ထွက်​မြောက် 15:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ မောရှေ​သည်​လည်း ထာဝရဘုရား​ထံ အော်ဟစ်​တောင်းလျှောက်​ရာ ထာဝရဘုရား​သည် သူ့​အား သစ်တုံး​တစ်​တုံး​ကို ညွှန်ပြ​၏​။ သူ​သည် ထို​သစ်တုံး​ကို​ရေ​ထဲသို့ ပစ်ချ​လိုက်​သော် ရေ​သည်​ချို​လေ​၏​။ ထာဝရဘုရား​သည် ထို​အရပ်​၌ သူ​တို့​အတွက် ပြဋ္ဌာန်းချက်​၊ စီရင်ထုံးဖွဲ့ချက်​တို့​ကို စီရင်​တော်မူ​၏​။ ထို​အရပ်​၌ သူ​တို့​ကို စမ်းသပ်​တော်မူ​၏​။

Common Language Bible

²⁵ မော​ရှေ​သည်​ထာ​ဝ​ရ​ဘု​ရား​ထံ​စိတ်​အား ထက်​သန်​စွာ​ဆု​တောင်း​သ​ဖြင့် ထာ​ဝ​ရ​ဘု​ရား သည်​သူ့​အား​သစ်​တုံး​တစ်​တုံး​ကို​ညွှန်​ပြ တော်​မူ​၏။ သူ​သည်​သစ်​တုံး​ကို​ရေ​ထဲ​သို့ ပစ်​ချ​လိုက်​သော​အ​ခါ​ရေ​ခါး​သည်​ရေ​ချို ဖြစ်​လာ​၏။ ထာ​ဝ​ရ​ဘု​ရား​သည်​ထို​အ​ရပ်​တွင် သူ​တို့ အား​ကျင့်​သုံး​ရန်​ပ​ညတ်​များ​ကို​ပြ​ဋ္ဌာန်း ၍ ထို​အ​ရပ်​၌​ပင်​သူ​တို့​နား​ထောင်​ခြင်း​ရှိ၊ မ​ရှိ​ကို​စစ်​ဆေး​တော်​မူ​၏။-

Garrad Bible

²⁵ မော ရှေ သည် ထာ ဝ ရ ဘု ရား ထံ ဟစ် သည် နှင့် ထာ ဝ ရ ဘု ရား ပြ ညွှန် တော် မူ သော သစ် ပင် ကို ရေ ထဲ သို့ ချ လျှင် ရေ ချို လေ ၏။ ထို အ ရပ် တွင် သူ တို့ ကို စုံ စမ်း၍ ဆုံး ဖြတ် ထုံး ဖွဲ့ တော် မူ သည် ကား၊

Judson Bible

²⁵ မော​ရှေ​သည် ထာ​ဝ​ရ​ဘု​ရား​အား​အော်​ဟစ်၍ ထာ​ဝ​ရ​ဘု​ရား​သည် သစ်​ပင်​တစ်​ပင်​ကို​ပြ​တော်​မူ၏။ ထို​အ​ပင်​ကို​ရေ​ထဲ​သို့​ချ​ပြီး​လျှင်၊ ရေ​သည်​ချို​လေ​၏။ ထို​အ​ရပ်၌ သူ​တို့​ကို​စုံ​စမ်း၍ စီ​ရင်​ထုံး​ဖွဲ့​တော်​မူ​သည်​ကား၊

ထွက်​မြောက် 15:25 Referencias Cruzadas

၄ ရာ 2:21

ထို့နောက် ဧလိရှဲ​သည် စမ်းရေ​ထွက်​သော​နေရာ​သို့​သွား​၍ ထို​နေရာ​ကို​ဆားခတ်​ပြီးလျှင် “​ထာဝရဘုရား​က ‘​ဤ​ရေ​ကို ငါ​သန့်ရှင်း​စေ​ပြီ​။ နောက်တစ်ဖန် အပင်​သေ​ခြင်း​၊ မဖြစ်ထွန်း​ခြင်း မ​ရှိ​တော့​စေရ​’​ဟူ၍ မိန့်​တော်မူ​ပြီ​”​ဟု ဆို​၏​။

၄ ရာ 4:41

ထိုအခါ ဧလိရှဲ​က “​မုန့်ညက်​အနည်းငယ် ယူ​ခဲ့​ပါ​”​ဟု​ဆို​ပြီး အိုး​ထဲသို့​ထည့်​လိုက်​၏​။ ထို့နောက် “​လူ​တို့​စား​ဖို့ ခပ်ထည့်​ပေး​လော့​”​ဟု ဆို​လျှင် အိုး​ထဲမှ​ဟင်း​သည် ဘေး​မ​ဖြစ်စေ​တော့​ချေ​။

၄ ရာ 6:6

ထိုအခါ ဘုရားသခင်​၏​လူ​က “​မည်သည့်​နေရာ​တွင် ကျသွား​သနည်း​”​ဟု မေး​လျှင် ထို​သူ​က နေရာ​ကို​ညွှန်ပြပေး​သဖြင့် ဧလိရှဲ​သည် တုတ်​တစ်​ချောင်း​ကို​ခုတ်​၍ ထို​နေရာ​တွင်​ပစ်ချ​လိုက်​ရာ ပုဆိန်​မှာ ပေါလောပေါ်​လာ​လေ​၏​။

ဆာ​လံ 50:15

ဆင်းရဲဒုက္ခ​ရောက်​သော​ကာလ​၌ ငါ့​ကို​ခေါ်​လော့​။ ငါ​သည် သင့်​ကို​ကယ်မ​မည်​။ သင်​သည်​လည်း ငါ့​ကို​ဂုဏ်ပြုချီးမွမ်း​လိမ့်မည်​။​”

ဆာ​လံ 66:10

အကြောင်းမူကား အို ဘုရားသခင်​၊ ကိုယ်တော်​သည် အကျွန်ုပ်​တို့​ကို စစ်ဆေး​တော်မူ​ပြီ​။ ငွေ​ကို​သန့်စင်​စေ​သကဲ့သို့ အကျွန်ုပ်​တို့​ကို​သန့်စင်​စေ​တော်မူ​ပြီ​။

ဆာ​လံ 81:7

သင်​သည် ဆင်းရဲဒုက္ခ​ထဲမှ​ခေါ်​သောအခါ သင့်​ကို​ငါ​ကယ်မ​ခဲ့​၏​။ မမြင်​နိုင်​သော​မိုးချုန်းသံ​ကြားမှ သင့်​ကို​ငါ​ထူး​ခဲ့​၏​။ မေရိဘ​စမ်းရေ​အနား​တွင် သင့်​ကို ငါ​စစ်ဆေး​ခဲ့​၏​။(​စေလာ)

ဆာ​လံ 91:15

သူ​သည် ငါ့​ကို​ခေါ်​သောအခါ သူ့​ကို​ငါ​ထူး​မည်​။ ဆင်းရဲဒုက္ခ​ရောက်​သောအခါ သူ​နှင့်အတူ​ငါ​ရှိ​မည်​။ ငါ​သည် သူ့​ကို​ကယ်မ​၍ သူ့​ကို​ဂုဏ်ပြု​မည်​။

ဆာ​လံ 99:6

ကိုယ်တော်​၏​ယဇ်ပုရောဟိတ်​များ​ထဲတွင် မောရှေ​နှင့်​အာရုန်​တို့​ပါ​၍ ကိုယ်တော်​၏​နာမ​တော်​ကို​ခေါ်​သော​သူ​တို့​တွင် ရှမွေလ ပါ​၏​။ သူ​တို့​သည် ထာဝရဘုရား​ကို​ခေါ်​၍ ကိုယ်တော်​သည် သူ​တို့​ကို ထူး​တော်မူ​၏​။

ထွက်​မြောက် 14:10

ဖာရော​မင်းကြီး​နီးကပ်​လာ​သောအခါ အစ္စရေး​အမျိုးသား​တို့​သည် မျှော်ကြည့်​၍ သူ​တို့​နောက်မှ​အီဂျစ်​လူမျိုး​တို့ ချီတက်​လာ​သည်​ကို​မြင်​လျှင် အလွန်​ကြောက်ရွံ့​ကြ​၏​။ ထိုအခါ အစ္စရေး​အမျိုးသား​တို့​သည် ထာဝရဘုရား​ထံ အော်ဟစ်​ကြ​လေ​၏​။

ထွက်​မြောက် 16:4

ထိုအခါ ထာဝရဘုရား​က မောရှေ​အား “​ငါ​သည် သင်​တို့​အတွက် မုန့်​ကို မိုးကောင်းကင်​မှ​ရွာကျ​စေ​မည်​။ လူ​တို့​သည် ထွက်​၍ တစ်နေ့​စာ​တစ်နေ့​ကောက်ယူ​ကြ​ရ​မည်​။ ဤသို့သော​အားဖြင့် ငါ​၏​တရားတော်​အတိုင်း သူ​တို့​လိုက်လျှောက်​မည်​၊ မ​လိုက်လျှောက်​မည်​ကို ငါ​စမ်းသပ်​မည်​။

ထွက်​မြောက် 17:4

ထိုအခါ မောရှေ​က ထာဝရဘုရား​အား “​ဤ​လူ​တို့​ကို အကျွန်ုပ်​မည်သို့​ပြု​ရ​ပါ​မည်နည်း​။ သူ​တို့​သည် အကျွန်ုပ်​ကို ခဲ​နှင့်​ပေါက်​လုနီး​ပါ​ပြီ​”​ဟု ဆို​လျက် အော်ဟစ်​တောင်းလျှောက်​လေ​၏​။

ထွက်​မြောက် 20:20

မောရှေ​က​လည်း လူ​တို့​အား “​မ​ကြောက်​ကြ​နှင့်​။ သင်​တို့​သည် ဘုရားသခင်​ကို​ကြောက်ရွံ့​၍ အပြစ်​မ​ပြု​မည့်​အကြောင်း ဘုရားသခင်​သည် သင်​တို့​ကို စမ်းသပ်​ရန် ကြွလာ​တော်မူ​၏​”​ဟု ဆို​လေ​၏​။

သုတ္တံကျမ်း။ 17:3

ငွေ​ကို​မိုက်​ဖြင့်​လည်းကောင်း​၊ ရွှေ​ကို​မီးပြင်းဖို​ဖြင့်​လည်းကောင်း စစ်​တတ်​၏​။ စိတ်နှလုံး​ကို​ကား ထာဝရဘုရား​စစ်ဆေး​တော်မူ​၏​။

ယေ​ရ​မိ 15:1

တစ်ဖန် ထာဝရဘုရား​က ငါ့​အား “​မောရှေ​နှင့်​ရှမွေလ​သည် ငါ့​ရှေ့​၌​လာရပ်​လျှင်ပင် ဤ​လူမျိုး​ထံ ငါ့​စိတ်​ပြန်လည်​လာ​မည်​မ​ဟုတ်​။ သူ​တို့​ကို ငါ့​ရှေ့​မှ နှင်ထုတ်​လော့​။ ငါ့​ရှေ့​မှ ထွက်သွား​စေ​လော့​။

ယေ​ရ​မိ 9:7

ထို့ကြောင့် ကောင်းကင်​ဗိုလ်ခြေ​အရှင်​ထာဝရဘုရား​က “​ကြည့်ရှု​လော့​။ ငါ​သည် သူ​တို့​ကို​သန့်အောင်​စစ်ထုတ်​မည်​၊ စစ်ဆေး​မည်​။ ငါ့​လူမျိုး​သမီးပျို​အတွက် ငါ​မည်သို့​ပြု​နိုင်​ဦး​မည်နည်း​။

ယေ​ဇ​ကျေ​လ 47:7

မြစ်​ကမ်း​သို့ ပြန်ရောက်​သောအခါ ကမ်း​တစ်ဖက်တစ်ချက်​တွင် သစ်ပင်​များစွာ ပေါက်​နေ​သည်​ကို တွေ့​ရ​၏​။

ယေ​ဇ​ကျေ​လ 47:8

ထို​သူ​က ငါ့​အား “​ဤ​မြစ်​ရေ​သည် အရှေ့ဘက်​အရပ်​သို့​ဦးတည်​ပြီး အရာဗ​လွင်ပြင်​ကို​ဖြတ်​ကာ ပင်လယ်​ထဲသို့ စီးဝင်​သွား​၏​။ ပင်လယ်​ထဲသို့ ရောက်သွား​သောအခါ ပင်လယ်​ရေ​သည် ရေချို​ဖြစ်​သွား​၏​။

၁ ကော 1:18

အကြောင်းမူကား လက်ဝါးကပ်တိုင်​တော်​နှင့်ဆိုင်သော​သတင်း​စကား​သည် ပျက်စီး​ခြင်း​သို့​ရောက်​သော​သူ​တို့​အတွက် မိုက်မဲ​သော​အရာ​ဖြစ်​သော်လည်း ကယ်တင်​ခြင်း​ခံရ​သော​ငါ​တို့​အတွက်​မူကား ဘုရားသခင်​၏​တန်ခိုး​တော်​ဖြစ်​၏။

တ​ရား​ဟော 13:3

ထို​ပရောဖက်​ဖြစ်စေ​၊ အိပ်မက်အနက်​ဖတ်​တတ်​သူ​ဖြစ်စေ သူ​၏​စကား​တို့​ကို နား​မ​ထောင်​နှင့်​။ အကြောင်းမှာ သင်​တို့​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ ချစ်​သည်​၊ မ​ချစ်​သည်​ကို​သိရှိ​တော်မူ​ရန် သင်​တို့​၏​ဘုရားသခင်​ထာဝရဘုရား​သည် သင်​တို့​ကို စမ်းသပ်​တော်မူ​၏​။

တ​ရား​ဟော 8:16

သင့်​ဘိုးဘေး​တို့​မ​သိ​သော​မန္နမုန့်​ဖြင့် တောကန္တာရ​၌ သင့်​ကို​ကျွေးမွေး​တော်မူ​သော​အရှင်​၊ နောက်ဆုံး​၌ သင့်​ကို​ကောင်းစား​စေ​မည့်​အကြောင်း သင့်​ကို​နှိမ့်ချ​ခြင်း​ဖြင့် စမ်းသပ်​တော်မူ​ခဲ့​သော​အရှင်​ဖြစ်​တော်မူ​သည့် သင်​၏​ဘုရားသခင်​ထာဝရဘုရား​ကို သင်​မေ့လျော့​လိမ့်မည်​။

တ​ရား​ဟော 8:2

ဤ​အနှစ်​လေးဆယ်​ပတ်လုံး တောကန္တာရ​တွင် ပို့ဆောင်​တော်မူ​ခဲ့​သည့် လမ်းခရီး​တစ်လျှောက်​ကို သင်​တို့​အောက်မေ့​ရ​မည်​။ ဤသည်မှာ ပညတ်တော်​များ​ကို သင်​တို့​စောင့်ထိန်း​လို​စိတ်​ရှိ​၊ မ​ရှိ သိ​မည့်​အကြောင်း​သင်​၏​ဘုရားသခင်​ထာဝရဘုရား​သည် သင့်​ကို​နှိမ့်ချ​တော်မူ​၍ စမ်းသပ်​တော်မူ​ခဲ့​ခြင်း​ဖြစ်​၏​။

သူ​ကြီး 2:22

အစ္စရေး​လူမျိုး​တို့​သည် ဘိုးဘေး​တို့​ကဲ့သို့ ထာဝရဘုရား​၏​လမ်း​တော်​အတိုင်း လိုက်လျှောက်​မည်​၊ မ​လိုက်လျှောက်​မည်​ကို သိရှိ​ရန် ဤ​လူမျိုးခြား​များ​ဖြင့် သူ​တို့​ကို စမ်းသပ်​မည်​”​ဟု မိန့်​တော်မူ​၏​။

သူ​ကြီး 3:1

ခါနာန်​ပြည်​စစ်ပွဲ​တွင် မ​ပါဝင်​ဖူး​သော​အစ္စရေး​လူမျိုး​များ​ကို စမ်းသပ်​ရန် ထာဝရဘုရား ချန်ထား​တော်မူ​သော လူမျိုး​များ​မှာ

သူ​ကြီး 3:4

ဤ​လူမျိုး​တို့​ကို ချန်ထား​သည်​မှာ မောရှေ​မှတစ်ဆင့် ဘိုးဘေး​တို့​အား မိန့်မှာ​တော်မူ​ခဲ့​သည့် ထာဝရဘုရား​၏​ပညတ်တော်​များ​ကို အစ္စရေး​လူမျိုး​တို့ နာခံ​မည်​၊ မ​နာခံ​မည်​ကို သိရှိ​နိုင်​မည့်​အကြောင်း စမ်းသပ်​ရန်​အတွက် ဖြစ်​၏​။