင်​ခံရ​သော​သူ​၏​ညည်းတွားသံ​သည် ကိုယ်တော်​၏​ရှေ့​တော်​သို့​ရောက်​ပါစေသော​။ သေဘေး​ရင်ဆိုင်​နေ​ရ​သော​သူ​တို့​ကို ကိုယ်တော်​၏​တန်ခိုးကြီး​သော လက်ရုံး​တော်​အားဖြင့် အသက်ချမ်းသာ​ရာ​ရ​စေ​တော်မူ​ပါ​။

ထွက်​မြောက် 6:5

ထို့ပြင် အီဂျစ်​လူမျိုး​တို့​၏​ကျွန်ပြု​ခြင်း​ကို​ခံ​နေ​ရ​သော အစ္စရေး​အမျိုးသား​တို့​၏​ညည်းတွား​မြည်တမ်း​သံ​ကို​လည်း ငါ​ကြား​၍ ငါ​၏​ပဋိညာဉ်​ကို ငါ​အောက်မေ့​၏​။

တော​လည် 20:16

အကျွန်ုပ်​တို့​သည် ထာဝရဘုရား​ထံ အော်ဟစ်​သောအခါ အကျွန်ုပ်​တို့​၏​အသံ​ကို ကြား​တော်မူ​၍ ကောင်းကင်တမန်​ကို စေလွှတ်​ပြီး အကျွန်ုပ်​တို့​ကို အီဂျစ်​ပြည်​မှ ထုတ်ဆောင်​ခဲ့​ပါ​၏​။ ယခု အကျွန်ုပ်​တို့​သည် အရှင်မင်းကြီး​၏​နယ်မြေ​အစွန်အဖျား​မြို့​ဖြစ်​သော ကာဒေရှ​မြို့​သို့​ရောက်​နေ​ပါ​ပြီ​။

တမန်တော်ဝတ္ထု 7:34

ငါ​သည် အီဂျစ်​ပြည်​၌​ရှိ​သော ငါ​၏​လူမျိုး​တော်​ခံ​နေ​ရ​သည့် ဆင်းရဲ​ဒုက္ခ​ကို​တွေ့​မြင်​လျက် သူ​တို့​၏​ညည်းတွား​သံ​ကို​ကြား​ရ​သည်​ဖြစ်၍ သူ​တို့​ကို​ကယ်နုတ်​ရန် ဆင်းလာ​ပြီ။ ထို့ကြောင့် ယခု​လာ​ခဲ့​လော့။ သင့်​ကို အီဂျစ်​ပြည်​သို့ ငါ​စေလွှတ်​မည်’​ဟု မိန့်​တော်မူ​၏။

သူ​ကြီး 2:18

ထာဝရဘုရား​သည် သူ​တို့​အဖို့ တရားသူကြီး​ကို ပေါ်ထွန်း​စေ​ပြီ​ဆိုလျှင် ထို​တရားသူကြီး​နှင့် ထာဝရဘုရား​အတူ​ရှိ​တော်မူ​၍ ထို​တရားသူကြီး​အသက်ရှင်​သမျှ​ကာလ​ပတ်လုံး သူ​တို့​ကို ရန်သူ့​လက်​မှ ကယ်တင်​ပေး​တော်မူ​၏​။ အကြောင်းမှာ သူ​တို့ ညှဉ်းဆဲ​ခံရ​ချိန်​၊ ဒုက္ခရောက်​ချိန်​တွင် ညည်းတွား​မြည်တမ်း​ကြ​သဖြင့် ထာဝရဘုရား​သည် သူ​တို့​ကို သနား​တော်မူ​၏​။

၁ ရာ 9:16

“​မနက်ဖြန် ယခုလို​အချိန်​တွင် ဗင်္ယာမိန်​ပြည်သား​တစ်​ယောက်​ကို သင့်​ထံသို့ ငါ​စေလွှတ်​မည်​။ ငါ​၏​လူမျိုး​တော်​အစ္စရေး​တို့​ကို အုပ်ချုပ်သူမင်း​အဖြစ် သူ့​ကို သင်​ဘိသိက်ပေး​ရ​မည်​။ သူ​သည် ငါ့​လူမျိုး​တော်​ကို ဖိလိတ္တိ​လူမျိုး​တို့​လက်​မှ ကယ်တင်​လိမ့်မည်​။ သူ​တို့​၏​အော်ဟစ်ငိုကြွေးသံ​သည် ငါ့​ထံသို့​ရောက်လာ​သည်​ဖြစ်၍ ငါ​၏​လူမျိုး​တော်​တို့​ကို ငါ​ကြည့်ရှု​ပြီ​”​ဟု ကြားသိ​စေ​၏​။